|
|
 مصطفى عثمان اسماعيل فقط لمغتربي دولة الامارات العربية المتحدة
|
يوم الجمعة كاملا
يوم السبت كاملا
ملتقى
معرض مصاحب
فندق روتانا الشارقة
وتحت رعاية وحضور د / مصطفى عثمان اسماعيل
ود/ كرار التهامي
مفوضية الخرطوم للاستثمار
مفوضيات الاستثمار في مختلف بقاع السودان
البنوك السودانية
عدد من منظمات ومحافظ الاستثمار بالسودان
وفرصا ذهبية لكل المستويات المالية
بدءا من الموظف الغلبان
وانتهاءا بالمستثمر الشبعان
والدعوة عامة
هذا ماقاله المؤتمر الصحفي الذي دعي له الاعلاميون نهار السبت الماضي في القنصلية السودانية بدبي
المتحدثون كانوا عصام متولي ( قنصل السودان ) ... عيسى آدم ( رئيس الجالية ومجلس العمل السوداني ) - الفاضل التوم ( نائب رئيس مجلس العمل السوداني )
ونواصل .....
|
|
  
|
|
|
|
|
|
|
|
Re: مصطفى عثمان اسماعيل فقط لمغتربي دولة الامارات العربية المتحدة (Re: عبدالدين سلامه)
|
المؤتمر دار فيه الكثير
شهده عدد كبير من الاعلاميين السودانيين وغير السودانيين أيضا من ممثلي الصحف ووسائل الاعلام المحلية
قناة زول كانت شاهدة أيضا
الشروق التي اتفقت مع المؤتمر على إقامة برنامج ( المستثمر ) كما أعلن الفاضل التوم كانت غائبة !!!! أليس زول أولى بالبرنامج أم أن تلك الشروق هي ( بنت المصارين البيض ) ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: مصطفى عثمان اسماعيل فقط لمغتربي دولة الامارات العربية المتحدة (Re: عبدالرحمن الحلاوي)
|
....
بصراحة كدى:
أنحنا هسع إيدنا فى قلبنا من القريشات الرميناهن لى ناس الأراضى
الجونا و حنَّكونا ديلك ، أخاف أبوى يكون لمَّاها النمل و ياطاها الفيل
بعيد عنـــَّك.
جونا و قالولنا "الوادى الأخضر " و الذى بجوار مدينة الصحفيين
يعلم الله ناس السودان قالوا الواطة طلعت بين "أم ريَّا " و " التريــَّا"
تسكن فوقا ما تعرف تجيب ملاحك من بورتسودان وللا من الخرتوم.
بعدين القصص الغريبة حقت الإستثمار القايمين فيهاناس الحكومة ديل
خبارا يابا كلها مركَّزة فى الأمارات .
الناس ديل قايلين القبة تحتها فكى وللا شنو ؟
النجيضة على القولة:
العندو ليهو قريشات محرقات روحو أخير يسويبن " كنيتين" من يلعبَّهن مع "الحبرتجية" ديل
ألا هل بلغت .. اللهم فأشهد.
مع التحية و المودة و الإحترام .
.....
| |
|
|
|
|
|
|
|
|
|
Re: مصطفى عثمان اسماعيل فقط لمغتربي دولة الامارات العربية المتحدة (Re: الوليد عمر)
|
الحكومة وسودانير ديل لما اكياسهم تفضى يقوموا يقولوا ليك يالا ندور فى المغتربين الدايشين ديل يالا واحدة تدور فى الناس عندنا تنزيلات فى التذاكر وحنديكم وزن زيادة وتانى توبة ماحنتأخر من المواعيد أها والتانية تقوم ليك عندنا استثمارات واعفاءات وماعارف شنو .. غايتو الطاحونة مدورة. وفى كل مرة نجى نلقى ناس مجدعين فى المطارات ويلعنوا فى سودانير وتمشى لى قدام شوية تلقى ناس ضاربين السكلى انو الحكومة غشتنا واكلوا قروشنا.
