|
|
|
 Re: وزيرة الدّولة بالإعلام: أكتب أحياناً في سودانيز أون لاين و أشكر بكري أبوبكر و أعضاء المنبر (Re: المر)
|
هلا يا المر
هي وزيرة جاءت من عامّة الشّعب
لم تأتيها الوزارة تُجرجِر أذيالها لنسب أو تتوراثها بحسب
قالت في لقاء سابق معها أنّها تتمتّع بالقراءة عند ركوب الحافلة من بداية المحطة لتصل لآخر المحطة و بالعكس لتجد مُتّسعاً من الوقت للقراءة.
تحدّثت بوعي كبير عن الإنترنت و دوره
أشادت بسودانيز و عضويّته و بكري
لكِنّها قللت أيضاً من قيادة الحملات من على البعد
وقالت: حاشا أن أستهين بالثوارت الإلكترونية
لكن لا تُقاد الثورات من على البعد
| |
  
|
|
|
|
|
|
|
 Re: وزيرة الدّولة بالإعلام: أكتب أحياناً في سودانيز أون لاين و أشكر بكري أبوبكر و أعضاء المنبر (Re: mayada kamal)
|
سلام يا ميادة,, غايتو واحد فينا فاهم غلط !!!
لكن أخت المر دا مع البسوى فيهو ما أظنو أخت!!!!
تحياتى لك وله أو لها والله أعلم,,,
لكن للضمان كدا المر إتلعب,,,,,,,
| |
|
|
|
|
|
|
|
|
|
Re: وزيرة الدّولة بالإعلام: أكتب أحياناً في سودانيز أون لاين و أشكر بكري أبوبكر و أعضاء المنبر (Re: خالد أحمد شطة)
|
سلام يا علاء
ياخى ناسك راجينك بالخبر اليقين عن قوش , فاتحين خشمهم تجى ترش من طرف أكاذيب المعارضه و تلفيقات الحركه و الصهيونية الدوليه ... تجيهم بي خبير عن الفيسبوك؟ و كمان من وزيرة دولة؟ و لا حتى وزيرة أو وزير كامل؟
و الله مقدر الحالة البتكون انت شخصيآ فيها, طبعآ لا أخفي شماتتى ليس فقط على قوش, بل على كل من له صلة بالأمر .
زى ما قال قمر بوبا في مكان آخر : نتفرج و نصفق للشوتة الحلوة , و لو لم تحدث معجزة حتصبح بعد فترة الطلقه الحلوة ...
دى قد تكون الفرصة الأخيرة لمن يود المخارجه - و لو كذبآ - من الجثه دى .... قبل تطرشق
| Quote: قالت في لقاء سابق معها أنّها تتمتّع بالقراءة عند ركوب الحافلة من بداية المحطة لتصل لآخر المحطة |
قويه دى .... اسه ده توب زولة بتركب حافله؟ كرفيساية مافيهو؟ و لا ده وش طقتو شمس موقف حافلات
| Quote: مرة قالت الوزيرة انها بتقعد 16 ساعة امام الانترنت |
فعلآ وزيرة في الأنقاذ .... 16 + 8 نوم = 24 , بتشتغل متين؟
| |
|
|
|
|
|
|
|
|
|
Re: وزيرة الدّولة بالإعلام: أكتب أحياناً في سودانيز أون لاين و أشكر بكري أبوبكر و أعضاء المنبر (Re: esam gabralla)
|
هلا يا عصام جبر الله
كيف حالك ياخ
طوّلنا منك
يا حبيب أخبار الحوش مية مية والجيران مافي ليهم فرقة للشماتة
لكن يا عصام
بالله هسي التوب بقى مُشكلة في بلدنا دي؟
يعني برضو الزولة ما كانت عاطلة قبلما تجي وزيرة دولة
و ما أعتقد إنو بيغلب مُوظّفة في أي منفذ حكومي شراء توب و تظهر بيهو مكوي
بعدين دي يا عصام سفاسف أمور ما أفتكر بتشبه مُناضل كبير زيّك يعني خليت لي ناس صُطوفي وسيف مساعد شِنو؟
أها أمسك لينا في المُحتوى
ولو بكري ما شال لينا الرابط دة
هِنا بتلقا اللقاء كامل و مُسجّل فيديو للسيدة الوزيرة واللي كان مبثوث مُباشر أمس مساءاً
إضغط لمُشاهدة الحوار الكامل (فيديو)
بعدين إختيارنا للوزيرة سناء حمد كان لانتصار الشباب في تقلدهم لمناصب رفيعة و التفات القيادة لهم
| |
|
|
|
|
|
|
|
|
|
Re: وزيرة الدّولة بالإعلام: أكتب أحياناً في سودانيز أون لاين و أشكر بكري أبوبكر و أعضاء المنبر (Re: خالد أحمد شطة)
|
Quote: أنّها تتمتّع بالقراءة عند ركوب الحافلة من بداية المحطة لتصل لآخر
المحطة و بالعكس لتجد مُتّسعاً من الوقت للقراءة. |
في كلمة كانت هنا ما موجوده في الجمُله دي ...
انشاء الله بتوصل كلام الناس التعبانه مصاقرة النت دا وأراءهم للمسؤولين التانين
زي المتعافي والخضر ،، الما قاعدين يصاقروا التبخ دا .. ( الكيبورد)
وهي كان قاعده في النت 16 ساعه والبيت والزوج والاولاد والنوم 8 ساعات ، إنتو
الوزراء ديل يومهم كم ساعه ؟؟
يا جاوبنا يا علاء يا كمان خلي بكري يناولها باس ويرد مؤقت كدا ( رخصة موتر) تجاوبنا ...
| |
|
|
|
|
|
|
|
|
|
Re: وزيرة الدّولة بالإعلام: أكتب أحياناً في سودانيز أون لاين و أشكر بكري أبوبكر و أعضاء المنبر (Re: معاوية عبيد الصائم)
|
وزيرة الدولة بالإعلام تؤكد على أهمية وجود سياسة متكاملة للنهوض بصناعة الصحافة
الخرطوم 2/5/2011 (سونا) – أكدت الأستاذة سناء حمد العوض وزيرة الدولة بالإعلام أهمية وجود سياسة متكاملة من أجل النهوض بصناعة الصحافة بالسودان وذلك للعمل على تذليل العقبات التي تواجه ذلك والعمل على تشجيع المؤسسات الصحفية بطرح جملة من الحوافز مثل ضمان حقوق العاملين في مهنة الصحافة والعمل على تأهيلهم وتطوير قدراتهم والدفع بهم لمواكبة المتغيرات حول العالم
وأضافت سناء في حوار مع موقع"سوداني نت" أن السودان به صحفيين مقتدرون ولديهم الموهبة والإمكانيات فقط يحتاجون الى شكل من أشكال التدريب وأن الدولة تطوعت بالدخول في برامج التدريب وذلك عبر أكاديمية السودان للعلوم والاتصال وعلوم التدريب الإعلامي بالتركيز على الصحافة
وطالبت الوزيرة بضرورة صياغة سياسة مستقبلية من اجل إيجاد صحافة قوية صادرة عن مؤسسات مهنيه عالية وبها حماية للصحفي وضمان مستقبله. وأضافت الوزيرة أن هنالك حرصا من الدولة على فتح الباب أمام القطاع الخاص لإنشاء قنوات وإذاعات متخصصة في القضايا الاجتماعية البحتة وذلك من اجل التعريف بهذا البلد في كافة الجوانب، وان هناك مشروع قناة متخصصة في مجال الزراعة والتطور الزراعي في السودان ، مؤكدة أن المرحلة القادمة ستشهد تغيراً ملحوظاً في الأداء الإعلامي لسفارات السودان بالخارج خاصة التي بها ملحقيات إعلامية تابعة لوزارة الإعلام وذلك بالتنسيق مع وزارة الخارجية. وأضافت سناء أن هنالك برنامجا لاستيعاب الكفاءات وأصحاب الإمكانيات بغض النظر عن وجودها بالداخل أو الخارج لأن في ذلك مصالح الدولة العليا
| |
|
|
|
|
|
|
| |
علاء الدين يوسف علي محمد
mayada kamal
أيمن الطيب
ادم الهلباوى
خالد أحمد شطة
Hisham Ibrahim
محمد على حسن
GamarBoBa
Mohammed Awad
محمد أبوالعزائم أبوالريش
صلاح غريبة
Ahmed musa
MOHAMMED ELSHEIKH
عبد اللطيف السيدح
محمد علي شقدي
علي الكرار هاشم
فيصل نوبي
إسماعيل التاج
فيس بوك
تويتر
انستقرام
يوتيوب
بنتيريست