|
|
|
 Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: Barakat Alsharif)
|
يا ود المدير بمناسبة كمساريك الرباطابي
عندي ليك نكتة
الكمساري و المفتش غرموا ليهم رباطبي في القطر
بمبلغ تمانية جنية
الرباطابي اداهم عشرة جنية وو منتظر الباقي
الكمساري قال ليهو ما عندي فكة و انا راجع بديك باقي قروشك
الرباطابي قال لا لا انا داير الباقي هسع
المفتش قال ليهو ما تخاف الكمساري دا امين برجع ليك قروشك.
الرباطابي قام قال للمفتش هو كان امين نان انت مباريهو لي شنو !!!! ?
تحياتي
يعيش يعيش الكبرياء
| |
  
|
|
|
|
|
|
|
|
Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: معاوية المدير)
|
Quote:
قال : و الله إني أشم ريح أتبرا
قالوا له : لا زلت في عشقك القديم
***
معاوية : أنا هاهنا أجلس القرفصاء |
مرحبتين حباب الريّس.
الحاسة السابعة لا تُخطئ، فهاهي في الركب أراها وابهت، فأُتبعها نظري حتي
تبتلعها صحراء العتمور، فأفيق من غفوتي، وقد شممت رائحة الأُصطُبّة والفلنكة
بأُنففي، وسمعت ازيز القاطرات باُذنيّ، فأخذتني تباريح الهوى إلي هناك حيث
مسرح الأرآم في حاج الريّح، ورائحة حبر الجرائد والمجلآت منبعثة من مكتبة
المرحوم عوض الله دبورة. ابكدوك كان احسن زول بيعمل كدارآت، والحارث
كان بيعمل أحلى تسالي، اما كُشك اليافطات والليمون والشعير اسكت خليهو
سآكت. بتتذكر باسطة عبد الفتاح يا ابو جهينة؟؟؟
الغربة لئييمة قيدتني يا ابو جهينة، فها انا ذا في القيد اناتل
ما خار عزمي ابداً. أسأل الله ان نلتقي هناك فوق الرصيف...
| |
|
|
|
|
|
|
|
|
|
Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: معاوية المدير)
|
.....
Quote: أها، يا الوليد مرحبتين حبابك،
وحبابك عشرة في حوش بكري.
قبل كدي ما قعدت مع حبوباتك مقلنّك
بالمقالآت، وكل مرّة يقولنلك، أها عارف...؟؟؟ |
نان يا ود المدير يا أخوى أنا لافحا من وين ؟
مـــا من "المقليل " دا ذات نفسو .
أتمتع جدا بكل حكاوى القطر و السفر
و عـــــــــــــــــطبرة.
المعنى أخوك "أتبراوى" تب ، لكن من مدنى.
ألف سلامة على ولى العهد و ربنا يجبر كسرو
تحية و مودة .
.....
| |
|
|
|
|
|
|
|
|
 Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: معاوية المدير)
|
Quote:
يا ود المدير بمناسبة كمساريك الرباطابي
عندي ليك نكتة
الكمساري و المفتش غرموا ليهم رباطبي في القطر
بمبلغ تمانية جنية
الرباطابي اداهم عشرة جنية وو منتظر الباقي
الكمساري قال ليهو ما عندي فكة و انا راجع بديك باقي قروشك
الرباطابي قال لا لا انا داير الباقي هسع
المفتش قال ليهو ما تخاف الكمساري دا امين برجع ليك قروشك.
الرباطابي قام قال للمفتش هو كان امين نان انت مباريهو لي شنو !!!! ?
تحياتي |
سلآمات يا فيصل.
وآحد من اهلنا الرباطاب عامل فيها حريف داير يزوغ من الكمسار زيّ.
ركب في القطر وقال لمان يجي الكمساري يقولوا ركبت من الكربة.
صاحبنا دقس نام والقطر إتعطّل لفترة من الزمن، لمان جاء الكمساري
قال ليهو تزكرتك يا حاج. قال ليهو ما عندي تسكرِة. الكمساري قال ليهو
نقطعك تزكرة. ركبت من ويّن؟. زولنا قال ليهو من الكربة. الكمساري
قال ليهو يا حاج الكربة لسّع ما وصلناها. قام بخُلعة شديدة جداً قال
للكمساري، أها، اعرِفني رِكِب من ويّن؟؟؟
| |
|
|
|
|
|
|
|
|
 Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: معاوية المدير)
|
Quote: الاخ معاوية المدير
تحياتى لك وضيوفك الكرام والجميلة عطبرة.
