الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: omer osman)
|
معاوية .. البتسوي فيو ده غلط اخوي كاتب ليك عنوان اتهام واضح .. ثم جوه كاتب ليك سبعة مداخلات لم تذكر فيها اي دليل. بتقدل و تخاطب ود الباوقة ( الغايب ) و حضوره و رده ما مهم. انت تورطت و اتهمت ود الباوقة في منبر عام. وهو خطأ من اصله لأن ود الباوقة ليس شخصية عامة و لا مسئول ليتم مناقشة جريمته - ان وجدت - على رؤوس الاشهاد. ثم بعد ذلك ما قدمت اي دليل و اكتفيت بالتحديات. و ده باب واسع. من الساهل انو اي زول يكتب بوست يتهم زول بحاجة و يقعد يؤكد انو عندو الدليل.
يا معاوية سواتك دي ما صاح نهائي.
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: معاوية عبيد الصائم)
|
Quote: معاوية .. البتسوي فيو ده غلط اخوي كاتب ليك عنوان اتهام واضح .. ثم جوه كاتب ليك سبعة مداخلات لم تذكر فيها اي دليل. بتقدل و تخاطب ود الباوقة ( الغايب ) و حضوره و رده ما مهم. انت تورطت و اتهمت ود الباوقة في منبر عام. وهو خطأ من اصله لأن ود الباوقة ليس شخصية عامة و لا مسئول ليتم مناقشة جريمته - ان وجدت - على رؤوس الاشهاد. ثم بعد ذلك ما قدمت اي دليل و اكتفيت بالتحديات. و ده باب واسع. من الساهل انو اي زول يكتب بوست يتهم زول بحاجة و يقعد يؤكد انو عندو الدليل.
يا معاوية سواتك دي ما صاح نهائي. |
عين العقل ياحمور وراس العقل وقلبو مايفعله خالك بهناك
معاوية تخير من القضايا اكبرها ومن السرقات اوضحها فحال البلد المايل فيه مايسمح لك بتناول عموميات البلد البدا يتفرتق بدلا عن خصوصيات ود الباوقة
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: احمد الأمين على إدريس)
|
Quote: معاوية تخير من القضايا اكبرها ومن السرقات اوضحها فحال البلد المايل فيه مايسمح لك بتناول عموميات البلد البدا يتفرتق بدلا عن خصوصيات ود الباوقة
|
عزيزى احمد الامين ما اقدم عليه زميل المنبر واخرون يعتبر خرق سخيف لاخلاق الشعب السودانى..وماتم منهم ليس خاص لانه ساهم فى تفكيك اسر عديدة ...وتشريدهم.. اتخيل يا احمد صياغة عقد بيع تحت الضغط داخل سجن داخل السجن يا احمد الامين ..فى انتهازية اكتر من كده
ثم ياعزيزى اليصل ود الباوقة شان شوف ده خاص وللاعام
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: ibrahim alnimma)
|
معاوية اتخيل لي الموضوع ممكن يكون بالسيناريو التالي ولو غلط قول لي غلط شخص وهو (X) تورط في قضايا شيكات بدون رصيد وقبض عليه وهو مسجون في سجن الجريف في مثل هذه الظروف يحاول اي شخص متورط في مشكلة زي دي ان يبدأ ببيع ما يملك ليستطيع الخروج من السجن ومن ضمن الممتلكات التي عرضها X للبيع قطعة الارض المعنية والتي نفترض ان سعرها العادل هو مليون جنيه سوداني ولكن لظروف X يتلقى عروض اقل من مما يتوقع مثلا يبدا احدهم بـ 200 الف ثم ياتي اخر ويخت 250 ويرفض X ويشعر بالقهر ولكن السجن حار ويتصل بالمعارف والاصدقاء ليحاولوا مساعدته فتعرض على ود الباوقة ويتحكي له الحكاية من طقطق للسلام عليكم فيعرض ود الباوقة 500 وهي نصف قيمة الارض في السوق وتتدخل الاجاويد ويقبل X ويتم بيع الارض يحاول ان ينتقم من ود الباوقة الذي يرى انه استغل ظروفه واشترى الارض باقل من سعرها الحقيقي فيملك المعلومات لمعاوية الصايم الذي يرى ان ود الباوقة استغل ظروف الرجل وحصل على قطعة ارض ممتازة بسعر اقل ما يقال عنه انه لقطة ويحاول معاوية ان يبيع لنا الترام هنا اذا كانت القصة كما في السيناريو اعلاه فود الباوقة لم يرتكب اي جريمة فهو عرض سعرا على صاحب الارض وصاحب الارض قبل السعر وهذه تجارة بين البائع والشاري يفتح الله ويستر الله
