مبروك لوالدي العظيم "د. مهدي عبدالله" إنتاج مركبات دوائية من اختراعه Dr. Mahdi Preparation

Quote: لا الله الا الله بالله انت بنت د. مهدي ؟؟ ما شاء الله اولا الف مبروك للدكتور وهو اهل لذلك واكتر ثم ثانيا الف تحيه لصديقي واخي د. مهدي وعقبال جائزة نوبل في الطب يااخي يا سلام علي بحري وناس بحري بالله قولي ليهو عمو طارق بيهديك هذه القصديه وهو ملك الحقيبة كما تعلمين .. مـن قـليبو الجـافي لي قليبي الحان ... النسـيم يـتردد عـامل استمحان الغصون تتـنـاول مِـنِّو خمر الحان ... و الطيـور تتناشـد رايقة الالحان الفـروع بتـميـّل مـيلة الفرحـان ... الزهـور بتصفّق ويرقص الريحان يانسـيم مابـالك تثـني قـامة البان ... انت رايـق تلـعب والعشوق تعبان اكتشف ما دائي وماالـدوا الصـعبان ... هل دا جرحـاً بالغ ام دا سم ثعبان قال لي لازم صـبرك مُـدة الازمـان ... لا روايـحـي تطِـبَّك لا ولا لـقمان البداوي جـروحك شـفتو يـا سقمان ... في عـصير الند البنـضحو الرُمّان بـي غـرامـك حـلّ ورحّل السكان ... في مدائن جـوفي تمـلّك الاركـان ما ألـذّ النـار السـارجة بي لوكان ... يبقا قلبي وقـلبك في الغرام شركان صاحي سيّاف لحظك والطريف نعسان ... ليك رشـرش قاطع جندل الفرسان انـت بـدراً سـاطع في قوام انسان ... ليـك حسن الدنيا ولي شعر حسّان انت حسـنك كـامل و العشوق كملان ... طشّ عـقلو الهامل فارق الزملان فـي المـنام يتـقـدّل طيفك العطلان ... والحـجارة تثـنّت لو قلـيبك لان قلـبي لا يـسلاك ولايـطيـق نكران ... بينشاهد جفني البي الدموع وكران درعـك البتـقمّز في الوضيب عكران ... و الـضمير الميَّل صاحي ام سكران الـدوش افكـاري و رَبّـي ليّ الجان ... خمرة تمزج تيهك تحكي در اسنان رقّ يسـطل سـمعي لـهيجك الرنّان ... انـتو ناس الدنيا ولاّ حور في جنان _________________________ بعدين قولي ليهو صلعة عمو طارق دي كبرت مافي طريقة حاجه جديده ليها لانو القديم كلو ما نافع حتي السودان ذاتو