|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: خضر حسين خليل)
|
والعام 2006 ذهبت مريم برفقة زوجها عبدالله الي مستشفي ود مدني لاجراء فحوصات طبية بعد أيام طوال من المرض والإرهاق قالت مريم : يومتا لمن مشينا انا وعبدالله كان عندي وجع شديد استمر معاي اكتر من خمستاشر يوم انا قلت الوجع ده من التعب ومشاكل الشفع ، بالليل كلمت عبدالله قلت ليهو انا تعبانة شديد وما قادرة انوم ، الصباح قمنا مشينا الاسبتالية .
الدكتور ادانا علاجات قمنا رجعنا العيال كانو في المدارس أبكر وحلوم وأمونه وعشة زمن داك سعدية ما جات لسه شلنا خضار وموز ورجعنا ...!
-
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: خضر حسين خليل)
|
بعد موت (عبدالله) وتزايد حوجة مريم للعلاج وتفاقم الأوضاع المعيشية عليها لم تجد مريم سوي الحضور بأطفالها لتقاسم شقيقتها السكن في إحدي الأحياء الهامشية بالخرطوم نظراً لحوجتها الماسة في العلاج ونظراً لرغبتها الجادة في الحصول علي لقمة عيش شريف .
مقتطفات : أخرجت مريم أطفالها الخمس من المدارس لعدم توفر المصاريف الي جانب عدم توفر حق التسجيل في مدارس البندر الي جانب عدم توفر حق المواصلات .
تقتات مريم وأطفالها الآن من التسول ...!
مريم وحسب ما ذكرته وحسب ما شاهدت تحتاج لرعاية طبية عاجلة
ــــــــــــــــــــ بحوزتي شهادتها المرضية بحوزتي شهادة وفاة عبدالله بحوزتي بطاقة مواعيد طبية لمريم صادرة عن مستشفي الجزيرة للعلاج بالأشعة بتاريخ التاسع من مارس 2011
والله لا يضيع أجر من أحسن عملاً
-
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: Kostawi)
|
- يا كوستاوي :
وأنا أودعها بذات أنفاسها اللاهثة قلت لها : الدنيا ما زالت بخير أمشي من دربك ده للبيت والكاتبو ربنا بجي حدثتها عن التماسك وانا خجلٌ من روحي
يعني تتماسك أكتر من كده كيف ياخضر ؟ (أجبت روحي)
كان بودي أن أحدثها أن الله في كل الأماكن لكن إيمانها بالله عصمني من أذكرها بالله
إستحلفتها أن تبقي في دارها وترتاح وعدتني ثم مضت تاركةً إياي في مسرح اللامعقول ؟
ــــــــــــــــ حوجتها الآنية يا كوستاوي (1) عيالها الخمسة يرجعوا لمقاعد الدراسة (2) مصاريف علاجها (3) مسكن يأويها وعيالها
مطالب بسيطة في واقع أليم
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: عبدالرازق الطيب يس)
|
Quote: و الله الواحد العشا الاتعشاهو دا حاسى بيه زى الحجار فى بطنو الاخ خضر فى مثل هذه الحالات تبرز فكرة تمويل المشاريع الصغيره تبنى الفكره و ايدنا على ايادى بيضاء كثيره لتبنى مشروع صغير لهذه الاسره ممكن ركشه ممكن اى شئ يوفر لهم دخل مستمر لك احترامى جاهزين لاى مساهمه بس ورونا وين تكون او تسلم |
عبدالرازاق يا عزيز أريتك طيب
حاسي بالمرارة الجواك والله ـ ماعارف لكن ياها البلاد السودانية في كل شارع وجع وفي كل زقاق ألم ولكل وجه حكاية ـ كل ما يوم يمر تظهر حكاية . جرحتني مريم في كبريائي عصر اليوم إمتحنتني فيما تبقي من مروءتي أعطتني درساً قاسياً لم تعلمنيه كتب المدارس ومدرجات الإقتصاد شرحت لي ببساطة كيف للصبر أن يلازم الفقر والمرض شرحت لي يا صديقي كيف أننا جبناء اللحظة والتوقيت
أعمل ماتراه مناسباً ما يمليه عليك ضميرك إتبه يارجل هذا الضمير سيوصلك لمريم وحتسد فرقة كبيرة ياصديق -
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: مرتضى احمد عبد القادر)