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: محمد إبراهيم علي)
|
Quote: معاوية اتخيل لي الموضوع ممكن يكون بالسيناريو التالي ولو غلط قول لي غلط شخص وهو (X) تورط في قضايا شيكات بدون رصيد وقبض عليه وهو مسجون في سجن الجريف في مثل هذه الظروف يحاول اي شخص متورط في مشكلة زي دي ان يبدأ ببيع ما يملك ليستطيع الخروج من السجن ومن ضمن الممتلكات التي عرضها X للبيع قطعة الارض المعنية والتي نفترض ان سعرها العادل هو مليون جنيه سوداني ولكن لظروف X يتلقى عروض اقل من مما يتوقع مثلا يبدا احدهم بـ 200 الف ثم ياتي اخر ويخت 250 ويرفض X ويشعر بالقهر ولكن السجن حار ويتصل بالمعارف والاصدقاء ليحاولوا مساعدته فتعرض على ود الباوقة ويتحكي له الحكاية من طقطق للسلام عليكم فيعرض ود الباوقة 500 وهي نصف قيمة الارض في السوق وتتدخل الاجاويد ويقبل X ويتم بيع الارض يحاول ان ينتقم من ود الباوقة الذي يرى انه استغل ظروفه واشترى الارض باقل من سعرها الحقيقي فيملك المعلومات لمعاوية الصايم الذي يرى ان ود الباوقة استغل ظروف الرجل وحصل على قطعة ارض ممتازة بسعر اقل ما يقال عنه انه لقطة ويحاول معاوية ان يبيع لنا الترام هنا اذا كانت القصة كما في السيناريو اعلاه فود الباوقة لم يرتكب اي جريمة فهو عرض سعرا على صاحب الارض وصاحب الارض قبل السعر وهذه تجارة بين البائع والشاري يفتح الله ويستر الله |
عزيزى محمد ابراهيم ما تم قريب لذلك ولكن الفرق الشبكة شبكة منظمة...يعنى مافى مشترى الا السعودية..
الاهم..اقسم بالله لاتربطنى اى علاقة قرابة او معرفة باصحاب الارض
شكرى لك
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: معاوية عبيد الصائم)
|
تحياتي يا معاوية السيد رئيس حكومة الموتمر اللا وطني أعلن عن إنطلاق وبدء الحملة القومية لمحاربة الفساد والمفسدين - والثابت والمؤكد أن شيوخ وحيران اللا وطني يخشون حتى الحديث عن هذه الظاهرة التي أصبحت سمة وخصلة ودمغة تميز هذه الشريحة من باقي شعب السودان.. تحركات وتصريحات أو سميها (نوايا) الرئيس اتت بعد أن طفح الكيل واصبح القاصي والداني يعلم بفساد أهل الرئيس ، واتباعه ، ومنسوبي حزبه ، حتى أن عراب النظام وشيخ شيوخ العنصرية الشمالية الطيب مصطفى برر ثراء أخوان الرئيس بأنهم يمارسون التجارة الحلال ، ولكنه رفض أن يفصح فيما يتاجرون . والثابت أن من أهم مظاهر الثراء الحرام والفساد الذي تمتاز به هذه الفئة هو تغولهم وتعديهم ومصادرتهم للأراضي سواء أكانت مسجلة أملاكا حرة أو منفعة أو حيازة طويلة ، نيلية أكانت أم صحراوية ، وأنا شخصيا مكتوي الآن بنار ظلم وفساد مجموعة من تماسيح هذا الحزب بولاية الجزيرة أستولوا على عدد 6 ألف فدان زراعية منها ما يقارب الفين فدان مسجلة بتسجيلات أراضي سنار (سابقا) الحاج عبد الله (حاليا) والباقي منها ا حيازات (بلدات) لا أحد يعرف بداية حيازتها لكن الكل يعرف نهاية حيازتهم لتلك الأراضي الزراعية التي كانت تعرف ( بالبلدات) تزرع مطريا وتوفر المرعى الجيد لمواشي ودواب الأهالي ، في 2007 اصدر والي الجزيرة السابق وهو أكثر عساكر وشيوخ هذا الحزب فسادا - أصدر قرارا بضم هذه المساحة لمشروع الجزيرة بتمويل من ديوان الزكاة ، وتكونت اللجنة بالطريقة الإنقاذية لا يوجد ممثلين للملاك - والحائزين أصحاب