وإنتوا يا سجم الرماد ما قلنا ليكم امسكوا الشيطان الواحد دا .. عاملين فيها يعني ما هاميكم ؟؟ أها خموا وصروا يخمكم الخم بلة.. ياخ ذاتو إتوا كان ما نحس والحظ طاير ليكم يشجعكم عمر الفاروق الواحد ..؟ يتبع ....
04-28-2011, 09:17 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
ويا زفت الزفت الواحد هسع عليكم الله ما بتخجلوا الخجل الواحد دا ؟ شايلكم فرد شيطان واحد يعني لو يوم إنقلبت بيهو عربية واللا إنزلق في الحمام ورجلو الواحدة دي إتكسرت ح تلقوا ليكم زفت وين يزفت الباقين .. إن شاء الله بكرة بعد بكرة صلاح إدريس الأرباب يرجع الهلال ويفاوض زفتكم الواحد دا عشان جمال الوالي يسجلوا في المريخ ويبقي النجم الواحد وسط الكواكب الكتيرة أها النشوف تاني بتلقوا ليكم شيطان واحد يغلب ليكم وين ؟ يتبع ..
04-28-2011, 09:19 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
يا زول شكلك زهجان شديد من الزول ده.. طيب فريق اللاعب الرجل الواحد ده فرق الحداشر لاعب ما بتغلبوا مالها؟؟ تمانيه لعيبه من برشلونه بمساعدة كاسياس و بعض الشماشه شالوا كاس العالم بدون زولك ده. برشلونه فريق التيكي تاكا، كوره واطه، باصات دقاقه، شوت في الزوي.
04-28-2011, 09:27 AM
Omar Bob
Omar Bob
تاريخ التسجيل: 02-02-2005
مجموع المشاركات: 2543
ا تنظير ازييك ياخي والله زول يكره برشلونه دا انا اشك في زائقتو الكرويه ياخي ممكن افهم انك تكون بتتغاظ منهم لان الريال فريقك المفضل لكن ديل ما بيتكرهو برشلونه هي من عنيت ببيت الشعر هيهات هيهات لا جن ولا سحره بقادرين علي ان يلحقو اثره لانهم اعطي معني اخر لكره القدم
04-28-2011, 09:33 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
يا بوب ريا ل شنو الفريقي المفضل ياخ ؟؟ والله ولا شاف التفضل بى عينو العوراء دي .. كلما في الأمر أنا وقفت معاهو كراهية ساي في فريق اللاعب الواحد دا .. بعدين :
Quote: هيهات هيهات لا جن ولا سحره بقادرين علي ان يلحقو اثره
ياخ زمن قالوا قصيدة القطر دي الزمن داك ما إكتشفوا باب المندب ذاتو خليك من أسبانيا .
04-28-2011, 09:39 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
Quote: طيب فريق اللاعب الرجل الواحد ده فرق الحداشر لاعب ما بتغلبوا مالها؟؟
ما كلها سجم رماد ساي زيها وزي الهلال والمريخ واحد .. المرة الفاتت لما العياقات ديل مسكوا الشيطان الواحد غلبوا أمبارح كانوا عايزين يعملوا فيها دابي بحر ما بهمهم الشويطين دا لغاية ما ضبحم وسلخم .. مدرب عواليق ما بسمع الكلام ياخ .
04-28-2011, 09:42 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
ملحوظة : طالما بقي ميسي في برشلونة سيبقي فى نظري هو الشويطين الواحد وأب رويس الواحد وزفت الطين الواحد ومجرد ما يفوت من فريق الرجل الواحد سينقلب بالنسبة لى إلى تاني المعجزات الكروية في العالم بعد مارادونا.
والبارسا لعبه جماعي بدليل إنو أكثر فريق في العالم يتناقل الكرة بين أفراده لدرجة أن نسبة امتلاكه للكرة تفوق الـ 70% وفي مباراة أمس أمام الريال استحوذ على الكُرة بنسبة 72%
البارسا ليس ميسي فقط البارسا تيم متكامل بدليل اشتراك 7 لاعبين منه في التشكيلة الأساسية للمنتخب الإسباني في كأس العالم أدّى إلى فوز الإسبان بالكأس لأول مرّة في تاريخهم ...
