|
Re: لا تألو جهداً في التمييز بين ثرثرة العوام وتصريحات ممثلي النظام . (Re: HAIDER ALZAIN)
|
قال لي صديقي بالمكتب مبتهجاً في صباح ربيعي بالدمام : بارك لي يا حبيب .. انا قدمت استقالتي وبكرة ماشي امستردام ..
امستردام الواحدة دي ؟؟! .. يازول خير .. خدر عندو حفلة هناكـ والا ....
ما خلاني كملت كلامي قاطعني لا لا قصدي الخرطوم ياعمكـ البلد مابقت فيها حريات نواشف وكدة
؟؟؟؟؟؟؟؟؟؟ مافهمتك !!
ماسمعت وزير الداخليـة قال شنو ؟
أها ..
ياحبيب قال ليك البنقو حلال .. حلاااااااااااال لاهو مخدرات لاشئ .. وان جيت ليك بشوال بنقو هسع بمطار الملك فهد دا تخش زي اللكنك شايل حنة والا شوال طلح .. انت قايل شنو .. ماالبنقو ما مصنف عالمياً مخدرات..
قلت ليهو كضاب .. قال لي اها هاك اقرأ :
Quote: ونفى محمود وجود تعاطي مخدرات حقيقي في البلاد، وقال إن (البنقو) ليس مصنفاً عالمياً ضمن المخدرات، وزاد: (لحد الآن ما عندنا المخدرات المصنفة عالمياً، والبنقو دا مصنف من المواد المهلوسة). وتابع: حقو ما نظلم شبابنا في الجامعات |
بشرى سارة:وزارة الداخلية السودانية : (البنقو) ليس مصنفا...لمياً ضمن المخدرات.
| |
|
|
|
|
|
|
Re: لا تألو جهداً في التمييز بين ثرثرة العوام وتصريحات ممثلي النظام . (Re: HAIDER ALZAIN)
|
قال لي ضاحكاً .. : عمـر البشيــر قلب .. قلت ليهو .. مخيــر الله بعد العرضة والصقريـة بقي يحتو ويقلّب كمان .. قال لي : لا لا لا يازول قصدي قلب ضد الانقاذ وبقي رئيس كتلة المعارضة ..
قلت ليهو الكلام دا كيفنو يا حبيــب ..؟
قال لي هاكـ اقرأ :
Quote: وقال: ((الغريبة أن هنالك ولايات لو رفتت (4) من الدستوريين (الما عندهم شغل) يمكن أن يتم تعيين (20) إختصاصياً بمخصصات هؤلاء الدستوريين))، وأضاف البشير خلال جلسة مجلس الوزراء حسب التلفزيون القومي أمس، أن هذا الأمر سنرعاه إن شاء الله، وتابع: نقول لهم إذا رفتم عدداً من معتمدي الرئاسة ومستشاري الوالي يمكن أن يتم إستيعاب أطباء في أماكنهم لأن الأطباء الإختصاصيين يعالجون المواطن، بينما أولئك عبء على المواطن، كما أن مخصصاتهم يدفعها المواطن.
|
البشير: راتِب (4) دستوريين ولائيين (ما عِنْدهُم شُغُلْ)...شْرون طبيباً إختصاصي
| |
|
|
|
|
|
|
Re: لا تألو جهداً في التمييز بين ثرثرة العوام وتصريحات ممثلي النظام . (Re: HAIDER ALZAIN)
|
كل النقاشات السابقة كانت تدور في مكاتب الشركة امام الزملاء وللامانة ورغم من جُبلت عليـه من حس مرهف وحساسية عاليــة ومراعاة لمشاعر الغيـر - خاصة المحرومين مما نحن فيه من نعم - لكني لم القي بالاً لتأثيـر ذلك على غيرنا من الزملاء من الجنسيات الأخري وكنا نقول كلامنا ونتناقل اخبارنا فرحين بما انعم الله علينا ثم نتوكل في طريقنا بتوفيق من الله حتي غيض الله لي اخيراً ما نبهني على ما نرتكبه من اثم في حق الاخوة الزملاء الذين يسمعون ما افاض الله علينا من نعمه وهم يتلمظون غيظاً ..