البلدات - وكانت قرارات اللجنة في توزيع الحواشات وتسجيلها في الفئات الآتية : ** موظفين حكوميين من الأراضي ، المساحة ، الزراعة ، مشروع الجزيرة وهذه الفئة لا علاقة لها بتلك الأراضي ولا هم من سكان قراها. ** شيوخ اللا وطني بالقرى من النافذين في اللجان الشعبية والدفاع الشعبي والأمن والمحليات ، المؤسف سجلوا حواشات بأعداد كبيرة في اسماؤهم ** فئة المشترين وأغلبهم من خارج القرى ولا يملكون شبرا - أشتروا كاش من اللجنة - وذهب الكاش لجيوب أعضاء اللجنة . ** الأقوياء من الملاك وأصحاب الصوت العالي المسموع - وأخذوا أسوأ المواقع والحواشات .. ** الفقراء ، العجزة ، الحائزون القدامى ذهبت حيازاتهم مع الريح ولا بواكي عليهم .. ***** تقدمت انا شخصيا بشكوى مكتوبة للوالي السابق وسلمتها له شخصيا بفندق الظهران بالشرقية ووعدني بالتحقيق فيها وأخذ أرقام هواتفي وحتى الآن منتظر الاتصال. ***** تقدمت بشكوى لما يسمى بالحسبة بمدني ، ورفض مستشارهم قبول الشكوى .. بحجة أن مشروع الجزيرة قومي.. ***** عشرات البلاغات تقدم بها ملاك ، وحائزون حرموا من حقوقهم ، بعضها قيد النظر ، وبعضها تم حفظه للتسوية وهي غالبا تسليم حواشة . المؤسف حقا أن تسجيل المزارع أو الحيازات أصبح من اختصاص المحليات التي توجد فيها إدارات (الزراعة ، المساحة ، الأراضي ألخ ) وتعمل في تناغم تام وبفساد وجرأة لم نسمع بها أو نراها وقد تجاوزنا الخمسين عاما ... نزعوا زورا وبطلانا كل حيازات المواطنين ... وأصبحت حيازات ومزارع وأملاك شيوخ اللا وطني .. لك التحية الشفيع ابراهيم
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: معاوية عبيد الصائم)
|
يا ود الصايم كيفنك ياخي الاتهامات الزي دي صعبة وبتدخلنا في ضفورنا ود الباوقة بختلف معاهو الف في المية وكلامه عن البشير بيضرسني عدييييييييل وممكن يعمل لي قرحة في الضمير بس كمان اطلاق الاتهامات كدة دون دليل ما صاح ياخي ان كان ود الباوقة استولى على ارض هي ملك عام رشو رشة غرائب الابل بس كمان نزل دليلك لو كان قصة زول مزنوق وعرض ارضه للبيع وود الباوقة اشترى منه ما اعتقد انه دة شئ بيدينه
محبتي التي تعرف
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: طارق جبريل)
|
Quote: لو كان قصة زول مزنوق وعرض ارضه للبيع وود الباوقة اشترى منه ما اعتقد انه دة شئ بيدينه
|
طارق الزول المعنى تم التفاوض معاهو بره بره لامن ما نفع ..سلموا سجن الجريف..اتخيل مشى السجن قبل الشرطة قبال الشرطة...قانون يكا يكا
لك تحياتى
انا متاكد الحق فى الاصل حق عام ما دام مصادر اها ..السوال المحيرنى ...طريقة البيع..طريق البيع ياطارق..طريقة جديدة على انا تحديدا
انا منتظر ود الباوقة
انا ذاتى عندى قريبى متورط معاهم..لكن الحق حق يا ود جبرين..وتحياتى
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: الشفيع عوض شوشتا)
|
يبدو أنّ موضوع الشراء والمزرعة (حاجة شخصية) أو بين أهل ومعارف.. ود الباوقة الذي نعرف ـ بغض النظر عن انتماءه الصارخ ـ لا يتجاوز الأخلاق والأعراف.. من الظلم أن نطلق الاتهامات دون تهمة حقيقية.. و(استيلاء) ود الباوقة على المزرعة موضوع النقاش.. قد يكون بطرق رسمية وليس فيها ما يشين.. نأمل التوضيح أكثر يا معاوية، حتى تكتمل حلقات (الاتهام).. ولنترك لـ(ود الباوقة) فرصة الدفاع عن نفسه.. وحتى حضوره إلى هذا المكان فإننا نعتبر هذا الكلام غير حقيقي.. أو فيه (شيء ما).. ولا يستقيم مع أخلاق ود الباوقة..
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: الشفيع عوض شوشتا)
|
اقدر حرص كل الشرفاء على حرصهم على القضايا الكبرى المهمة. ولكن.. فى صراعنا مع هولاء يتفرغ نفر منهم للاستيلاء على الحق العام بطريقة لا اخلاقية وغير امينة...ولكنها تشبهم
فالقضية اكبر مما تتخيلوا...فعطيات المزين زكمت انوف (الموتى) فالحديث هنا السلب و النهب...المنظم اكرر المنظم..وليس مزرعة ود الباوقة..التى تقدر بعدة مليارات...
ساعود عند ما ياتى المعنى بالبوست
شكرى لكل من مر من هنا وعذرا لكل من تضايق من طريقة فتح البوست...ودمتم بخير
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: هجو الأقرع)
|
Quote: ورب الكعبه عيب ، خيبت ظنى فيك يا ود العم ، عيببببببببببببببببببببببببببببببببببببببببببببببببببببببببببببببب، هذه تصفية حسابات وكمان فى منتهى الدناءة ، و بعدين من انت حتى تتجسس على ود الباوقه ، ومن هو المستفيد الذى ملكك هذه المعلومة ، حتى وان صدق الامر فانه من نوع الضرب تحت الحزام ، اقدل اخى عمر . يا خسارة عندما تاتى من رجل كنت اظن انه على الاقل ود بلد.
|
الاخ المحترم هجو تحياتى
ياعزيزى ماتم لايمت للاخلاق السودانية بصلة عليه ارجو ان لا تتسرع بالحكم دون معرفة التفاصيل فانا منتظر ود الباوقة ....فانا ود بلد زى وزى اى سودانى لك تحياتى
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: معاوية عبيد الصائم)
|
الاخ محمد ابراهيم
كلامك دا راجعه شوية
Quote: اذا كانت القصة كما في السيناريو اعلاه فود الباوقة لم يرتكب اي جريمة فهو عرض سعرا على صاحب الارض وصاحب الارض قبل السعر وهذه تجارة بين البائع والشاري يفتح الله ويستر الله |
ولا تبخسوا الناس اشياءهم دي نزلت فوق شنو؟؟ ما في جنس الناس المزنوقين ومضطرين يبيعوا
دي لا تجارة لا يحزنون، وان كان ما حصل كما صورته واقترب من الحقيقة، ان شاء الله لا يفتح لا يستر عليه
. وَإِلَىٰ مَدْيَنَ أَخَاهُمْ شُعَيْبًا قَالَ يَا قَوْمِ اعْبُدُوا اللَّـهَ مَا لَكُم مِّنْ إِلَـٰهٍ غَيْرُهُ قَدْ جَاءَتْكُم بَيِّنَةٌ مِّن رَّبِّكُمْ فَأَوْفُوا الْكَيْلَ وَالْمِيزَانَ وَلَا تَبْخَسُوا النَّاسَ أَشْيَاءَهُمْ وَلَا تُفْسِدُوا فِي الْأَرْضِ بَعْدَ إِصْلَاحِهَا ذَٰلِكُمْ خَيْرٌ لَّكُمْ إِن كُنتُم مُّؤْمِنِينَ ﴿الأعراف: ٨٥﴾ ٢. وَيَا قَوْمِ أَوْفُوا الْمِكْيَالَ وَالْمِيزَانَ بِالْقِسْطِ وَلَا تَبْخَسُوا النَّاسَ أَشْيَاءَهُمْ وَلَا تَعْثَوْا فِي الْأَرْضِ مُفْسِدِينَ ﴿هود: ٨٥﴾ ٣. وَلَا تَبْخَسُوا النَّاسَ أَشْيَاءَهُمْ وَلَا تَعْثَوْا فِي الْأَرْضِ مُفْسِدِينَ ﴿الشعراء: ١٨٣﴾