ويبقى السؤال المهم: هل افتقد المنتخب الإسباني في كأس العالم لميسي أم افتقد ميسي لاعبي برشلونة الإسبان في المنتخب الأرجنتيني ؟
ولك ودّي ،،،
04-28-2011, 09:47 AM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
البحرق فشفاش الواحد ويهرد كبدتو بعد زلقة ميسي بكراعو القصيرة دي للقون الاول ، بعد طردة بيبي الكان ماسك مسيي والكان خاشي في الكورة ما خاشي على كراع الزول
انو يجيك عينة صبري طه دا ويقول ليك برشلونة لعب جماعي وليس ميسي ياخ جماعي بتاع فنيلتك؟!
04-28-2011, 11:53 AM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
يا محمد يوسف كيفك .. ياخي الهجمة الاخد فيها سيرجيو راموس كرت اصفر كانت طبق الاصل من الهجمة بتاعة الهدف التاني ، ميسي مر من وسط مدريد كلو بما فيهو بيبي ولو ما العتالي راموس كان حا يكون طبق الاصل ... القون الاول ميسي وسبعة مدافعين من ريال مدريد ، لو بيبي موجود هل كان حا يقدر يسبق ميسي على الكورة ؟؟ مستحيل الكورة الجهزا ميسي لي زافي وصداها كاسياس وين كان بيبي . القون التاني لو بيبي موجود ما كان عندو حل غير انو ياخد كرت احمر تاني ، ميسي لمن يصل السرعة القصوى ويكون في مساحة قدامو المدافع بكون عندو حل واحد بس ، يشيلو يرميهو في الواطة وده طبعا لو قدر حصلوا .. بصراحة امبارح ريال مدريد ما كان جاهز عشان يناطح برشلونة .. مورينيو ما عمل اي حاجة عشان يفوز .. جوارديولا تعلم من اخطاؤه وخلى الباكات ما يتقدمو ، ما شفنا هجمة مرتدة واحدة لريال مدريد ، معقول ده فريق في ملعبو وعايز يفوز ؟؟؟ تلاتة مهاجمين من طراز دولي قاعدين في الكنبة لليوم الاسود ؟؟
يا طلحة اهلنا بقولو الجايات اكتر من الرايحات و الحاري ولا المتعشي ( ده عزاكم الوحيد يا ناس الريال بس السنة دي ما حا تتعشوا )
تحياتي طلحة والجميع
04-28-2011, 09:58 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
Quote: محمد يوسف الزين كتب: انت من الناس القايل قوارديولا دا مدرب خطير صاح؟
يا عمّك جوارديولا ببني الفريق من تحت لي فوق باعتمادو على الصغار مش زي الناس البتعتمد على اللاعبين الجاهزين وما قادرين يولفوا بيناتم ... أقرب ليك مثال أمس في نهاية المباراة أشرك جوارديولا لاعب صغير السن (نسيت إسمو) محل فيا ... سألت نفسك ليه ؟ عشان يخلّيهو يعيش جو المباريات الكبيرة وخاصة مباريات الكلاسيكو وبعد ما يستوي زي ميسي كدة بجي يسوّي ليكم شغل السيرة وقطع الرحط
العملو جوارديولا للبارسا سيخلّده التاريخ طويلاً وسيبقى مضرب مثل عظيم ...
شكرن يا معايوة على الاهداء نهدي ليك في الشين ان شاءالله ________________________
طه صبري
Quote: أقرب ليك مثال أمس في نهاية المباراة أشرك جوارديولا لاعب صغير السن (نسيت إسمو) محل فيا ... سألت نفسك ليه ؟
ياخي عامل فيها برشلونة وما بتعرف ابراهيم افيلاي، ياخي انت حالتك صعبة : ) دا انتاج هولندا يا صاحب. ولا دخل لمدرسة "لاميسا" به.
ثم ان كل الذين تراهم الآن من اعمدة برشلونة لا دخل لقوارديولا بتاعك بهم! قوارديولا يا عمكـ اختياراتو كلها كانت فاشلة..ياخي دا صاحب اغبى صفقة في التاريخ..هاكم صمويل إيتو وادونا ابراهموفتش ومعاها 50 مليون أورار! عارف الخمسين مليون اورار دي (من غير ايتو البي فوقا) جبنا بيها كم كارفايو وخضيرة؟
ريكارد هو من صعد اعمدة الفريق الحالية! ومدرسة لاميسا قامت وما تزال على فكر يوهان كرويف. وصحبك جوارديولا دا ما بعرف غير طريقتو الواحدة البلعب بيها. والي هي اصلن حافظها من زمان في برشلونة
ياخ من كترت ما قوارديولا مخلوع انو الناس ديل بقول ليهم خشو والعبو بنفس الطريقة بقومو بخشو ويلعبو بنفس الطريقة وبفوزو.. لمن هو زاتو بقى اصلاً شكلو مخلوع ياخ دا قال على بسكويت (بوسكيت) دا ما دايرنو كعب بيعو. لمن عمك ديل بوسكي ركب البوكسي بتاعو ومشى ليهو في الكامب نو واقنعو انو يخليهو لمصلحة البارسا ومنتخب اسبانيا.
