|
|
 عاجلا فرصة استثمارية مضمونة العائد بولاية الخرطوم احتاج شراكة
|
فى ظل ازمة المياه الحالية وتخفيفا على اهلنا العطاشى ولتحقيق ربح مضمون بس الله يكفينا شر الضرائب والزكاة والمحليات واللجان الشعبية برميل الموية بالشى الفلانى فكرت فى الاستفادة من الازمة الحالية والاستثمار والاستفادة من معاناة اهلنا فى احياء لخرطوم المختلفة فى انشاء اسطول ترلات لبيع المياه النقية وارد النيل مباشرة تقودها حمير لصعوبة استخدام العربات فى ظل ازمة الوقود المرتقبة وسوف تتفاوت اسعار البرميل وفقا لدرجات الاحياء السكنية فقد يصل سعر برميل المياه فى الطائف والرياض الى الستين جنيه
|
|
 
|
|
|
|
|
|
|
|
Re: عاجلا فرصة استثمارية مضمونة العائد بولاية الخرطوم احتاج شراكة (Re: رهف)
|
سجلي ..
ما عندي قروش شراكة لكن في خبرة طويلة في اعمال "الري المنزلي " شهادات خبرة في التالي :
1- خبرة في شغل الباغات والقرب - حمير .. 4 سنوات.
2- خبرة في ملء " البل" ( بضم الباء وتسكين اللام ، ما لقيت الضمة قدر ما فتشت ليها ).
3 - خبرة جيدة في اعمال الكارو - قيادة الحمار ، اختيار المكان المناسب للكارو في القيف عشان الكارو ما ينقلب - اعمال التشحيم والصيانة -
4- خبرة ممتازة في البيع بالجركانة او بالبرميل او القربة وعمل اتفاقيات طويلة الامد .
5- جائزة افضل أداء بالنسبة للتحصيل و " محاتتة ستات البيوت في السداد حسب اسعار السوق او اسعار العقود الآجلة .
ولو في حمار جاهو شد عضلي او رباط صليبي ما يهمك محلولة ( عادي ).
جاهز فورا لقيادة اكبر اسطول " كاروهات " ( دي جمع كارو ما عندها اي علاقة بالاقمشة والملابس وخلافه ".
يلا شوفي الشريك والسوبرفايزر / الفورمان جاهز. ولو الحكومة دي استمرت انشاء الله بعد سنتين مليارديرات قروشنا النار ما تاكلا.
تحياتي رهف
| |
|
|
|
|
|
|
|
|
|
Re: عاجلا فرصة استثمارية مضمونة العائد بولاية الخرطوم احتاج شراكة (Re: Abdullah Idrees)
|
سلام يا رهف، سجلى عندك،
خبرة طويلة فى الشغل المتقطع وعلى حسب ظروف البلد(طلعتة من الشغل بديون عشان كدا ح أوفر ليك حمار مكادى ، مع الخرج أبو جيبين لمشاوير لاتتعدى الميل الواحد ،
خبرة طويلة فى الصبر والمكافحة،
مناعة ضد الشمس الحارقة (ممكن نشتغل ليك فى أحرج الظروف ونوزع ليك موية فى نهار رمضان المولع نار،
خبرة فى فتح وقفل بلوفة الوالى لخط ليبيا وكرور.
توزيع مياه نظيفة للمناطق والاحياء الراقية،
توزيع مياه ملوثة ومخلوطة بمياه المراحيض لاحياء واطراف امدرمان وسوبا شرق والوادى الاخضر و.................،
خبرة فى استعمال السوط عندما يحرن حمار الشيخ المكادى.
