|
Re: سلام يا أهل سودانيس (Re: بهاء بكري)
|
يا اهل الربع كانت لحملتكم في المنبر و منها للعالم بالغ الآثر في تخفيف وطء الإعتقال و العسف و الظلم. لقد كنتم حاضرون في التحقيقات بقوة و كأنكم تشدوهم من الخلف و كأنكم تغلوا اياديهم عن الإيذاء و افواههم عن البذاءة و العنف اللفظي. فالشكر لكم جميعا.
| |
|
|
|
|
|
|
Re: سلام يا أهل سودانيس (Re: ثروت سوار الدهب)
|
يا ثروت منور يا اخي
والف حمد على سلامتك.
وبركه الشفناك طيب.
والله ما بتصدق طارنك قدر شنو؟؟؟
البارحه انا في انتخابات ال NDP متذكراك في سري
وقلت ارجع اكتب لي بوست اقول يا بكري مش عشان السودان
وبس رجع لينا ثروت للانتخابات الكنديه قربت
وما احوجنا لتحليلاته العميقه؟؟!!
اها يا حبيب
عمك استيف هاربر سقطوا حكومته
ونحن بصدد انتخابات مبكره في مايو.
اها بالله فتش درب صوتك وين ولن نقبل غيابك عن انتخاب حكوماتنا القادمه.
يا عمك هاربر ولع لينا البد نار منقد بس.
غلاء طاحن ولسه عايز يربطنا احزمه على البطون قربت تنقطع.
ولا اقول لك ما ترجع يا زول وننزلك نائب مستقل وحاتك بتفوز.
يا حبيب شح كوادر قرب يخلينا نشحت كفآت اجنبيه.
واجناسيس الليبرالي مشنف ريقنا هنا.
تعال شوف ليه شغله يا فك فيه عادل عبد العاطي(هههههه)
تقبل تحيات
حيدر حماد واحمد عثمان
ايام اعتقالاك عملوا لي غاغا وكانوا ناوين يعلموا الكثير
لكن ربك ستر وام العيال الرائعه ما قصرت كانت بطمأنا انها عملت كل البتعمل.
يا حبيب نحن الانقاذ دي حسه ثأرتنا زادت تجهاها فوق انك زميل منبري انت مواطنا كندي.
ثاني خليهم يبقوا رجال يهبشوك.
لك علي اجيب كل النتيف و المهوك و الهنود الحمر ونجيهم.
هم فاكرنك هام ولا هامل؟؟!!
يمين سنجك لك ضل وهندي احمر عديل كده.
اها يا حبيب شفت العالم اتخجه كيف؟؟؟
اها بمناسبة التغيرات العالميه نعتقد انه حتى منبر بكري
سيستير وستختفي مسانجرات الخوافين بورداب السعوديه و الوهابين
الكل شويه الحق يا بكري البوست ده بيقفل الموقع في السعوديه
السعوديه تحجب شنو وتخلي شنو مع سنومي الاستناره البيقتلع في كل حاجه ده؟؟؟
في الاسكاي رافع القزاز دائما استني لي انت.
| |
|
|
|
|
|
|
Re: سلام يا أهل سودانيس (Re: ثروت سوار الدهب)
|
الرائع محمد الصايم الله يسلمك تربيع اتراك ناقش الحاصل
....... انت ما تودي صورتك التاريخية دي ناشونال جيوغرافيك احتمال الله يتوب عليك من غم البورد دا و ترتاح. علا قول لي يا حبيب بصورتك دي بشيل الفاتحة كيفن في المنبر دا؟.
| |
|
|
|
|
|
|
Re: سلام يا أهل سودانيس (Re: ثروت سوار الدهب)
|
حبيبنا هارون اليك جل الشكر و الامنتنان و لا غشاك شر
تشكر على حسنك امر بتعرف للمواجع كويس. ........... اها كاويت الناس طبعا طلعت زيتهم يوم المباراة البدون جمهور. انا ابيت اجي لافي بجنب الكمبيوتر عشانك موش كمان افتح البورد.