04-28-2011, 11:08 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
محمد يوسف الزين امانة الله والرسول رش البرشلوناب ديل من طرف وأبدأ لي بالمتكيفاتي الكبير طارق جبريل مرورا بالقمر بوبا وليس نهاية بصبري طه ومعاوية حسين وإتا ماش .. وانا بدخل مرة مرة كدا أساعدك بسرقة اللعب ..
04-28-2011, 11:09 AM
محمد يوسف الزين
محمد يوسف الزين
تاريخ التسجيل: 02-08-2008
مجموع المشاركات: 1968
عليك الله يا طلحة لعيبة برشلونة ديل امس ما عاملين زي نسوان الحواري في الافلام المصرية؟ ياخ بس يهبشو ليك فيهم واحد يجو جارييييين كلهم يخرخرو ليك للحكم ويشلتو ليك في الناس لحدت ما الحكم طرد بيبي الكان هارش منو ميسي الفقر ياخي بكايين وخرخارين ، أما الشماشي الاسمو داني الفيش ولا منو داك. دا لو لقيت لي فيهو ساطور بجيب اجلو بجيب اجلو
يا الزين انت مجحف خلاس! والله أنا من شدة ما متكيف جاني إسهال عديل كدة!! عليك الله شفت سرجيو راموس ده مخلوع كيف لمن القون التاني دخل! وكاسياس ما عرف ذاتو ينهر منو والله برشلونة كان ميسي ولا غير ميسي فريق ممتع لدرجة الدهشة .. وبعدين أفلاي دخل بدل بيدرو يا مفتح عامل فيها مقطعة وتهزئ في الراجل .. شفت أدي بايور علقوه ليك لمن فقد المنطق ومفروض كان ينطرد برضو لكن الحكم حن عليكم ساكت ...
ريال مدريد يمتلك لاعبين من الطراز الأول ولكن في المباريات الثلاث لعب بخطة ########ة ########ة تعتمد على الدفاع والهجمات المرتدة وإخافة الفريق المنافس بالضرب والركل يعني أبدا ما تستبعد إنو ريال مدريد يقلب الطاولة على برشلونة هناك بس لو لعب هجومي ولعب هجوين وكاكا ورونالدو وديماريا وأوزيل قدام.!!! بهزر معاك ساي تشموها قدحة والخمسة محمداكم
برشلونة
04-28-2011, 11:20 AM
هشام عباس
هشام عباس
تاريخ التسجيل: 08-30-2010
مجموع المشاركات: 5609
Quote: ياخي عامل فيها برشلونة وما بتعرف ابراهيم افيلاي، ياخي انت حالتك صعبة : ) دا انتاج هولندا يا صاحب. ولا دخل لمدرسة "لاميسا" به.
والله انت اللى حالتك صعبة يا محمد يوسف اقوان ميسى مؤثرة فيك خالس هو لا يقصد ابراهيم افلاى افلاى لعب بديلا لبيدرو المصاب هو يقصد اللاعب الذى دخل بديلا لفيا فى الدقائق الاخيرة شاب صغير من فريق برشلونة B عمره 19 سنة ... الود دا بيشبه ميسى شديد تبقى مصيبة عليكم لو بقى شبهو فى الكورة كمان ..
