للضمان كدا أنا عارف الكلام عن البنية دي بقي كتير ومسيخ ومبتذل ذاتو لدرجة أنو حتى إبن الصايم الذي لا يفهم في الفن لا فاءه ولا نونه لبس لبس خمسة ونزل لأرض المعركة .. عشان كدا البوست مسايرة لموضة البوستات المشابهة ودي فرصة عشان الواحد يبخر الكاتمو في قليبو ... ود الصايم ومن خاض خوضه احسن مني واللا أحسن مني واللا أحسن مني واللا أحسن مني ؟ ميزة موضوعي دا أنو عميق وطالع من أنخش نخاشيشي حيث كل الحاجات صادقة جدا وهنا يتجلي إبداع الكتابة عن نانسي عجاج .. موش هبتلي ساي كما هو حاصل في بوست مجاور لا داعي لذكر أسمه وإسم صاحبه . يتبع ...
نجي للموضوع اها عايز أقول ليك : خربت طبعنا ذاتو عليك الطلاق الواحد بقي يكون عايز يسمع سيف الجامعة يفتح كود حفلتك في بورتسودان يكون مزاجو في محمود عبد العزيز يعمل كلك على حفلتك في الدوحة . حتى كابلي وأحمد المصطفي وحمد الريح والكبار كبار ديل قلصنا الوقت المحددنوا ليهم من كل تلاتة يوم لكل أسبوع .. وكان على الحبش وبتاعين نجوم الغد ديل نسيناهم عديل لا عافية ولا رماز ولا حرم ولا الود التاني داك .. عاملة عيونك الزي عيون سيد خليفة ديل والعجب لامن تغني يهديك والله يخليك ... ياخ إتي مبالغة عديل وكمان رشيقة ومليحة وصوتك فخيم وذاتو طالع من جووووووووة لامن يوقف القلب وكان على الأناقة والبساطة جل الواحد المنفرد ياخ إتي بت واللا بت شديد ؟ أنثي واللا أكتر من أنثي ؟ هسع الفن في غناك واللا في إختياراتك واللا في رزانتك واللا في أناقتك واللا في صوتك واللا في فيك إتي كلك على بعضك واللا الفهم شنو بالله ياخ قومي لفي كدا واللا كدا عليك الله شوف عاملة كيف إنتهى .
04-13-2011, 09:41 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
ياخ الواحد يغيب من البورد شهر .. يلقى ود الصايم فاتح بوست .. نانسي عجاج شنو كدا ما عارف .. يغيب يومين .. يلقى فيصل مين كدا نوبي .. فاتح بوست نانسي عجاج .. إلخ .. يغيب خمسطاشر يوم.. يلقى محمد البشري الخدر .. فاتح بوست نانسي عجاج ..
ثم أخيرا .. طلحة طنظير ينظر فيما يختص بي نانسي عجاج .. ..
الرصة الفوقانية دي كلها + سعد الدين عبد الرحمن + فيصل نوبي + عبد المجيد الكونت .. إلخ من الزوايد ..
هاكم الوش دا ياخ .. ..
ملحوظة: يبدو انكم بتسمعو نانسي عجاج دي بي اضنينكم .. زي كتابتكم البي اضنينكم دي فيما يختص بي نانسي عجاج .. ثم انني : اعلن تحالفي مع ما يسمى حلف الذين يستمعون لي نانسي عجاج في جهاز العربية .. ومن ثم غناها يدخل بي هنا ويمرق بي هنـا .. بي صورة أوضح .. بسمع غناها علشان اتأمل في أحوال .. ود الصايم .. ونوبي .. وعبد المجيد الكونت .. وسعد الدين عبد الرحمن .. ومحمد البشري الخدر .. وأخيرا .. طلحة طنظير ..
ياااخ انا جاي البوست ده عشان (احي) الزول الاسمو تمبس ده واقول مشتاقين يعلم الله وشيخي شكر الله ووين اراضيك يااااخ والواحد لو كان عارف (اكل المورتدلا او اي كان اسمها بخفي الزول عن المنبر ده كان اكل منها يومي (كليقة وقعد بعيد وعمل شخيت)
وجاااي تاني عشان (احي) تنظير علي الاحتفاء بالفن الطابع من جوووف الدهشة وصوت الاجراس عند نانسي وماشاء الله حسكم الفني اصبح مرهف يا مريخاب وحليلك يا (عمر كلوجة) فنان المريخاب في نواحي وكراكير بعيدة وسنتابع
04-13-2011, 11:18 AM
tmbis
tmbis
تاريخ التسجيل: 10-19-2002
مجموع المشاركات: 24862
ووين يا كيكي ..؟ ياخ والله خوتكم .. أحسن منها خـوة اساسي .. ومحمد عبد الماجد الصايم إلخ من الخوات العجيبة جدا .. ياخ انا غبت من البورد .. عشان البورد اصبح بيييض جدا .. والله جابني بوست احتفال البورداب .. بعدين يا معلم .. بالنسبة لي المارتديلا .. والكلوبس .. والاستيكات .. وإلخ من الحركات بتاعت المرتاحين دي .. والله تاكله تعمل ليك حساسية .. وتمسكك كاروشة تبقى في البحلك منها .. ياخ مالك ومال الخط المعلق ..؟ عايز نصيحة اخوك .. خليك في لغاويصك العجيبة دي .. عندك انا مثلا .. مضرب عن الطعام .. وبقيت ادق جرس كلما امشي بنده .. أو أي حاجة ليها علاقة بالحاجات العجيبة دي .. وبقيت حساس جدا الفترة الفاتت .. بحس بي اي حاجة وتاني كان جبت لي سيرة الحاجة دي احتمال كبير اختلف معاك ونحتو قرض في السايبر دا الواحد حاسي أنو قلبو زاتو بقى ميت .. من الساندوتشات الصغيرة .. صغيرة دي .. يوم الجمعة الفاتت دي .. ضربت ليك حلة بتاعت روسين سمك .. وملاح سلج بي باميـة .. اعادة لي توازني الطبيعي .. حسع ان بكتب ليك بي احساس يوم الجمعة .. بعد الغداء مباشرة .. كدي خليني من المشروع بتاع العضة دا لانو عندي معاك فوقو حنك طويل جدا .. يعني انت حسع دي برضو مع ناس طلحة طنظير .. وفيصل نوبي وود الصايم .. إلخ ..؟ ياخ انا لما لقيت اسمك اتوسمت خيرا وقلت كيكي جايي يبلع طنظير البوست .. اللقاك منبرش ايضا ..؟
يحليل الناس البتبلع البوستات الزي دي ..
انا برضو سنتابع .. يا انا .. يا طنظير وبقية المنظراتية ديل ..
أخ لو لقيت لي واحد بس .. يتبنى معاي مشروع التبليع دا .. ببرد لي بطني عديل كدا ..
إنتو ووين عمر الفارووق شيخ الدين .. الواحد بيعتمد عليهو في هكذا امور
04-13-2011, 10:51 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
هلا يا تامبا وحمد الله ع السلامة ختيتني في حزمة واحدة مع ود البشرى وود الصايم ونوبي ما عيب عليك ياخ ..؟ وهل يستوي النصف الفارغ من الكوب مع النصف الآخر الممتلىء بعصير جوافة بي لبن ؟ قارن كل ما كتبه الدعيين أعلاه بسطر واحد فقط مما كتبته عن هذه الجكس وسيتبين لك الفرق جليا، وان لم يتبين لك من الوهلة الاولي فراجعو من الوهلة الثانية و حتما سيتبين لك بينونة كبري .. الفرق في عمق المعني والصدق يا تامبا .. والله لو لم أكتب غير صوتها الفخيم وعويناتا التى تشبه عيون سيد خليفة لكفاني .. أنا لم أسمع نانسي عجاج في شريط كاسيت في العربية أو في أذاعة حتى الآن .. كل سمعي ليها كان صوت وصورة ولذلك فهي عندي تلك البنية العجيبة ذات الصوت الفخيم والعوينات التى تشبه عوينات سيد خليفة والبساطة الأنيقة والرزانة الرشيقة وكذا عدم لبسها للدهب والتحنن .. إلخ . باختصار نانسي عجاج هي نانسي عجاج ولن أزيد .
صبري يا طه يكاد المريب يقول خذوني نتعامل دائما بالرفق واللين والهوادة ونتجنب الإغتيالات المعنوية بقدر الإمكان ولذلك نكتفي بما أوردناه من إشارات ودلالات واللبيب بالإشارة ما بتفوت عليهو حاجة.
04-13-2011, 11:06 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
Quote: ملحوظة: يبدو انكم بتسمعو نانسي عجاج دي بي اضنينكم .. زي كتابتكم البي اضنينكم دي فيما يختص بي نانسي عجاج .. ثم انني : اعلن تحالفي مع ما يسمى حلف الذين يستمعون لي نانسي عجاج في جهاز العربية .. ومن ثم غناها يدخل بي هنا ويمرق بي هنـا .. بي صورة أوضح .. بسمع غناها علشان اتأمل في أحوال .. ود الصايم .. ونوبي .. وعبد المجيد الكونت .. وسعد الدين عبد الرحمن .. ومحمد البشري الخدر .. وأخيرا .. طلحة طنظير ..
ياخي انت كنت وين؟؟ ونضف الي ذلك حرام عليها تاني تملا العربية آهات...الشي ببقي اسعاف
singawi يا حبيب ياخ إطمئن تطمين شديد جدا ولا يكون في بالك وبالمرة كدا دعك من تهويشات تامبا فهي أشبه بغسيل الجلابية بعد كل لبسة ودعكها دعك شديد حتى يحدث لها فتاق ..(كلام عميق). يا اخي العزيز يكفي أنك عندما تستمع لننانسي تشعر بالوجع هنا والوجع هنا والوجع هنا حتى يتمكن منك هذا الوجع اللذيذ وتقعد ترجف ..
04-13-2011, 11:42 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
قمر بوبا يا قلب ياخي يكفي ان جدا لينا لامن يسمع ليهو غناء في رادي واللا تلفزيون واللا أية مصيبة زمان تهيج فيه نوازع الغضب كل هيجان حتى نقول ليتها هدأت .. ولكنه عندما كان راكبا حماره ومارا بذلك الزقاق وقد علا في فضائه صوت البنية الفخيم وهي تغني (بلدا هيلي إنا) .. جذب لجام حماره حااااااو حش، ثم دقر سفته وخلف رجلا في رجل وجلس على وضعه ذلك وهو في سكون وطرب لا يعلم به إلا الله لدرجة أنني عندما شاهدت المنظر تخيلته وهو يقول في سره : أيمان حج وعتق البنية أم عوينات زي عوينات سيد خليفة دي حاجة ما تخلص ..
هي يا يمه هووووووووي حليلو هو ياخي أنا عازر نوبي وود الصايم وطريقة بكاهم في ( الصوت ) المخنوق ده لاحظ أنا قلت الصوت ياخي أدو فرصة لنهي وحا تشوفوا الفرق أعفص هنـــا وأَضغط على أيقونة معجب
_______________ خفنا من الــ Autoplay
04-13-2011, 12:01 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
عمران صالح يا بلد البنية التانية دي برضو ما ساهلة لكن العبرة في الخبرة ياخ تم جميلك ونزل لينا في الضواحي وطرف المداين أو مسامحك يا حبيبي أو أية حاجة تنعش ياخ .
04-13-2011, 12:02 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
نانسي عجاج قالت ذات مرة أنها لا تتقن أية أغنية لا تحس بها وجدانيا الفهم والوعي بالفن ما عندك يا بنية .. عاملة صوتك الفخيم وعويناتك الزي عوينات سيد خليفة ديل .. وبرضو تقول لي راجل المرة ومحمد ولد طيب والشريف مبسوط من الجماعة ؟
في مقام كدا عايزك تشوفو شوف العين الما كتلو غزال اسمو مقام العازفين العارفين المقام دا وصلو شيخنا محمدية ( يلحقني وينجدني ) في الفديو أدناه وبلغو في الفترة من الدقيقة اتنين وسبعة ثواني إلى الدقيقة اتنين واطنااااشر ثانية راقب زمن الفيديو بالله
04-13-2011, 12:32 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
الكبير محمدية بلغ مقام الدروشة يا سنجاوي وكذلك فعل عوض والمذيعة ... ياخي حتى المايكرفون القداما دا شوفو مستكين ومرخم كيف .. وانظر للحتة المظلمة خلفها كيف بقت موحية والكرسي القاعدا عليهو كيف إحمر وتوهج .. ودا كلو كوم وحركة أصابعيها أثناء الشدو كوم تاني .. البنية دي سرها باتع يا حبيب .
حركة أصابعيها دي يا حبيب دليل على انها ذات نفسها بلغت مقام الذاهلين وتتجلى هذه الحركة لما تمسك المايك بيدها وتنقرش عليهو بأصابعها
دا كلو كوم ومقامك انت كوم هلا هلا .. قلت لي حتى المكرفون القداما دا شوفو مستكين ومرخم كيف وحات حمد النيل أنا كنت قايل نفسي براي البشوف عشان كدي قبيييل قلت ليك طمنتني تحياتي يا زميل
04-13-2011, 12:53 PM
نوفل عبد الرحيم حسن
نوفل عبد الرحيم حسن
تاريخ التسجيل: 02-27-2009
مجموع المشاركات: 2361
يا نوفل العزيز البوست إنصرافي ربما كسير تلج صاح كبيرة لكن كونو تعبر عن إعجابك بنهي دونا عن نانسي فهذا ما لا يستقيم ياخ التعبير عن الإعجاب يجب أن يكون لست البوست فقط والتانية ليها مقاما براهو ولا بأس به إذا كان التعبير عن الاعجاب لعجاج أخوات ..
04-13-2011, 01:10 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
تنظير يا عمكـ أديكـ النجيضة :- 1) ألبوم موجه ألبوم أقل من عادي فقط يحسب لنانسي الإجتهاد في أغنية أندريا أما بقية الأغاني ( غير المسموعة) بتذكرني لما كنا بنلحن الأناشيد في الإبتدائي .. 2) نانسي رائعة جداً كشخصية إجتماعية لكن عادية جداً كفنانة .. 3) في مجال الغناء نهي أفضل بكثير من نانسي لكن الإنتشار في السودان لا تحكمه الأفضلية و إذا أخدناكـ كمثال يا تنظير أراهن أنكـ حتى لم تسمع بـ ( محمد فيصل الجزار) أحد أفضل الفنانين الشباب حالياً و الذي يعول عليه كثيراً نقل الأغنية السودانية للعالمية.
وحات الله وما طالبني حليفة خرمت ليها وقعدت اتلفت زي المودر قلت اضغط للتشغيل وما لقيت محل اضغط ضغطت على الصورة مرقتني في بلداً تاني وبعدين لا يوجد ما يدعو للأسف ياخي فقد أطربتنا والله
تحياتي
وتاني شكيتك على الله
04-13-2011, 02:46 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: بالله يا وليد سريع تعال صادي وريني لأنو رأيك مهم ككابتن كفر حالو من حال كابتن الوتر ..
ماكنت متخيل في يوم من الايام واحد ممكن يغني للراحل المقيم صديق الكحلاوي بالرغم من انه تغنوا لكثير من الفنانيين امثال وردي والجابري وابراهيم عوض حتى الكاشف ذاتو وابوداؤود وعندما سمعت البنية دي بتغني اغنية الكاشف ( شقي ومجنون ) جننتني واندهشت جدا قلت اكيد معناها انا ظلمتها رغم ان بداياتها كانت ضعيفة ومن اليوم داك بقيت اسمع ليها بمزاج لان طريقة غناء الكحلاوي صعبة جدا جدا الليل البشيل الناس بشيلو هموم اقاسي مرارة الوحدة واتامل واشوف يوم بكره كيف ح يكون قالو قالو علي شقي ومحنون انتو لقلبي زاد عمرو وليهو السلوى والمنية جنوني عيون لو شافها عطشان سنين يروى ليه ما اجن وازيد في الجن وانتو جنوني ياحلوين _ بالله ياطلحة الاغنية دي فتشها وجيبها لينا هنا اقول ليك شيء كمان اعتبرها هدية ليك وداعا يافنان ياملازم الكفر والوتر
04-13-2011, 03:17 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
زمان جدي الله يرحمو قال لي : الزعلوهو وما زعل ... إضينة ساااااااااااااي أها يا عشاي .. الأطربوهو وما طرب .. برضو جماد ساااااااااااااااي وبعدين يا أخوي البيتو من عجاج .. ما يجدع سنجة بالحجار :)
04-13-2011, 06:33 PM
عمر عبد الله فضل المولى
عمر عبد الله فضل المولى
تاريخ التسجيل: 04-13-2009
مجموع المشاركات: 12113
وقوفكما إتا والأستاذ الموصلي في صف نهي عجاج وتقديركما لأختها دعم قوي لمسيرتهن الفنية ولا شك في ذلك . نهي عجاج تستحق الثناء قطعا فهي لا تختلف كثيرا عن إختها ولا تقل عنها إبداعا لكن الطبع يغلب التطبع يا أستاذنا وقد تطبع وجداني وذوقي على إبداع الكبيرة مع كل الامنيات للصغيرة . إستمعت قبل قليل لأغنية (فلق الصباح) فعدت وإستمعت لها ثانية وكأني أسمعها لأول مرة .. قطع الشك البنية نانسي دي راكبا عفريت مبدع .. علينا وحوالينا ..
ودو كماين يا سلبطة البكا خشم بيوت يا حبيب عندك بكاء بى نخاخيجو ومخاخيطو وشهقاتو وشحتفتو وعندك بكاء تاني زي الحركة البعملوها النسوان لامن الواحدة تمش تعزى صاحبتا في قريبا الميت قبل خمسة شهور وبعد شوية يقعدن يتضاحكن ويحكن لى بعض في النكت . مافي مقارنة يا مواطن ..
ياخي المبدعة نهى عجاج دي من اول مرة سمعتها هبشت العصب الحي ولكن ... عملت ساتر لا شعوري حتى لا تشارك السلطانة نانسي فانا لا أميل إلى الشٍرك عشان كدا ومن باب التوحيد السماعي ما فتحت ولا واحد من الفيديوهات الانت منزلها هنا لكنك أجبرتني على سماعها كلما دخلت لهذا البوست وأعترف اني حاولت أكتم الأغنية البتشتغل تلقائياً دي وما عرفت أها يا صاحبي تصالحت مع نفسي وأقنعتها انو إذا جمعت بين الاختين يبقى دا توحيد وانتفاء للشرك وتبقى السلطانة سلطانة ، والمبدعة مبدعة ، والدرويش درويش ، وما الحب إلا للحبيب الاول .. أو كما قال . وتاني شكيتك على الخلقك .. هو أنا ناااااااااااااااااقص ياخي .
04-14-2011, 11:54 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
نانسي دي زوله فنانه حد الترف ..صوتها يأخذك إلى دنيا من الألق الجميل .. حاجه زي نقر الأصابع لمه ترتاح للموسيقى على قول مصطفى سيدأحمد ... ياخي بصراحه نانسي غير كل المتغولات على الساحه الفنيه ... زوله تعرف جيداً طريقها للقلوب ...
سلمت يا طلحه ....
04-14-2011, 11:53 AM
عبداللطيف محجوب
عبداللطيف محجوب
تاريخ التسجيل: 09-13-2008
مجموع المشاركات: 753
والله يا بن عبيد الله .. وعشان كاتلاني الامانة الداهي البيشتغل تلقائياً دا صوت بس ما فيديو وما عارف النزلو منو وبيشتغل كخلفية للبوست يعني ما عرفت أسكتو ضمة بس كويس اني ما عرفت اسكتو لانو سكتني وقطع شك نهى دي بتريد اختها نانسي والبريد الشيخ انا يا ناس بريدو .. الشيخ سيرووووو
04-14-2011, 01:34 PM
سارة علي
سارة علي
تاريخ التسجيل: 07-08-2008
مجموع المشاركات: 4413
Quote: نانسي دي زوله فنانه حد الترف ..صوتها يأخذك إلى دنيا من الألق الجميل .. حاجه زي نقر الأصابع لمه ترتاح للموسيقى على قول مصطفى سيدأحمد ... ياخي بصراحه نانسي غير كل المتغولات على الساحه الفنيه ... زوله تعرف جيداً طريقها للقلوب ...
القول ما قلت والله لك ولها الإحترام
04-14-2011, 02:27 PM
jini
jini
تاريخ التسجيل: 02-05-2002
مجموع المشاركات: 30720
يا شباب النزل أغنية بهاجر ليك لو أمكن يعدل في صيغة التنزيل البتشتغل تلقائياً دي صحيح الأغنية سمحة ورقاصة وعيونا كباااار بس كمان ما من حقها تنفرد بالرقيص وتمنع أخواتها وبنات عمها الواحد ما قادر يشغل أو ينزل أي فيديو كنموذج أخر وكدا ..
04-14-2011, 05:27 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
سارة يا بت عمو الكورة هسع ولغاية فترة اخري مقبلة ما فيها ولن تكون فيها مزة مالنا ومال وجع المفاصل ياخ أحسن لينا وجع الوجدان دا على الأقل الواحد بقلل من الحاجات الزاحماهو جوة دي .
04-14-2011, 06:04 PM
سارة علي
سارة علي
تاريخ التسجيل: 07-08-2008
مجموع المشاركات: 4413
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة