|
|
 Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... (Re: Abdel Aati)
|
التحقيق الأول
أول تحقيق بدأه معى ضابط إسمه أبو سن، وقد ذكر فى بداية مروره علينا أنّه خرّيج قانون وقد عمل لفترة بمهنة القانون و" بعرف القانون كويس " ، كان ذلك فى معرض رده على إعتراضات ثروت على أن ما يحدث " غير قانونى "، أعطانى هذا الضابط إسمه أثناء الإستجواب بعد أن رفضت الإستجابة لأسئلته إلاّ بعد أن أعرف إسمه وسبب إعتقالى والمكان الذى أنا فيه، وبعد تردد منّه ومحاولات تخويف:
- إسمى (.....) .. أها كده كيف؟ حفظتو؟ .. وإنت هنا فى جهاز الأمن الوطنى .. وأخير تتعاون ما تعمل لينا فيها مفتّح .. نحن لحدّى أسّى ماشين معاك بالحسنى
- ما ممكن أتعاون معاك .. أنا خايف منّك .. أتعاون معاك كيف؟
- خايف؟
- أيوه خايف
- إنت ما راجل يا زول (ساخراً)
- .....
- خايف من شنو؟
- فى ناس لقونى فى الشارع رفعونى فى بوكس بالقوة وجابونى مكان مجهول إتعرضت فيهو للضرب والإهانة والتهديد .. إنت شايف إنو ده موقف بحسّس بالأمان؟
- إنت شكلك راسك كبير وداير تتعبنا .. أنا بسألك إنت ما تسألنى .. والله الأمان العندنا هنا ما بتلقاهو فى مكان تانى .. ولو لحقنا ودّيناك قدّام حتشتاق لي مكاتبنا دى ..
- .......
- طيب .. نعمل ليك شنو عشان تحس بالأمان؟ (ساخراً)
- عايز أتصل بأسرتى وبمحامى ..
- محامى عديل كده (ضاحكاً) .. نحن لو عايزنك تتصل بمحامى كان خليناك للبوليس
- .......
- الواحد يعمل فيها راجل وعندو قضية لمن يقبضوهو يقول عايز محامى .. مدام بقيت راجل وطلعت الشارع ما تثبت
- والله أنا لمن طلعت الشارع ما طلعت عشان أنضرب وأتهان وأتذل ..
- أيوااااا .. طلعتو عشان غلاء المعيشة .. (ساخراً)
بعد فترة من المحاولات إكتفى الضابط أبو سن بمعلومات أساسية (الإسم، السكن، القبيلة، الدراسة، اللون السياسى، مكان الإعتقال) ثمّ قادنى خارج المكتب الذى يقع فى مواجهة النجيلة وحوض الوضوء، وهو عبارة عن غرفة بها تربيزة مكتب بكراسيها وسرير فى الركن الداخلى، (تكرر مشهد السراير داخل المكاتب حتى بعدما إنتقلنا إلى الدائرة السياسية ببحرى، وأظن أنّها تعنى أن المكتب هو مكتب ضابط يستخدم السرير للراحة أثناء فترة دوامه) كان يوجد فوق سطح المكتب عدد كبير من المظاريف الورقية من مقاس A4 بنية اللون ومتراصة فوق بعضها البعض بدون ترتيب توحى بأنها وضعت هكذا على عجل لإستخدام سطح المكتب فى الإستجواب، فى المكتب أيضاً مروحة سقف ومكيّف ولمبة نايلون بيضاء مقاس 4 قدم. حائط المكتب مضروب بوماستك بنى غامق فى النصف السفلى للأربعة جوانب والنصف الأعلى باللون البيج.
قادنى أبو سن إلى مكتب ود الشرق وقال له: " زول الليبرالى ده أبا يتكلّم قال ما شاعر بالأمان معانا " فكرر ود الشرق نفس الكلام: " كمبالى! .. والله يا اخوى الأمان البتلقاهو فى مكتبى ده .. ما بتلقاهو فى مكان تانى (وحدقنى بنظرة قوية مفادها التخويف ثم أمر أبو سن بالخروج وتركنا لوحدنا) .. خت لى ورقو هنا .. وجر الباب وراك "
|
|
  
|
|
|
|
|
| العنوان |
الكاتب |
Date |
| عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 02:13 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 02:15 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 02:16 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 02:17 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 02:19 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 02:21 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 02:22 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 02:23 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 02:26 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 02:27 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 02:28 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 02:28 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 02:30 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 02:59 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | محمد ادم الحسن | 03-30-11, 03:09 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 03:25 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-30-11, 03:27 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | عمار عوض | 03-30-11, 03:50 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | aydaroos | 03-31-11, 09:21 AM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 03-31-11, 02:06 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | طلعت الطيب | 03-31-11, 10:46 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | مؤيد شريف | 03-31-11, 11:51 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | طلعت الطيب | 04-02-11, 01:20 AM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | Abdel Aati | 05-06-11, 12:31 PM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | الطيب رحمه قريمان | 05-10-11, 07:19 AM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال والتعذيب) ... | aydaroos | 05-10-11, 07:50 AM |
| Re: عبد العزيز الكمبالي: دفاتر 30 يناير - دفتر رقم 1 (تجربة الاعتقال و | Abdel Aati | 06-02-11, 11:41 AM |
|
| |
Abdel Aati
فيس بوك
تويتر
انستقرام
يوتيوب
بنتيريست