04-28-2011, 11:24 AM
محمد يوسف الزين
محمد يوسف الزين
تاريخ التسجيل: 02-08-2008
مجموع المشاركات: 1968
مشكلة الريال الحقيقية يا معلم في انو عندو لعيبة مستواهم هابط نازل. يعني دي ماريا تألقو في مباراة الكاس دا انا زاتي ادهشني. لأنو دي ماريا اصلن بتمسك بالساهل. أوزيل لسة في المباريات الكبيرة بثبت انو ما لاعب مباريات كبيرة مع الريال! عندك رونالدو اللعبو ليهو بويول العائد من اصابة طرف شمال! وعدمو النفس! تقول عليهو شنو؟ مورينهو مشكلتو اتخلع بأزمتو الدفاعية امس واعتمد على الهجمات المرتدة. خضيرة معوق وكارفايو ماف اطر يخت بيبي في الارتكاز مع الونزو الاصلن انا ما مقتنع بدفاعو! ياخي كاكا دا مخليهو برة مالك؟ يعني كاكا اذا ما كان داير يثبت انو كاكا امس حيثبتها متين! دا عندو اكبر الدوافع عشان يثبت روحو
سلام
04-28-2011, 12:26 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
يا برشلوناب ياخ فريقكم دا شدة ما هو فريق اللاعب الواحد قال ليك خطة مدربم لأي مباراة مبنية على قاعدة أساسية وهي أنو أي لاعب يستلم الكورة يمش يفتش ميسي وين عشان يسلما ليهو ويقعد يتفرج زيو وزي الجمهور البرة وما مهم الظرف واللا الحالة واللا الموقع الفيهو اللاعب دا ان شاء الله حتى لو انفرد بالقون وفات من الحارس وعينو للشبكة فاضية لازم يستني الشويطين أب رويس دا عشان يديها ليهو.. هسع العملية العملا بيدرو واللا منو ما عارف امبارح دي موش تأكيد على أنو برشلونة هي ميسي وميسي هو برشلونة .. ؟ زول ياخوانا يعافر ويدافر ويتحمل عفيص عتاولة الريا ل ديل كلهم عشان يقلع الكورة ويمش يفتش زفت الطين وين يسلمو الامانة ويقعد يتفرج فيهو وهو يجبد في العواليق الطرش ديل عولاق عولاق وأطرش أطرش لغاية ما يمش يبطح القون زيو وزي المعز مبطوح بتاع الهلال ويدخلا قون ..؟ لالالالالا دا فريق اللاعب الواحد أصلها ما عايزة ليها غلاط .
04-28-2011, 03:54 PM
khalid Elkhidir
khalid Elkhidir
تاريخ التسجيل: 06-08-2010
مجموع المشاركات: 106
Quote: وهي أنو أي لاعب يستلم الكورة يمش يفتش ميسي وين عشان يسلما ليهو ويقعد يتفرج زيو وزي الجمهور البرة وما مهم الظرف واللا الحالة واللا الموقع الفيهو اللاعب دا ان شاء الله حتى لو انفرد بالقون وفات من الحارس وعينو للشبكة فاضية لازم يستني الشويطين أب رويس دا عشان يديها ليهو
هاهاهاها ياخى و الله كتلتنا بى الضحك.
04-28-2011, 12:27 PM
هشام المجمر
هشام المجمر
تاريخ التسجيل: 12-04-2004
مجموع المشاركات: 9533
ياعبد اللطيف يا كفيل هاردلك لكن بالله حاول أجب علي الآتي: من القائل؟ دقت ساعة الزحف...دقت ساعة الانتصار.. 1.ليونيل ميسي 2.ابراهيم افيلاي 3.معمر القذافي
الي الامام خالص والله
_ يا كفيل كدة كتيرة عليك تعال اكتب حشاك لازم تبرده...ياخي انشاء الله تجي تقول كاكا المفروض كان يلعب وطردة بيبي ما سليمة...أي حاجة ياخ...الدخلته فينا لما عبقرينو شال الكاس الفات من مغصة ما مرقت..خلي روحك رياضية يا عبد اللطيف بكري
04-28-2011, 01:00 PM
محمد يوسف الزين
محمد يوسف الزين
تاريخ التسجيل: 02-08-2008
مجموع المشاركات: 1968
انت لو في السودان عزومتك مقبولة في برج الفاتح بتاع القذافي اعلاه انتصارا لابراهيم افيلاي أو سولتير الرياض عشان ميسي والفاتورة علي انا
لو في السعودية ..تمش لعبداللطيف بكري وتسوقه اقرب مطعم دوّار في اخر طابق الفيصلية ولا فندق قصر أبها وحرّم نص الفاتورة علّي (ولا كلمة)...الكفيل السابق ده لازم يرجع يكتب هنا..بالله قود التفاوض معاه..اي نعم في سلوك ما حميد في البورد لكن كمان وجوده مهم. خليه يرجع بدون شروط...منها فوز الريـال مثلا.
_ شفت انا لخبات كيف؟؟
04-28-2011, 01:50 PM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
البرسا كل نجوم وناس بتلعب أجمل كورة في العالم الآن.. فريق النجوم وميسي هو سوبر نجم..
