|
Re: قيادي بالمُؤْتمر الوطني: مرحباً بالفيس بوك ولا بديل للبشير مع الكباتِن الجرّبناهم ديل (Re: علاء الدين يوسف علي محمد)
|
Quote: سُوداني نت - smc: أكدالمؤتمر الوطني وعي الشعب السوداني بمتطلبات المرحلة ، وقال الشعب إذا أراد أن يصنع ثورته سوف يقولها بمبررات قوية ، وأضاف لكن المشير عمر البشير رئيس الجمهورية ما "ديكتاتوري" حتى يفعل الشعب كما حدث في المنطقة العربية ، مشيراً الى أن البشير موجود في كل المناسبات ولكن حسني مبارك وبن علي " مافي زول يلاقيهم ولا يشوفهم". وتساءل حسبو محمد عبد الرحمن - القيادي بالمؤتمر الوطني - في ندوة استفتاء دارفور وجدلية الوضع الإداري بـ(أس أم سي) أمس وتساءل "منو البديل للبشير" وقال الكباتن ديل كلهم جربناهم، مشيراً إلى الصادق المهدي ومحمد عثمان الميرغني وحسن الترابي،وأضاف نرحب بـ"الفيس بوك" والثورات، مشيراً إلى أن البديل قيام مؤسسات فاعلة وحكم راشد وأقرب للمواطنين.
|
لقيتنى كيف ؟؟
غايتو يا علتى العلعاله مساككة اخبار ناس الوطنى دى ح تعمل ليك حمى فى الضمير والتهاب فى التفكير .. طيب قول لى زولك دا كيف البشير ما دكتاتورى والشعب حقنا ما مظلوم ذى الشعوب ديك ورئيسنا زينه وحايم فى الاعراس وكيف هو بتكلم عن البديل ؟؟ يبدل منو ولى شنو ؟ وكمان وصفو Quote: البديل قيام مؤسسات فاعلة وحكم راشد وأقرب للمواطنين. |
ودا اعتراف معناهو الحكم القاعد دا لا راشد لا قريب من المواطنين بس قاعد عشان التانيين كعبين !!! قاصد احسن السيئين ..
ــــــــــــــ مرحبا بى ناس الفيس بوك دى يعنى ح يخلوهم يعبروا عن نفسهم ؟؟ ولا مرحب بيهم بالبوليس ! وجاهزين ليهم بالقمع .. غايتو بصراحه زولك دا الا تجى انت تتمو لى موية ما بعرف يقطع ويواسى سمح .. كلامو دا داير منك سمكرة كتيييرة ! ما قلت ليك ديل ح يمرضوك ..
| |
|
|
|
|
|
|
Re: قيادي بالمُؤْتمر الوطني: مرحباً بالفيس بوك ولا بديل للبشير مع الكباتِن الجرّبناهم ديل (Re: دينا خالد)
|
.. . ازيك يا مؤتمرجى عليك الله تعال بس انفى ولا اكد لينا الرواية الما سمعت بيها دندونه دى قال يا دندونه .. قبال جمعتين فى مسجد البشير الذى سمى مسجد النور لاحقا القال محمد اخو الرئيس انه شارلى كافورى اداهم الارض هدية واتبنت بالتبرعات اها قال البشير بعد الصلاة استاذن الامام وبكل ادب مسك المايكرفون وقال يا جماعة يا مصليين السلام عليكم رد الجمع بادب جم : وعليكم السلام والرحمه قال : كتر الكلام فى الفساد وفينى وفى اخوانى وانا حسي قدامكم لو فى زول انا ظلمتو ولا افسدت فى الارض يجى يقول لى .. هنا دا ويعرفى ( وساد الصمت والوجوم المصليين خوفا ورهبة وترددا لمده خمس دقائق ) وعندما تأهب لوضع المايكرفون .. انبرى شخص من اخر الصفوف وقال اريد ان اتحدث ووصل الى الرئيس وتناول الميكرفون وقال : سيدى الرئيس .. انا لا اريد ان اسالك عن موتى دارفور ولا الترفريط فى وحدة الوطن ولا عن الغلاء الذى عم البلاد ولا ولا عن السرقة والنهب او القتل والاغتصاب ولكننى اسالك فى بيت الله وامام الله والناس ان تجاوبنى عن سؤالى وهو : انت الجامع الانحنا بنصلى فيهو دا .. انت واخوانك جبتو قروشو من ووين ..؟؟ فهمهم المصلون وتململوا وتنحنحوا .. فما كان من اجهزة امن الرئيس الى ان قادتهم بسرعة الى سيارتهم وغادر بلا اجابة ( والله اعلم .. هكذا خبرنى الرواة واعلم كثرت الشائعات فى بلادنا ولكنها يقال انها حصلت فهل هى كذلك ؟؟؟
------
اها قلت لى القيادى قال مرحبا بالفيس بوك قول ليهو يا قيادى ..شعب السودان دا ما شعب فيس بوك دا شعب بطلع بسبب الغلاء والجوع والفساد .. وحتى ان حكمهم عمر بن عبدالعزيز الذى لن يجعل منهم جوعى .. واننى ارى ان الفساد عم القرى والحضر والمؤسسسات وطال المحليات والزعماء والناس بدأوو يغلون الحصى ويأكلون (الكسرة ) او كما قال وزيركم المالى وارى ان جالون البنزين قد صار ترفا حتى للموظفين ذوى الدخل العالى جدا مثلنا وتريدون زيادة سعره..!! وكيلو اللحم لم ينخفض عن 22 جنيها وان الساعة كادت ان تدنو.. وان الله ينزع الملك ممن يشاء متى شاء ..
والشعب يرتقب وانا لمرتقبون؛
| |
|
|
|
|
|
|
|