|
نقل الترابي إلى مستشفى ساهرون
|
الخرطوم : الانتباهة نقلت السلطات الأمنية الدكتور حسن عبد الله الترابي الأمين العام للمؤتمر الشعبي المعتقل لديها بسجن كوبر قبل أكثر من شهرين، مساء أمس إلى مستشفى ساهرون بالخرطوم لتلقي العلاج، إثر سقوطه داخل حمام السجن. ويعاني الترابي كما تقول أسرته من وضع صحي يقتضي مراجعة طبيبه الخاص وقد طالبت الاسرة بذلك، وقدمت طلباً للجهات الامنية اشارت فيه الى مضاعفات سقوطه التي قد تؤدي إلى تأزم حالته الصحية.
http://www.alintibaha.net/arabic/news.php?action=view&id=3664
|
|
|
|
|
|
|
|
Re: نقل الترابي إلى مستشفى ساهرون (Re: khaleel)
|
وقع تاني في الحمام ؟؟؟ بقن عليهو خبتتين في الرأس خبتة اخونا هاشم ووقعت الحمام..؟؟ امكن التانية دي تبقى ليهو بي شفاء من ضربة اخوي هاشم لي هسة الضربة مجهجه باكاتو ,,, اللهم لا شماتة والله
الله هونيني على قول اخوي نوريت
خلي كيفنك يابا مشتاقون ياخ والله صحي
| |
|
|
|
|
|
|
Re: نقل الترابي إلى مستشفى ساهرون (Re: Hisham Ibrahim)
|
Quote: إثر سقوطه داخل حمام السجن |
زلقتو صابونه ... ونعل (مخروقتو)* ما اتكسرت زي ما كسر عيالو (مخاريق) الناس في المعتقلات ايام كان (صقير)
الله يرفعو ويورينا فيهو عجايب قدرته ... امين يا رب العباد
___________________________ *المخروقه : عظام الحوض ... عشان الكيزان ما يفسرو علي (كيفهم)
| |
|
|
|
|
|
|
Re: نقل الترابي إلى مستشفى ساهرون (Re: تبارك شيخ الدين جبريل)
|
تبارك ود شيخ الدين كيف حالك؟ علك طَيِب
والله يا خوي ماف أيُتُها عيب.. برضو الأُستاذ/ محمود محمد طه كان ثمانيني لامِن "التُرابي" شنقو.. العيب السواهو "التُرابي" في السودان والدُول المُجاورة.. البيحصل "للتُرابي" ده إسمو <عجائِب قُدرة الله تعالى> مره "لبِع كارتية" مره "عقوق تلاميذ" مره "صابونه"
| |
|
|
|
|
|
|
Re: نقل الترابي إلى مستشفى ساهرون (Re: نجلاء سيد أحمد)
|
الحرية للشيخ الطاعن فى السن حسن الترابى ,
الانسان هو هدف الثورات والأفكار والتطورات , أى فكرة تلغى حق من حقوق الانسان أيآ كان موقعه وتصنيفه, هى فكرة لاتحتاجها الانسانية ..
الحرية للجميع
ومن أجرم ستكون أروقة العدالة هى الحكم بيننا وبينه
| |
|
|
|
|
|
|
Re: نقل الترابي إلى مستشفى ساهرون (Re: بله محمد الفاضل)
|
Quote: اطلقوا سراح الشيخ .. الثمانيني.. ايها الجبناء ... |
هذا الشخص المخبول لا يصح ان يطلق عليه سجين سياسي ..السياسة شرف ..ده لص زيو و زي اللصوص البتلبوا في البيوت بالليل و بسرقوا..
ده الكان الأمنجية بجوا بنطوا في بيوتنا و ينتهكوا حرماتنا بتعاليمه و بي مباركته ..اي زلة و اي مهانة جاتك من الله يامجرم ..ربنا
حيهينه و يزله كده قبل ما يموت .. يمهل و لا يهمل . و التسوي كريت في القرض يبقالا في جلدا.
| |
|
|
|
|
|
|
Re: نقل الترابي إلى مستشفى ساهرون (Re: الجيلى أحمد)
|
Quote: الحرية للشيخ الطاعن فى السن حسن الترابى ,
الانسان هو هدف الثورات والأفكار والتطورات , أى فكرة تلغى حق من حقوق الانسان أيآ كان موقعه وتصنيفه, هى فكرة لاتحتاجها الانسانية ..