| |
|
|
|
|
|
|
Re: سلام يا أهل سودانيس (Re: ثروت سوار الدهب)
|
تراجي يا جلابية ما تعرفي تكتبي ليك كلمتين زي الناس لازم تتعبيني اخبارك شنو تسلمي و تشكري اول حاجة قول لي هاربر سقط كيف في جمعة مباركة او جمعة غضب ام جمعة رحيل ام جمعة كرامة؟ قروشو في البنوك كيف و وين و كمهن؟ هل خرجتم عليه من صلاة الجمعة ام زحفتم عليه مدينة مدينة شارع شارع بيت بيت و زنقة زنقة؟ لو سقط سقوط فقدان الثقة في البرلمان في تشريع رئيسي او بالصدفة(احيانا يحدث فقدان الثقة في التصويت و بعض النواب الحكومة في الكافتريات) فدا ما تبعنا, نحن بقينا اولاد شوارع و ناس صعاليق و خارجين عن القانون و مطلوبين للعدالة. و متهمين بمحاولة تقويض النظام الدستوري(شوفي النظام الدستوري) عارفة كندا دي محكومة بدستور اسمه لائحة شمال امريكا من زمن العسكري الفي علبة الماكنتوش داك. و الغريبة انه الدستور دا ما مكتوب. عشان الفوضى دي لازم يسقط, و عشان هنا في السودان ما عندنا فوضى و مسخرة و عندنا نظام دستوري عمر البشير بقعد عشرين سنة براحة ما بسلمها الا لعيسى (و بشايفو دا عيسى ذاتو ببيت في موقف شندي) قلت لي الموهاك و النيتف و الالقينكوين ياخي ياريت! جيبي الموهاك ديل براهم كفاية. ديل لمن يقوموا بيجيبوا ليهم الجيش الكندي و الجيش ما بقدر عليهم زاتو. غايتو الا الحكومة الكندية تتعلم من القذافي ضرب المدنيين بالطيران. و لاه لو مشيتي لاهلك الاميركان لفت لينا شوية قبائل اباتشي من النوع البركب الحصان بدون سرج يكون كويس.(طبعا مسمين عليهم الهيلكوبتر المضادة للدروع) تحياتي و مشتاقين تحياتي للاخوان حيدر واحمد و اشركهم جزيلا عني و الاسرة.
و اواصل
| |
|
|
|
|
|
|
Re: سلام يا أهل سودانيس (Re: ثروت سوار الدهب)
|
حمد الله وسلامة يا ثروت
Quote: عمر البشير بقعد عشرين سنة براحة ما بسلمها الا لعيسى (و بشايفو دا عيسى ذاتو ببيت في موقف شندي) |
الحكاية وببساطة الشعب السودانى مافاضى ..الناس قدامن افلام عربية بث مباشر من تونس -القاهرة -طرابلس-صنعاء-المنامة-دمشق!! خلى الافلام العربية دى تهدا شوية او تقيف!! كنت اقول لبعض الاصدقاء ان مزاجنا ليس عربيا ووجداننا لبس عربيا فلا تتمنو على الناس الوقوف فى طابور الحراك العربى(ليس لهذا علاقة بحكاية الثورة لا تتجزا) *************** مثلا دخول بعض الثوار من حملة السلاح للخرطوم فى هدوء مصافحين للنظام فى غمرة هيجان الشوارع العربية ؟ دعنى اقول انهم رصيد للاتى من الحراك الثورى ومن الداخل !! ******************* الثورة السودانيةالقادمة لبست مظاهرات يلتقط فتاتها مرافعين السياسة (صادق --ترابى-نقد-ميرغنى).وانما هز عنيف لتركيبة الثقافة السودانية و عمليات جراحة لمجموعات قيم وزراعة قيم اخرى . طابور الثورات العربية الراهنة ليس بعمق وتناقض وفداحة الواقع السودانى .لذلك فاننا لا نشبههم فى المقارنة بمردود التغيير الذى نريد.ولا بمكونات الحراك اللازم لاحداث التغيير. (مثلا الانترنت ليس كافيا للتعبئة -نسبة ضخمة وفاعلة من الشعب السودانى ليس لهم تسهيلات التواصل عبر الكمبيوتر )
لا تياس اخى ثروت لقد ساهمتم فى تيراب الثورة ولكم التقدير الى الامام
| |
|
|
|
|
|
|
Re: سلام يا أهل سودانيس (Re: Amira Elsheikh)
|
Quote: اها يا حبيب شفت العالم اتخجه كيف؟؟؟
اها بمناسبة التغيرات العالميه نعتقد انه حتى منبر بكري
سيستير وستختفي مسانجرات الخوافين بورداب السعوديه و الوهابين
الكل شويه الحق يا بكري البوست ده بيقفل الموقع في السعوديه
السعوديه تحجب شنو وتخلي شنو مع سنومي الاستناره البيقتلع في كل حاجه ده؟؟؟
في الاسكاي رافع القزاز دائما استني لي انت. |
تذكرت يا تراجي صوت السيدة المصيرة في شعار الجزيرة: نشكر الجزيرة و نشكر تونس مافيش حوف تاني مافيش طلم تاني. هم السعوديين مستنيرين اكثر بعض الجماعة الملولين هنا ديل. بعدين قصة ويب سايت يتقفل دي بقت ما شغالة لانه الناس بتستخدم برامج تخطي و بتنفذ لمشاهدة ما تحب. في السودان اقرب بتاع عماري بيكون عنده برامج بوركسي مع التمباك. بس البقنع بكري منو؟
عشية 29 ياناير لقينا البورد مقفول بهئية الاتصالات في دقائق دخلنا البورد بسهولة شديدة بدون برامج سوفتويتر خاصة حتى. اول امبارح لقيت موقع بي بي سي العربية مقفول برضو دخلت. الافت للنظر انه الكثير من المواقع الاباحية غير محظورة هذه الايام! في تقديري ان غض الطرف متعمد عشان الشباب يتلهي و ما يمشي المواقع الخطرة زي فيسبوك و تويتر و سودانيساونلاين و ما شابه
بالمناسبة هيلري كيلنتون عقب نجاح الثورة المصرية قالت الإدارة الامريكة ستخصص 25 مليون دولار للمدونيين في ايران و كوبا و الصين و فيتنام ليتخطوا حواجز المنع الشبكية! بالله كلميها ترسل منها لجني و امثاله من بروداب السعودية اياهم عشان اضانا تبرد من الشكاوي و التحريض. معليش بالنسبة للاسكايب مرات بكون بعيد من الجهاز.
| |
|
|
|
|
|
|
Re: سلام يا أهل سودانيس (Re: Asim Fageary)
|
العزيز الحبيب ثروت...
لا تعرف كيف نشتاق إليك ونثمن وجودك معنا بقلمك الثاقب وتحليلاتك الرصينة. لك معجبون يعجبون بي عندما أقول لهم بأنك صديقي وهم يقيمون بالدوحة...
أقرأ لك بصفة شبه يومية وأستمتع حد الثمالة عندما أجد خيالك وقد شطح بعيدا، وكأنك شاعر مجيد يكتب بلغة النثر....
مرحبا وحمدا لله على السلامة، إنهد كتف المقصلة والشعب بي أسرو إندلع قرر ختام المهزلة...