أها ممكن ننافس فى الشراكة.
| |
|
|
|
|
|
|
|
|
|
Re: عاجلا فرصة استثمارية مضمونة العائد بولاية الخرطوم احتاج شراكة (Re: شكرى سليمان ماطوس)
|
| Quote: عاجلا فرصة استثمارية مضمونة العائد بولاية الخرطوم احتاج شراكة |
من القرائن العامة لتصور المشروع، وربط ذلك بإسمك ( إن كان صحيحا)، فواضح إنك
سمعت بهذه الفكرة من غيرك، وفي الواقع فإنك من طرحك بالبوست تحتاجين أشياء جوهرية
لنجاح المشروع، مثلا التمويل، والإدارة، وتغيير موقع السكن، وتغيير الإسم!، لأن أي
مشروع له متطلبات غير مكتوبة وإنما تقرأ مما بين السطور، فمثلا لو إشترك معك أبكر
ولا إسحاق، ستكون قراءة ما بين السطور أقرب لنجاح المشروع، أما رهف ولؤي.. لا لا لا
شوفي ليكي مرطبات حول الجامعات، ولا صرافة، ....ولا أيتها حاجة مثل ذلك.....
وبالمناسبة مثل هذا المشروع موجود وقائم وجدواه الإقتصادية تبدأ بكوتة (11) حمار لتأمين
مردود معتبر يتحمل مسئولية أسرة متوسطة الحال والعدد،.....
غير ذلك فهو مباصرة ومعايشة ساكت ولفح وتجويح للحمار وصاحبه....
وتحياتي
| |
|
|
|
|
|
|
|
|
|
Re: عاجلا فرصة استثمارية مضمونة العائد بولاية الخرطوم احتاج شراكة (Re: حماد الطاهر عبدالله)
|
| Quote: فى ظل ازمة المياه الحالية وتخفيفا على اهلنا العطاشى ولتحقيق ربح مضمون بس الله يكفينا شر الضرائب والزكاة والمحليات واللجان الشعبية برميل الموية بالشى الفلانى فكرت فى الاستفادة من الازمة الحالية والاستثمار والاستفادة من معاناة اهلنا فى احياء لخرطوم المختلفة فى انشاء اسطول ترلات لبيع المياه النقية وارد النيل مباشرة تقودها حمير لصعوبة استخدام العربات فى ظل ازمة الوقود المرتقبة وسوف تتفاوت اسعار البرميل وفقا لدرجات الاحياء السكنية فقد يصل سعر برميل المياه فى الطائف والرياض الى الستين جنيه |
رهف بعدما مشروعك ده ينجح كلميني عشان ح أبدأ فورا في مشروعي وهو كالتالي
خدمات بين المنبع للمصب تشمل على
1- للحمير: استراحات مع قش أخضر طازج وموية ساقطة وإنعاش
2- للكاروهات: بنشر لصيانة اللساتك، نجار لصيانة (البودي)، سيور، لبادات، نظارات مظللة لعيون الحمير، أسواط ناعمة قانوينةللتسريع
3- للسواقين: وجبات سريعة، عصاير، شمسيات، مخدات، سفنجات، طواقي، سديريهات، فول، تسالي، قصب سكر
- تصديقات من جهات الإختصاص المتعددة
لي قدام ممكن نعمل داتابيز واتصالات لتسجيل الطلبيات، وأرقام العملاء وخدمة جي بي إس لتحديد بيوت الزبائن
وحنعمل ليك تخفيض خاص
| |
|
|
|
|
|
|
|
|
Re: عاجلا فرصة استثمارية مضمونة العائد بولاية الخرطوم احتاج شراكة (Re: Elawad Eltayeb)
|
الاخ العوض تحياتى
انت شخصية مناسبة لو ظيفة مدير المشروعات فى الشراكة الجديدة وافكارك جيدة ومتطورة جدا خاصة استراحات الحمير دى بطلعنا من وجع راس ناس حقوق الانسان لانه حقوق الانسان فى البلد دى اصلا مافى ما بعيد يتحولوا للمطالبة بحقوق الحمار واهم حاجة الداتا بيز دى لانه حتى الان مافى احصائية دقيقة بعدد سكان الولاية القصة كلها خج فى خج ودى اهم حاجة نبنى عليها المشروع ويا ريت لو شفت لينا طريقة باستخدام التقنية المصرفية والتعامل مع البنوك وممكن نعمل شغل مع ناس الاتصالات زين اريبا سودانى ويكون الدفع عن طريقة الهاتف عشان المواطن الغلبان دا ما يتبهدل اكتر من كدا
