|
الاطراف الاطراف يا شباب المسيرات ابعدوا من سنتر الخرطوم حيث الامن بالكوم
|
تحياتي للجميع
اقتراح فقط لا غير، مساهمة منا في مسيرة الشباب المزمعه يوم 21 مارس او اي مسيرة مستقبلية اخرى
اول مسيرة احتجاجية في الخرطوم قام به النوبيين المهجرين واتفقوا ان يلتقوا في ميدان ابو جنزير ويصلوه فرادى ومن غير جلبة ومن هناك تنطلق نحو القصر، نعم، تم قمعها، ولكنها شرف سوداني نفتخر به
تحركت مسيرة اكتوبر من دار اساتذة جامعة الخرطوم الى القصر .. كلها كيلومتر واحد او يزيد
وابريل تحركت من دار القضاء وابعد تجمع للتظاهر كان من نقابة الاطباء من امام الاتحاد الاشتراكي
دا من الذاكرة
الميدان لازم يتغير، اي مسيرة تبدأ انطلاقها من وسط الخرطوم مصيرها سيكون الفشل وتأثيرها محدود
سنتر الخرطوم دي بقت عامله زي المنطقة الخضراء في بغداد، لا تهاون في امنها
عليكم بالاطراف، لاسباب كتيرة:
1- ضمان مساحة من الزمن تكفي لايصال صوت المتظاهرين للمواطنين ريثما تصل اقرب وحدة احتياطي مركزي. 2- ضمان التعاطف والحماية اذا لزم الامر من اهل الاطراف واحتمال يكونوا اضافة لقوة المتظاهرين 3- الاطراف كتيرة، وبي كده ممكن عمل كم مسيرة في نفس الوقت مما يجهجه باكات وزير الداخلية
ومن هناك يبدأ الزحف على الخرطوم ... شارع شارع ... زنقة زنقة
دا غايتو البنقدر نساعدكم بيهو - الآن وربنا يوفقكم
|
|
|
|
|
|
|
|
Re: الاطراف الاطراف يا شباب المسيرات ابعدوا من سنتر الخرطوم حيث الامن بالكوم (Re: أحمد ابن عوف)
|
بعدين ما دايرنكم تقفلوا وتسدو الشوارع في الخطوط السريعة، بس خليكوم قريبين منها
عاوزين البصات السفرية تنقل الاخبار دي للمدن الاخرى، مدني، الحصاحيصا، كوستي شندي ... الخ ويا حبذا لو وزعتوا في البصات دي منشورات توضحوا فيها فكرتكم
من فوائد الاطراف انك ممكن تتظاهر فيها بالليل، ما زي الخرطوم، الشغل لازم يبقى نهاري بس
لو ولعتوا في لستك، ناس المطافي ما بكون عندهم رغبة في اطفائه، بخلوا شغال ودي كافية لاعلان ان الثورة مستمرة
لكن لو ولعتوا في لستك في نص الخرطوم بعد ثانيتين بطفوهو
| |
|
|
|
|
|
|
Re: الاطراف الاطراف يا شباب المسيرات ابعدوا من سنتر الخرطوم حيث الامن بالكوم (Re: أحمد ابن عوف)
|
شكل الصراع مع النظام دا لازم يتخذ او يحسب للبعد الامني فيه
القصة مرات ما قصة ايمان بالقضايا والمباديء ولابد وح ننتصر في النهاية
التعامل مع النظام واظهار غضبتنا عليه للمجتمع السوداني والعالم لازم تظهر مسيرات تموت بعد خمسة دقائق دي غير كفيلة بذلك
نحن نبحث عن الزمن بالاضافة لاكبر مساحة جغرافية نستطيع تغطيتها، والحاجتين ما بتحققوا في سنتر الخرطوم
لازم نخلخل التركيبة والاستراتيجية الامنية لهذا النظام في كتم افواهنا، وذلك بتغيير خطة ومسار المظاهرات ونقلها لملعبنا بعد ان نتعرف عليه جيدا
صحيح النظام بالاطراف ممكن يمارس انتهاكات ما انزل الله بها من سلطان، لانه يظن ان لا عين تراه هناك لكن الموبايلات موجودة والكاميرات موجودة وقوات الامم المتحدة لحفظ النظام موجودة البشير تاتني لو كفت ليهو شافع في دارفور بسجلوها في سجله الاجرامي
الكيزان في الاول يتحصل ليهم لخمة، ودي الفترة الممكن نشاط الشباب يكون على اعلى مستوى
