|
Re: لمشجعي الهلال فقط (صورة) ومطلوب التعرف علي من فيها وترجع تقريبا الي 87 (Re: لؤى)
|
لؤي يا عزيزي,, والي الدين لعب وهو صغير السن ,حيث بدا في عام 1990 بروابط الناشئين وسجل في الهلال علي ما اعتقد في عام 1993, وقد عاصر هؤلاء اللاعبين ,, أما مسألة ان هذه الصورة في عام 1987 دي الانا ما متأكد منها ,فلو أكدت لي تاريخ الصورة سأويدك فيما ذهبت اليه ,,,
| |
|
|
|
|
|
|
Re: لمشجعي الهلال فقط (صورة) ومطلوب التعرف علي من فيها وترجع تقريبا الي 87 (Re: ابوبكر قسومة)
|
Quote: كدى ارجع انت و استغفر ويمكن يكون ما العونى لانه العونى مد الله فى عمره ومتعه بالصحه و العافيه غير تنقا |
سلام يا موسي ود الراجل , رجعت واستغفرت ,بس في انتظار تأكيد تاريخ الصورة من أخونا لؤي ,, العوني وفقا لما ذكرت للاخ لؤي به بسطة في الجسم وأقصر قامة وعلي ما أعتقد في تلك الفترة (ربي ليهو دقن كمان ), يمكن يكون تنقا لو تم تأكيد التاريخ المذكور في البوست. تسلم يا خوي ,وكلنا في الزمن داك كنا هلالاب حد النخاع .
| |
|
|
|
|
|
|
Re: لمشجعي الهلال فقط (صورة) ومطلوب التعرف علي من فيها وترجع تقريبا الي 87 (Re: احمد الأمين على إدريس)
|
لؤي 100% الصورة إعتزال القاضي والكورة مع الوكرة وانتهت 2-2 ولو ما خانتني الذاكرة اقوان الهلال جابا الريح مصطفى وكمان دي كانت اجمل كورة يلعبا الهلال منذ تأسيسه رغم إنها ودية وفيها طبق الهلال نظرية اللعب الدائري للدرجة اللي خلت طارق احمد ادم يكون راس حربة .. يومها لعب الهلال بي الزي الأبيض الكامل مع شورت بي الزييك الازرق في الوسط وهلال صغمبروتي كده في صدر اللاعبين من الجهة الشمال .. بالجد قصة والي الدين دي بالغت فيها يا قسوم يا اخوي ولولا الفاجعة لفقد اللاعب الخلوق ومرور سنويته ولسة باقي الحزن موجود كنت ضحكت فيك ..
| |
|
|
|
|
|
|
Re: لمشجعي الهلال فقط (صورة) ومطلوب التعرف علي من فيها وترجع تقريبا الي 87 (Re: الامين عباس احمد)
|
يا الأمين يا اخوي لخبطتني !!!! الهلال لعب كورتين في قطر واحدة منهم إنتهت 2-2 وواحدة منهم إنتهت 3-2 الصورة دي حقت 2-2 وجاب الأقوان الريح مصطفى .. حقتك القاصدها ديك اتوقع البتقصد فيها الحارس احمد شوبير مش؟ اتوقع الوقت داك نص الجماعة ديل كانو مافيشين .. والكورة القاصدها انت دي الهلال كان لابس فيها فنيلة زرقاء بي أكمام بيضاء .. ركزوا معانا يا شباب ولا كمان خلونا نركز معاكم نحن ..شككتونا في ذاكرتنا المحفورة بي حب الهلال دي ..فانا اعتمد على ذاكرة ومواقف بعتبر إنو من المستحيل أنساها على الرغم من صغر سني وقتها : لؤي أفزعني لو كلامي صاح :)
| |
|
|
|
|
|
|
Re: لمشجعي الهلال فقط (صورة) ومطلوب التعرف علي من فيها وترجع تقريبا الي 87 (Re: عمر الفاروق)
|
Quote: لؤي 100% الصورة إعتزال القاضي والكورة مع الوكرة وانتهت 2-2 ولو ما خانتني الذاكرة اقوان الهلال جابا الريح مصطفى
|
Quote: اهداف الهلال في الوكرة صبري الحاج ومنصور تنقا .....
