|
|
 القطار دور حديدو شال محبوبى البريدو ولع فينى نار
|
عاوزة أغير شوية وأفرق من البلوفة العملت لينا زغللة فى الدماغ ( ماعارفة كيف زغللة فى الدماغ دى )،
ما تقولوا لى هابطة ولا طايرة،
أغنية جميلة وعا########ى ،
بس ما قادرة انزله هنا ،
بغنيها أحمد الصادق بصوت مبحوح وخايلة معاهو( مافى زول يقول لى الزول دا ما بحبو المهم صوتو فى الاغنية دى بالذات عا########ى وسارى بالى)
الرجاء مساعدة فى وضع الاغنية دى لزوم الترفيه وفك الساجور.
جائزة كبيرة لاول مشارك فى البوست دا
|
|
 
|
|
|
|
|
|
|
|
Re: القطار دور حديدو شال محبوبى البريدو ولع فينى نار (Re: Nagat Sid Ahmed Elshiekh)
|
ما عارفة ع ا ج ب ا ن ى دى مشختة الكمبيوتر ليه؟؟
المهم والله البورد صار جاف من بن لادن لحدى بلوفة الوالى المقفولة بفعل فاعل مافى أى حاجة تسعدك ،
المهم مرات العقل والدماغ بكونوا عاوزين فك ساجور بتغير بسيط مريح ولفترة بسيطة كدا
القطار دور حديدو منى شال زولى البريدو شوقى ولع فينى نار.. ماكتب عنوان بريده قولوا لى كيفن اعيده الفراقه على حار... شال فؤادى معاه روح لما اشر لى لوح ايده من جوا القطار.. قت حسى معاه بفرح فات و شال قلبى المجرح الدموع سالت غزار.. جوفو ولع بى لهيبو جوفى اكتر من لهيبو الدموع سالن غزار... قلبى لو كان من نصيبو بالسلامة تعود تجيبو لما ترجع يا القطار..
http://www.youtube.com/watch?v=dPVYgqpK1s4&feature=related
| |
|
|
|
|
|
|
|
|
|
Re: القطار دور حديدو شال محبوبى البريدو ولع فينى نار (Re: صبري طه)
|
Quote: يا عمّتك أنا مشغول مع شعب موزمبيق ...
ومع الرومانسيات ...
|
والله يا عمك قاعدة افتح البوست بتاعك دا خمسة مرات فى اليوم شفتة كيف!!!!!
لانو برضو بعتبر فلتة وسط الزخم دا
تسلم يا صبرى.
ولازم تجمع شعب موزمبيق مع الرومانسيات عشان تقدر تبدع وما تزهج من الجفاف الحاصل دا.
| |
|
|
|
|
|
|
|
|
|
Re: القطار دور حديدو شال محبوبى البريدو ولع فينى نار (Re: د.محمد حسن)
|
نجاة بت أمي انتي يختي مشيتي وين ما كنتي كويسه و بتسمعي وردي و مصطفى و الكاشف مشيت. أسمع الأغنية لقيت باقي أغانيه نوع مجنونة واغنية دقيت ليهو ما ردا و-مالا هي انخلعت لما جيت زاير .. العيون دمعت والأسف حآاضر. المهم يختي ربنا يرد غربتك و تجينا زي ما مشيتي و نغني سمحة و سمرية محبوبتي و لفتاتا غزال خدرة و مروية وجنب النيل مشتولة النالة يا خوفا علي عقل و ثبات ماها الولوالة
| |
|
|
|
|
|
|
|
|
|
Re: القطار دور حديدو شال محبوبى البريدو ولع فينى نار (Re: Afraa Sanad)
|
| Quote: نجاة بت أمي انتي يختي مشيتي وين ما كنتي كويسه و بتسمعي وردي و مصطفى و الكاشف مشيت. أسمع الأغنية لقيت باقي أغانيه نوع مجنونة واغنية دقيت ليهو ما ردا و-مالا هي انخلعت لما جيت زاير .. العيون دمعت والأسف حآاضر. المهم يختي ربنا يرد غربتك و تجينا زي ما مشيتي و نغني سمحة و سمرية محبوبتي و لفتاتا غزال خدرة و مروية وجنب النيل مشتولة النالة يا خوفا علي عقل و ثبات ماها الولوالة |
يا عفراء سلام ياخى أنتى الوداك تهبشى فى باقى الأغانى شنو؟ خليك مع القطار دور دى ،بعدين يا ختى مرات الخستكات مطلوبة والأغنية دى حنينة وبترطب الدواخل الجافة من المصائب الكتيرة ومسيخة دى.
