|
|
 أستغرب ممن يعترضون كلام الله ويقولون انه لا يواكب العصر
|
فى الحقيقه احتار كثيرا فيمن يجادلون فى آيات الله ويقولون انها لا تصلح لهذا الذمان...فيمن يعترضون على الشريعه الاسلاميه وتطبيقها ويجدون فى مواثيق حقوق الانسان افضل واصلح عما جاء فى كتاب الله!!!
فيمن يقول ان بعضا من القران لا يصلح لهذا الزمان وانو الامور تطورت ودخلنا فى القرن الواحد وعشرين وعصر التكنلوجيا فكيف نمشى بماء جاء به كتاب نزل قبل الالالاف السنين
فيمن يجد ظلما فى بعض احكام الله ويقول لماذا قال الله سبحانه وتعالى هذا الكلام
ان ماجاء به الله سبحانه وتعالى غير عادل( أستغفر الله العظيم تعالى الله عن زلك علوا كبيرا)
ياجماعه انتو ببساطه كده ما عارفين الغايه الانتو اتخلقتو من اجلها
لو فاهمنها كويس ما كان حتعترضو على كلام الله ولا تطلبو بتبديله ولا كان قلتو ليه ياربى انت قلت كده
ببساطه كده
لو انت كنت ماشى تموت من الجوع والعطش وواحد جاء عرض عليك مرتب مجزى بشرط انك تعمل كل حاجه هو عايزها وما تناقشو وكل ما تجتهد فى شغلك حيذيد مرتبك
لحدى ما يكون ملالايين الدولاارات ولو ما سمعت الكلام حينقص من مرتبك وحيعاقبك حتعمل شنو???
حترفض النعمه ده...ويبقى مادام وضح ليك من البدايه وهو ولى نعمتـك يبقى ما حتعترض كتير ولا الشنو
آها بطريقه تانيه الله سبحانه وتعالى خلقنا مخصوص عشان نعبدو
قال تعالى
وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ (56)
مَا أُرِيدُ مِنْهُم مِّن رِّزْقٍ وَمَا أُرِيدُ أَن يُطْعِمُونِ (57)سوره الزاريات
يعنى الغايه من خلقنا هى اصلا عباده المولى عز وجل
يعنى ممكن نحن ما نكون متواجدين الان
وربنا اوجدنا من عدم
لو الله سبحانه وتعالى ما اراد لينا نكون ما كنا متواجدين
وقال لينا لو عملتو طيب سأكافيكم عليه
ولو عملتو برضو سئ حيكافيئنا عليه
هو ممكن فى اى لحظه يخسف بينا الارض لو عايز
لكن رحمته خلانا ليوم الحساب يمكن واحد فينا يتوب قبل الممات
او ممكن يطلع مننا اولاد يخافون الله ويتقوه
يعنى المعترضين على كلام الله معترضين على شنو
هل انتم اوجدتم انفسكم عشان تعترضو
النعمه الفيها ده كلها لولا الله سبحانه وتعالى ما كانت حتكون عندكم
والتكنلوجيا البتفتخرو بيها ده ماكانت حتكون لولا اراده الله
فما يجى واحد عشان مداه الله بالمال والجاه والصحه والبنون يعترض على كلام الله ويبحث بديلا عنه يواكب العصر
الله سبحانه وتعالى خلقنا وهو ادرى بمصلحتنا منا
يعنى وى دونت كوشن الله سبحانه وتعالى ليه عملتى كده بل نبحث الحكمه من وراء زلك
فما تاخدو اضفانتج من حلم الله سبحانه وتعالى لانو ما بعاقبنا طوالى بل فاتح لينا باب الرحمه والمغفره والتوبه فى كل وقت
يعنى لو قال لى الله سبحانه وتعالى ارمى نفسى البحر مفروض ارميها فى الاول وبعدين اعرف ليه
لانو اكيد الله سبحانه وتعالى عارف مصلحتى اكتر منى
فأقعدو كده برواقه عليكم الله وافهمو جيدا الغايه التى خلقنا من اجلها
لو فهمتو ده جيدا ما حتلقو صعوبه فى تطبيق امر الله
وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا (36) سوره الاحذاب
هدانا الله واياكم لما يحب ويرضى
فتكم بعافيه
وفى امان الله
لا اله الا الله
|
|
 
|
|
|
|
|
| العنوان |
الكاتب |
Date |
| أستغرب ممن يعترضون كلام الله ويقولون انه لا يواكب العصر | bint_alahfad | 02-19-05, 03:20 PM |
 Re: أستغرب ممن يعترضون كلام الله ويقولون انه لا يواكب العصر | محمد السر | 02-19-05, 03:35 PM |
| Re: أستغرب ممن يعترضون كلام الله ويقولون انه لا يواكب العصر | bint_alahfad | 02-21-05, 01:54 PM |
 Re: أستغرب ممن يعترضون كلام الله ويقولون انه لا يواكب العصر | HOPEFUL | 02-19-05, 03:54 PM |
 Re: أستغرب ممن يعترضون كلام الله ويقولون انه لا يواكب العصر | bint_alahfad | 02-21-05, 05:41 PM |
| Re: أستغرب ممن يعترضون كلام الله ويقولون انه لا يواكب العصر | Badreldin | 02-19-05, 03:59 PM |
| Re: أستغرب ممن يعترضون كلام الله ويقولون انه لا يواكب العصر | تاج السر حسن | 02-21-05, 02:18 PM |
| Re: أستغرب ممن يعترضون كلام الله ويقولون انه لا يواكب العصر | صديق الموج | 02-21-05, 02:40 PM |
| Re: أستغرب ممن يعترضون كلام الله ويقولون انه لا يواكب العصر | Hisham Amin | 02-21-05, 04:26 PM |
| Re: أستغرب ممن يعترضون كلام الله ويقولون انه لا يواكب العصر | atbarawi | 02-21-05, 10:15 PM |
| Re: أستغرب ممن يعترضون كلام الله ويقولون انه لا يواكب العصر | تاج السر حسن | 02-21-05, 11:16 PM |
| Re: أستغرب ممن يعترضون كلام الله ويقولون انه لا يواكب العصر | حمزاوي | 02-21-05, 11:28 PM |
| Re: أستغرب ممن يعترضون كلام الله ويقولون انه لا يواكب العصر | تاج السر حسن | 02-22-05, 00:10 AM |
| Re: أستغرب ممن يعترضون كلام الله ويقولون انه لا يواكب العصر | قرشـــو | 02-21-05, 11:36 PM |
| Re: أستغرب ممن يعترضون كلام الله ويقولون انه لا يواكب العصر | حمزاوي | 02-22-05, 01:18 AM |
| Re: أستغرب ممن يعترضون كلام الله ويقولون انه لا يواكب العصر | تاج السر حسن | 02-22-05, 11:08 AM |
| Re: أستغرب ممن يعترضون كلام الله ويقولون انه لا يواكب العصر | تاج السر حسن | 02-22-05, 11:59 AM |
| Re: أستغرب ممن يعترضون كلام الله ويقولون انه لا يواكب العصر | تاج السر حسن | 02-22-05, 12:14 PM |
 الله سبحانه وتعالى يشرّع في مستوى حاجة الناس، وليس في مستوى كماله هو | Yasir Elsharif | 02-23-05, 02:59 AM |
| Re: الله سبحانه وتعالى يشرّع في مستوى حاجة الناس، وليس في مستوى كماله هو | Balla Musa | 02-23-05, 12:19 PM |
| Re: أستغرب ممن يعترضون كلام الله ويقولون انه لا يواكب العصر | bint_alahfad | 02-26-05, 02:48 PM |
| Re: أستغرب ممن يعترضون كلام الله ويقولون انه لا يواكب العصر | Khalid Osman Jaafar | 02-26-05, 04:43 PM |
|
| |
bint_alahfad
فيس بوك
تويتر
انستقرام
يوتيوب
بنتيريست