|
خمسة ملايين دقيقة في المنبر العام .. لقد هرمنا في هذا البورض!!
|
بحلول السادس والعشرين من أبريل 2011 أكون قد أكملت تسعة أعوام منبرية بالتمام والكمال!! وهي ما تُعادل أو تُقارب الخمسة ملايين دقيقة من عمرنا!
انتقلت فيها من مرحلة كوني (حمودي العسل) إلى (أب شنب) ثم (كاروشة الجزار) إلى أن استقر بنا المقام إلى مستشار فلول الرمادية وما بين هذه الألقاب مرّت ألقاب كثيرة (تحت الحزام)!
لقد هرمنا ياخ وعمكـ بكري لو عمل قانون مستحقات نهاية الخدمة الواحد كان قدّم استقالتو وشتت .. لكن هيهااااات
|
|
|
|
|
|
|
|
Re: خمسة ملايين دقيقة في المنبر العام .. لقد هرمنا في هذا البورض!! (Re: محمد عبد الماجد الصايم)
|
ما بحبسوها كدة أصلو بالاسم الجديد حقك اضرب عدد المداخلات في معدل للمداخلة كتابتك للمشاركة + عدد مداخلاتك في*20 الهي بتساوي معدل قرايتك مثلا انت 26290*1.3+26290*20=86757 دقيقة=1445ساعة =شهرين شهرين انت مصاقر الداهية دي بدون موية ولا شيشة ولا اكل ولا اي حاجة الواحد فينا كان اعتصم الشهرين ديل النقة هنا كان بقي قاضي في لاهاي
عمّم المعادلة اعلاه علي الباقين حتطلع بنتائج عظيمة والله
_ ار هكرفي؟؟؟اوووون صفورة لو،أووووون بثينة لو...أوووووون سميرة لو
| |
|
|
|
|
|
|
Re: خمسة ملايين دقيقة في المنبر العام .. لقد هرمنا في هذا البورض!! (Re: Mohammed Awad)
|
Quote: مثلا انت 26290*1.3+26290*20=86757 دقيقة=1445ساعة =شهرين شهرين انت مصاقر الداهية دي بدون موية ولا شيشة ولا اكل ولا اي حاجة الواحد فينا كان اعتصم الشهرين ديل النقة هنا كان بقي قاضي في لاهاي |
إنا لله! لقيتكـ شرس يا بوبا!! بالطريقة دي معاوية الصايم بكون قاعد ستة شهور قدام اللابتوب!! جاي ليهو ستة شهور ومقفّل الطبلون يوميا تلتمية مداخلة!!
الموية والأكل والحاجات التانية مقدور عليها إلا الشيشة دي ما بقدر .. بختها معاي في مداخلة!!
| |
|
|
|
|
|
|
Re: خمسة ملايين دقيقة في المنبر العام .. لقد هرمنا في هذا البورض!! (Re: GamarBoBa)
|
Quote: انتقلت فيها من مرحلة كوني (حمودي العسل) إلى (أب شنب) ثم (كاروشة الجزار) إلى أن استقر بنا المقام إلى مستشار فلول الرمادية وما بين هذه الألقاب مرّت ألقاب كثيرة (تحت الحزام)! |
وين الأساتذة يعملو لينا دراسة عن صيرورة الهوية في إنتقال ود الصايم من العسلية*1* لي المرحلة الجزارية.
* العسلية من العسل و ما عندها ايي علاقة بالخمور البلدية
| |
|
|
|
|
|
|
Re: خمسة ملايين دقيقة في المنبر العام .. لقد هرمنا في هذا البورض!! (Re: aydaroos)
|
Quote: وين الأساتذة يعملو لينا دراسة عن صيرورة الهوية في إنتقال ود الصايم من العسلية*1* لي المرحلة الجزارية.
* العسلية من العسل و ما عندها ايي علاقة بالخمور البلدية |
عيدروس .. يا زول! المرحلة العسلية دي كانت أجمل واحدة! وبعدن ما (كُل شيقن انكشفن وبان) قالوا الزول دا ما عندو أي علاقة بالعسلية (اللي ما ليها علاقة بالخمور البلدية برضو)! فانتقلنا للمرحلة الجزارية!!
التطور الطبيعي للحالة دي ح يوصلنا وين؟
| |
|
|
|
|
|
|
|