التجمع لاسقاط النظام 6ابريل في حديقة حبيبي مفلس (يوجد فنان)

Quote: يا دكتور عابر القارات المنتفخ توهما , قلت لى كعادتك جاى جارى لنصرة المسكينة الورطوها فى دكتوراة وهى توحل فى مقررات تلاميذ الصف الثالث الابتدائى!! اوع يا دكتور الثلاثة قارات تكون كمان نجروا ليك الورقة دى من قسم الشريعة و القانون!! اصلوا احصائياتنا بتقول فى عدد لا يستهان به من الكيزان تحصل على الدكتوراة عبر مجلس الثلاثة المذكورين (على الامام و عبد الرحيم على و حسن مكى)!! لا يهم! مبروك عليكم الشهادات دى لكن ابقوا قدرها و اثبتوا لينا فى منتدى بكرى دا انكم اصحاب فكر و راى و منطق!!! ثقافة الحوارى يا خوى محمداك انت الجبتها دا!! ومقياسك شنو لمدى استفادتى من حياتى الهانئة فى امريكا؟؟ ومن ثم اثبت لى وين انا اسئت لزولتك دى راجع البوست دا كلوا وشوف كمية الاسفاف و الركاكة و الاستخفاف المتوهمة فيه زولتك دى و بعدين تعال احكم على النبيشة و الاسائة!! انا اذا لم امثل فكر او منظومة الحشرك هنا شنو وجهت ليك دعوة مثلا ما براك مدخل راسك!! , و بعدين من حكاية القران الكريم الخامين بيه الناس ديل وهو متين انتو بقيتو بتاعين قران؟؟ و غشكم وافككم و قتلكم و فسادكم عم القرى والوديان و الحضر هو التمسك بالقران دا تمظهر ولا قول و فعل و سلوك؟؟ اثبت لى مظهر واحد يوحى بان الكيزان اهل دين واخلاق و فضيلة؟ ما ياهوكم بتسرقوا و بتقتلوا و بتغتصبوا ودا كل باسم الدين!! عايز تقول لى مثلا انا احتقرت القران!! دا افتراء منك القران الكريم يا دكتور الترايكونتنانت اعنى به فقط الجامعة التى زبحتوا فيها معنى الشرف الاكاديمى و شيعتم فيها فضيلة الاخلاق بمنحكم لمن هب و دب شهادات لا يستحقونها و كله باسم الدين!! تقدر تقول لى حدود اعتراف جامعتك دى وين؟؟ ما تحاول تخم الناس بالمفردات الكبيرة قران و دين كفر و الحاد!! ما عادت لكم بضاعة تهددوا بها الناس يا اصحاب اللحى الزائفة!! اى انحطاط اخلاقى تتحدث عنه انت اكثر من الذى تمثله و تحاول بزكاء ينم عن سطحية مصدره اثارة الفتنة كما فعلتم ايام الجمعية التاسيسية و قصة تكفيركم للطالب او دوركم فى قتل الشيخ محمود محمد طه, اتظن ان صاحب المنبر يعير انتباها لمثل هذه الهراءات؟! هزمتنى الكاتبة!؟؟ اذا دا صحيح الفزاعة بتاعتك لزومها شنو؟؟ هى دى كاتبة تهزم تلميذ ابتدائى ناهيك من راشد؟! يا خوى انت جيت جارى لما تكشف ان زولتك راسها فاضى واثبتت خوائها و بدات تضرب فى الكواريق عزيزى القارئ و الحقونى الراجل دا؟؟ اخيرا , الدكتورة قول ليها تعنى Jungle مش ام جنقل! هى فاكره ام جنقل دى قرية فى غرب السودان علشان كدة شمتانة!! مش قلت ليك راجعوا ليها الدكتوراة دى 11 سنة فى ماليزيا و لسه ما عارفه ام جنقل من جنقل يا سبحان الله؟ يناقشوكم كيف انتم و ليه اصلا حملتم شهادات؟؟ البيوت دى مالها عيبوها لى؟؟ مخير الله من ام جنقل دى ههههههههى.