الحرية للجميع
ومن أجرم ستكون أروقة العدالة هى الحكم بيننا وبينه |
شكرا الجيلي احمد
نجلاء سناء
تبارك عزام بلة محمد الفاضل
سيف النصر وحاج حيدر
| |
|
|
|
|
|
|
Re: نقل الترابي إلى مستشفى ساهرون (Re: ABDELMAGID ABDELMAGID)
|
يا أستاذ/ عـزام حادثة إغتيال الشهيد محمود محمد طه غيرت كثيرا في واقعنا السياسي والحزبي.
هي بالقطع أمر جلل وحين إعادة فتح ملفها ونستبين نحن شعب السودان القديم ممن دبرها وهيئا لها المسرح وممن أمر بتنفيذها سياسيا وليس قضائيا بكون عندنا حق نقتص ونثأر.
الآن رجل في الثمانين من عمره ... غـض النظر عن جرمه... من ناحية حقوق الانسان لا يصح ان يكون داخل السجن دون ان نعرف نحن شعب السودان القديم الدخلوا السجن شنو..؟
القاعد يحصل في السودان القديم في الفتره دي اسموا إستهبال سياسي ولعب فارغ وحبل مطلوق لطغمه فاشله.
عـندو جـرم امرقوهو عـلي ساحات القضـاء الواسعه وكبروا شاشات البلازما في الشوارع والازقه. ما عـندو جـرم وخايفين منو ومن جـريواتواتحفظوا عـليهو في بيتو...! المافي شنو يا قولة قيقراوي الله ينولوا مرادوا وين ما قبل.
اجهزة تنصت أسيادها وبجيبوا جـيلها الحديث.
كميرات ... رز .
عملاء من الداخل... كما زرات الهواء بلا عـدد. . . . .
سلام يا خليل.
| |
|
|
|
|
|
|
Re: نقل الترابي إلى مستشفى ساهرون (Re: عمر دفع الله)
|
تحياتى ياخليل والتحايا عبرك لصديقنا عمر دفع الله والحديث أيضآ
ياود الزين
الحرية باب لايمكن متاكاته ...
الحرية للشيخ المضل ,ولكل المعتقلين السياسيين ..
أى تشجيع لجوهر فكرة التعذيب والاعتقال هو نكوص عن فكرة الديمقراطية , فالمرارت وجدت لجعل فكرة الثورة أكثر التصاقآ بالانسانية ,.. فكرة البديل لمشروع الجبهة الاسلامية لايمكن مجابهته بطرح كارثى لايقدم سوى مزيدآ من التشفى فالانسان هو الهدف الذى تشد الثورات رحالها نحوه , وهى فكرة غير قابلة للتبدل أو المداولة ..
الحرية لنا جميعآ والثورة التى لاتؤسس لدولة القانون والمحاسبة لا حوجة لنا بها _بظنى_..
الثورة قادمة لامحال والغضب الزاحف من قلوب الناس الى أطرا ف ألسنتنهم وحناجرهم سينتقل قريبآ الى أياديهم وبنادقهم , فعلى الجبهة الاسلامية أن تدرك رسالة الشارع ,القائلة أن الكوب فى حوجة لنقطة كى يمتلئ .. وكما حدث مع رئيس ساحل العاج وصدام وبن على ومبارك سيحدث مع البشير , بشكل أو بآخر
| |
|
|
|
|
|
|
Re: نقل الترابي إلى مستشفى ساهرون (Re: khaleel)
|
"السودانيون حساسون لكرامتهم،فقد يسمون الكلمة الخشنة و الاضاءة القوية تعذيبا!!" من اقوال شيخ حسن مبررا لممارسات و انتهاكات النظام ضد خصومه السياسيين. نضيف هنا: "و قد يسمون الانزلاق في الحمام خطرا يهدد الحياة".
| |
|
|
|
|
|
|
|