الاسلام لا يوجب طاعة الحاكم .. يا الشفيع وراق

Quote: حيدر ياعريس انت بتنفخ في قربة مقدودة. لكن امض فيما انت ساير فيه..:))..

بعدين الشفيع انا حافظو ليكـ .. وانكشف دورو من اول مداخلتين فعاوز يجرجرها كدة لمن املّ ليك من الموضوع وانساهو .. لكن كان ليهو

عموماً الوضح للآن الشفيع وراق اتهور باعلان انضمامه للمؤتمر الوطني وهو لا بيتوافق مع برنامجهم ولا قاريهو كويس ويمكن ما بيعرفو ساي ..الشفيع انضم وقت الخم بتاع السدود وسد مروي وطريق علان وكبري فرتكان بعد اغترب سنين زمن العسر فطالعتو وسائل الاعلام الكيزانية بقشور ما بني عليهو الانقاذ فظنّ القبة تحتها فكي واصبح يبرر مع المبررين .. وعند المحكات الزي دي ما بيلقي اي رد سوى استخدام الزواغات والمراوغة ..

ما اخفيك يا اميمة اني في البدء كنت اتعشم في حوار ونقاش جاد حول المشروع الاسلامي للمؤتمر الوطني في ظل تصريحات رئيسه وكثير من مؤيديه نقاش جاد حول المشروع دا ومن وين بيستمد شرعيته وهل هي شرعية حقيقة لها سندها الديني الصحيح ام تقوم على تخرصات علماء السلاطين على مر عصور التاريخ الاسلامي التقلبتّ فيهو الدويلات الاسلامية بين ممالك سنية وممالك شيعة وخلافة وملك وحكم شوري وبين استعمار ثم حركات تحرر .. لكن للاسف لقيت الشفيع وراق نفسو قصير في حوار عن جماعة بيتلمس خطاهو معاهم ياداب فخليتو من حوار الي دعوة لصحوة ضمير الشفيع وراق وانه يحكم ضميرو ويعلم ان ليس كل ما يلمع ذهباً تحت سماء الانقاذ ..

أو احتمال كمان عندو بعد نظر وعارف انه اذا لم يتمترس بجدار من المراوغة والزوغانات ويتمنع عن الاجابات المباشرة فقد يؤدي به هذا لتفسيق حزبه المؤتمري الوطني

تحياتي