|
Re: إن عطس تاج السر الملك (Re: Hussein Mallasi)
|
انطبق عليكـ قوله في آخر عنوان علَقو بكري فوق : Quote: و لكنها خصلة ( البغارة) التي تسبق تلاشتها العقل الى اللسان. |
_________________________________ بالعكس ممكن يكون بوست نقاش بغير منطق (البغارة )
| |
|
|
|
|
|
|
Re: إن عطس تاج السر الملك (Re: نادر الفضلى)
|
هن المعلقات ديل مش قالوا سموهن كدا عشان كانن معلقات في الكعبة
والله لو ما خايفة ناس امرؤ القيس ديل الحسادة ناكلهم كنا علقنا شغل ابو السرة دا معاهن
والحاسد الله يعلقه من لسانه.
| |
|
|
|
|
|
|
Re: إن عطس تاج السر الملك (Re: سناء الصباغ)
|
شكـرا على التنبيـه يا حسين
كدا بكرى سهل علينا ومن نفتح المنبر نشتغل فى مجالنا بدل كل مرة نفتش البوستات.
تاج السر استطاع التعبير عن حقائق يومية فى قالب ادبى ممتع ومشـوق للقراءة.
.
| |
|
|
|
|
|
|
Re: إن عطس تاج السر الملك (Re: Yasier Elsayed)
|
في نهار غائظ من نهارات بورسودان فى صيفها المعلوم كنت بصحبة الراحل المقيم واحد ظرفاء المدينة العم موسى كربن والذى يفوق عندى الهادى الضلالي وودنفاش بالنسبة لساكنى امدرمان والمتيمين بها فى طريقنا الى قهوة البحارة وصرت احاورة واستحثة على الحديث عن الاسماء اللامعه فى المدينة وتاريخها وقلت من ضمن ما قلت :
كربنوت انت ناس جريسلي ديل قصتهم شنو ؟ وقال : ...........
طيب ناس بعشر ديل اصلهم شنو ؟ وقال :.............
وفى الوقت الذى كنت اغالب فيه ضحكاتى حتى لايظن المارة بي الظنون قلت
ياكربنوت ديل كلهم انا عرفتهم لكن تعال نسالك انت ناس ملاسي ديل قصتهم شنو ؟
فقال ........
ولو امد الله فى الاجال والنضال وطابت النفوس لقصصت عليكم حكايات العم موسى كربن عن تعليقه حول رفع بوست تاج السر الملك على راس منبر بكري ..
والاصل تتبعة الفروع
| |
|
|
|
|
|
|
Re: إن عطس تاج السر الملك (Re: فضل الصادق)
|
Quote: إن عطس تاج السر الملك
فسيعلق بكري عطسته أعلى البورد! |
وبرضو حنشوف تعليق عطسه تاج السِر الملِك، في أعلى البورد، بسيطة وأقل مِن قامتو.. طبعًا إنت عاوِز -كالعادة- تنال مِن "محبوب" آخر في ها البورد، بس ما حتنجح، عارِف ليه، علشان الحُسُد بَيِن في ما عجِزت أن تُضاريهو في صندوق صدرك، ياخ حاوِل مره -على سبيل التغَيير- تعايِن لِحاجات الناس السمحه. تاج السِر الملِك ده "إبْداع" مُتحرِك، أكانت الصحافة -الإنت عِندك فوقا سِطير في آخر الصفحة بِالمجان- أكل عيشو في 1989م تقريبًا، زول مِن الوكِت داك أكان بِعرِض لوحاتو، تاج السِر ده بِخلاف كَونو "ود بلد" زول محبوب البحراوِيين ومحبوب مدني السُني ومحبوب ها الإسْفير، إنت البِريدك يِريد العدو... ولا يفوتني في ها السانِحة، أن أسلِم على تاج السِر الملِك، وبطلُب أُغنِية يا "الحاسدين غرامي" ـــــــــــ
Quote: محض إحسان ظن ببكري |
الإحسان ده بِبْذِلوهو لِلمِسيكين، سِطيرك البِتتْأمل فوقو، في جريدة (والله ما مُتذكِر إسمها) سِطيرك الفي آخِر الصفحة، ده هو الإسمو "إحسان" ـــــــــــ كَدي يا "ملاسي" حاوِل تكتِب أي حاجة مُكَونه مِن ربع صفحة، علشان نسمع عطستك، ونقارِنا بِعطسه ود الملِك. سِطيرك ده ما بِخلينا نصنِفك عِلا في قائِمة "جِحا" و"ود نفاش" في باب <قال ليك في واحِد: ... إلخ إلخ>
ود الملِك هووووي: الله يِرحمك (في شأن عطستك التي عطسْتها)
| |
|
|
|
|
|
|
Re: إن عطس تاج السر الملك (Re: عمر عبد الله فضل المولى)
|
عليك الطلاق بالتلاتة بالغت عديل كدا يا ملاسي أخوي مالك آزول بتدورنا نغير رأينا فيك ؟؟؟ ياخ تاج السر دا زول أديب مبدع مكمل الإبداع والمفروض ذاتو نديها قروش على مجهوداتو الهنا دي تقول لي ما يعلق وما يدلي وما عارف شنو .. ياخ انا لسع قاعد اعيد قراءة راجل المرة الفي الصلاة الكتبا قبل شهور ولسع كأني قريتا أول مرة .. هسع فى إبداع أكتر من كدا ..؟؟؟؟؟؟ ملاسي ياخوي بطل هظار هووووووووى وإتصلح معانا ياخ .
| |
|
|
|
|
|
|
Re: إن عطس تاج السر الملك (Re: محمد أبوالعزائم أبوالريش)
|
Quote: (المعطوسة) ما بتبالي من (الحذف) يا قيقابايت!!
|
لوووووول
قلنا نساعد و انت عارف اخوك بحب المساعدة ؤ كدا .. خصوصاً لو كان في مجالو
-------
لو ما البوست دا عامل دعاية كويسة لبوست حبيب البي الملك ما كان شاورت ذاتو .. كان بساعد طوالي و الله
| |
|
|
|
|
|
|
Re: إن عطس تاج السر الملك (Re: قيقراوي)
|
بعدين يا قيقابايت .. عمكـ ملاسي زاتو ببالغ! ما لقى إلا يوم إعلان نتائج اللوتري .. وأخوكـ كما هو المتوقع طلع قادي في كل المواد!!
_ محمد إبراهيم يا موساد .. باقي اتنين
| |
|
|
|
|
|
|
Re: إن عطس تاج السر الملك (Re: محمد عبد الماجد الصايم)
|
يا زول ولا تقنطوا من رحمة الله
انا شعاري من اليوم (وراها وراها حتى نراها) يا خي انا بديت التقديم من 1993 زمن مكنة الطباعة كجك كجك ديك الناس دي ما بتقدر الخبرات ولا شنو
ـــــــــــ معليش يا حسين اهو جات في بوستيك ده
| |
|
|
|
|
|
|
Re: إن عطس تاج السر الملك (Re: محمد إبراهيم علي)
|
Quote: والحاسد الله يعلقه من لسانه. |
والجاتك من لسانك سامحتك
ااااا ناس هوى حسين ليهو حق (يبغر) ود الملك شابكنا بنى كجه بنى كجه بدل ما يختصر ويقول حسين ملاسى...........قال عزو قال
الفوله بتتملى و(البغاره)* بجوا
| |
|
|
|
|
|
|
|