عطبرة مدينة لها فى الخاطر مكان خاص
ولها فى الذاكرة طعم رايع.
الجميلة كانت لنا مرتع الصبا.
علاقات الناس كانت فيها حميمة وكانوا
يعرفون بعضهم معرفة جيدة.
لا زلت اذكر حميد ابوشامة ومحمد حسب الرسول
وسيف حسبو.
لهم ولك ولها اجمل تحية. |
التحية لك أخي فوزي بابكر.
ما زالت عطبرة تتمتع بحميمية العلآقات بين الناس، وتواصلت
الأجيال فيها علي نفس النسق رغم تدمير السكة الحديد.
رغم تدمير السوق القديم إلا أنني عندما اذهب إلي اتبرا اروح
اتحسس أطلآل الأماكن القديمة أقف عليها، فتحملني الذكريات
إلي تلك الأيام الجميلة العالقة في اعماق الذآكرة.
لك مني جميل الشكر أخي فوزي، وأسأل الله ان نلتقيك في
رحاب المدينة القاطرة اتبرا...
| |
|
|
|
|
|
|
|
|
|
Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: معاوية عبيد الصائم)
|
Quote:
معاوية
ســلام..
كفارة للود المقداد وربنا يجبر الكسر
اما حكايتك مع الكمساري دي بنرجع ليها مرة تانية
كمساريك دا زول طيبان لو سمعتا حقاتي الاتنين ديل
حتفطس من الضحك .... والله صحي
تحاياي |
ود البشاري كيف حالك؟
كفّر الله سيئاتك. الجنا قال لآزم يلعب في ريال مدريد، وكل يوم
مكسور ليهو عضم. قلت ليهو ناس ريال مدريد ديل لمان تصلهم
إلا يسووك شوربة.
عليك الله تعال أحكي، في الزايلة دي خلنا النتونّس.
والله صحي...
| |
|
|
|
|
|
|
|
|
|
Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: khalid Elkhidir)
|
Quote: نان يا ود المدير يا أخوى أنا لافحا من وين ؟
مـــا من "المقليل " دا ذات نفسو .
أتمتع جدا بكل حكاوى القطر و السفر
و عـــــــــــــــــطبرة.
المعنى أخوك "أتبراوى" تب ، لكن من مدنى.
ألف سلامة على ولى العهد و ربنا يجبر كسرو
تحية و مودة .
|
الوليد حبابك ألف، وربنا يسلمك
من كل شر وبلاء.
أها عارف، اتبرا دي لآمة جميع انواع الطيف
نعمنها فيها السكة الحديد، فالنسيج الإجتماعي
بتاع عطبرة منسوج ومغزول من خيوط كلّ
مدن السودان...
| |
|
|
|
|
|
|
|
|
|
Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: معاوية المدير)
|
Quote:
ود المدير
السلام عليكم
ربنا يكتب سلامه المقداد ورينا يعجل بالشفاء
اثرت في شجونا بهذه اللافته فقد عمل الوالد رحمه الله بتلك المؤسسه قبل ان يجير عليها الزمن والانقاذ
عمل الوالد رحمه الله ميرغني الخليفه امين مخزن بقسم النجارين |
حباب ود الخليفة.
الله يسلّمك، وأنت تعطر ايام جمعتنا برحيق النبوئة.
أسأل الله لوالدك الرحمة والمغفرة.
حقيقة يا ود الخليفة لولا مجتمع المخازن والمهمات لما طاب لي المقام في
الخرتوم، فقد عوضتني المخازن والمهمات الكثير مما فقدت بمفارقة عطبرة
وكان مجتمعها مجتمع عطبرة بصورة مصغرة. الحديث عنها يحتاج لبوست
منفرد.
اشكرك علي الطلّة.
رحم الله الوالد، وموتانا وجميع موتى المسلمين...
| |
|
|
|
|
|
|
|
|
 Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: معاوية المدير)
|
Quote: الف كفارة واجر وعافية يا ابو المقداد للمقداد
وربنا يكتب السلامة
تحياتى للولاد وامهم ....اريتك طيب
اها برجع تانى للسكة حديد
باقى انت عارف ال الصائم
ناس سكة وياها شغلتهم
تحياتى..ومبرو ك لهيثم الجعلى الصائم
وبلغ الولاد (التباريك) |
يا ابو النسب سلآم،
ولدكم ده عامل لينا إزعاج بالكورة تعال شيلو شوف ليهو طريقة
معاكم البلد دي بلا تلج ما فيها شي، وآطة يلعبوا فوقا ما في.
فعلاً ناس الصايم كلهم في السكة الحديد، ولو كانت ثُورّث
لورثوها. والله صحي.
الود هيثم تأهّل للدرجة الرآبعة. ألف مبروك...
| |
|
|
|
|
|
|
|
|
|
Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: معاوية المدير)
|
Quote: سلامات يا ودالمدير و الله يرفع كرستيانوا المدير.
و الله انالو فى محل الكمسارى ده و سمعت لهجت
الرباطاب بتاعتك دى كنت شغلتك كمسارى معاى.
تحياتى
خالد عبدالله الخضر |
قريبنا وصديقنا ود الخِدِر!!!
يا زول تعال مارق من الفِجة الدبها شايل جناهو
فوق ضهرو دي، الصقط دا بيلحقك أُمات طه.
كريستيانوا بتاعكم ده قال حدو ريال مدريد، قلت ليهو
والله يا ولدي كان لحقت اتمرنت معاهم سااااكت
أبوك ضهروا بينعدل.
يا ود الخِدِا إنت كان ماك خابرني أنا الرباطاب
عندي معاهم لحمة.
اشواقي الكتيرة...
| |
|
|
|
|
|
|
|
|
 Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: معاوية المدير)
|
Quote:
عندي قريبي قال مرات كان بكون قاطع تذكرة ويسطح
سألوه ليه قال "ما دودة ياخ!"
ألف سلامة للمقداد يا معاوية |
تسلم يا اشرف الحلبي.
يا زول هي دودة نصآح، نآن!!!
وآحد من اولآد الخرتوم كا بيجي يقضي الإجازة معانا في عطبرة.
الجماعة سجلوا ليهو زيارة في الخرتوم. لمان جو راجعين عطبرة،
هو وابوهو كانوا مودعنهم في محطة بحري. أها، بعد الجماعة
إسنتروا فوق راس القطر، والقطر بدأ يتحرّك صاحبنا قال لي ابوهو
مع السلآآآآآآمة، وراح ناطي مع الجماعة فوق السطح.
تصدق تمّ قرايتو معانا في اتبرا.
والله صحي...
| |
|
|
|
|
|
|
|
|
|
Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: khalid Elkhidir)
|
عندما أعلنت المدارس العليا في الشمالية إضرابا عاما تضامنا مع مدارس الخرطوم
خيرت بين ان اذهب للبلد في المحس أو ان أقبل على الخرطوم وصخب المدينة
وهناك في محطة الباخرة في مدينة الدبة ألقينا حقائبنا عند المرسى إنا ومجموعة المشاغبين
بالمدرسة العليا انتظار لباخرة دنقلا كريمة المتجهة جنوبا لكريمة وبعد انتظار لساعتين وصلت الباخرة كربكان لمحطة الدبة دلفنا مسرعين لنحجز مكانا في الجزء الأمامي من الصندل حيث الهواء الطبيعي البارد وهناك فرشنا بطانية للعب الويست وجلسنا أربعة حسب الجر وأربعة آخرون في انتظار الدور لا يحمل احدنا قيمة التذكرة الا من آتاه الله من المال أوفره، فالباخرة ليست كالقطار حيث يمكن مشاهدة الكمساري من بعيد ويمكن ترتيب الهروب بكل سهولة. تمسي بنا الباخرة وتصبح وهي تمخر عباب البحر (النيل) في اتجاه عكس التيار تشاهد شطآن النيل بنخيلها الوارفات على نسق واحد سبحان من صور مناظر بديعة.
