|
|
 كيف تحظي بصحبة فاسد ؟
|
اليوم حدث شئ طريف إذ جاورت (فاسداً) من لحم ودم علي مقعد الحافلة وأنا في طريق عودتي للمنزل .
أعجبتني شخصية الشاب الثلاثيني والذي يبدوا عليه أنه أُضطر إضطراراً لركوب تلك الدابة معنا ، فمنظره يدل علي أنه لو بالغ كدة بكون عندوا (كوريلا موديل 2010) في الحقيقة أنا مهتم بالتفكير في كثير صورٍ أشاهدها في مسرح الحياة اليوماتي ، صورة الشاب رسخت بزهني ما إن قدم والكمسونجي يجوعر بإلفةٍ غريبة اللفة اللفة اللفة ، تذكرت مباشرةً وأنا وسط تلك المشاهد حكاية ظلت أمي ترددها لي بإستمرار لتحثني علي ذكر الله كثيراً وعلي أداء صلواتي الخمس بإنتظام . تحكي أمي بلسان جارتنا (ستنا) إنو في كمساري فاجأه ملك الموت أثناء عمله وجوعيره حاثاً الناس للركوب في مركبته ـ المهم والكلام لأمي أنه وفي أثناء ذلك جاءه ملك الموت فوقع الكمساري من فرط دهشته فنزل السائق ليتبعه الركاب بفضولهم المألوف لمعرفة الحاصل : المهم إنو وقدر ماحاولو يلقنوه الشهادتين الا أن لسان الكمساري ظل عالقاً في جملتين لا أكثر : حرك حرك حرك عربي عربي عربي
تذكرت أمي وحكايتها والشاب الثلاثيني ينظر بإمتعاض للكمسونجي الذي لم يعره أدني إنتباه بل ظل يردد مقولته الخالدة اللفة اللفة اللفة ، ضحكت لمنظر الكمسونجي بعد عمر طويل أتراه سيعمل بنصيحة ملقنيه ما أن يفاجئه ملك الموت أم سيسير في درب زميل مهنته بتاع عربي عربي عربي حرك حرك حرك . وما علينا ,
|
|
  
|
|
|
|
|
|
|
|
Re: كيف تحظي بصحبة فاسد ؟ (Re: خضر حسين خليل)
|
قد يكون العنوان غريباً بعض الشئ لكنه يتواءم ويومي الذي إبتدرته بأخبار صحفنا والتي أتحفتنا بمانشيستات الفساد ، ضحكت وأنا أقرأ عن زفه أقامها شركاء بل أجراء وزير الزراعة السيد عبدالحليم المتعافي ـ أي والله هؤلاء الناس عملو زفة عديل في أروقة البرلمان يوم الأمس وقيل أن الزفة صاحبتها تهليلات وتكبيرات في شنو الله يعلم ؟ غير ان الطريف خبر قرأته في صحيفة لا أذكرها بالضبط جاء فيها أن الزفة كانت لرفع الروح المعنوية للسيد عبدالحليم المتعافي ـ وقادر الله يا عبدالقادر .
| |
|
|
|
|
|
|
|
|
|
Re: كيف تحظي بصحبة فاسد ؟ (Re: معاوية عبيد الصائم)
|
أنا هنا بكل تأكيد للترحيب بالصديقين ياسر من المحمية فرع كندا ومعاوية عبيد من أم الطيور فرع السعودية بنين
هامش ومركز وعصير ليمون مُركز ما بجعبتي لتقديمها لكم يا صحاب الليل والهم والمنفي والحلم النبيل
ــــــ
ياياسر سيرة الموت دي جات عرضاً
| |
|
|
|
|
|
|
|
|
|
Re: كيف تحظي بصحبة فاسد ؟ (Re: خضر حسين خليل)
|
| Quote: تتمدد رغبتي كل يوم في الحصول علي مقعد مريح ـ أحلم دوماً بحافلة فاضية أكون أول ركابها لأجلس علي آخر مقاعدها من جهة اليسار ـ حقاً لا أدري لم هذا المقعد بالضبط لكن أبلغ الظن أن له علاقة بخبث أيام الطلب ـ ومن أياميها وأنا رهين هذا المقعد تماماً كما أنا رهين حاجات أخري كالتمباك وأشياء أخري |
انتا اليسار دا قدرك زي ملك الموت الجا للكمساري فبدل التمباك ركز على الذكر عشان ما تبقى عليك حكاية عربي عربي عربي خرطوووم عربي عربي ارطوووم
باالمناسبة :
التمباك لسة طاعم زي زمان؟
.....
| |
|
|
|
|
|
|
|
|
|
Re: كيف تحظي بصحبة فاسد ؟ (Re: حذيفه ابراهيم الكباشي)
|
مولاي أنا في صف الجوع الكافر
ما دام الطرف الآخر يسجد
من ثقل الأوزار
ــــــــــ
نص الليل ده ياحذيفة ليس لي سوي أن أقودك لتتبع هذه الكلمات لتعي يارجل في أي صف يقف كلانا .