|
Quote: الهلال لعب كورتين في قطر واحدة منهم إنتهت 2-2 وواحدة منهم إنتهت 3-2 الصورة دي حقت 2-2 وجاب الأقوان الريح مصطفى .. حقتك القاصدها ديك اتوقع البتقصد فيها الحارس احمد شوبير مش؟ اتوقع الوقت داك نص الجماعة ديل كانو مافيشين .. والكورة القاصدها انت دي الهلال كان لابس فيها فنيلة زرقاء بي أكمام بيضاء .. ركزوا معانا يا شباب ولا كمان خلونا نركز معاكم نحن ..شككتونا في ذاكرتنا المحفورة بي حب الهلال دي ..فانا اعتمد على ذاكرة ومواقف بعتبر إنو من المستحيل أنساها على الرغم من صغر سني وقتها : لؤي أفزعني لو كلامي صاح :)
|
سلامات يا عمر وسلامات يا الأمين
اللقطة دي متعلّقة بمبارة هلال وكرة اللي كانت بمناسبة إعتزال حسن القاضي لاعب الوكرة الكلام دا كان سنة 1988 الهدف الأوّل كاريكا بالرّأس والهدف التّاني تنقا بعدما ساط الدّفاع سواطة وحوّل الكورة من الرّجل اليمين للرّجل الشّمال وختّاها في المرمى
بالنّسبة لكورة الوكرة اللي نتيجتها 3-2 دي كانت بمناسبة إعتزال عدنان حمد أحرز فيها تنقا هدفين وصبري الحاج هدف وكان الحارس هو أحمد شوبير
وهناك مبارة للهلال والوكرة إنتهت للهلال 3-1 وكانت مبارة ودّيّة استعداداً لمباراة الهلال والزّمالك المصري في كأس الأندية الإفريقيّة وأحرز للهلال أنقيدي هدفين وهدف أحرزه خالد بخيت
قصّرنا معاكم ؟
| |
|
|
|
|
|
|
Re: لمشجعي الهلال فقط (صورة) ومطلوب التعرف علي من فيها وترجع تقريبا الي 87 (Re: محمد طه الحبر)
|
الحبر و جميع المتداخلين تحية و سلام
Quote: الوقوف من اليمين يور / اسامه الثغر/ العونى / حمد دفع الله/ صبحى/ مبارك سلمان / الثعلب /وليد طاشين/ ابشر الجلوس من اليسار مجدى / تنقا / كندوره/ طارق / اسامه النور /جلال كادوقلى / منقستو |
ربنا يرحم اسامه النور برحمته الواسعه ويسكنه مع الصديقين و الشهداء ...
.....
يا لؤى ده ما العونى > العونى اعرض من كده شويه واعتقد انو العونى فى تلك الفتره كان مريض وكان بيلعب فى مكانه ( الارتكاز ) و اجادها عبدالعزيز زكريا منقستو > الاعب الذى اختير بجانب حسام حسن كافضل لاعبين فى مجموع مباريتى الذهاب و العوده فى نهائى ابطال 87 امام الاهلى المصرى ... والصوره علا ما اعتقد للاعب السر ( قارنو بصورتك التانيه ,,, نفس الملامح ) والذى تم شطبه مباشرة بعد اقوان دحدوح فى نهائى كاس السودان 88 > المباراه التى نقض فيها فيصل سيحه وكان رجل خط قون صحيح 100 ال 100 لكندورة بحجة التسلل رغم انو الكوره ارتطمت بمدافع المريخ قبل ان تصل كندوره >> طبعا بمبان الف هل تعلم انو فى دور الاربعه الهلال غالب اهلى مدنى 8 - صفر و اسامة الثغر احرز لوحده 5 اهداف >>> اييييييييك زكريات
| |
|
|
|
|
|
|
Re: لمشجعي الهلال فقط (صورة) ومطلوب التعرف علي من فيها وترجع تقريبا الي 87 (Re: طارق الكوتش)
|
Quote: يا لؤى ده ما العونى > العونى اعرض من كده شويه واعتقد انو العونى فى تلك الفتره كان مريض وكان بيلعب فى مكانه ( الارتكاز ) و اجادها عبدالعزيز زكريا منقستو > الاعب الذى اختير بجانب حسام حسن كافضل لاعبين فى مجموع مباريتى الذهاب و العوده فى نهائى ابطال 87 امام الاهلى المصرى ... والصوره علا ما اعتقد للاعب السر ( قارنو بصورتك التانيه ,,, نفس الملامح ) والذى تم شطبه مباشرة بعد اقوان دحدوح فى نهائى كاس السودان 88 > المباراه
|
يا كوتش مساء الخير
ياخي حرام عليك في هلاليتّك أنا ما بعرف أغالط ولا بحب أظهر كالعارف بس صدّقني معرفتي بالنّاس ديل ما معرفة صور ولا ممكن ألخبط
إليك العوني في الصّف العلوي والسّر في الصّف الأدنى
تحاياي
| |
|
|
|
|
|
|
Re: لمشجعي الهلال فقط (صورة) ومطلوب التعرف علي من فيها وترجع تقريبا الي 87 (Re: طارق الكوتش)
|
Quote: للو سلامات يا سمح يا زين بالنسبه للغلاط > انت وودالبشرى فاهمنى غلط >> بعدين شوف مداخلتى بتجد فيها كلمة اعتقد مكرره مرتين دليل على عدم التاكد وعدم الغلاط >>> الفتره طالت و المخ ضربتو الرطوبه>> لوووولز
...
يا سلام على عادل العونى الحريف القوى القلبو نار يا حبيبى نااااار
|
يا كوتش سلامات
إعتقاداتك بتحكي قصّة أغلاطك معانا مطلوب حضور ودّ البُشرى لمنح صكّ البراءة
وهاك العوني دا
مودّتـي
| |
|
|
|
|
|
|
Re: لمشجعي الهلال فقط (صورة) ومطلوب التعرف علي من فيها وترجع تقريبا الي 87 (Re: عمر الفاروق)
|
Quote: يا لؤي: الناس الورا وليد طلاشين ديييلك منو ؟ أوعا تقول لي مطلق القحطاني ونسيم الشمري بطير ليك جووووز
|
عمر الفاروق سلامات
طبعاً قلت أتشالق وأقرّب الصّورة أشوف الوراء منو ؟ وكنت مصرّح بالوراء لتنقا داك بين تنقا ويور على أساس إنّه عبد الحفيظ عبد المكرّم وطبعاً دقن عبد الحفيظ ما بنساها المهم كبّرت ليك الصّورة شديد ، ما لقيت ليك الّدّقن وألقى ليك الزّول الما بيغباني الحارس أبّشر النّويري النّظر تعب ولاّ أنا صاح ولاّ الحاصل شنو ؟
أفتونا
| |
|
|
|
|
|
|
Re: لمشجعي الهلال فقط (صورة) ومطلوب التعرف علي من فيها وترجع تقريبا الي 87 (Re: Emad Mohamed)
|
Quote: لؤى والله ماقايلك قديم كدة....المهم الصورة دى انا شفتها قبل عشرين سنة, المرحوم والى الدين لم يكن لاعبا بنادى الهلال فى ذلك الوقت واللاعب الثانى مثار الخلاف هو عادل العونى بالتاكيد. العونى توقف من اللعب بالهلال بسبب المرض فى اواخر عام 89.
