تحياتي - لا تعليق لدي علي زيارة الوالي وكلامة هناك
بحيراوي
اهلا باخى الهميم البحيراوى
قاتل الله الفقر .. لكن بينى وبينك الخبر الاكيد السودان ده مليان دهب وفى ناس عملوا منو قروش فبالامس القريب كانت لى قصة مع بعض العائدين من حقول الدهب لم تستغرق رحلتهم اكثر من ثلاثة شهور,, عندى وابور زراعى (تراكتور ) حاولوا يشتروه من اخى بملبغ خمسين مليون بالقديم فالحكاية مغرية بالجد .. المهم الآن انا فكرت جاد ان نقضى الاجازة الجاية فى حقول الذهب فى السودان وسوف نشترى جهاز اصلى من امريكا كان الله خارجو لينا من المناجيه وطاحونة حجار الذهب وتريلا وخيمة وفنطاز موية ووابور وكهرباء ودريل واشياء اخرى للحماية وبما اننى محظوظ فى حكايات الحظوظ دى بالتجربة فسوف نستطحب معى اكبر عدد من جيش العطالة المكدس فى حقول الفقر المزدهرة فى ربوع ديارنا .. فلو عندك الرغبة فى الخروج من عنق زجاجة الفقر ممكن تنسق معانا وانا متفائل باننا سوف نردد سويا بيت ود كين امانة يا الفقر نحن معاك ما اتفارقنا اختر ما تعود غرّب عـــــــــديل شرّقنا وسوف يكون للتعليم فى الدار نصيب الاسد مما تجود به علينا تلك الحقول ففكر فى الامر واستدعى كل ذو حظ عظيم لمشاركتنا هذه الرحلة وسوف نتصل بالاخ الوزير عبدالواحد يوسف ليعفونا من الضرائب ويخلونا نبيع ضهبنا بطريقتنا حتى نغطى بعض فضائح مبانى المدارس وبنية التعليم التحتية فى ديارنا ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة