تعرف ياطارق مرة زمان مشيت مصر شغل فقلت للسواق بتاع الشركة عاوزين لينا سهرة كاربة كدة رقص شرقي قال لي دقيقة وقعد يتكلم مع ود اختة ( حاجة كدة في رئاسة الجمهورية ) جاني راجع وقال لي يلا بينا وطلعنا مكان اسمة عش البلبل في طريق مصر اسكندرية الصحراوي المهم مشينا واتارية ابن اختة اتوصي بينا قام جانا المدير رحب بينا وجلسنا جنب البست المهم لمن الليل ليل في تربيزتين واحدة فيها سعوديين والتانية فيها كوايتة كل طربيزة بتنافس التانية في النقطة السعوديين يرشوا تقوم الرقاصة تكورك تحيا السعودية ويجو الكوايتة يكبوا تقعد تجوعر تحيا الكويت والحكاية دي اتكررت زي كمطاشر مرة كدة قمت قلت للسواق يا اخوي انت البت مابتذكر السودان مالا ولا عشان ما بنكب البنكنوت قام مشي علي المدير وبعد شوية اشوف ليك المدير طالع المسرح وجاني سايق ليك الرقاصة بنفسها والاغنية مدورة وطلعها فوق التربيزة بتاعتي وقعد تزغرد وترقص اي يتزغرد عديل زي زغريد نساوينا ديل وفي النهاية عرفت انو الرقاصة من شرق اوربا
المهم انو انا اليوم داك رفعت اسم السودان عاليا خفاقا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة