|
Re: صورة البروفايل يا"محمد المرتضى" جبتها من وين...نحن حاجزين (Re: MOHAMMED ELSHEIKH)
|
ودالشيخ صلي على النبي، شوف يا سيدي، البنيّه دي - ماشاء الله - ضربت لها أكباد الإبل وطلعت ليها سايق 800 كيلو، قعدت مع أبوها بعد ما أرسلت وفد مقدمه والراجل طلع أصيل وقال لي موضوعك دا إعتبرو نجض، قلت ليهو نوقع MOU قال لي مافي داعي، قلت ليهو طمِّني حاول حس بي، قال لي يا زول غردك إنقضى طاااب،
أهايا محمد ، البت دي عدَّمتني الوراي والقدامي أخدت ليها قرض طويل الأجل مع فترة سماح سته شهور، ما تجي تقول علي إني ما متحضر ومتخلف و Arranged marriage وتنظير الجندريات الماجايب حقو ، جيل البت (آيه) دا جيل (غير) ، مش هسه الأنديه الأوروبيه بتربي اللاعب منذ نعومة كدَّارته؟ أها نحن قمنا بتسجيل (آيه) قبال الزيَّكم ديل يجو يعملوا لينا فيها مورينو وقارديولا، إنتو مش عندكم نيرسريز في نجد والحجاز؟ وطيب؟
| |
|
|
|
|
|
|
Re: صورة البروفايل يا"محمد المرتضى" جبتها من وين...نحن حاجزين (Re: MOHAMMED ELSHEIKH)
|
Quote: سوف ندخرصورة لين ليوم كريهة وسداد ثغر يعني للمقايضة مع ود البشرى |
يا أبا خالد ، علمت من بني تميم أن أحمد المجتبى بن محمد بن البشرى، وهو سيِّد في قومه وتشهد له بذلك بكر ووائل وغضفان، أنه خاتِّي عينو على واحدة من حرائر أبوظبي وقد كتب فيها شعرا كثيرا سارت به الركبان، ويتهامس القوم أنه كان التقاها لأول مرة في مول الإمارات ذات عيد ، وحدثني بن معديكرب ان لها مقلة لو أنها نظرت بها لمغترب من ربوع بن يربوع لكنصل إقامتو وانخبل، جاء في نصائح طوق الحمامة ، يا ابن الشيخ ، ان القريظ وكتابة المعلقات هي أطيب مهر تقدمه لآل البشرى فانصح خالدا بذلك وأن يحشد كنانته من أسهم قوقل في بورصات وول ستريت وإلا فسيفقد الظبي الفي مقيلو غافل.
| |
|
|
|
|
|
|
|