|
Re: محمد علي سفاري في دفاع الهلال (Re: khaleel)
|
العزيز/ خليــــــــــل
صبحك الله بالخير..
أصحى ياخوي.. الشمس فوق في نص السماء وما عايزة ليها أحلام في القايلة دي..
في عبارة بيذكر الصحفي الرياضي القدير/ مزمل ابوالقاسم...... لحس ايه كدا ما عرف.......!!!
عشمكم ده بيجدد كل موسم..
تحياتي
| |
|
|
|
|
|
|
Re: محمد علي سفاري في دفاع الهلال (Re: khaleel)
|
Quote: خليل قريبي مسكاقمي شنو الحكاية يا ابن اختي امبارح شيخ ادريس كباشي والليلة سفاري انت بتجيب اهل الكهف دووول من وين
شوفوا طريقة في باسكال واوا دي النجيضة |
خالي حمزاوي
المفاوضات مع سفاري قطعت شوطا بعيدا
بتطيرو ول بتجرو
| |
|
|
|
|
|
|
Re: محمد علي سفاري في دفاع الهلال (Re: الحاج حمد الحاج)
|
Quote: صبحك الله بالخير..
أصحى ياخوي.. الشمس فوق في نص السماء وما عايزة ليها أحلام في القايلة دي..
|
عزيز علينا
انه عهد الاحتراف يا فردة
مش انتو سجلتو طيارة ومجاهد وكليتشي وطمبل
نحن حا نسجل سفاري ليلحق بحمودة وعلاء الدين يوسف
ومافيش حد احسن من حد
| |
|
|
|
|
|
|
Re: محمد علي سفاري في دفاع الهلال (Re: الحاج حمد الحاج)
|
مدافع يجيد الاختباء خلف المدافعين ....اذا قيل لى اين موقعه بعد مساوى وسامى واسامه التعاون وحتى اتير توماس لجعلته فى ذيل القائمة ...ولو قيل لى اين موقعه فى قائمة اللاعبين الاكثر خلقا لجعلته فى راس القائمة ...الهلال لو اراد ان يختار من دفاع المريخ واذا سمحت القوانين بذلك فعليه بسعيدالسعودى .. فياله من مدافع ...
| |
|
|
|
|
|
|
Re: محمد علي سفاري في دفاع الهلال (Re: محمد عبدالرحمن)
|
Quote: تعقد لجنة اللاعبين غير الهواة اجتماعا مهما وطارئا ظهر اليوم للنظر في العديد من القضايا المهمة والمدرجة في جدول اعمالها وتفيد متابعات المشاهير الدقيقة بأن نجم المريخ الدولي محمد علي سفاري سيقوم بفسخ عقده مع المريخ للانتقال للهلال لان عمره اقل من 25 عاما ويحق له فسخ العقد قبل ثلاثة سنوات. وافادت مصادر مريخية للمشاهير ان اللاعب اختفى عن الانظار منذ امس وبذل مجلس المريخ مجهودات كبيرة ليلة امس في سبيل التحدث مع اللاعب وايقاف هذا الاجراء وقد حاول المجلس الاتصال باللاعب عن طريق اصدقائه المقربين ولكن كل المحاولات لم تكلل بالنجاح واشار مصدر موثوق به للمشاهير ان ثلاثة من اعضاء مجلس ادارة نادي المريخ تواجدوا حتى فجر الاثنين بمنزل اللاعب لاقناع اسرته بالتحدث له واقناعه بمواصلة المشوار مع المريخ مع تقديم ضمانات كبيرة لمستقبل اللاعب
|
| |
|
|
|
|
|
|
Re: محمد علي سفاري في دفاع الهلال (Re: khaleel)
|
Quote: وتفيد متابعات المشاهير الدقيقة بأن نجم المريخ الدولي محمد علي سفاري سيقوم بفسخ عقده مع المريخ للانتقال للهلال |
يا حبيبي ابو الخل
المصدر من ورق أصفر ولا نعتد به.. أرجى الصدى تأتيك بالخبر اليقين..