| |
|
|
|
|
|
|
|
|
 Re: مصطفى عثمان اسماعيل فقط لمغتربي دولة الامارات العربية المتحدة (Re: عابدون محمد عابدون)
|
| Quote: وتحت رعاية وحضور د / مصطفى عثمان اسماعيل |
** الإعلامى ود ســلامــه..
** مساءك خير..
## ياخوى دا مُش القال علينا شحادين ,, بقى مسؤول عن شوؤن وإفتتاح لقاءت المسوؤليين الحكوميين بالشحاديين المغتربين (يعنى بقى عندو تلاته وظائف فى وقت واحد مُُستشار رئيس الحمهوريه ,, ووزير الخارجيه فى الظل ,, ومفتتح الندوات والسنمارات )
## غايتو التاجر لمن يفلس بشوف دفاترو القديمه ,, والحكومه لمن تكون مُحتاجه لدولارات بتفتش للبقره الحلوب الإسمها المغتربين ... ودقى يامزيكا على الصرف الماخمج ,, وكلوا على حساب محمد أحمد ...
(ودام الود بيننا)
| |
|
|
|
|
|
|
|
|
|
Re: مصطفى عثمان اسماعيل فقط لمغتربي دولة الامارات العربية المتحدة (Re: عبدالكريم أحمد الامين)
|
| Quote: ياخوى دا مُش القال علينا شحادين |
المره دي البقولوا فيكم ما بنكتب هنا ..!
والله الحكومه دي ما عارفه تفتش على الإستثمار وين ..
الإستثمار في جماعتم هم نفسهم ،
المغتربين بين مصاريف السكن والدراسه والمعيشه والتحويل للبيت الكبير،
البنوكـ حامياهم الإجازات ،، بالذات ناس الإمارات ديل ..
الواحد كان قالوا ليهو حول حق ناس المويه في السودان يمشي البنكـ يسوي سلفيه
كمان بنوكـ الإمارات عليها كرم يروح السنين .....
يلمها المغترب ياطاها الجهاز .... حكمه إمجريشنيه - هجرية )
وأسمعنا مره ، يكفي عُمرنا الشايفنو مرّ ..
| |
|
|
|
|
|
|
|
|
|
Re: مصطفى عثمان اسماعيل فقط لمغتربي دولة الامارات العربية المتحدة (Re: عبدالكريم أحمد الامين)
|
Quote: بعدين القصص الغريبة حقت الإستثمار القايمين فيهاناس الحكومة ديل
خبارا يابا كلها مركَّزة فى الأمارات .
|
الاخ الوليد عمر
تحياتي
ناس الاراضي حاليا في الدوحة وكمان دي المرة التانية
يبدو ما حيخلو اي بلد ولو فيها مغترب واحد
عزيزي كرومة عبد الكريم
ياخي الشحادين ديل ما أغني ناس.. !!!!!!!
وما دام الشعب السوداني كله شحادين فيبقوا كلهم أغني ناس
والاراضي الحيشتروها هؤلاء الشحادين هي بمثابة زيادة خير.
بس المشكلة انو ناس الوادي الاخضر يبعو ليك الأرض دون توضيح موقعها ودون توضيح رقمها ودون توضيح عرض الشارع ودون توضيح هل هي ناصية ام غير ناصية
بس يقولو ليك ادفع وبعدين في المستقبل تعرف كل حاجة.
نظرية بيع يمكن تدريسها في أرقي الجامعات
الحق صديقي عبد الكريم وما تفوت هذه الفرصة الذهبية
| |
|
|
|
|
|
|
|
|
 Re: مصطفى عثمان اسماعيل فقط لمغتربي دولة الامارات العربية المتحدة (Re: حسن طه محمد)
|
Quote: نظرية بيع يمكن تدريسها في أرقي الجامعات
الحق صديقي عبد الكريم وما تفوت هذه الفرصة الذهبية |
** الصديق ود البوب..
** ســلام..
## ياخوى ناس الأراضى ديل البهمهم بدلات الرحله ,,, والوادى القالهو دا كان أخضر أو أحمر او لون زينب كدى خليهم يحلو المُشكله القائمه مع العرب أصحاب الأرض الليها أكثر من 25 سنه وبعدين يخططو الأرض ويجو يبيعو ,,, الشغله لقيط عُمله صعبه حتى لو أدوك شهادة بحث فى يدك الموضوع زى مسرحية السيل "غشانى ياعمده وقال لي:- بعرسك وتانى قال لى :- مابعرسك "
** شهادة البحث دى إلا الواحد يموصا ويشرب مويتا..
## قال الوادى الأخضر قال .... هو إسمو الوادى يعنى مجرى سيل كيف عايزين يبيعوهو (بيعة التُرماى)..
(ودام الود بيننا)
| |
|
|
|
|
|
|
|
|
|
Re: مصطفى عثمان اسماعيل فقط لمغتربي دولة الامارات العربية المتحدة (Re: الوليد عمر)
|
من عجائب العقلية السودانية ومن طبائع السودانيين ،
أنهم يحاكون بعض ويندفعون بمجرد إنطلاق الخبر بمقولة بالية
( الموت مع الجماعة عرس ) دون عقل وتفكير وتدبر ..
تصوروا .. يأتى أى وفد من أى جهة فى مؤسسات الحكومة وحتى
غير الحكومة ما أن يعقد لقاء بالسفارة أو القنصلية لأى
هدف كان تجد الكل يسارع ويتجاوب مع مطالبه وحكاية الأراراضى
خير دليل ، !!
كيف أشترى قطع فى مكان لا علم لى به ، وهل كل ما يقال صحيح
ومؤكد .. عجبى .. أما حكاية الإستثمارات هذه ، فهذا فصل آخر
من فصول الوعيد ، ليكون البحث بعد الدفع خلف الغيوم ،
كثيرة هى الحقائق والمواقف التى مررنا بها ، أبسط شيء أقوله ،
عندماالصقوا لنا إعلانات قبل سنين عددا بأندية الجاليات فى الخارج
وكانت من وزارة التجارة ، تدعوا وتحرض على إدخال سيارات جديدة
لم يمضى عليها أكثر من خمس سنين ، وعندها سوف تدفع جمارك ( كذا )
كان العرض مغرى .. وسارع القوم وتدافعوا لإرسال سياراتهم وكنت من ضمنهم
وكنت قد إقتلعت المنشور من البورد وذهبت به مع سيارتى ، فتفاجأت كما
تفاجأغيرى ، بأن قالت لنا رئاسة الجمارك فى أبو حمامة بالخرطوم
بأن ناس وزارة التجارة ديل بيشتغلوا على كيفهم !!! وكان هذا على لسان
مديرها ، .. تصوروا ..!! وبعدين ، ماذا نفعل .. ؟ قالوا تدفع كذا ..،
وكان المبلغ يساوى قيمة العربة آنذاك تماما ..
فضـّل أن يرجع القوم بعرباتهم برغم طول الطريق من الإمارات ومعاناته
اليوم نسمع من بعض الإخوة العرب هنا حكايات عن تجربتهم للإستثمار بالسودان
وما لا قوه من مواقف جعلتهم يعودون أدراجهم وفيهم من حول مقصده الإستثمارى
الى دولة أخرى ، الأمر كله هو عدم ثقة ومصداقية .. نعم عدم توفر الثقة
هو الأزمة الحقيقية ولا بد من إحترام القرارات وضمان هذه الأوراق التى
تكتب قبل توزيعها على الناس ...
