شوقي سليمان تعال علمنا ماسمتك النضال....!!

Quote: وبكدة اقدر القول البوست قضى غرضه كما قال لى واحد حمام من معسكركم فى ذات منابذة اسفيرية

وهنا برضو

Quote: كيكى غزلك فى الترابى دة , قرم ولا عشم ولا تكون بقيت شيوعى من ورانا

----------------
هلا يا مكنكة
والله حقو الواحد يطبع مداخلتك دي ويلف ويجك بيها زي كم كيلو كده وكون اليهود والنصاري والفرنجة والمكنيكية يرضو عني فهذا امرا مش عاوز جكة وبس بل عاوز خروف اسفيري عديل كده والله..
عمدة وانا ما بعيدين شديد في الافكار ومن الضروري تثبيت نقاط الاتفاق ..وود البشري زاااتو في مداخلات سابقة رشيتو برضو بكم اتفاق.. واها انت ذاتتك حرررم ما بتمشي ساكت من الضروري ارشك بواحد اتفاق كده علي الماشي..
الترابي يا احمد بالتاكيد هو واحد من اسواء السياسين في العالم وليس السودان وكلو شي ممكن يتقال فيهو ولكن بس حكاية (الحرية) له دي بالنسبة لي مافيها اي رجعة..وبرجع تاني اقدك باهلية الانقا1 وانظمتها العدلية وتصفيتها لخلافاتها وذلك الباب الذي لو انفتح لطال الكل...!!!
انا عن نفسي قلت ليك الموتمر الشعبي ده بالنسبة لي زيو وزي الموتمر الوطني ولكنهم كيزان زعلانين والعمل معهم في الاطار المعارض هو تكتيك في ظني ما مزبوط...
ولكن حرية حسن الترابي او غيره من الساسة دي مافيها قولان بالنسبة لي.. اي محاكمة في ظل نظام غير ديمقراطي فهو ليس بمحاكمة سوية وممكن تسميها اي حاجة ولكنها تاتي في ظل قضاء مكعكع وغير مستقل..

---------------
وتحياتي للبيير سهام في حضورها

(عدل بواسطة عبدالكريم الامين احمد on 04-03-2011, 10:16 PM)