|
Quote: ا
ــــــــــــ
أكيد معاك ياخدر فمريم محتاجه لينا نساعده ومحتاجه اكتر لي إننا نفكر معاها كيف تقدر تعيش وتعيشهم. |
عارف يامورتا من الضهر أخوك كان برة الشبكة حاولت أخش بي جاي ونواصل في (لحمة جاكسون) قلت خميسنا ده بكون سمين نتونس والاصحاب نحكيهم همومنا ونسمع منهم ـ وأنا مارق جات مريم دي زي القدر لقيت روحي بسمع ليها وببكي معاها لقيت روحي في حضرة تجربة فريدة وعجينة أخري من تجارب ما مررت بهم من بشر
كنت واثق انو المأساة دي في ناس حيشاركوني علي الأقل سماعها
كنت واثق والله يامورتا
-
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: Elmosley)
|
Quote: ياخضر اخوي والله قصة جد مؤثرة ولو كنت في السودان كنت عملت ليهم حفل لكنني سافعل الاتي ١;- اناشد الاحبة في عقد الجلاد لعملها (ساتكلم معهم) ٢;- وساناشد ادارة نادي الضباط ومديره رجل حبوب ساتكلم معه ٣;- ساناشد بعض الصحفيين والقنوات من اصدقائي لعمل الدعاية واتكلم معهم اعلم ان مثل هذه الحالات كثيرة في السودان |
أستاذنا الموصلي تحياتي يا عظيم موش بقولو يا الموصولي (البلد لسع بخير) والله اني أري الخير من خلال ما سكبه الناس من مداد هنا يبقي الخطوات العملية ولتكن ضربة البداية منذ الآن . أثق في إنسانية أعضاء عقد الجلاد لهذا العمل الإنساني أفعلها يا الموصلي وجعلها الله في ميزان حسناتك علنا جميعنا ساهمنا في انقاذ هذه الأسرة .
-
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: OSMAN SAYED MOHAMED)
|
قبل يومين يا خضر كنت بشاهد في قناتي المفضلة هذه الايام آيبوني شاهدت ماساة حقيقية لاسر سودانية مية المية البرنامج للاستاذة هادية حسب الله في والدة اسمها زينب تحدثت عن يتم ابنائها في حياة زوجها وكيف تعاني من قسوة الحياة
البلد مليانة مساي واوجاع وفي كل عشرة بيوت تلقى مريم واخواتها
في نفس الوقت تعاين تلقى الرئيس بيرقص وبفاخر ببنايات عالية اسماها تنمية ووزيرو بقول للناس ارجعو لاكل الكسرة وناس مريم واخواتها ما لاقين حق الكسرة ؟!! الان بعد الزيادات الاخيرة والجاية كيف سيعيش هؤلاء ؟؟
نسال الله اللطف بعبادة
شوفو وامرو ونحنا طوع اشارتكم ..
ــــــــــــــــــــــ
بيناتنا سلك يا الطاهر وربك يسهل
انت لسع من زمن السلوك ؟!!
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: خضر حسين خليل)
|
لاحول ولاقوة الا بالله العلي العظيم ......... وتباً لعجزنا وقلة حيلتنا ..... تعرف ياخضر زمااااااان ونحن في المرحلة الابتدائية ايام مايو كان يدرس معنا في الفصل ابن وزير التربية وابن رئيس هيئة اركان الجيش وابن غفير المدرسة وابن المرأة التى تبيع لنا العجور بالشطة والقنقليز والنبق والدوم خارج المدرسة ... كلنا كنا نلبس ذات الزي ونأكل نفس الطعام سندوتشات فول او فول فتة ..... كنا نتعالج في نفس المكان (المركز الصحي) ياخذنا احد طلاب الصف السادس بعد ان نسجل اسماءنا في دفتر اليعادة ويذهب بنا الى (المركز الصحي الحكومي) نتعالج ونرجع لا قرش لا تعريفة ....... ياحليل السودان ويا حليل مجانية التعليم ومجانية العلاج ......... كلنا أمل في المساهمات المالية لبعض الاعضاء هنا ونتمني التوفيق للاخ الموصلي في مبادرته للتنسيق مع عقد الجلاد لفعل شيء ما فديوان الزكاة مشغول بمن أهم من مريم وابنائها !!!!