وتحيتى ..
| |
|
|
|
|
|
|
|
|
|
Re: مصطفى عثمان اسماعيل فقط لمغتربي دولة الامارات العربية المتحدة (Re: محمد مختار جعفر)
|
دى مشاريع وهمية ومصطفى عثمان اسماعيل القال الشعب كان بيشحت لمن نحن جينا دلوقت هو جاى يشحت من المغتربين من العندو والماعندو فى مشاريع وهمية
واصلا لو هو والدكتور كرار عايزين يخدموا المغتربين اولا حاجة يخففوا الضرائب والاتاوات الكتيرة ويسمح للمغتربين بادخال عربات خاصة بهم بسعر رمزى على الاقل
بالله هو فضل فيها اغتراب انا اعتقد الان زمن الاغتراب ولى ودلوقت اصبحنا مهاجرين من شظف العيش فى السودان
بالله الحكومة دى ليها كم سنة بتلف على المغتربين وتطرح المشاريع والافكار الاستثمارية ولا شايفين اى نتيجة ولا تحصيل حاصل كلها ( احلام من ورق ) ده اسم فيلم
| |
|
|
|
|
|
|
|
|
|
Re: مصطفى عثمان اسماعيل فقط لمغتربي دولة الامارات العربية المتحدة (Re: عبدالدين سلامه)
|
إخوتي :-
الوليد عمر
عبدارحمن شيخ الحلاويين
عابدون محمد عابدون
هشام ابراهيم
حسن طه
د / أحمد الأمين
المستشار الماكيكي أبومحمد فؤاد
الوليد عمر
مصطفى توفيق
وأستاذي / محمد مختار جعفر
مالكم دايرين تخوفونا ؟؟؟ إشترينا في الوادي الأخضر يعني قروشنا شالا السيل ؟؟؟؟ والتاريخ اللي ذكرتوه بالتأكيد كلنا كنا من ضحاياه ... لكن في كل مره بنقول المؤمن صديق ؟؟؟ ويمكن يصدق المره دي !!!!
بالتأكيد الشيء المختلف هذه المرة أن مجلس العمل السوداني يقف وراء المؤتمر ..
وطبعا أكثر شيء إستغربت له في المؤتمر الصحفي أنهم قالوا بأن الفكرة نبعت من مغتربي الامارات أنفسهم ... كل الموجودين بدأوا ينظرون لبعضهم ؛ فهم يسمعون بالموضوع لأول مرة .. وكانت عيونهم تتساءل ( هل نحن لسنا مغتربو الامارات ؟؟ ) وكانوا يقولون ( منو مغتربو الامارات ديل ؟؟؟ )
ياجماعه الفكرة جيدة ولكن السيء فيها أن تقولوا أنها نبعت من مغتربي الامارات ولست أدري لماذا ؟؟؟ هل تخجلون من قول أن الفكرة نبعت من فلان أو علان أم أن من نبعت عنه الفكرة إسم تتخوفون من طرحه حتى لايفشل المشروع
وأقولها صريحة ... أنا واحد من مغتربي الامارات لم تنبع عني هذه الفكرة ولم أسمع بها في غير المؤتمر الصحفي
ونواصل ....
| |
|
|
|
|
|
|
|
|
|
Re: مصطفى عثمان اسماعيل فقط لمغتربي دولة الامارات العربية المتحدة (Re: عبدالدين سلامه)
|
رغم الاعلان عن فندق روتانا في المؤتمر الصحفي إلا أن الاعلان الذي جاء أخيرا بالرسائل النصية لا أدري إن كان صحح الخطأ أو قام بتعديل المكان فقد قال أن المكان هو فندق البستان وليس روتانا
واليكم الاعلان
| Quote: سيقام ملتقى إستثمار السودانيين العاملين بالخارج تحت رعاية د/ مصطفى عثمان اسماعيل مستشار رئيس الجمهورية في الفترىة من22-23/4 بفندق البستان بالشارقة شارع الاسقلال يبدأ التسجيل الجمعة 5م بالفندق |
| |
|
|
|
|
|
|
|
|
|
Re: مصطفى عثمان اسماعيل فقط لمغتربي دولة الامارات العربية المتحدة (Re: عبدالدين سلامه)
|
Quote: وطبعا أكثر شيء إستغربت له في المؤتمر الصحفي أنهم قالوا بأن الفكرة نبعت من مغتربي الامارات أنفسهم ... كل الموجودين بدأوا ينظرون لبعضهم ؛ فهم يسمعون بالموضوع لأول مرة .. وكانت عيونهم تتساءل ( هل نحن لسنا مغتربو الامارات ؟؟ ) وكانوا يقولون ( منو مغتربو الامارات ديل ؟؟؟ )
|
الاستاذ سلامة
تحية طيبة
بما أن هناك ايضا لجنة موجودة حاليا بالدوحة فلا استبعد أن يقولوا أن الفكرة نبعت
من مغتربي قطر.
بالمناسبة انتو محظوظين معاكم السيد مستشار رئيس الجمهورية ومن معه.
نحن لجنة بس .. وما كان في ملتقي في فندق روتانا او غيره
بس سمعنا بوجود لجنة للتسجيل من يوم 14 الي 28 ابريل
والما يلحق حقو ضاع
ربنا يجعل اوديتنا كلها خضراء بعد جفاف
قولوا آمين
| |
|
|
|
|
|
|
|
|
|
Re: مصطفى عثمان اسماعيل فقط لمغتربي دولة الامارات العربية المتحدة (Re: حسن طه محمد)
|
[ الاستاذ سلامة
تحية طيبة
بما أن هناك ايضا لجنة موجودة حاليا بالدوحة فلا استبعد أن يقولوا أن الفكرة نبعت
من مغتربي قطر.
بالمناسبة انتو محظوظين معاكم السيد مستشار رئيس الجمهورية ومن معه.
نحن لجنة بس .. وما كان في ملتقي في فندق روتانا او غيره
بس سمعنا بوجود لجنة للتسجيل من يوم 14 الي 28 ابريل
والما يلحق حقو ضاع
ربنا يجعل اوديتنا كلها خضراء بعد جفاف
|
بس الأودية الخضراء مقترونة باللجان الثورية أو .....
| |
|
|
|
|
|
|
|
|
|
Re: مصطفى عثمان اسماعيل فقط لمغتربي دولة الامارات العربية المتحدة (Re: عبدالدين سلامه)
|
- تواجد دائم لد/ مصطفى عثمان إسماعيل مستشار رئيس الجمهورية مقرر هيئة الاستثمار ود/ كرار التهامي أمين عام جهاز المغتربين وأحمد محجوب شاور القنصل السابق بدبي ونائب مقرر هيئة الاستثمار حاليا
- جمهور كبير جدا من الجالية يفوق الخمسمائة أو الألف كانوا من الحاضرين
- السفير والقنصل وكل أعضاء السفارة والقنصلية كانوا حاضرين
- وفد كبير جدا جاء من السودان يفوق العشرين أو الثلاثين شخصا
- فوضى لا حد لها في التسجيل الذي أحسب أن لامعنى له بالطريقة التي تمت
-اليوم الأول كان مرتبكا وخطابيا بحتا
- التجربة الماليزية من ماليزي
تجربة من الامارات
وإنشاء × إنشاء
وفي الختام عشاء
ونواصل ..
| |
|
|
|
|
|
|
|
|
|
Re: مصطفى عثمان اسماعيل فقط لمغتربي دولة الامارات العربية المتحدة (Re: عبدالدين سلامه)
|
اليوم الثاني كان دسما للغاية
وإن كان توقيت البداية مزعجا
الكثير من المتحدثين
والقليل من الانجاز
ولكن ..
كوة كبيرة من الأمل فتحت
بنك النيلين المغلوب على أمره لم يترك له المؤتمرون صفحة يتكيء عليها
حضور كرار التهامي ومصطفى اسماعيل أعطى الجو زخما أكثر ومصداقية أعلى
الولاة الثلاث الحاضرين عرضوا بضاعتهم وتفوق والي سنار في العرض وكسب ثقة الحاضرين أكثر من غيره
البنوك الأربعة أو الخمس كانت هي الأخرى في مباراة تنافسية حادة
ونواصل...
| |
|
|
|
|
|
|
|
عبدالدين سلامه
عبدالرحمن الحلاوي
الوليد عمر
عابدون محمد عابدون
عبدالكريم أحمد الامين
Hisham Ibrahim
حسن طه محمد
محمد مختار جعفر
مصطفى توفيق
فيس بوك
تويتر
انستقرام
يوتيوب
بنتيريست