شوف القون الاول.. الكورة وصلت لميسي في خط ستة.. العشرة لعيبة خدموا الكورة ووصلوها ليهو وتم مجهود زملائه.. ويكفي ديفيد فيلا البذل مجهود اكتر من ميسي وعمل اوجاع ظهر ومفاصل لدفاع الريال.. لاحظ عندما يستلم الكرة بيتلموا عليه تلاتة.. وبعد ده ما يقدروه الا بالفاول.. البرسا متعة..
تحياتي
Quote:
هل افتقد المنتخب الإسباني في كأس العالم لميسي أم افتقد ميسي لاعبي برشلونة الإسبان في المنتخب الأرجنتيني ؟
هل افتقد المنتخب الإسباني في كأس العالم لميسي أم افتقد ميسي لاعبي برشلونة الإسبان في المنتخب الأرجنتيني ؟
الاخ صبري طه
سلام
تعرف عبارتك ريحتني راحة في الرد على الاخ/ طلحة.. منطق ونص!!!
مودتي
04-28-2011, 02:07 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18071
يا عبد العزيز إتا صدقت واللا شنو ياخ برشلونة منو العندو فريق جماعي وبتاع ؟؟؟؟ ياخ خلي الولد الشويطين دا ما يلعب معاهو في مباراة عشان تعرف فريق الجماعة البتقول عليهو دا .. لولا ميسي لما كان هناك فريق إسمو برشلونة ناهيك عن أنو ياخد بطولات ويفوز على فريق مثل الريا ل كمان .. إتوا ياجماعة بى صحكم واللا بتعملوا كدا مالكم ..؟
04-28-2011, 02:32 PM
خالد عبد الله محمود
خالد عبد الله محمود
تاريخ التسجيل: 11-28-2004
مجموع المشاركات: 5393
Quote: يا عبد العزيز إتا صدقت واللا شنو ياخ برشلونة منو العندو فريق جماعي وبتاع ؟؟؟؟ ياخ خلي الولد الشويطين دا ما يلعب معاهو في مباراة عشان تعرف فريق الجماعة البتقول عليهو دا .. لولا ميسي لما كان هناك فريق إسمو برشلونة ناهيك عن أنو ياخد بطولات ويفوز على فريق مثل الريا ل كمان .. إتوا ياجماعة بى صحكم واللا بتعملوا كدا مالكم ..؟
الاخ العزيز/ طلحة سلام
ياخوي لما البرسا فاز بالكاس أمام الارسنال في باريس.. وين كان ميسي؟؟ هل كان ليه أثر؟ وفي هذا الكاس ايضا في ملعب الامارات.. ميسي كان لاعب والبرسا خسر.. ((عبارة صبري طه مهمة جدا))
غورديولا الآن بيجهز لمبارة المان يو..
تحياتي
04-28-2011, 02:23 PM
محمد يوسف الزين
محمد يوسف الزين
تاريخ التسجيل: 02-08-2008
مجموع المشاركات: 1968
Quote: يا عبد العزيز إتا صدقت واللا شنو ياخ برشلونة منو العندو فريق جماعي وبتاع ؟؟؟؟ ياخ خلي الولد الشويطين دا ما يلعب معاهو في مباراة عشان تعرف فريق الجماعة البتقول عليهو دا .. لولا ميسي لما كان هناك فريق إسمو برشلونة ناهيك عن أنو ياخد بطولات ويفوز على فريق مثل الريا ل كمان .. إتوا ياجماعة بى صحكم واللا بتعملوا كدا مالكم ..؟
مسى ما كان لاعب مع برشلونه فى نهائيات كاس العالم الاخيره وبرضو برشلونه آسف قصدى اسبانيا فازت بكاس العالم لاول مره فى تاريخها واظنو انت يا تنظير كنت مرشحها و بتشجعها
تنبيه : فريق اسبانيا كان بضم اكتر من 85 فى المئه من عناصر برشلونه ومدربها لعب بنفس تكتيك و خطط فريق برشلونه فقط كان ينقصه اللاعب ميسى ، ولو الامم المتحده نجحت فى اقناع رئيس الارجنتين و رئيس الفيفا لكى يرتدى ميسى شعار منتخب اسبانيا قطع عمك قسطنطين كان قال الرووووووب > تووووووووووووت
.... طلحه كيفك
04-28-2011, 05:04 PM
Nasr
Nasr
تاريخ التسجيل: 08-18-2003
مجموع المشاركات: 10899
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة