|
|
 باركولي ..... سيتم ربط السودان ومصر بالسكك الحديدية
|
الخرطوم
أعلن الأمين العام المساعد بجامعة الدول العربية للشؤون الأقتصادية محمد التويجري، أن اجتماع مجلس وزراء النقل العرب يوم الثلاثاء 26 ابريل قرر البدء في الإجراءات التنفيذية لمشروع ربط السودان بمصر بالسكك الحديدية بتكلفة تقديرية (515) مليون يورو.
وتأتي الخطوة تنفيذاً لقرارات القمة الاقتصادية العربية الماضية والتي خصص بها صندوق الإنماء الكويتي (2.2) مليار دولار لدعم المشروعات العربية وإزالة معوقات النقل والتجارة بين دول المنطقة العربية.
وأشار التويجري إلى تنفيذ مصر (50%) من مشروع خط الإسماعلية رفح على حدود فلسطين وتخطيط مسار خط السلوم طبرق الليبية، كما أعدت مصر الدراسات لخط أسوان وادي حلفا بشمال السودان.
وأضاف أنه تم تحديد نقاط اتصال لعدد (15) دولة عربية لتسهيل مهمة الصندوق العربي للإنماء الاقتصادي لدراسة مشروع الربط البري العربي بالسكك الحديدية وسيمول المشروع من قبل مؤسسات التمويل العربي والقطاع الخاص.
من ناحية أخرى، أكد التويجري تولي الاتحاد العربي للموانئ البحرية مسؤولية مشروع ربط الموانئ البحرية والذي يتضمن إنشاء خطوط بحرية تعمل بين الموانئ البحرية العربية وتطوير الموانئ البحرية العربية الرئيسية.
وأضاف التويجري أنه سيتم إنشاء لجنة لتسهيل النقل والتجارة البينية بين دول المنطقة العربية.
|
|
  
|
|
|
|
|
|
|
 Re: باركولي ..... سيتم ربط السودان ومصر بالسكك الحديدية (Re: صلاح غريبة)
|
ابو صلاح
ازيك والله محنكم تحير عدييييييييييييييييل كدا
كدا اول خليهم يربطوا لينا السودان داكلو بسكه حديد
وبعدين يربطوه بمصر ولا تشاد زاااااتو
تصدق امبارح شفته في الشريط الاخباري لإحدى القنوات
عزم السودان اكمال خط السكة الحديد الذي يربط بين السودان وتشاد
بالمرة خليهم يسووا لينا زلط يربطنا بالسعودية
عشان الحافلات تاني تشتغل جـــدة أم بده وبالعكس
| |
|
|
|
|
|
|
|
|
|
Re: باركولي ..... سيتم ربط السودان ومصر بالسكك الحديدية (Re: الامين موسى البشاري)
|
العريس القديم الامين البشاري ياخي كلم حبوبة صلاح (انت اقرب مني بمداخله)
قليها سمعي قصيدة هيهات هيهات لا جن ولا سحر 00 بقادرين على ان يلحقوا اثره
واسألها كتشنر دخل السودان بعربات رالي حائل ولا شنو
-----------------------------
معلومة لله - قضبان السكة حديد في مشروع الجزيرة صهروها والما قدروا عليه رسلوا جنوب افريقيا حسب رواية اهالي قوز كبرو
( كعبه الاندراوه )
| |
|
|
|
|
|
|
|
|
|
Re: باركولي ..... سيتم ربط السودان ومصر بالسكك الحديدية (Re: Deng)
|
غريبة والله !!
السودان دا عمررررو والله خلقو مربوط مع مصر بى سكة حديد
صاح ناس الانقاذ خربوا السكة حديد وبقا مافى ولا قطر واحد حايم
لكن الخط فى ومربوووووووط ناقصة الهيئة ذاتها والقطاره ..
ناسك ديل يكونوا دايرين ينهبوا شنو ؟؟؟
ـــــــــــــــــــــ
خلى بالك يا دينق الناس ديل نووا على بترولكم !!
ح يحصل لى تهريب تقيل بالقطر
اصلو الجاب المصريين جاريين وثورتهم لسه فى النار
دا الشديييييييييد القوى ..
| |
|
|
|
|
|
|
|
|
|
Re: باركولي ..... سيتم ربط السودان ومصر بالسكك الحديدية (Re: دينا خالد)
|
| Quote: سيتم ربط السودان ومصر بالسكك الحديدية |
فنيا لا اعتقد ان ذلك ممكن
و ذلك لإختلاف عرض شريط السكة حديد بين البلدين
و معروف أن مصر تمتلك خط سكة حديد STANDARD يمكن لأي قاطرة أن تسير فيه
أما السودان فخطه أضيق و لا يمكن إستعماله إلا لقاطرات تصنع خصيصا للسودان
و دي واحدة من أسباب تدهور السكة حديد التي جعلت التكاليف باهظة و حرمتنا
من الإستفادة من شراء القاطرات و العربات المستعملة من دول اخري, هذا بالإضافة
للسبب الاساسي و هو إهمال الدولة لأكبر هيئة في البلد كانت بمثابة عصب الحياة
في السودان و دمرتها و شردت العاملين بها.
| |
|
|
|
|
|
|
|
|
|
Re: باركولي ..... سيتم ربط السودان ومصر بالسكك الحديدية (Re: الأمين عثمان صديق محمد)
|
| Quote: باركولي ..... سيتم ربط السودان ومصر بالسكك الحديدية |
يعد 54 سنة من رحيل الانجليز و20 سنة من الانقاذ
ذهب السكرة وجاءت الفكرة
البلد اصلا كانت ماشة بي خير الانجليز ساكت والعقلية السودانية الغوغائية باعةاصنام المركز غير قادرة على الابتكار ابدا
مصر دخلت عصر مترو الانفاق وسكك حديد السودان لحقت امات طه ومعها ود عمها النقل النهري..ومن الواضح الافكار النيرة دي جات من العرب الاصليين بره مش من السودانيين الاذكياء جدا جدا ذى ناس البورد ديل
لكن بكلمك الان لو المؤتمر اوطنيده خلى لف الصينيةغلط وتحرر من دجل الاخوان المسلمين ده وخت الكورة ارض
جون قرنق كان بيحلم بالاسكندرية نمولي
والسكة حديد ليس امر من الله ذى الحصبة واجذام او الجرب بل جزء من تمنلوجيا القرن 21
المشروع ده نحن طرحنا هنا من 2002
انه لازم وبمساعدة الصين الليلة قبل بكره
مد سكة حديد جديدة (بموصافات الخط المصري)
من اسوان الى حلفا الى السليم الى الدبة الى مروي الى امدرمان الى الدويم الى كوستي الى جوبا الى نمولى الى ممبسا
بعد داك خلونا نتكلم عن دولة
| |
|
|
|
|
|
|
| |
صلاح غريبة
بشير حسـن بشـير
الامين موسى البشاري
osman righeem
محمد علي شقدي
Deng
دينا خالد
Moawia Mohammed
adil amin
فيس بوك
تويتر
انستقرام
يوتيوب
بنتيريست