تحياتي
| |
|
|
|
|
|
|
Re: محمد علي سفاري في دفاع الهلال (Re: khaleel)
|
Quote: مدافع يجيد الاختباء خلف المدافعين ....اذا قيل لى اين موقعه بعد مساوى وسامى واسامه التعاون وحتى اتير توماس لجعلته فى ذيل القائمة ...ولو قيل لى اين موقعه فى قائمة اللاعبين الاكثر خلقا لجعلته فى راس القائمة ...الهلال لو اراد ان يختار من دفاع المريخ واذا سمحت القوانين بذلك فعليه بسعيدالسعودى .. فياله من مدافع ... |
محمد عبدالرحمن
نعم سفاري
عنده عيوب ولكن اللعب في دفاع الهلال كما تعلم
يطور مستوي اللاعب
| |
|
|
|
|
|
|
Re: محمد علي سفاري في دفاع الهلال (Re: khaleel)
|
الموضوع عادي جدا ولا يستحق أي هيلمانة انما لوكنت في مجلس المريخ أي لاعب مهما كان مستواه حب ينتقل لأي مكان لما سألته حتى عن المكان الذي يود الأنتقال اليه المريخ مؤسسة عظيمة خرجت الكثير من نجوم السودان ولا تعتمد على أسماء ولا تؤثر فيها حركة اللاعبين وعلى استعداد لتعويض فقدان أي لاعب مهما كان مستواه او علا شأنه. والتحية لأبن اختنا محمد على الخضر اينما حل!
| |
|
|
|
|
|
|
Re: محمد علي سفاري في دفاع الهلال (Re: MOHAMMED ELSHEIKH)
|
الأخ محمد الشيخ
Quote: الموضوع عادي جدا ولا يستحق أي هيلمانة انما لوكنت في مجلس المريخ أي لاعب مهما كان مستواه حب ينتقل لأي مكان لما سألته حتى عن المكان الذي يود الأنتقال اليه المريخ مؤسسة عظيمة خرجت الكثير من نجوم السودان ولا تعتمد على أسماء ولا تؤثر فيها حركة اللاعبين وعلى استعداد لتعويض فقدان أي لاعب مهما كان مستواه او علا شأنه. والتحية لأبن اختنا محمد على الخضر اينما حل! |
لو كان ماقلته صيحيحاً لما سجل المريخ من هلال الملايين ثلاثة ارباع لاعبيه الحاليين فريق المريخ يعاني من الشليليات وكل شلة لها ناسها ويفتقر لقائد مثل هيثم مصطفى وهذه الشليليات معروفة منذ عهد بعيد وحدثني عنها مريخابي عاشق يقطن بالقرب من نادي المريخ نحن ما عندنا شليليات وعندن بس الهلال ومن يلعب ويجتهد
الصادق
| |
|
|
|
|
|
|
Re: محمد علي سفاري في دفاع الهلال (Re: tmbis)
|
خليل يا هندسة معلوم سفاري لا يمكن يشارك في المجموعات هذا العام لكن أقصد ان حمى المجموعات خلتكم تهضربو..بعدين أنا مع اني مريخابي لكن عندي راي في سفاري و زي ما قال احد الاخوان مدافع يختبي ورا المدافعين.. و مدافع ما بقع الواطه.. و أخطاء سفاري قاتلة..و المريخ ما بتغلب الا من خطأ لسفاري.
Quote: نعم سفاري
عنده عيوب ولكن اللعب في دفاع الهلال كما تعلم
يطور مستوي اللاعب |
يا خليل هو سفاري دا بقرا في الثانوي العالي؟ ياخي زول بلعب ليهو كم سنة لسع ح يتطور؟
| |
|
|
|
|
|
|
Re: محمد علي سفاري في دفاع الهلال (Re: tmbis)
|
Quote:
عنده عيوب ولكن اللعب في دفاع الهلال كما تعلم
يطور مستوي اللاعب |
دي خلتني اضحك شديد
ياخوي خليل
من ينتقل للمريخ هو من ينشد تطوير مستواه.. المريخ مدرسة ومتعة زي الارسنال.. وسفاري لو جاكم بيكون نهى مستقبله الكروي..