مشكور علي المواجبة بل علي المواجهة يا حذيفة
| |
|
|
|
|
|
|
|
|
|
Re: كيف تحظي بصحبة فاسد ؟ (Re: خضر حسين خليل)
|
تقدم الشاب وإمتعاضته لا تزل محلك سر وأنا أعاين في المخلوق الذي تسبقه (رائحة الفانيليا ) ـ هذي الرائحة أعرفها أميزها كما يقول أستاذنا كمال الجزولي قدس الرب سره (من بين ملايين الأصوات بالشرخ الواضح فيها بالآهات) هكذا يقول كمال ـ لكني ميزتها بطريقة أخري (بالفرق الواضح فيها من بين ملايين الأوغاد) ،
| |
|
|
|
|
|
|
|
|
|
Re: كيف تحظي بصحبة فاسد ؟ (Re: خضر حسين خليل)
|
ياقيقا
أها شنو ؟ أنا مفروض أكون نايم هسي ؟ مشوار الفاسد ده مشوار طويل ـأي نعم نزل قدامي بي محطتين لكنه تجسيد لفساد يومي ينمو يومياً مع واقع معاناة شعبنا
شيل الصبر ـ إنت ما سمعت بالنضال الدؤوب ولا شنو ؟
ــــــــ
شرحو للعاملين بحقول أخري غير مجالنا :
النضال الدؤوب ده : المقصود بيهو الصبر ياخوانا شيلو الصبر
| |
|
|
|
|
|
|
|
|
 Re: كيف تحظي بصحبة فاسد ؟ (Re: خضر حسين خليل)
|
Quote: النضال الدؤوب ده : المقصود بيهو الصبر ياخوانا شيلو الصبر
|
يازول هووووى
نحن فترنا من صبرك وطلباتك الانصرافية
يوم الغاز
يوم اللحمة
يوم الفول
يوم يجى معاك ما يعرف بحسبو ..وماعارف العدس بقى غالى
ماشاء الله الليلة المسالة كبرت فى صنقعوك الطلبنجى
وجابت حسادة بتاعت مواصلات..
| |
|
|
|
|
|
|
|
|
|
Re: كيف تحظي بصحبة فاسد ؟ (Re: خضر حسين خليل)
|
Quote: هذا الصباح برضو جاورني (مفسد) في الأرض
|
سبحان الله
والله انت (معيون) سحروك يافردة
عموما اتبخر بقشر ..عنب امريكى وكيوى المانى *لقمة سخينة حااارة
لكن المشكلة تلم فيهم وين
ممكن تجند حسبو لهكذا مهام جسام
| |
|
|
|
|
|
|
|
|
|
Re: كيف تحظي بصحبة فاسد ؟ (Re: معاوية عبيد الصائم)
|
| Quote: هذا الصباح برضو جاورني (مفسد) في الأرض |
يا خدر إنت بعت الكورولا ولا شنو؟؟؟
البيوديك تركب مع الناس البسطاء شنو؟
انا منى ومنك كل يوم أجى من البيت لحدى المحل كدارى ،، على الاقل عشان التلاجة والديفرنش ياخ
نسيت اقول ليك مشتاقين ياخ
| |
|
|
|
|
|
|
|
|
|
Re: كيف تحظي بصحبة فاسد ؟ (Re: خضر حسين خليل)
|
| Quote: وين المواطن حسبو ؟ |
قشرو الليله من صباحات ربك يا معاويه مصاقر مستشفي الشعب
و الشعب يريد حُقن تحت الجلد
مرافق لي واحد من الاهل
قالو امشو الحوادث
قسم الكوارث
قابلنا الدكاتره السته
البي ريدهم مرضنا
و كتبو لينا الروشته
خمسه انواع من الادوية يا عمك
بالاضافه للحقن التحت الجلد
و ربك ستر, معانابطاقة تأمين صحي(شواتح) اقصد شوامخ
قلنا الدواء غالي
قالو لينا امشو طلعو دفتر أدوية للامراض المزمنه, عشان تصرفو بربع القيمه
روحنا طلعت لحدي ما طلعنا الدفتر
رجعنابالدفتر لي ناس شوامخ قالو لينا معليش
من السته ادويه دي عندنا اربعه بس
الاتنين الفاضلات ديل خارج التأمين
يعني الدفتر طلع ما بلف غير سجارة واحده!!
و حكمة ربك الاتنين التانيات ديل اغلي اتنين
حقنه تحت الجلد كل ست ساعات لمدة اربعه يوم او يزيدون
--
تاني بتسأل عن المواطن حسبو يا معاويه ؟
| |
|
|
|
|
|
|
|
|
 Re: كيف تحظي بصحبة فاسد ؟ (Re: خضر حسين خليل)
|
يا خضروف سلامات يا صاحب,,,
يا زول الحاصل شنو!!
بقيت تشبه لى المجس يا حبيب!!!!
مجس مدهش كدهشتك بمصادفة ركوب
الفاسد ابو ريحة فانيليا,,
القطر دا ماشى وين ؟؟؟
خليها على الله يا زول,,
مشتاقين والله,,
سلامى للحترب مورتا وحبسو,,,
| |
|
|
|
|
|
|
|
|
|
Re: كيف تحظي بصحبة فاسد ؟ (Re: خضر حسين خليل)
|
يا هيثم ازيك يا ارخميدس ياخ
أتتبع خبيراتك والصحاب عبر نافذة الشرقية أهو الواحد بيضحك ويمشي
ويتذكر أيامنا ديك ـ كوارع ولسان تمبول وأخانا سري الماشي يتزوج ده
ـــــــ
الفساد ده طويل يا فردة تابع بس
| |
|
|
|
|
|
|
| |
خضر حسين خليل
معاوية عبيد الصائم
Yassir Tayfour
حذيفه ابراهيم الكباشي
قيقراوي
محمد عبد الماجد الصايم
هيثم درار
حسبو عكاشة
أيمن الطيب
Mustafa Mahmoud
فيس بوك
تويتر
انستقرام
يوتيوب
بنتيريست