ولهذا حادثة سوف اسردها عليكم
| |
|
|
|
|
|
|
Re: لا تألو جهداً في التمييز بين ثرثرة العوام وتصريحات ممثلي النظام . (Re: HAIDER ALZAIN)
|
العزيز الفاضل ود الزين
لك التحايا الطيبة
البنقو و غيره مما حرم الله اصبح فى الخرطوم نهارا جهارا
فى ظل دولة "الاسلاميين" الصوص الفاسدين .
Quote: ماسمعت وزير الداخليـة قال شنو ؟
أها ..
ياحبيب قال ليك البنقو حلال .. حلاااااااااااال لاهو مخدرات لاشئ .. وان جيت ليك بشوال بنقو هسع بمطار الملك فهد دا تخش زي اللكنك شايل حنة والا شوال طلح .. انت قايل شنو .. ماالبنقو ما مصنف عالمياً مخدرات.. |
| |
|
|
|
|
|
|
Re: لا تألو جهداً في التمييز بين ثرثرة العوام وتصريحات ممثلي النظام . (Re: HAIDER ALZAIN)
|
كنت ادخل المكتب كل صباح مبتهجاً مغرداً كالعصفور اتنقل ملقياً التحية الصباحيـة على زملائي بخفة ورشاقة تحاكي رشاقة الغزلان وقد زادتها كرشي المنتخفة رزانة واكسبني قصر قامتي وامتلائها ثقلاً في الحركة محبب الي النفس .. وعندما ادخل اخيــراً بعد ساعة اقضيها متشمشراً اخبار الزملاء ولاقطاً اخر الاخبار والاحداث الي مكتبي . . اجد السوري العشريني ذو الجسم الرياضي والعضلات المنفوخة والبطن الضامر زميلي بالمكتب ينظري الي بغيظ مكتوم وحسد وحقد يحاول يلطفه بابتسامة صفراوية باهتة وهو يرد تحيتي بعد ان اكررها عليه ثلاثة مرات قيجيبني مرحب بالباشا .. لم اكن احفل به كثيراً ولا ببروده .. واقول بيني وبين نفسي وانا اوسع مجالاً للكرسي امام طاولة مكتبي لكي اجد مكاناً احشر في كرشي وهي تغرغر بفعل سندوتشات الفول والطعمية الصباحية بالاضافة لعلبة البيبسي اقول - حاسد حاقد - اكيد حاسدني على وسامتي المميزة وامتلأ قامتي بعد ان اعيته الحيلة اكيد هذا الهزيل في الاستحواذ على كرش مميزة كهذه .. او لعله يتشمم عطري النفاذ الذي كلفني عشرة ريالات كاملة من محلات ابو ريالين اقتطعتها من راتبي فيتحسر انه لا يستطيع ان يتحصل على مثله او لعله يتمني ان تكون له قامتي القصيرة الموزونة بطل طول الهبل الذي ابتلى به .. عموماً لا انشغل به كثيراً وانا اسارع لافتح موقع سودانيز اونلاين لاطالع اخر الاخبار وانا امني نفسي بشمار صباحي اخر يُضاف الي ما اتحفني به الزملاء السودانيين بالمكتب .. اعمل رفريش وانا انظر اليه فاجده يطالعني بغيظه المكتوم نفسه وينظر لي شذراً فابادره شذارة بشذاره واتساءل : اما لهذا الحسد ان ينتهي .. حتي كان يوم عرفت فيه سبب قرشة هذا السوري المسكين لملحتي ولماذا ينظر لي بحسد وغيظ .. وعرفت ان السبب لا يتعلق بمظهري ولا عطري ولا ماوهبني الله له من وسامة ونعم ظاهرة .. بل يتعلق اساساً بما سقته اعلاه من امثلة واحاديث..