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: احمد التجانى احمد)
|
Quote: المقلق يا خضر انا دلوقت ما عارف اعمل شنو وخايف دعمى لهذه الاسرة لا يتعدى هذة السطور استحلفك بالله ان توضحوا لنا طريقة توصيل الدعم لهذه الاسرة |
أحمد سلامات انا قريت البوست وقلقت علي ليلي وأشفقت علي خضر كلامك الفوق ده بوري الناس انو في قاب كبير بين الناس المستعدة تساهم وبين الجاهزية والقدرة للجهة المتطوعة تقوم بالعمل ده يا أحمد الحكومة ما بترحم ولا عندها شغلة بناس ليلي ديل...لكن في بورداب متربصين أكتر من الحكومة..يعني بعد سنتين ممكن يختلفوا مع خضر في موقف سياسي ويرجعوا للارشيف يطالبوا خضر من مافي بكشف حساب و يطلعوا خضر ده أكل قروش تبرعات شخصيا تعبت من مناداة منظمة تنادينا أن تقوم بدورها وهو دور تنسيقي بسيط جدا والله يا احمد تدخل البوستات الزي دي وتخت رقم حسابها أول حاجة..وتتولي مسألة تحويل الأموال لحسابها وتعمل كونفرميشن في المسنجر الخاص انو مبلغك الانتا حولته لصالح البوست الفلاني وصل وسيتم تسليمه للمحتاج في غضون كدة ما بعرف أقول شنو لكن لو كنت محل خضر كنت بنسق مع المنظمة وبتابع معاها مسألة تحويلات المتبرعين وتنادينا لازم تفصل كل حالة..في ناس بنفعلوا مع حالة محددة وفي ناس بختلف...
الله في
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: doma)
|
في البدء أشكر الجميع علي هذا الاهتمام وياها المحرية والله للراغبين في إرسال مساهمات أرجوا أن يرسلو مساهماتهم أي زول يشوف أي واحد من أهلو أو أصحابو في الخرطوم يحول ليهو مبلغ المساهمة وأنا علي إستعداد للتنسيق معه والذهاب سوياً الي حيث سكن الأخت مريم . مريم تركت لي بالأمس رقم هاتفها ورقم شقيقتها أحاول الإتصال عليها منذ الصباح ولم أجد منها أي رد إتصلت بشقيتها وتدعي بخيتة وجدتها في المستشفي هي الأخري تركت لها وصيتي ونقلت لها تضامن الناس هنا . أي شخص يريد التحدث إاليها أو الي قريبتها بخيتة لدي أرقام الهواتف سأرسلها لمن يرغب في ذلك . هاتفي سأتركه هنا كذلك لمن يود المساعدة لكم الشكر علي جزيل تضامنكم .
ــــــــــــــــــــــــــــ رقم هاتفي : 00249912491266
.
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: خضر حسين خليل)
|
Quote: خضر قصة محزنة جدا..... المساهمات حل و لكن Short term solution فما هو الحل الجزري لمعاناة هذه الأسرة نشوف رأي البورداب... |
خضـر يا صاحـب , انشالله بخير ,, ربنا يخضر ضراعك كمان وكمان ,, ودايما كما عهدتك وأكثر,, وربنا يدي العافيه لكل الناس الجات اتبرعت ويارب في ميزان حسناتهم ,,
كلام عمو كستاوي دا في محلـو, ودي حاتكون مهمتك انت , تنسق بشكل كويس لعمل مشروع صغير لها عشان تضمن استمراريه العمل الخيري, وتتجنب تكرار المشكله , يعني بعد ما يندفع ليها حق السكن والاولاد يرجعوا المدارس , أقترح تتعمل ليها طبليه , وعده شاي , واهم شي أنبوبه غاز وبوتجاز , عارف يا خضر , انبوبه الغاز ممكن تعمل منها الشاي والقهوه في اقرب مكان ليها (السوق الانت شغال فيهو مثلا) , وممكن تعمل منها بسكويت ولقيمات وتبيعهم بالجردل, وممكن تعمل أكل , فطـور مثلا وتجيبو معاها تبيعو مع الشاي والقهوه وكدا ,, وممكن الطبليه تفرش بيها حاجات قدام المدارس للشفع , وممكن تناقشها هي زاتها لو عندها حاجه معينه بتتقنها (خياطه مثلا , نجيب ليها ماكينه خياطه ) وهكذا ,, وبي كدا تضمن انو بعد كم شهر ما تتكرر ليها نفس المشكله ,, دا اقتراحي , وانشالله ربنا يوفقك يارب وفي صحتكم وعافيتكم واولادكم يارب ,,
