|
Re: تقسيم ادوار واضحة: البشير يحي انتفاضة تونس ومصر...ووزير اعلامه يمنع بعدم نقل الاحداث... (Re: بكري الصايغ)
|
***- وصلتني مكالمة من صديق عزيز يقيم بموسكو يعلق فيها علي الموضوع فيقول:
***- (...حبيبنا ود الصايغ سلام. والله انا قاعد اقرأ مقالاتك وماقاعد اعلق عليها، لكن الليلة مقالتك زعلتني زعل شديد، ياأخي وزير الاعلام بتاع الانقاذ ده شنو عشان تفتح ليه "بوست" وتكتب عنه?!!، ليه بتضيع وقتك في الفارغة?!!!
***- ياأخي الوزير ده الناس فاطاه ومتجاهلاه لانو اصلآ مامعروف عندهم ...ولاتاريخه شنو?، ***- المواطنون اصلآ مامدينو اي اعتبار ولااحترام لان مواقفه كلها خائبة وضد الاغلبية في سبيل كرسي وزاري حكموه قبلو عشرات الوزراء!!، ***- يااخي الوزير ده مستعد يعمل اي حاجة للبشير بس يكون راضي عنه ومايقطع ماهيته وشوية الامتيازات!!
***- بالله الليلة لو واحد مصري بالسودان قابل الوزير ده وسأله " ليه بتحجب انتفاضتناومايشوفوها الاخوة السودانيين ونحن جيران الحيطة بالحيطة?"!! يرد عليه بشنو?!!
***- ياود الصايغ، وزيرالاعلام الاسرائيلي ماحـجب اخبار الانتفاضة المصرية عن شـعبه...وكل التلفزيونات الاسرائيلية بتبث اخبار "ميدان التحـرير" بلا رقيب او ممانعة، يجي وزير الانقاذ الجـهلول بتاع "الحقنة" ويـصر علي الحـجب وهو عارف انو كل الشعب السوداني بتابع الحاصل في مصر من محطة " الجزيرة" "والعربية" ومن الCNN الاميريكية?!!
***- غايتو الله ابتلانا بـمصيبة اسمها الانقاذ وحكومة ال77 وزير...وماعلينا لا الدعاء لازالة البلاء!!
***- كان عندك موضوع تاني عن الزول ده احـسن توفر وقتك في حجة مفيدة!!
|
|
![ICQ](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
|