| |
|
|
|
|
|
|
Re: سلام يا أهل سودانيس (Re: Asim Fageary)
|
Quote: لك التحية ايها الزميل ثروت
وعبرك تحياتنا لكل الذين واجهوا القمع والسجن والتعذيب
عوداً حميداً
عاصم فقيري |
تحية أيها الرفيق العزيز عاصم فقيري و التحية لهؤلاء الشجعان نساء و رجال فهم لهم شأن في المقبل من الايام و اي شأن. فيهم الصغير الذي تكاد تساله: يا ولد انت امك عارفاك هنا؟ و فيهم الشيخ الوقور. فيهم إئمة مساجد و رجال الأعمال و تجار مواشيي و طلبة و أطباء و صحفيون و حرفيون و مظفون و عمال. فيهم من يسكن الاكواخ و فيهم من يسكن القصور و الكل سكن السودان في قلبه. كانوا من جهات السودان الاربع. كانوا من مختلف الشرائح و كأنهم عينة إجتماعية اختيرت بدقة. ليتني كنت استطيع إلتقاط صورة تذكارية. فهم ملحمة من الصمود و الإيمان. منهم من خرج و منهم من ينتظر. يا زول السودان لسه بخير. تحياتي لهم اين ما كانوا و أين ما حلوا تحياتي لك و وافر الشوق
| |
|
|
|
|
|
|
Re: سلام يا أهل سودانيس (Re: حبيب نورة)
|
ثروت يا اخي اشواق ما ليها حد تعال عليك الله الايام دي روحنا بلغت الحلقوم تعال فشنا فيهم شويه بالله كلهم من طرف هردبيسه ساكت يا اخي غايتوا رجوع بكري الجاك يمكن يعدل المزاج شويه الولد دا ما هين ما عارفه لو بتقرا ليهو ولا لا ؟؟
| |
|
|
|
|
|
|
Re: سلام يا أهل سودانيس (Re: doma)
|
فيصل عثمان الحسن بارك الله فيك و بنفسكم نعيش و نحيا و نتصر
تحياتي يا نبيل
Quote: العزيز ثروت تحياتى وألف حمدا لله على السلامة , شلنا همك يا رجل رغم انك قدر المصائب والبلاوى , سعيد بعودتك للمنبر . |
| |
|
|
|
|
|
|
Re: سلام يا أهل سودانيس (Re: عبد المنعم سيد احمد)
|
Quote: أوبسسسسسسسسسسسسسس
الظلامي ثـــــروت حمداً لله على السلامة خرجت من الظلمة الضيقة إلى الظلمة الواسعة يا صديقي |
اوبسسسسسسس آدم صاحب الجبلة الأسطورية منك يشع الضياء يا عزيز و لذا صممنا القرب منك و أهلنا ساكني الاكواخ يسكنون في وجدانك. نانسي ما اروعها و يوم شكرك و شكرها ما يجي. تحياتي يا مستنير
| |
|
|
|
|
|
|
Re: سلام يا أهل سودانيس (Re: ثروت سوار الدهب)
|
مرحبا بالأخ العزيز ثروت -خريج الحراسات و الزناين ..
والله يا ثروت ، أظن تبيعتك مدفونة فى حوش بكري دا ، لأنو رقم غياب مشاركاتك إلا أن ذكراك كانت دائمة هنا .
متعك الله بالصحة والعافية أنت و أهلك الأخيار .
متوكل
| |
|
|
|
|
|
|
Re: سلام يا أهل سودانيس (Re: متوكل الحسين)
|
Quote: كلهم من طرف هردبيسه ساكت |
حتى ود عوج الدرب والمكاشفى والرقيق يا دومة ؟؟*
_____________________________ ثروت كيفك ياخى تضرب المثل بعماد موسى وهو من آكلى البيرقر؟؟
_______ * المداخلة دى يادومة بوديها بوست المطاعنة!!!
| |
|
|
|
|
|
|
Re: سلام يا أهل سودانيس (Re: فيصل محمد خليل)
|
سلام يا صاحب مشتاقين شديد كيفنك و يعقوب و الوليد غلباوي انا يا لنا و لاه انت العلمانية و قاعدة في وسط حزب الأمة انشاءالله انت تخشي على الإمام بالساحق و الماحق بركة ود حسونه سلام تاني يا صاحب
| |
|
|
|
|
|
|
Re: سلام يا أهل سودانيس (Re: ثروت سوار الدهب)
|
Quote: الف مرحبتين ياثورت ....