--------------- بلقاك في الفيسبوكـ :)
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: doma)
|
أرجو صادقاً من الإخوة بورداب الخرطوم التنسيق معي لخلق أي آلية لتوصيل المساهمات بحوزتي الآن مبلغ ثلاثمائة ألف جنيه حصيلة تبرعات من أصدقاء خارج المنبر . الي جانب العديد من الرسائل الخاصة التي وصلتني سوي في ماسنجر سودانيز أو الفيس بوك أو الهوت ميل ولديهم الرغبة الصادقة في ارسال مساهمات مادية لاعانة الاخت مريم . إحتفظ بالأسماء لرغبة المساهمين في عدم نشر أسمائهم من خلال البوست وهو مسلك يجد مني الاحترام لكنني علي استعداد لتوضيح كافة الذين أبدوا الرغبة في المساهمة لأي جهة تود متابعة الموضوع سوي معي أو عبر آلية تنادينا أو ما يراه الناس لكم الود والتقدير
-
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: GamarBoBa)
|
قمر بوبا وعليكم السلام كل شى جائز وما قصدت ابدا ان يتحمل خضر هذه المسئولية وما قصر تب ان اتى بهذه الماساءة لينا فى البورد ولكن قد حصل سابقا ان لم يتجاوز انفعالنا قراءة السطور ويطوى النسيان من ذاكرتنا قصة مريم وغيرها , اعتقد من يومين بس فتح احد الاعضاء (طبيب) بوست لاحد المرضى الذى يعانى من مرض يستدعى دعم عاجل وقررت ان اساهم فيه ولكن كما الكثيرين شغلتنا دنيانا ولم اجد هذا البوست ولا اعرف كيف هى احوال المريض الان , اسال الله له الشفاء ولمرضانا جميعا اضم صوتى لصوتك ان تتبنى منظمة تنادينا هذه الحالات وشكرا لك
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: doma)
|
Quote: أرجو صادقاً من الإخوة بورداب الخرطوم التنسيق معي لخلق أي آلية لتوصيل المساهمات
|
الآلية للتواصل هي :
خضر حسين خليل...برقم هاتفه...الموجود بهذا البوست...
فهو اعرف منا جميعا بكيفية توصيل مساهماتنا لتلك الاسرة ولا نريد معه لجنة...واجتماعات وهيلمانات...
شخصيا سأقوم بتحويل مساهمتي لخضر حسين خليل...
ويا خضر اعذرني ان حملتك...مسؤلية اعرف انها صعبة.. فانت علي تواصل مع هذه الاسرة...ويمكنك من مكان عملك الاتصال بهم...ليحضروا لك في كل مرة تصلك مساهمة سودانية... ليستلموها..وان صعب عليهم الامر اختف ليك اقرب رقشة...ومن المبلغ نفسه لايصالها لهم
عشان كمان ما تبقي عليك اغاثة وخراب ديار توقع اتصال علي هاتفك في الغد...بشأن مساهمتي
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: nazar hussien)
|
تمام يا شباب..شخصيا ما أظن اقدر اتحرك قبل الاحد في حاجة مادام تنادينا ما وصلت ما معناه الناس بتعجز تلقي ليها سكة
يا خضر خليني أرتب ليك الموضوع شوية خت للناس الاتبرعت إسمك و رقم مستند ثبوتي شغال ..والعايز يحول يمش الويسترن يونيون ويحول ليك ويرسل ليك صورة المستند اسكاند علي بريدك وخلي صور الاشعار معاك...الاشعار بجيك بعد خصم العمولة او صاحب التحويل بكون دافع العمولة وحتستلم اشعار مع المبلغ حسب ريت الدولار في الصرافة.. لاحقا تحذف الاسم وترفع الصورة هنا بعد اكمال المهمة. عشان الموضوع ما يكون مرهق قول انك حتمش تجمع المبالغ دي كلها من عفراء يوم الاربعاء الجاي..اي زول يكون رسل ليك صورة التحويل مع الرقم السري ومطابق لرقم هويتك الثبوتية الانتا اديتها ليهم في الايميل بالنسبة لناس الداخل كلمهم يجوك يوم الخميس وفي شخص قدامهم من اسرة مريم واقف للاستلام في ساعة محددة لكل المبالغ المن الداخل والخارج ...بي كدة بتكون انجزت المهمة وخدمت مريم وبقيت في السيف صايد.. وعملت تجربة ساهلة وجديدة ممكن تسهل للناس فكرة يشتغلوا عليها حالات جاية .....وبمرك الأحد لو ربنا هون ومدّ في الآجال.