سيعيد ترتيب احواله وقواته ولكن ح يكون على حساب ارخاء قبضته على الطلبة او العمال في مواقع اخرى، ودي بتكون فرصة للشباب ديل يتنفسوا شوية في محيط جامعاتهم، ح يقول في مفسه، ديل خليهم شوية ريثما ننتهى من الجرذان والمقملين في دار السلام وللا الحاج يوسف وللا السلمة، واذا امتد الامر الى الولايات المتاخمة للخرطوم او البعيدة عنها سيطر لعمل اعادة انتشار لقوات القمع الكيزانية، وهنا المكسب
هو يعمل اعادة انتشار والثوار قاعدين في محلهم، متمكنين من ميدانهم ويتعرفون عليه بشكل جيد كل يوم
| |
|
|
|
|
|
|
Re: الاطراف الاطراف يا شباب المسيرات ابعدوا من سنتر الخرطوم حيث الامن بالكوم (Re: أحمد ابن عوف)
|
في الاطراف ممكن تخلق قيادات ميدانية من نفس المنطقة، ومؤمنة بطبيعة الحال في محيطها
موش زي الخرطوم، المسيرة فيها تلاتين نفر والتلاتين يقبضوهم!! التحية لهم
العمل بالاطراف لا يستدعى التنظيم الدقيق بالدقيقة والثانية والمواعيد بالموبايلات
"انت وين؟؟ انا هسه في الكوبري، خلاس ما تتأخر عليك الله لانو باقي شوية ونتحرك" السائل بكون قاعد ليهو في كافتريا والبرد عليهو راكب عربيته الخاصة
ما عاوزين نبخس الناس اشياءهم، لكن بالطريقة دي ما ظنيت تصلوا لحاجة
ما هي الا صيحة واحدة في مكرفون بطاريتو نازلة وكلها خمسة دقائق والخلوق دي متجمعة
| |
|
|
|
|
|
|
Re: الاطراف الاطراف يا شباب المسيرات ابعدوا من سنتر الخرطوم حيث الامن بالكوم (Re: Mohammed Awad)
|
سلام يا محمد عوض موش الاخ ابوطبنجة برضو
Quote: تسوق الناس توديهم لى اجلهم وتقول لى مساعدة |
يا زول الاجل دا عند رب العالمين، اجل شنو كمان البسوق ليهو الناس
بالعكس، انا دايرهم يطلعوا من زنقة شوارع الخرطوم للمساحات الكبيرة وجر قوات النظام لميدان اساسا هم مكروهين فيهو خلقة كده ناس الاطراف ديل بشمو ليك ناس البوليس وهم من تفننوا في اطلاق التسميات، من كندوره وهوا والكشة با عشة
يعني جر البوليس لميدان يعتبر بالنسبة ليهم unfreindly تهذبا
| |
|
|
|
|
|
|
Re: الاطراف الاطراف يا شباب المسيرات ابعدوا من سنتر الخرطوم حيث الامن بالكوم (Re: أحمد ابن عوف)
|
مالي ارى ود الباوقة و محمد عوض يرتجفون؟
لاحظ خطاب و تعليقات سدنة البشير اصبحت كلها ارهابية و لا تخلو من قلة الادب و عدم الاحترام للجماهير، فقد تحولوا من اثباط الهمم بعدم مشاركة الجماهير في التظاهر السلمي الى الارهاب بان كل من يتظاهر سنردمه و سنجلده و سنسحقه.. هم طبعا يعلمون انهم لا يستطيعون سلب حقنا في الحرية و حرية التعبير و التظاهر و لم يصبح لديهم منطق في حوار او اي فكرة يدافعون عنها فقد سقطت اوراق التوت ( if any) هم الان يدافعون عن ما سرقوه من مال و من سلطة.. فلا اخلاق لهم.. و هم يدركون ذلك.. الشباب يدعو للتظاهر السلمي و هذا حق مشروع لا تملكون ان تمنعوه او تمنحوه.. فقط اعلموا ان لغة التحدي و الارهاب لدينا دوائها، و لكم ان تعلموا انتم ستحاسبون شخصياً بتحريضكم على العنف و ربما الاغتيال.. لا تستكينوا للغة المتأدبة و ذلك لاننا نؤمن بمبادئ و قيم انسانية انتم تنظرون لها على انها ترهات ... التظاهر سلمي .. و هو حق.. و من يحرمنا هذا الحق فعلاً او تحريضاً سنحرقه ... قد نفد صبر الشاب منذ امد .. الآن لا عزاء لامثالكم ..
| |
|
|
|
|
|
|
|