بعدين أتحدى أى زول ما بتجيهو حالة بتاعة هبوط اطرارى لزوم التغير والله أنا والحق يقال مرات بكون عاوزة أسمع ذى ألاغانى دى.
| |
|
|
|
|
|
|
|
|
|
Re: القطار دور حديدو شال محبوبى البريدو ولع فينى نار (Re: Nagat Sid Ahmed Elshiekh)
|
أنا عارفة مرات محتاجين نهبط ،
لكن بصراحة كدا الأغنية حلوة وحنينة ،
بس يا عفراء ما تمشى تهبشى فى باقى الاغانى خليك فى الأغنية موضوع البوست،
القطار دور حديدو منى شال زولى البريدو شوقى ولع فينى نار.. ماكتب عنوان بريده قولوا لى كيفن اعيده الفراقه على حار... شال فؤادى معاه روح لما اشر لى لوح ايده من جوا القطار.. قت حسى معاه بفرح فات و شال قلبى المجرح الدموع سالت غزار.. جوفو ولع بى لهيبو جوفى اكتر من لهيبو الدموع سالن غزار... قلبى لو كان من نصيبو بالسلامة تعود تجيبو
دا ممكن يكون موضوع ليه مرات بنكون محتاجين نسمع أى من الأغانى المخستكة؟
| |
|
|
|
|
|
|
|
|
|
Re: القطار دور حديدو شال محبوبى البريدو ولع فينى نار (Re: Nagat Sid Ahmed Elshiekh)
|
أنا عارفة مرات محتاجين نهبط ،
لكن بصراحة كدا الأغنية حلوة وحنينة ،
بس يا عفراء ما تمشى تهبشى فى باقى الاغانى خليك فى الأغنية موضوع البوست،
القطار دور حديدو منى شال زولى البريدو شوقى ولع فينى نار.. ماكتب عنوان بريده قولوا لى كيفن اعيده الفراقه على حار... شال فؤادى معاه روح لما اشر لى لوح ايده من جوا القطار.. قت حسى معاه بفرح فات و شال قلبى المجرح الدموع سالت غزار.. جوفو ولع بى لهيبو جوفى اكتر من لهيبو الدموع سالن غزار... قلبى لو كان من نصيبو بالسلامة تعود تجيبو
دا ممكن يكون موضوع ليه مرات بنكون محتاجين نسمع أى من الأغانى المخستكة؟
| |
|
|
|
|
|
|
|
|
|
Re: القطار دور حديدو شال محبوبى البريدو ولع فينى نار (Re: Nagat Sid Ahmed Elshiekh)
|
الاغنية فعلا جميلة يا نجاة...ووبحة صوت أحمد لذيذة..
وابدا ما هبطتي لما سمعتيها...بل اصبتي بداء الحنين
للقطار...ومحطواتو...بي طعميتها...وشايها...
فانت قطعا من نواحي الشمال الذي يبدا بعطبرة..وما بعدها
او عروقك من هناك...وديل اغلبهم كما انا بحبوا القطار
وسيرة القطار بي الفطرة....
هسي قطارو حلا يا ناس قطارو حلا...مش اغنية سمحة؟؟؟
| |
|
|
|
|
|
|
|
|
|
Re: القطار دور حديدو شال محبوبى البريدو ولع فينى نار (Re: Nagat Sid Ahmed Elshiekh)
|
نجاة
البقول الأغنية دي هابطة زول ما بتذوق الفن مع إحترامي الشديد للجميع ..