| |
|
|
|
|
|
|
|
|
|
Re: عاجلا فرصة استثمارية مضمونة العائد بولاية الخرطوم احتاج شراكة (Re: شكرى سليمان ماطوس)
|
الشقيق شكرى تنفع ونص وعشرة ونعينك مدير شئون الموظفين وطبعا فاهم طريقة التعيين كيف ؟ زى ما بسوا الجماعة الاولية فى التعيين طبعا لناسنا واهم حاجة التزكية لانه قانون الخدمة المدنية فى البلد دى شغال كدا ما عندك واسطة مافى ليك وظيفة عشان ما ندخل مع ناس وزارة العمل وديوان شئون الخدمة نشتغل وفق لوائحهم المؤهل الاساسى فى التعيين الواسطة وبعدها القبيلة نحن ما عايزين مشاكل بعد داك المؤهل الاكاديمى وفى جامعات بنستبعدها من المنافسة طلابها بتاعين مشاكل زى ناس رغيم ديل
| |
|
|
|
|
|
|
|
|
|
Re: عاجلا فرصة استثمارية مضمونة العائد بولاية الخرطوم احتاج شراكة (Re: Abdullah Idrees)
|
عبد الله ادريس تحياتى تم تعينك المدير الادارى للمشروع بدل لبس 72 مليون بالقديم والراتب شيك على بياض اما قصة القرب والبل دى الا نشتغل بيها فى احياء الحاج يوسف وامبدة ناس الرياض والطائف ديل الا نشترى خزانات النخلة وتيقا والحمار نشوف ليه زى قوات نظامية واقلاها لواء دحين لو بتعرف ليك لواء او فريق معاش نستلف منه ومن بكرة ابدا فى البحث عن الموظفين بموهلات عالية واجادة اللغة الانجليزية واللغة الصينية والهندية لزوم التعامل مع الزبائن
| |
|
|
|
|
|
|
|
|
|
Re: عاجلا فرصة استثمارية مضمونة العائد بولاية الخرطوم احتاج شراكة (Re: Hisham Ibrahim)
|
طبعا سائق الحمار او الكارو لازم يكون بجيد اللغه الانجليزيه والهنديه والصينيه
عشان ما تطلع ليهو شغاله فلبينيه ولا اندونسيه من شغالات بيون الرياض ديك وتجهجه افكارو
من الناحية دي .. الخريجين علي قفا من شيل وبفتشوا علي فرصه زي دي وممكن نستغل ظروفهم برضو
من ناحية اخري وجاده كمان
لقيت لي تمويل وغلبني ألقي ليهو مشروع مناسب ومضمون
زول يلقي القروش وتغلبوا الافكار .. دي حالة دي ؟
| |
|
|
|
|
|
|
|
|
|
Re: عاجلا فرصة استثمارية مضمونة العائد بولاية الخرطوم احتاج شراكة (Re: نوفل عبد الرحيم حسن)
|
نوفل حبابك وحباب تمويلك الما عارف تسوي بيه شنو ؟ ايوة سائق الحمار لابد ان يكون علي قدر عالي من التاهيل لانه نحن ناوين الحمار ذاته يكون مؤهل وحافظ شوارع الا حياء كويس وبعرف يزوغ من كشة ناس المرور ونزوده بكميرات مراقبة واجهزة اتصال متطورة وامكن رادار بس ما زي بتاع ناس بورتسودان داك واجهزةGPS ,وGis لتحديد المناطق المستهدفة وندربه عسكريا تحسبا لحدوث نهب مسلح وسطو علي كاروهات الموية من جهات معادية وخاصة الجماعة البقفلوا البلوفة
| |
|
|
|
|
|
|
| |
رهف
Abdullah Idrees
Nagat Sid Ahmed Elshiekh
رغيم عثمان رغيم الحسن
شكرى سليمان ماطوس
حماد الطاهر عبدالله
Shawgi Sulaiman
Hisham Ibrahim
نوفل عبد الرحيم حسن
فيس بوك
تويتر
انستقرام
يوتيوب
بنتيريست