الذئب الذئب..... السيد الصادق المهدي وصلاة الجمعة...

Quote: الاخ محمد عبدالرحمن والاخ مهدي تحياتي... وسأقوم بتوجيه كلامي لكما معاً لانه ينطبق على مداخلتكما معاً.. ولا يعني التقليل من اهمية المداخلة... بداية طبعا بهمّني جداً لو كلامكم موجّه لي، أعرف انا وين سبيت السيد الصادق او وين اسأت أدب الحوار سواءاً معاه او عنّه؟ ثانياً... حزب الامة حزب سياسي (صححوني لو انا غلط)... حزب سياسي يعني حزب بعمل لأجل انه يتبوأ مناصب سياسية لإدارة البلد أو انه يكون في دور المعارضة... في الحالتين بعمل من أجل السودان (برضه صححوني)... يعني الحزب هل عنده أهداف تانية؟ لو ده الهدف بتاعه... يبقى بيعمل من أجل انا الجزء من الشعب السوداني... ومن حقّي (كشعب) انتقد الحزب واكتب رأيي فيه، تماما زي ما بنتقد المؤتمر الوطني.. أو المؤتمر الشعبي أو غيره... ثم الاحزاب الاخرى صامته، وبنتقدها في صمتها برضه... بس ده ما موضوع البوست ده... رغم انه كلامها وصمتها واحد على ما يبدو لي... مافي فيكم الاتنين حد جا ناقشني في النقاط الانا أثرتها... ولا في كلام الانا قلته... ولو فيه شيء غلط، قولوا... لكن مهاجمتي ما اعتقد انها بتنفي كلامي الاصلي...