خاصة انو من المعروف ان ود الباوقة من المناصرين لدولة الشريعة وكدا
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: معاوية عبيد الصائم)
|
يامعاوية اراك دخلت في حاجات كتيرة وكلها غلط ؛ اولا انا بعرف بتري شبر شبر بيت بيت زنقة زنقة لاني من سكان بتري وكاب الجداد؛اعمامي كلهم موجودين فيها (بتري وسط؛بحيري؛بتري قدام) وعندنا فيها مزرعة ملك حر (مربوع السبيل) ولا يوجد فيها ملك عام تابع للحكومة ؛المكان الوحيد التابع ليها (السجن)دار التوبة سابقا
غرب طريق مدني توجد مزرعة تابعة للشركة الكويتية (استثمار) تم نزعها لصالح مستثمر تاني وتم تحويلها لسكني. ح اشوف ابن عمي السيف.
ود الباوقة لو اشتراها بحر ماله انت ح تتخارج من المنبر غير ماسوف عليك.
______
تحياتي؛؛؛
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: بشير أحمد)
|
يا احمد بن عوف
لو حصلت القصة موضوع البوست كما في السيناريو الكتبتو فوق دا ود الباوقة ما نقدر نقول ليهو الا (انو حركتك دي ما ظريفة) ودي زاتا بنقولا ليهو برة المنبر اكتر من كدة يبقى تعدي وتشويه سمعة وهذا عين ما يفعله معاوية الان اديك مثال بسيط زول فصلتو شركتو ودقو ليهو خروج نهائي ويملك سيارة سعرها 100 الف ريال ممكن يضطر يبيعها بـ50 الف ريال لانو ما عندو ميزة انو ينتظر ووليس على المشتري حرج بعدين طلع لي الايات والقران من الموضوع ده لانو البعمل فيهو معاوية ده لو عرضناهو على القران بنلقاهو اكبر من خطأ ود الباوقة
انا شخصيا معارض للحكومة ومشروعها وزي ود جبريل (جاتني قرحة من بوستات ود الباوقة)
لكن موضوع معاوية واحد من اتنين
يا هو موضوع شخصي ويكون عندها المنبر ليس المكان المناسب لمعالجته فالمنبر ليست له سلطة تنفيذية تمكن صاحب الحق الضائع من حقه واحتمال كبير حتى لو كنت صاحب حق حقك يضيع هنا في المنبر ده الاحتمال التاني لاثارة الموضوع هو كون ود الباوقة مناصر للحكومة فهو هدف حلال للمعارضة بالحق والباطل وده منهج خاطئ ويختزل الموضوع الى اشخاص فنعتقد اننا مشكلتنا ستحل بذهابهم يعني نفترض انا اسي دي مشيت وديت ليكم ود الباوقة دا ورا الشمس نقول خلاص Mission Accomplished ونرفع رايات النصر
لا والف لا ومعاوية على خطأ
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: معاوية عبيد الصائم)
|
المعنى ود الباوقة زميل المنبر وللمرة المليون اتحمل ما اكتب بخصوص تلك الكارثة..المسالة ليس اتهام ود الباوقة لاننى تجاوزت مرحلة الاتهام وفعلا امتلك ود الباوقة الارض بطريقة غير اخلاقية...العندو ما يثبت عكس ذلك مرحب بيهو الف....
