|
دايماً ...أطيب خاطرك الغالي..
|
تحتار مع أبو عفان تسمع شنو وتخلي شنو .. أجمل عرس حضرتو في حياتي كان بي عثمان حسين ..في ظل جوطة وفورة الفنانين الشباب أحيا الفنان عثمان حسين زواج جيرانا .. الناس كلها هاجت وقالت ده ح يكون أبيخ عرس..والناس عايزة تهجج .. ما بنسى المشهد والمسرح لم تفارقه الشلوخ والخدود السادة ..وصوت زغرودة من حاجة عمرها 70 سنة ..وشبال ومشاط ..
دايما أطيب خاطرك الغالي وأسامحك لو نسيت ودعت من يهواه قلبي يقربك مهما نئيت
كم مرة كم حاول يفرق بينا حاسد أو عزول كم مرة قالوا جنيت عليه بدلت ضو أيامي ديل لكني يانور العذاب أنا مابغير حبي قول تلقاني دايما فى هواك تلقاني فى حبك أصون
أسأل عليك الليل ونجموا وكل أنوار الصباح من كل طائر في سماهوا أسأل مشاعرك عن هوانا وليه حنانك لي راح الليل يجن غاية الألم والام تروح مع الرياح
حيران أسائل نفسى إيه كان السبب أصل الخصام يمكن يكون فى حقك إتلومت فى ساعة ملام لكن دة ما أظن يكون أنا قلبى ليك حفظ الغرام ما أظن من عرف الهوي يعرف عداوة مع السلام
|
|
|
|
|
|
|
|
Re: دايماً ...أطيب خاطرك الغالي.. (Re: عمر الفاروق)
|
كنت بفتكر إنو شجن هي أجمل وأروع ما تغنى بيهو عثمان حسين خصوصاً لما يقول أغفرلو يا حنين وجاوز لو ظلم ..مع إنو بازرعة يديهو العافية بيقول انا والنجم والمسا هي الأغنية المفضلة والأجمل .. وبعد بازرعة مفروض ما نتكلم فهو سيد الشي زاتا..
| |
|
|
|
|
|
|
Re: دايماً ...أطيب خاطرك الغالي.. (Re: عاطف عمر)
|
عارف يا عاطف يا ولدي :) انا النص كمان اضرستني كتابته لكن كنت في عجلة من أمري وعملت كوبي بيست من النت للنص ومع إني والله شوفت الأغلاط لكن كنت في صراع مع الزمن ولو إتأخرت ثانية كان البوست طفش لأنو كانوا قررو يعملو ريستارت للسيرفر :).. تشكرات كتارات يا زعيم وسلامتك من الضريسة ..
| |
|
|
|
|
|
|
Re: دايماً ...أطيب خاطرك الغالي.. (Re: عمر الفاروق)
|
هارون يا دياب: لا طبعاً أسرار ما معانا خصوصاً في الحاجات دي .. الشغلانة دي صعبة ..نحن بعد تعب اقتنعنا سميرة دنيا تغني اغاني الاستاذ ..:) مع التحية لي سميرة الدنيا التي هذبت اغاني ابو عفان .. وشكراً للنص تاني مع إنو عيبو بي الأحمر..
بالله ركز في المقطع الأخير من الأغنية ده مش بيقطع القلب ؟
Quote: حيران أسائل نفسى إيه كان السبب أصل الخصام يمكن أكون فى حقك إتلومت فى ساعة ملام لكن دا ما معقول يكون أنا قلبى ليك حفظ الغرام ما أظنو من عرف الهوي يعرف عداوة مع السلام |
| |
|
|
|
|
|
|
Re: دايماً ...أطيب خاطرك الغالي.. (Re: عاطف عمر)
|
يا سلاااام يا عاطف على قصتنا .. واحدة من النجرات فيها قالوا إنو اخر مقاطع دي تمت إضافتها والقصيدة إنتهت مع : لكن حنانك لى أو حتى مشاعرك نحوي ما كانت حقيقة كانت وهم كانت دموع مسفوحة في أحرف أنيقة
لكن قالوا ليهو ياخ الاغنية كده مؤلمة فزيدها فقاموا أضافو المقاطع البعدها .. وطبعاً دي نجرة حكاها لي زول كللل ما الاقيهو أزرزرو بيها .. قصتنا دي بتذكرني المهندسين حقت السودان ما حقت مصر..
| |
|
|
|
|
|
|
Re: دايماً ...أطيب خاطرك الغالي.. (Re: عمر الفاروق)
|
عمر ..بالجد عثمان حسين مبدع وإبداعه فى ألأداء الزول ده بغنى بشجن غريب جدآ...دى حالة من الصعب أن تتكرر...
وأطيب خاطرك الغالى. من ألأغنيات المكتملة نصآ ولحنآ وأداء.
___________________________________________________________________
بقت عندك تجليات كده حلوة..كدى النسألك مالك؟
| |
|
|
|
|
|
|
Re: دايماً ...أطيب خاطرك الغالي.. (Re: فيصل نوبي)
|
عمر الفاروغ ممكن تورينا عرس جيرانكم ده كان سنة كم ؟؟؟؟ ههههههههههه عثمان حسين من أميز مدارس الغناء في السودان فله لونية خاصة في التطريب والالحان والشجن الاليم الذي يغوص داخل دواخل النفس ,, ( قصتنا - الوكر المهجور - أطيب خاطرك - شجن - لا وحبك - ذكرتني - طيبة الأخلاق - ربيع الدنيا - الخ ........ ) بالله شوف كلمات وألحان الاغاني دي وأداءها تاني يا عمر الواحد بيسمع لي أغاني الزمن ده ،، وبرضوا يقول ليك الأغنية الشبابية ،،، وأزيدك في الشعر بيت ،، أنا في نومي بتقلب حرامي القلوب تلب ،،، مش حرام يا عمر البيحصل ده ...
تقبل سلامي وإحترامي .. ودايماً تغيب وتجينا بي حاجات ما تخطر على بال يا عمر ،، بس كمان ما تنقطع للدرجة دي يا حنين .. ياسر العيلفون
| |
|
|
|
|
|
|
|