وفي كل محطة تقف فيها الباخرة نسرع خارجين لنسد حاجة البطن نجلس جماعات اما ستات القراصة والشاي وندفع شيرينق حيث كلنا يعلم ما بجيب الآخر ونكمل باقي الشبع من رطب النخيل ونرجع ثانيا إلى مقرنا بالصندل حيث يحمل كل منا ثلاثة عشر كرتا من الكوتشينة في جيبه حيث تتم مواصلة اللعب. ونحن على هذا الحال حتى تصل الباخرة
إلى مروي ومن ثم كريمة........... نواصل
(عدل بواسطة Zomrawi Alweli on 04-27-2011, 08:42 AM)
| |
|
|
|
|
|
|
|
|
|
Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: معاوية المدير)
|
Quote:
سلامات يا معاوية,
والله البرد كملناتب و بيقينا ما فينا حيل خالص. ربك يعظم الاجر.
بعدين عبدلاب, شكرية,رباطاب, انقرياب فرقت شنوا ما النيل ابونا
و الجنيه سودانى.
معليش انا عايش بى شريط قديم عن السودان و السودانيين, و إن شاء
الله يظهر من يثبت العكس. |
سلآمات يا خالد،
والله مشتاقين.
يا خالد الشريط لا قديم ولا حآجة، ياهو زااااتو،
فالإنتماء ليس عنصري إنما هو كتمايز المهاجرين
والأنصار وسودانيتنا هي الأصل.
يا ود الخِدِر عليك الله تعال مارق علينا في الغرب بنجيهك.
باقي الأيام ديل نحن زي السعودية في السبعينيات القرشن
عندنا راقدات هبطرش. إرتفاع اسعار البترول حرّك محافظة
البرتا، والأشغال بقت رآقدة. بس إنت تعال، وكل شي بيبقى تمام
التمام...
| |
|
|
|
|
|
|
|
|
|
Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: معاوية المدير)
|
Quote: يا ود الخِدِر عليك الله تعال مارق علينا في الغرب بنجيهك.
باقي الأيام ديل نحن زي السعودية في السبعينيات القرشن
عندنا راقدات هبطرش. إرتفاع اسعار البترول حرّك محافظة
البرتا، والأشغال بقت رآقدة. بس إنت تعال، وكل شي بيبقى تمام
التمام... |
ود المدير سلامات وكيف الوليد و إن شاء الله بلغ العافية..؟
و إنت لسه متفائل إنوانا ممكن اسافر اكتر من كده فى عمر ذى ده
وفتش للرزق, الإجازه من الحيكومة تلاتة اسبابيع, نشوف بيها
العيال فى اوتاوا و لا نمشى بيها السودان و لا كمان ازيدك
من الشعر بيت, نعالج بيها الركب و الرجلين و ما حسبت ليك
المناسبات الإ جتماعية ياخى ما تمرضنى اكتر من كده.
بترولكم إن شاء الله يخدر حمد و خوجلى لكن انا من سلالة القرش
ما بيفك لجاما, ها زول جلد التمساح بدبغ..!!
كدى ما تخلينا نفيكها فى العامة و تصل على لانوا فى زول داير
تلفونك و انا الهائم و درتوا.
| |
|
|
|
|
|
|
|
|
|
Re: حـكـايـتـي مـع كُـمـسـآري الـقـطـر الـرُبـاطـآبـي ... (Re: فيصل محمد خليل)
|
Quote: كمان ازيدك
من الشعر بيت, نعالج بيها الركب و الرجلين و ما حسبت ليك
المناسبات الإ جتماعية ياخى ما تمرضنى اكتر من كده. |
طيّب تعال زيارة شوف الحال يا ود الخِدِر
يمكن يعجبك. الرُكب والكرعين، لوّمك بي
كان الجنا لعب في الريال نجيهن ليك تب.
سلّم علي شيخ إمام الطيّب، باقي جا
فايتنا خوووو، ومرقا في السكين
الصفرا...
| |
|
|
|
|
|
|
| |
معاوية المدير
ابو جهينة
الوليد عمر
Shaker Hamid
فيصل محمد خليل
الامين موسى البشاري
عبدالله ود البوش
سيف اليزل برعي البدوي
ود الخليفه
عبد الله الشيخ
معاوية عبيد الصائم
khalid Elkhidir
Ashraf el-Halabi
Zomrawi Alweli
فيس بوك
تويتر
انستقرام
يوتيوب
بنتيريست