قصة قبيلة واهل ما بتغطى معاى نهائى دى قضية وطن بتباع بره وجوه....بعدين المعنى بالبوست ده بتكون مشت ليهو 666 تلفون شان يعرف...منتظرين
المناصرين..نرجو التريس...او عظم الله اجركم....وغير المعنيين اذا فى زول متضرر عنوانى عند سيد الحوش ..فعليه اللجؤ للقضاء...حتى ود الباوقة...فى وطن بتباع جملة وقطاعى...ممكن نفيق شوية
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: Mustafa Mahmoud)
|
زمان كان عندي إعتقاد إن الإخوه الشيوعيين مستوي تفكريهم أعلى من مستوي تفكير الشخص العادي
إلا إن جأت هنا وقابلت عينه من هؤلاء
فأتضح لي إن تلك النظريه التي كونتها عن الشيوعيين نظريه خاطئه
Quote: ده حـــــــــــــــــــق عام قبل البيع الما قانونى |
موضوع ممعن في الشخصنه لكنه كالعاده سيرتد على نحر من كتبه
فالقانون يقول البينه على من أدعى واليمين على من أنكر
وأنت يا معاويه مدعي وود الباوقه ليس بمتهم لكي يمثل أمام محكمتك الإسفيريه
أثبت كل إتهاماتك وبأدلتك التي أجزم إنها سوف تكون مبنيه على القولات
وكما قال أحدهم
إن إطاله أمد النظام جاء من غباء المعارضه وليس من قوه النظام
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: معاوية عبيد الصائم)
|
ياخ انت جيت فتحت بوست فى المنبر العام القصد من البوست لفضح فعل معين من شخص معين اذا انت عاوز ثبت للناس كلها بنوع شخصية الزول الانت متهمو دا مافى داعى تنتظرو.. اساسآ لو اتهامك سليم يمكن الزول دا ما يجى تانى لو انت رابط موضوعك دا بى وجودو فى البوست عشان يجى ينفى ولا يأكد ليك كان ترشو فى ايميلو وكان الله يحب المحسنين شنو مجرجر الناس معاك وين ود الباوقة والا يجى وحركات الابتدائى بتاعة المدارس دى؟ انت داير الناس تقعد تحنسك ولا شنو؟
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: معروف حمدين)
|
معاوية عبيد
ســـلام.. ما عارف اقول ليك شـــنو ولكنني اراك قد وضعت نفسك في موقف لا تحسد عليه اولا ارجو ان تقوم بترتيب افكارك وتطرح اتهامك ودليلك عليه ومن ثم تطالب ود الباوقه بالرد عليه كل ما وصلنا هو ان ود الباوقه قد استولى على مزرعه بطريقة غير مشروعة بدون ادله دامغة حتى الآن
يا معاوية ود الباوقة رجل معروف لدينا في الرياض وهو من اكبر مناصري النظام والبشير ولكنه في النهاية مجرد ترس صغير في آلة كبيرة.. ونتعامل معه كسوداني وزميل بورد ويشهد له كل اهل الرياض بالصلاح وحسن الخلق وطيب المعشر رغم اختلافنا معه فكريا فما الذي يضيفه الينا ان استولى على مزرعة؟ هل يحرر هذا السودان ويمنح مواطنيه العزة والكرامة؟ يا معاوية البلد كلها مسروقة منذ 30 يونيو 1989
امامك حلين لا ثالث لها : اما ان تطرح اتهامك بوضوح وكذلك الادلة التي لا يرقى اليها الشك وبذلك تكون قد فضحت ود الباوقة أو ان تعتذر وتسحب هذا البوست غايتو بتختونا في حتات ضيقة خلاث
تحاياي
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: الامين موسى البشاري)
|
كلامك ده يا معاوية ما صاح ولا في سبب واحد بخليك تطرح موضوع شخصي في منبر عام .. تاني شئ فرضا ان ودالباوقة ده حرامي وعمل السبع وزمتها ..من انت حتي تحاسبه ؟؟ وهل تحاسبه فقط لانه مؤيد للبشير ؟؟ اذا كانت هذه مفاهيمك فعلي النضال السلام وابشري يا حكومة بطول مقام .. تاني شئ الما بتعرفه انت ود الباوقة هو نظافة في اليد واللسان فليس بسباب ولا لعاب ولا بذئ .. وفي ناس قالوا ليك تعتذر !! وانا راي لا سحب بوست بحلك ولا اعتذار بحلك لان الكلمة عندما تخرج امضي من السيف حدة والما .. تالت شئ طالما خلاص قررت انك تنزل لمستوي الاتهام الشخصي فما تتنظر ودالباوقة يجيك !! اها اذا ود الباوقة ما جاء زي ما انت بتفتش عنه فهل ستحترمنا كزملاء لك في المنبر او علي الاقل اخترم عقل الزول الكل مرة بتابع ماذا يكتب معاوية عبيد ...!!! بالجد سقطت في مستنقع ما كنت اتمناه لك اخي معاوية ..