ولهذا قصة اخري لعبت فيها الصدفة دورها ..
| |
|
|
|
|
|
|
Re: لا تألو جهداً في التمييز بين ثرثرة العوام وتصريحات ممثلي النظام . (Re: HAIDER ALZAIN)
|
Quote: كنت ادخل المكتب كل صباح مبتهجاً مغرداً كالعصفور اتنقل ملقياً التحية الصباحيـة على زملائي بخفة ورشاقة تحاكي رشاقة الغزلان وقد زادتها كرشي المنتخفة رزانة واكسبني قصر قامتي وامتلائها ثقلاً في الحركة محبب الي النفس .. وعندما ادخل اخيــراً بعد ساعة اقضيها متشمشراً اخبار الزملاء ولاقطاً اخر الاخبار والاحداث الي مكتبي . . اجد السوري العشريني ذو الجسم الرياضي والعضلات المنفوخة والبطن الضامر زميلي بالمكتب ينظري الي بغيظ مكتوم وحسد وحقد يحاول يلطفه بابتسامة صفراوية باهتة وهو يرد تحيتي بعد ان اكررها عليه ثلاثة مرات قيجيبني مرحب بالباشا .. لم اكن احفل به كثيراً ولا ببروده .. واقول بيني وبين نفسي وانا اوسع مجالاً للكرسي امام طاولة مكتبي لكي اجد مكاناً احشر في كرشي وهي تغرغر بفعل سندوتشات الفول والطعمية الصباحية بالاضافة لعلبة البيبسي اقول - حاسد حاقد - اكيد حاسدني على وسامتي المميزة وامتلأ قامتي بعد ان اعيته الحيلة اكيد هذا الهزيل في الاستحواذ على كرش مميزة كهذه .. او لعله يتشمم عطري النفاذ الذي كلفني عشرة ريالات كاملة من محلات ابو ريالين اقتطعتها من راتبي فيتحسر انه لا يستطيع ان يتحصل على مثله او لعله يتمني ان تكون له قامتي القصيرة الموزونة بطل طول الهبل الذي ابتلى به .. عموماً لا انشغل به كثيراً وانا اسارع لافتح موقع سودانيز اونلاين لاطالع اخر الاخبار وانا امني نفسي بشمار صباحي اخر يُضاف الي ما اتحفني به الزملاء السودانيين بالمكتب .. اعمل رفريش وانا انظر اليه فاجده يطالعني بغيظه المكتوم نفسه وينظر لي شذراً فابادره شذارة بشذاره واتساءل : اما لهذا الحسد ان ينتهي ..
|
والله يا ولدنا انت مشروع قاص ساخر خطير, مضيع زمنك مع غلاط البورداب مالك ياخ اكتب بس زي كتابتك الفوق عن كل شي في حياتك العملية, الاجتماعية,البوردية و الله نحن لك من القارئين
| |
|
|
|
|
|
|
Re: لا تألو جهداً في التمييز بين ثرثرة العوام وتصريحات ممثلي النظام . (Re: خدر)
|
Quote: والله يا ولدنا انت مشروع قاص ساخر خطير, |
وتالله لأنك فنان بدرجة بروف في رفع المعنويات،،، تصدق انا راس الخيط في الموضع دا زاااتو راح لي لكن عشان كلامك دا بجيك السبت - لو صبحت شديد - احكي ليك قصتي وقت انقفلت بالحلة الجديدة اتعلم عزف العود والاورغ :) ** استصب معاك اني اشتر الله في موسيقتو وعرضة ساكت ما بعرف ليها ولا بوزنها خليك من امسك زمن موسيقه
| |
|
|
|
|
|
|
Re: لا تألو جهداً في التمييز بين ثرثرة العوام وتصريحات ممثلي النظام . (Re: HAIDER ALZAIN)
|
امس حايم في اسافير الله بجمع كمية من التصريحات والتعليقات من مسئولي النظام حول ابيي وسيطرة الجيش السوداني عليها لغاية هسع ما فهمت شئ هل ابيي شمالية واحتلتها الحركة فقامت حكومة الانقاذ طردتهم منها؟ ام هي منطقة خاضعة لبرتكول معين وسيجري فيها استفتاء والا حتة كدة زي حلايب واحد البيصحى بدري يدخلها بي جيشه والتاني يعمل صم كم - حمد لبد وما جايب خبر ام لا هذا ولا ذاكـ؟
| |
|
|
|
|
|
|
|