|
قناة قووون وحمارة الشايقية
|
فى حلتنا كان لاحدى قريباتنا (حماره) الله يكرمكم تجمعت فيها كل دغالة الحمير
كنا فى بعض المرات نمشى لاستعارتها منها ولا تبدى اعتراض ومن دون تردد تقول ليك
امشى اخده من الزريبة .. فنحن كنا نشيله منها اما لقضاء حاجة او من اجل السحبة
بالله التقول كانت بتوصى حمارته دى الله يرحمها ..فالحمارة لما تطلع من الزريبة
بالله تجرها جر ماتمشى ليك ..والمشوار المفترض تقطعوفى ربع ساعة توصلك ليهو فى
ساعتين ..فى احدى المرات طلب منى جارنا ان اوصل الحمارة لزريبة صاحبتها..
فبشقاوة الصبا ما رجعتها طوالى وغشيت احد اقاربى وقلت ليه ارح نجيب منقة من جنينة جدنا
وبعد داك نوديها لصاحبتها أها (زردية) بدون تردد إمتطى معى تلك الدابة السلحفائية
وكانت هذه اول تجربة لنا معها ولم نكن بدراية بها.. المهم نحن ماشين وهى تتسكع وزى
ما قلت مشوار ربع ساعة وصلتنا ليهو فى قرابة ساعتين ولعل الونسة انستنا طول الزمن
وعندما نوينا الرجعة الحمارة بقت ادغل مماكانت قريبى قال لي يازول ودعتك الله ونزل
وذهب راجلا.. اها بقيت ماشى براى مع هذه السلحفاة وفى الطريق لاقيت واحد بقيت احكى ليهو
قصة الحمارة بالله الحماة وقفت براها من غير ما اقول ليها حاوش..وهى اصلو مشيها ووقافه واحد
المهم الزول بعد ما اخدته معاهو ونستى قال لى انا بجيها ليك وكان شايل ليهو طورية
الى ان وصلت قريبى النزل خلانى وقعدته اضحك فيهو ..فبالله ماتميت ضحكتى والا وعادت حليمة لقديمة
بل أسواء من ما مضى فالظاهر انو الضربة بردت عليها شوية .وقالت تنجضنى ..المهم بقيت
انا مجبر في البقاء فيها الى ان يكتب الله امرا كان مفعولا حتى لاتضيع على صاحبتها
وتقع المسئولية على عاتقى..ولكن صبرى لم يستمر طويلا فالواطة بدت تفلل والجوع داهمنى
والخوف من الدبايب والعقارب والمصائب بدأ يدب فى داخلى .. قلت يازول انا مالى
ان شاءالله الشايقية ماتلم فى حمارته..ولما قربت على مشارف الحلة قلته افكها تمشى
بطريقتها وصلت وصلت ماوصلت ان شاءالله ماتصل ..بالله ما ان نزلت منها الا وانطلقت كالريح
جرت جرى حتى انى قلت لم ارى اسرع من هذا (الحصان).. وبالله لما وصلت الحلة قلت النمشى
اعقره وصلت والا لا بالله عليكم امان الله لقيته تاكل فى عشاها وأنا الهاردنى الجوع..
زكرتنى هذه القصة ما فعلته بنا قناة رمضان احمد السيد امس يسالنى الله انا من اليوم القبلو
مانمته مستنى المباراة لاشفناها لا اتطمنا بنتيجتها .. وقبل شوية فتحت القناة لقيته ليك
شغااااااااااااااااالة زى العجب (مابتاع المريخ) قلت والله فعلا دى حمارة الشايقية ذاته
وكت دايرنها ماتشتغل ولما ماتكون دايره تكون شغالة انضف من قناة البى بي سى..
نتمنى من قوون معالجة هذه الامور والا ستفقد الكثير..
|
|
|
|
|
|
|
العنوان |
الكاتب |
Date |
قناة قووون وحمارة الشايقية | معتصم مصطفي الجبلابي | 04-26-11, 05:29 AM |
Re: قناة قووون وحمارة الشايقية | عبدالله كع | 04-26-11, 06:35 AM |
Re: قناة قووون وحمارة الشايقية | حمزه بابكر الكوبي | 04-26-11, 11:35 AM |
Re: قناة قووون وحمارة الشايقية | معتصم مصطفي الجبلابي | 04-27-11, 01:49 AM |
Re: قناة قووون وحمارة الشايقية | معتصم مصطفي الجبلابي | 04-26-11, 12:38 PM |
Re: قناة قووون وحمارة الشايقية | معتصم مصطفي الجبلابي | 04-26-11, 01:44 PM |
Re: قناة قووون وحمارة الشايقية | معتصم مصطفي الجبلابي | 04-27-11, 11:35 PM |
Re: قناة قووون وحمارة الشايقية | معتصم مصطفي الجبلابي | 04-28-11, 05:42 PM |
Re: قناة قووون وحمارة الشايقية | معتصم مصطفي الجبلابي | 04-28-11, 06:19 PM |
Re: قناة قووون وحمارة الشايقية | معتصم مصطفي الجبلابي | 04-28-11, 06:55 PM |
Re: قناة قووون وحمارة الشايقية | معتصم مصطفي الجبلابي | 05-02-11, 12:48 PM |
Re: قناة قووون وحمارة الشايقية | معتصم مصطفي الجبلابي | 05-02-11, 01:04 PM |
Re: قناة قووون وحمارة الشايقية | معتصم مصطفي الجبلابي | 05-02-11, 04:54 PM |
Re: قناة قووون وحمارة الشايقية | معتصم مصطفي الجبلابي | 05-07-11, 09:54 PM |
Re: قناة قووون وحمارة الشايقية | معتصم مصطفي الجبلابي | 05-18-11, 08:18 PM |
|
|
|