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: العوض المسلمي)
|
السادة المرور ما قام به ود الباوقة واخرون نـــــــــــــــــــــــــــــــــــــصب واحتيال.. على المال العام......... المال عام.....وعندما ياتى هنا ....نشوف الحاصل..ثم ثانيا ما لدى من مستندات يتضمن اخرون لاعلاقة لهم بالنبر....شان بعدين ما تنظروا وتقولوا لى الناس ديل ما موجودين...هنا....يجى ود الباوقة ويطلب منى اثبات ما كتبت...(ده راى قانونى)
فلياتى ود الباوقة وينفى... ثم حدثونى عن الدليل والاثبات....اكرر ليس المهم اتهام ود الباوقة تلك مرحلة منتهية فعلا نقل ود الباوقة ملكية الارض عن طريق البنك الزراعى بطريقة غير قانونية...ولا اخلاقية.....شكرا
يعنى قضية البت المجلودة شخصية وتعذيب الناس قضية شخصية واغتصاب البنات قضية شخصية ونهب المال والارض شخصية
شنو القضايا العامة عندكم........
كى لا تحبطوا انتظروا المعنى بالبوست...
شكرا
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: Mohamed E. Seliaman)
|
Quote: السادة المرور ما قام به ود الباوقة واخرون نـــــــــــــــــــــــــــــــــــــصب واحتيال.. على المال العام......... المال عام.....وعندما ياتى هنا ....نشوف الحاصل..ثم ثانيا ما لدى من مستندات يتضمن اخرون لاعلاقة لهم بالنبر....شان بعدين ما تنظروا وتقولوا لى الناس ديل ما موجودين...هنا....يجى ود الباوقة ويطلب منى اثبات ما كتبت...(ده راى قانونى)
فلياتى ود الباوقة وينفى... ثم حدثونى عن الدليل والاثبات....اكرر ليس المهم اتهام ود الباوقة تلك مرحلة منتهية فعلا نقل ود الباوقة ملكية الارض عن طريق البنك الزراعى بطريقة غير قانونية...ولا اخلاقية.....شكرا |
| |
|
|
|
|
|
|
Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟ (Re: على محمد على بشير)
|
Quote: السادة المرور ما قام به ود الباوقة واخرون نـــــــــــــــــــــــــــــــــــــصب واحتيال.. على المال العام......... المال عام.....وعندما ياتى هنا ....نشوف الحاصل..ثم ثانيا ما لدى من مستندات يتضمن اخرون لاعلاقة لهم بالنبر....شان بعدين ما تنظروا وتقولوا لى الناس ديل ما موجودين...هنا....يجى ود الباوقة ويطلب منى اثبات ما كتبت...(ده راى قانونى)
فلياتى ود الباوقة وينفى... ثم حدثونى عن الدليل والاثبات....اكرر ليس المهم اتهام ود الباوقة تلك مرحلة منتهية فعلا نقل ود الباوقة ملكية الارض عن طريق البنك الزراعى بطريقة غير قانونية...ولا اخلاقية.....شكرا
|
[B]معاوية..السلام عليكم..
ودالباوقة محال سيأتى ويرد بأذن الله وإذا تأكد بأن ودالباوقة فعل ذلك فلاداعى لمعرفتنا به..وإن كان غير ذلك فكما وعدتنا أن تترك هذا المكان فسوف تتركه غير مأسوفآ عليك ولاداعى لوجود أى شخص يزرع الفتن فى هذا المنبر.طغت المصالح السياسية على العلاقات الشخصية وهذه هى النتيجة.ودالباوقة عضو يستطيع ان يدافع عن نفسه فليأتى ويعرفنا بالحاصل رغم ثقتنا الكبيرة به ولانريد أن نسبق ألأحداث بل هذا موقفى
تقديرى وأحترامى للجميع.
| |
|
|
|
|
|
|
|