|
المرأة السودانية بعد نصف قرن في القوى العاملة
|
هل كونت شخصيتها العملية؟
هل صارت تتماهى في وظيفتها حتى لا تحس بالفرق النوعي في الاداء؟
وهل استطاعت التحرر من العادات السودانية مثل الحنة والدخان والكبريت في مكان العمل؟
قبل فترة مررنا انا وصديقتي على جهازالامن الماليزي قسم المطبوعات لاخذ اذن لنشر صحيفة عربية هنا
اتت الينا موظفة تلبس الزي القومي لونه محايد وتحثدنا معها لفترة طويلة كانت جاهزيتها عالية للاجابة على كل سؤال وحين خرجنا علقنا ان هذه المرأة استاطعت ان تتماهي في وظيفتها حتى اختفى النوع بالنسبة لنا.. اين تقع المرأة السودانية
الطبيبة والقاضية والمعلمة والموظفة والسكرتيرة والمهندسة والاستاذة الجامعية من عملها؟ وما يجب ان يحدث حتى نستطيع ان نجد نساء عاملات متماهيات في وظيفتهن.
|
|
|
|
|
|
|
|
Re: المرأة السودانية بعد نصف قرن في القوى العاملة (Re: د.نجاة محمود)
|
Quote: وهل استطاعت التحرر من العادات السودانية مثل الحنة والدخان والكبريت في مكان العمل؟ |
يا زولة هوى أوزني كلامك دا! كمان حفرة الدخان مشت كجك كجك .... كلك ركت في مكان العمل؟ ......
لو دي أصبحت الحالة .... البشيرعندو العذر و الأمان يدق الظار!!
و في رقصة الخواجة الويسكي و ال 6 باك مني
و في لولية الحبشية
من كلو....كلو....كلو.
نحن بنلعب ولا بنلعب!
أها يا حبوبة....نحن إتساوينا لا كدا بدون كدا و نحن كدا
| |
|
|
|
|
|
|
Re: المرأة السودانية بعد نصف قرن في القوى العاملة (Re: Kostawi)
|
تعال انلكمك ضحى يا كوستا عن مكاتب الحكومة والمرأة السودانية وتلك السكرتيرة التي تلبس ستكونكز ايوا في السودان الليلينا دا استكوزنس عديل كدا.
تعرف تنبعث روائح الدلكة والكبريت والدخان وتسير وتلف الممرات
عشان في موظفة عروس نزلت الشغل بعد اجازة العرس. الحال دي لما تتم سنة..وتعرس واحدة تاني وهكذا دلاليك حالة عطرتي الحي وانت مارة ديط ذاتها
بعداك عايز اي حاجة من اليورانيوم الى اقلام الحواجب الالمانية بتتباع في المكاتب من قبل بياعات من برة او موظفات عايزات يزيدن دخلهن
او الذهاب في وقت العمل الرسمي لتقديم واجبات العزاء ولا سماية..
السنوات الفاتت دي بس برصد فيما يحدث عشان اعرف السودان دا انتهى كيف..
والكمبيوترات في المكتب للفرجة في صور الاعراس واليو تيوب
لا يوجد عمل يا كوستا خالص بكرة حيندق "ظار" لواحدة مدسترة في المكتب عشان الترحيل وكدا منتظرين منك الويسكي والشموع الملونة.. في ناس معلقة صورة مريم العزراء وعندها الخواجة حالة يا ابانا الذي في السماء تنجدنا وتفزعنا بتوما هوك يعدمهم نفاخ النار
بالله لو يوم قررت تجي السودان لازم ننزل سوا عشان اوريك الحتت المفروض يقع فيها التوما هوك
| |
|
|
|
|
|
|
Re: المرأة السودانية بعد نصف قرن في القوى العاملة (Re: د.نجاة محمود)
|
إنتي بصحك! المولد دا كلو نحن ما فيه? الله لا كسبك يا البشير
جدعت لينا الجناح و ضربت الصدر
يا حبوبة هوي إنتي حلمانة ساكت
بلا مستكة معاك!!!
سير سير يا البشير سير سير و أقع البير
_______________________________________________
حبوبة بيان أثبتي كلامك الفوق دا و جيبي الدليل و الريحة و الصندلية و الدخان أنا ما شامي أي حاجة....كلام كيزان ساكت.
مطلوب منك الإعتذار في نص النهار
| |
|
|
|
|
|
|
Re: المرأة السودانية بعد نصف قرن في القوى العاملة (Re: Kostawi)
|
Quote: بالنسبة لنا.. اين تقع المرأة السودانية
الطبيبة والقاضية والمعلمة والموظفة والسكرتيرة والمهندسة والاستاذة الجامعية من عملها؟ |
المرأة السودانية العاملة ما زالت بخير .. معلمات و محاميات و دكتورات و موظفات بنوك ... و غيرن و غيرن..ماليات مراكزن
الشفتيها دي بتكون من الحالات الشاذة يا نجو
| |
|
|
|
|
|
|
Re: المرأة السودانية بعد نصف قرن في القوى العاملة (Re: سناء عبد السيد)
|
Quote: وتلك السكرتيرة التي تلبس ستكونكز ايوا في السودان الليلينا دا استكوزنس عديل كدا. |
اسنكونكز عديل كده!! مع اني ما عارفاهو شنو بالضبط لكن ما احلى التوب الابيض في الموظفات
Quote: تعرف تنبعث روائح الدلكة والكبريت والدخان وتسير وتلف الممرات |
مسكينة كده بتكون خسرت إحترام الجميع ليها .. الحاجات دي حدها البيت فقط
| |
|
|
|
|
|
|
Re: المرأة السودانية بعد نصف قرن في القوى العاملة (Re: سناء عبد السيد)
|
د. نجاة
تحياتي
أعتقد جازما أن المرأة السودانية العاملة في الغالب الأعم بألف خير. هناك حالات نادرة مثل التي تفضلت بذكرهن ، و أعتقد أنهاحالات تحتاج إلى حسم من الزوج قبل كل شيء ، بمعنى أنه لا يمكن أن تنتقل ( المحفزات ) البيتية إلى المكاتب ( و على الأقل رفقا بالعزابة ) ..
تخريمة : في أتبرا أيام كانت الدنيا بألف خير ، أتت زميلة لنا بكامل هندامها بعد عرسها و هي تتزين بكل ما كانت تحويه الشيلة من ذهب و عطور و أخشاب عطرة و أشياء أخرى ، إندلق عطرها المحفز من لحظة دخولها بوابة المدرسة و كان الأثر صارخا إبتداءا من الغفير الذي وقف يتذكر أياما مضت و وصولا لمكاتبنا و مكاتب بقية المعلمات فخرجنا نستطلع الأمر. ناداها المدير و قال لها : واحدة من إتنين : يا نطلع نحن و يجي زوجك هنا و تدي الحصص كلها براك إنت و زوجك ، يا ترجعي تاني و نديك شهر عسل تاني هدية كدة من عندي. بالطبع فهمت ما يقصد و قد كان
دمتم
| |
|
|
|
|
|
|
Re: المرأة السودانية بعد نصف قرن في القوى العاملة (Re: سناء عبد السيد)
|
Quote: المرأة السودانية العاملة ما زالت بخير .. معلمات و محاميات و دكتورات و موظفات بنوك ... و غيرن و غيرن..ماليات مراكزن
الشفتيها دي بتكون من الحالات الشاذة يا نجو |
تصدقي لا يا حبيبة
الدكتورات محننات بالصبغة وضاربات المنكير ومربيات الاضافر السكرتيرات حاجة كدا عجيبة جدا واستاذات الجامعة محننات ومقمعات اصابعن في تسليع خرافي للمرأة يا سنو
لمعان عديل بالله الواحد يمشي لما يحس انه اغباااااااااااااااااااش ذي الما عايشات في السودان
استوكننق مع اسكيرت اسمه حبيبي شطفني زمنا كان اسمو ميدي _______________
| |
|
|
|
|
|
|
Re: المرأة السودانية بعد نصف قرن في القوى العاملة (Re: د.نجاة محمود)
|
Quote: : في أتبرا أيام كانت الدنيا بألف خير ، أتت زميلة لنا بكامل هندامها بعد عرسها و هي تتزين بكل ما كانت تحويه الشيلة من ذهب و عطور و أخشاب عطرة و أشياء أخرى ، إندلق عطرها المحفز من لحظة دخولها بوابة المدرسة و كان الأثر صارخا إبتداءا من الغفير الذي وقف يتذكر أياما مضت و وصولا لمكاتبنا و مكاتب بقية المعلمات فخرجنا نستطلع الأمر. ناداها المدير و قال لها : واحدة من إتنين : يا نطلع نحن و يجي زوجك هنا و تدي الحصص كلها براك إنت و زوجك ، يا ترجعي تاني و نديك شهر عسل تاني هدية كدة من عندي. |
شوفتا كيف يا ابوجهينة؟ دا كان زمان اسع المدير ذاتو يجي يشمشم مع الشمامين ويقوليها والله لو كان حتيتي شاف مع الطلح ولخبتيه بالكوليت بعمل لونك اصفر
آزول امانة السودان ما اتغير
| |
|
|
|
|
|
|
|