حقيقي الواحد بكون سعيد لتفاعل الناس مع حالة..والله المستعان
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: معاوية عبيد الصائم)
|
ماعارف هل أشكر الناس أم أواصل في الفرجة جميل هذا الحراك الذي يتم هنا جميل ومن شأنه أن يعيدنا لازمان مضت تاركةً خلفها مآثر عظيمة حتي صارت ماركة مسجلة بإسم الشعب السوداني فرح لكل ما تم وسيتم أنتم لا تعيدون مريم وحدها لضفاف الحياة أنتم تعيدون وطناً بكامله لهاتيك الضفاف لم تنقطع الإتصالات والرسائل لم ينقطع عشمي علي الإطلاق في أبناء وبنات هذا الشعب ناس من وين ووين يضربوا ويستفسروا عن مريم أحكيهم بألم فيتألمون لحالها أصحاب وصحبات إكتشفهم لتوي يا للحياة لكم هي رائعة ومشرقة بالمواقف تنتهي الحياة لكن المواقف أبداً لا تموت أبداً
خضر
-
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: nazar hussien)
|
الأخ الكريم خضر ،،، تحية لك ولجميع الإخوة ،،، أنا عضو في منظمة سودانية اسمها المنظمة السودانية لرعاية الأيتام وهي منظمة طوعية غير رسمية تعتمد على جهد أعضائها فقط وتستقطب الدعم من المصادر الخاصة المتاحة وتبذل جهداً مقدراً في هذا المجال. وقد نفذت العديد من المشاريع مثل كسوة الشتاء والشنطة المدرسية. ونفذت أيضاً مشروعاً لتعليم أمهات الأيتام بعض المهن فنسقت مع شركة سيقا لتعليم الأمهات صناعة البسكويت وبعد نهاية الدورة التدريبية قامت المنظمة بطرح مشروع لتمليك أفران غاز للأمهات والمشروع مشى كويس جداً وآتى أكله. يمكنني أن أطرح حالة مريم في منتدى المنظمة بحيث نتمكن من الحصول على كفالة دائمة لأولادها توفر لهم لقمة العيش ونسعى إلى تقديم أي خدمات أخرى ممكنة لها ولأطفالها ،،، سأفيدك بما أصل إليه وربنا يعظم أجرك يا أخي ...
| |
|
|
|
|
|
|
Re: يا أعضاء ويا قراء سودانيز أونلاين : نتسولكم اليوم أخلاقكم ( مريم ) تحتاجكم أيها الناس ... (Re: doma)
|
خضر حسين خليل
Khidir Hussain Khalil
ارجو تصحيح الاسم بالانجليزى لو فيه خطأ
ياجماعة حتى لا ننسى او نتكاسل فى ارسال المساهمات مع كثرة المشاغل
أثنى فكرة التحويل المباشر لخضر عبر الويسترن يونيون واخطاره برساله على موبايله برقم الحواله والمبلغ والاسم .... ثم يمكن كما ذكر ان يقوم خضر بمشوار واحد لسحب عدة حوالاات مع بعض
وهذا ما سوف افعله غدا باذن الله ياخدر ومبروك الوظيفه : خلاص عيناك مدير بدرجة (منسق)
خلال اسبوعين او ثلاثه وبعد تجميع كل المبالغ يمكن ان نقكر فى ما يمكن عمله بالمبلغ المتاح اضافه لدخل الحفل الخيرى واذا سمح المبلغ فلماذا لا نقكر فى توفير سكن معقول لهذه الاسره (لوفى شخص عنده معلومه عن السكن الشعبى او الخيارلسكنهم بجوار اهلهم فى الانقاذ) اضافة لطرح مشروع الامجاد او ما شابه
| |
|
|
|
|
|
|
|