________________________________________________--
افتكرنا كتبوكم تعهد بان لاتقربو سودانيس بتاتا |
عزيزتي امير سلامات في الحقيقة جهاز الامن و المخابرات كان مهتم بأن لا نمارس نشاط يقوض النظام الدستوري! و الدستور طبعا لا يسمح بالكلام او التعبير او الاحتجاج. طبعا اول مرة اعرف انه السودان فيه نظام دستوري. فاليعذروا جهلي. كنت اعتقد انه نظام ساي. اما التعهد فقد تكفلت به إدارة منبرنا العامر مع بعض المجموعات الإنصرافية التي مهنتها في السعودية تصفح الانترنيت و اسمهم مغتربين و شغالين. بالتعاون مع بعض المهاويس و طيور الظلام و الفانبايرس. فتم توقيع التعهد إنابة عني بدون حضور محامي من طرفنا. فتعهدنا في صمة خشمنا. تحاياي و اشكر فيك الهمة و الوقوف عند الحق.
| |
|
|
|
|
|
|
Re: سلام يا أهل سودانيس (Re: ثروت سوار الدهب)
|
Quote: العزيز الحبيب ثروت...
لا تعرف كيف نشتاق إليك ونثمن وجودك معنا بقلمك الثاقب وتحليلاتك الرصينة. لك معجبون يعجبون بي عندما أقول لهم بأنك صديقي وهم يقيمون بالدوحة...
أقرأ لك بصفة شبه يومية وأستمتع حد الثمالة عندما أجد خيالك وقد شطح بعيدا، وكأنك شاعر مجيد يكتب بلغة النثر....
مرحبا وحمدا لله على السلامة، إنهد كتف المقصلة والشعب بي أسرو إندلع قرر ختام المهزلة... |
و اشتاقك و اشتاقك و يشتاقك وطن خرجت منه أنت و تربع عليه القاضي صاحب قد قدو و صاحب لبنى حسين يا مولانا بلد هذا قضاتها ليس لامثالك فيها نصيب. اطراءك اسكتني حد الوجوم. ساحمله لوحة ما حييت. فبشراي .تحياتي لاصدقائك الميامين و لك من الموده ضاعها الكبير. و شعب قادم و العصر عصر الشعوب.
| |
|
|
|
|
|
|
Re: سلام يا أهل سودانيس (Re: ثروت سوار الدهب)
|
Quote: اخي و صديقي ثروت منور البورد كله
حمد الله بسلامة العودة !!!
بس اديني الامارة عشان اتأكد انو ده انت ما الهاكر هههههههههه |
سلام يا يمنى الامارة: الكبري الجديد الروحه في شارع مور القعدة في الخشم الراكوبة و كهربة قاطعة و ريم الامارة التانية خليها لضرورة
اشواقي يا قوتة
| |
|
|
|
|
|
|
Re: سلام يا أهل سودانيس (Re: فارس موسى)
|
سلام حمزاوي عساك بخير لم يطول السفر تجاه صنعاء
Quote: الـــ1000ــف حمد الله على السلامة اخوي ثروت ودي ضريبة الوطن والله رفعت رأسنا انت واخونا محمد عادل لا بد من صنعاء وان طال السفر
|
و الوطن يستحق اكثر
| |
|
|
|
|
|
|
Re: سلام يا أهل سودانيس (Re: مهيرة)
|
Quote: ثروت يا اخي اشواق ما ليها حد تعال عليك الله الايام دي روحنا بلغت الحلقوم تعال فشنا فيهم شويه بالله كلهم من طرف هردبيسه ساكت يا اخي غايتوا رجوع بكري الجاك يمكن يعدل المزاج شويه الولد دا ما هين ما عارفه لو بتقرا ليهو ولا لا ؟؟ |
دومة يا نبع من فكرة و محبة انتاشتني ضروب خبايا كنت اظن أن ما لها من طريق لمكن لي تحصنت الوهم باديا. جنيت محبتكم و الفخار و لي العذر لو تصدقيني
اقرا بكري الجاك و إن لم أفعل فانا اجوف معرفة او مرتاع بها لا يفصح.
تحاياي
| |
|
|
|
|
|
|
Re: سلام يا أهل سودانيس (Re: ثروت سوار الدهب)
|
Quote: تاخر نقل البوست من الربع الاخير لربعنا الجاري فعذرا للمارين نواصل |
واصـل يا حــبيب وألـف حـمـدلله عـلى سـلامتك بعـد تجـاوزك لبواطـن الأذى بس قـول يا ودحســونه من البعادونا...
مـع تحـياتنا وأشــواقنا لشــخصـكم الكـريم.
| |
|
|
|
|
|
|
|