تحياتي
| |
|
|
|
|
|
|
Re: محمد علي سفاري في دفاع الهلال (Re: tmbis)
|
خليل ود اختي مسكاقمي نعم الكابتن سفاري هو افضل مدافع في السودان في الوقت الراهن ولكن هل الهلال سيستفيد منه في البطولة الافريقية التي وصل فيها للمجموعات الاجابة لا لانه لا يستطيع اشراكه فإدارة الهلال ليست بهذه السذاجة ان يسجل لاعب لا يمكن ان يستفيد منه في دور المجموعات المهم جداً فأكيد إدارة الهلال سيبحث عن مدافع اجنبي ليلعب بجوار مساوي وسامي ويمكن التفكير في تسجيل سفاري في تسجيلات ديسمبر واللاعب سفاري لو وجد وضع افضل وعرض مغري فليستفيد منها دا زمن الاحتراف
| |
|
|
|
|
|
|
Re: محمد علي سفاري في دفاع الهلال (Re: صبري طه)
|
Quote: اتير توماس احسن من سفاري بالف خمسمائة مرة ... |
يا خليل امسك في نجيضة كع دي .. اتير دا عايز ليهو نص خريف واحد بس بالكتير .. والله تاني موية ما تمشي بي تحتو .. بس عندو مشكلة صغيرة زي مشكلة طارق أحمد آدم عندو مشكلة مع الكرات الراسية .. لو اتعالجت المشكلة دي ما بتجيهو الحبة ..
| |
|
|
|
|
|
|
Re: محمد علي سفاري في دفاع الهلال (Re: Omar Bob)
|
Quote: عمر بوب كتب: يا خليل الهلال فنيا لا يحتاج لسفاري تسجيل سفاري لن يفيد الهلال كثيرا ولكنه سيضر المريخ ضرر بليغ يبقي ما في معني للخطوه دي الا من باب الحاق الضرر بالمريخ |
وناس المريخ لمّا سجّلوا هيثم طمبل كان دة إسمو شنو ؟ ولمّا سجّلوا كلتشي كان دة إسمو ملاح شنو ؟
ــــــــــ يا عمّك مش دة الاحتراف كدة أيّ واحد يملأ شبكتو بالطريقة العايزها إن شاء الله نسجّل ميسي حتى ولو تضرر برشلونة
| |
|
|
|
|
|
|
Re: محمد علي سفاري في دفاع الهلال (Re: صبري طه)
|
Quote: وناس المريخ لمّا سجّلوا هيثم طمبل كان دة إسمو شنو ؟ ولمّا سجّلوا كلتشي كان دة إسمو ملاح شنو ؟
|
يا صبري سلام اولا عشان نكون منصفيين الهلال هو من بدأ هذا الطريق - علي الاقل في القرن الحالي- بتسجيله علاء الدين يوسف عندما كان الركيزه الوحيده في وسط المريخ. لكن بغض النظر عن من بدأ تسجيل الهلال لسفاري في هذا التوقيت بالذات لالحاق الضرر بالمريخ خطأ وليس في مصلحة الهلال. الهلال يريد لاعبين يدعمونه فنيا في البطوله التي يخوض غمارها في اقل من شهرين
| |
|
|
|
|
|
|
Re: محمد علي سفاري في دفاع الهلال (Re: محمد عبدالرحمن)
|
خليل
يا خليل
يا خي ده كوم
والافارقة في الاندية المصرية كوم تاني
بجيبو لاعبين صغار في السن
وبينجحوا شديد وينتقلوا للعالمية
هسه الاهلي عندوا ولد صغير مهاجم مبالغة في المهارات وبفيد الاهلي جدا
كمان شوف ناس الانتاج الحربي عندهم راس حربة ممتاز جدا
اخر كورة مع الهلي قبل يومين
دفاع الهلي كله بقيادة زائل جمعة ما قدر عليهو
جهز الهدف الاول والثاني ضربة جزاء
اللاعب الزي ده ناس الهلال ما بشوفوهو ليه
يعني ناس الانتاج الحربي ديل اعرق من الهلال في افريقيا
يا خوانا نحن محتاجين فهم كروي متقدم
عشان كورتنا تتقدم
نحن لس فالحين في تسجيل الراجع
راجع تونس
راجع مصر
راجع وين كده ما عارف
الله يكون في العون
| |
|
|
|
|
|
|
Re: محمد علي سفاري في دفاع الهلال (Re: جمال السنوسي)