الأغنية دي فيها كمية من الحنين حسيت بيهو أنا العمري ما ركبت قطر في حياتي ..
عفراء سند بالغت ياخ !! مالها هي إنخلعت دي برضها أغنية جميلة و بعيدة من الهبوط بس إسمها بخليكـ تفتكريها زي أغاني اليومين ديل لكن لو سمعت باقي الأغنية حتكتشفي إنها أغنية جميلة و حنينة خالص ..
أحمد الصادق عندو أغاني حلوة و عندو أغاني هابطة لكن ما عشان الأغناي الهابطة نقوم نرفض الأغاني الحلوة برضو ..
سمعتو أغنية (الجاب لي أخبارو) يا نجاة و عفراء ؟
| |
|
|
|
|
|
|
|
|
|
Re: القطار دور حديدو شال محبوبى البريدو ولع فينى نار (Re: خالد عبد الله محمود)
|
Quote: نجاة
البقول الأغنية دي هابطة زول ما بتذوق الفن مع إحترامي الشديد للجميع ..
الأغنية دي فيها كمية من الحنين حسيت بيهو أنا العمري ما ركبت قطر في حياتي ..
|
ياسلااااااام عليك يا أستاذ خالد فعلآ ناس ما بتذوقوا الفن ومن غير اعتزار ليهم،
بس كمية الحنين الفيها ما بفهموهوا الا الحنان (بضم الح ) ذيك وتسلم ياخى وح أمشى أفتش الأغنية دى بثقة من زول أضانو نضيفة وحنين،
والله القطر ركبناهو ولوحنا من الشبك وبكينا كمان.
تسلم يا غالى.
| Quote: سمعتو أغنية (الجاب لي أخبارو) يا نجاة و عفراء ؟ |
ح اسمعا وارد ليك.
| |
|
|
|
|
|
|
|
|
|
Re: القطار دور حديدو شال محبوبى البريدو ولع فينى نار (Re: خالد عبد الله محمود)
|
| Quote: أسمعيها بقلب زول ( محروق الحشا) ح تكتشفي حاجات في الأغنية دي الكلمات ما قدرت تعبر عنها كويس ... |
و الله يا خالد بتبالغ لكن
تحرق حشاها علشان تسمع الأغنية دي و لا كيف...؟؟؟
أغنيتك هاااااااااااابطة كان عندنا ذوق أو ما عندنا ذوق
كدي أسمعي رحلة في طيارة إذا إنتي مُصرة على حكاية السفر دي.........
| |
|
|
|
|
|
|
|
|
|
Re: القطار دور حديدو شال محبوبى البريدو ولع فينى نار (Re: Nagat Sid Ahmed Elshiekh)
|
Quote: تحرق حشاها علشان تسمع الأغنية دي و لا كيف...؟؟؟
أغنيتك هاااااااااااابطة كان عندنا ذوق أو ما عندنا ذوق
كدي أسمعي رحلة في طيارة إذا إنتي مُصرة على حكاية السفر دي......... |
سلام يا أبو جبص مافى،،
ياخى الطيارة ما عندنا فيها قول بس مابتلحق تقش دموعك بتكون وصلتة،
القطار الدور حديدو بتبكى وتتنخج وتتذكر كل الناس الودعوك بوجهم ودموعهم لحدى ما تصل محل ماشى شن جاب لى جاب ، ياخى أى ايقاع سريع ما ممتع،
ورحلة الطيارة دى والله كنت بجهز فى البوست بتاعه ، بس خلاص كشفت السر بتاعنا.
تسلم
| |
|
|
|
|
|
|
| |
Nagat Sid Ahmed Elshiekh
د.محمد حسن
Afraa Sanad
nazar hussien
ABUHUSSEIN
خالد عبد الله محمود
فيس بوك
تويتر
انستقرام
يوتيوب
بنتيريست