|
عماد سلامات
قديم شنو ياخ ؟ أنا الصّورة دي شفتها قبل 23 سنة وقصّة العوني دي ما عاوزة جدل بس البيقنع الدّيكين الفوق ديل منو ؟
وُدّي
| |
|
|
|
|
|
|
Re: لمشجعي الهلال فقط (صورة) ومطلوب التعرف علي من فيها وترجع تقريبا الي 87 (Re: لؤى)
|
Quote: Quote: لم يكن بالطّبع هذا هو القصد ولن يكون اعتذر إن ذهبت المزحة لمكان غير مكانها |
|
ألاخ لؤي ,,, كنت أدري تماما أنك لم تكن تقصد الاساءة,, وده من عشمي فيك,, لكنك تدري بأن الاسافير فيها الصالح والطالح وقد يفسر البعض ما يرد هنا علي خلاف المقصود ,, لذا كان تنبيهي لك ( بالشكر )حتي تقوم بتوضيح هذا الامر لمن يقوم بتفسير الامور علي هواه. ما بيناتنا اعتذارات أخوي. تسلم,,
| |
|
|
|
|
|
|
Re: لمشجعي الهلال فقط (صورة) ومطلوب التعرف علي من فيها وترجع تقريبا الي 87 (Re: ابوبكر قسومة)
|
Quote: ألاخ لؤي ,,, كنت أدري تماما أنك لم تكن تقصد الاساءة,, وده من عشمي فيك,, لكنك تدري بأن الاسافير فيها الصالح والطالح وقد يفسر البعض ما يرد هنا علي خلاف المقصود ,, لذا كان تنبيهي لك ( بالشكر )حتي تقوم بتوضيح هذا الامر لمن يقوم بتفسير الامور علي هواه. ما بيناتنا اعتذارات أخوي. تسلم,,
|
أُستاذ أبو بكر تحيّة طيّبة
يا عزيزي مستحيل تحصل إساءة بيناتنا صدّقني حتّى وإن حدث وبادر شخص بالإساءة إليّ فلن أرد الإساءة بمثلها الأمر كان ممازحة مرتبطة بأمر صعوبة الإقتناع لدى الأطراف المغالطة وأظنّك سمعت نكتة الدّيك المعنيّة وبيناتنا أكيد كُلّ وُد وإعزاز
دمت
| |
|
|
|
|
|
|
Re: لمشجعي الهلال فقط (صورة) ومطلوب التعرف علي من فيها وترجع تقريبا الي 87 (Re: لؤى)
|
حسي عليكـ الله يا أبو اللوووووووووول الزمن داكـ إنت ضارب كندشة السما وظلطكـ نضيييييييف والكتاحة إلا تشوفه في الأخبار والفضائيات كانت شوييييييييية ، ومافيها كورة كتيرة يعني البخليكـ حتى ناس منو كده ما عارف ( فوق وأول مرة أسمع إسمو ) البخليكـ تحفظم ليي قدر كده شنو ؟ غايتو من الحب ما قتل ويجو ناس هارون دياب يقولو ليكـ ( نهواهو في كل الظروف ) أها في ظروف زي ظروف لؤي دي الخلتو يتربى في السويد وياخد جواز أهله ويكون حافظ حتى مدرب السباحة إسمو منو ؟؟!! عموماً يا صاحبي هاكـ
| |
|
|
|
|
|
|
Re: لمشجعي الهلال فقط (صورة) ومطلوب التعرف علي من فيها وترجع تقريبا الي 87 (Re: عمران حسن صالح)
|
الاخوان الهلالاب.. اظن اللاعب محل الجدل هو جمال كدوس لانه الوحيد الكان ملازم الفرقة دى و لم يتقيب ابدا , اللفته تشبه لفتة العونى بس اللون غامض شويه . ياخى فريق 87 دا مبالغة ما بعده مبالغة , انا فى قاموسى الهلال هو صاحب ذلك الكاس و لعنتنا على لاراش ياها قصرت اجله. ولعنا بعده عبدالمجيد منصور الفركشهم برضو لعنتنا اصابتو.
كده شوفو لينا حكاية طرح بطاقات العضوية دى من اجل دعم الهلال وحل ازمته المالية حل جزرى لاننا نريد هلالا لكل الدهور ما بس ل 2011 .
| |
|
|
|
|
|
|
|