|
إنسجام سفاري مع المدفاع الاخر بكل إختصار يا طلحة سببه جمهور المريخ.. سفاري معورف لي كل زول بيتفرج كورة إنو مدافع بيدس ورا المدافع الأول وبيختار اللحظة المناسبة للإنقضاض سواء عن طريق الانزلاق وتمرير الكورة للتماس أو الإستلام الرايق مع تصفيق الجمهور وسفاري يا راااايق.. سفاري لما يلعب برة الحدود بيطير ليهو الجانب ده وببقا ماف انسجام بينو وبين المدافع الاخر ده لأنو لا في زول بيصفق ليهو لا في زول بيشجعو ولا في زول بيسمعو سفاري يا رايق.. عشان كده بيفقد أهم خاصية وهي خاصية التوقيت الجيد للظهور خلف المدافع الاخر وبالتالي بيسهل المرور منو وبتكتر اغلاطو سواء في التمرير وسواء في قطع الكورة .. خليل كلامك صاح ..بس صدقني انا ما مقتنع بي سفاري ده لا داخل الحدود ولا خارج الحدود ..سفاري لاعب ذكي عرف كيف يدخل قلوب المريخاب من بوابة صمام الأمام بعد ما يلز قدامو ناس امير دامر وطارق مختار
| |
|
|
|
|
|
|
Re: محمد علي سفاري في دفاع الهلال (Re: عمر الفاروق)
|
حاليا الهلال بعمل اختبارات لي محترفين من مالي ويوغندا والاتنين مدافعين والاعمار بين 22 و19 ..فزي ما قال عمر الا يكون من باب ضرر المريخ لكن الهلال ما محتاج لي سفاري ...سمعت برضو انو بلة جابر بيحاول يقنع ادارة الهلال بتسجيلو بعد ضمن الشطب في شهر ستة ..لكن خانة بلة دي عندنا فيها 4 كلهم احسن من بلة
| |
|
|
|
|
|
|
Re: محمد علي سفاري في دفاع الهلال (Re: طلحة عبدالله)
|
عارف يا عمو طلحة انا ما اصلو ما بكتب عشان أقنع عزيزك القارئ بكتب البيقنعني انا بس.. وفي البوست ده أقنعوني برضو حاجتين .. الأولى قالها عمر بوب في إنو الهلال ما محتاج سفاري لكن ممكن يضر المريخ .. والتاني كلام خليل بتاع خارج الحدود ده ..
| |
|
|
|
|
|
|
Re: محمد علي سفاري في دفاع الهلال (Re: جمال السنوسي)
|
Quote: يبقي ما في معني للخطوه دي الا من باب الحاق الضرر بالمريخ |
في معني تاني للخطوة دي وهو الأرجح ان يكون هذا السفاري قد كره وكجن المريخ واللعب في المريخ .. صحيح ان المريخ هو اغنى نادي سوداني فى الوقت الحالي ، بفضل اموال المؤتمر الوطني المسخرة لخدمة النادي ورئسه جمال الوالي. ولكن Money cann't do every thing سفاري يفتقد ما كان يفتقده علاء الدين يوسف. وهو الاحساس بفخر الانتماء لنادٍ يشكل جمهوره 80% من الشعب السوداني.
| |
|
|
|
|
|
|
Re: محمد علي سفاري في دفاع الهلال (Re: عمر علي حسن)
|
يا خليل كتاباتك بتصب في حب الهلال و بتجي مخلصة و ما فيها شق و ما بتقول طق لكن كلامك هنا مشقوق شق السواد والرماد، الهلال لو داير يضر المريخ جد يخلي سفاري مواصل نجوميتو في دفاع المريخ بوجود سفاري المريخ داايماً لاعب ناقص في دفاعو: اللعب عند سفاري أكل عيش لا يحتمل المجازفة و المحاورةز لذا يلعب بخطة ايهام الجمهور بأنه الأفضل .. و هو لاعب ذكي في ايهام الجمهور: لحدي الناس كوولهاا صدقت انو سفاري في السلك بما فيهم انت يا هندسة (ارجع الذائقة كرتين يا خليل) سفاري في دفاع الهلال سنبك قدر ده (ووضع يده هنا) :)
| |
|
|
|
|
|
|
|