عبدالفتاح ابو شيمة ...... سؤال واحد بس !!!

ود الصايم أزيك


تستغرب ليه في زمن عيسى

اللي ماعاد فيه دسيسة


(1)



والقراية ماهي محاية تشربوها
ولا الدواية جات عشان بس تشطبوها
والشرافة هي زخرفات ترسموها
دا قدح أذهان زي بي كباريت تقدحوها
دا الصداع وورم الرجل في قعاد كل يوم تجوها
دي القناعة بي جدية الكلمة اللي تكتب وتكتبوها
ما مجال تفخر تفاخر بي مباهج ست أبوها
وتعرف إنك صاحبا بل سيد أبوها
ياخي قطعت الحروف زايد الكلم زي ما غيرك قطعوها
لو تبخّس شغل غيرك كيفن يجيك تقدير أخوها
كل ما يقل داك الأدب أصله ما بتضوق حلوها
وشهرتك راح تبقى عالة في رقبتك بربطوها
شن ماشي تكسب من شغلة حرشوك ليها وأبوها
ما كان يجونا ولي عوارة لينا يشرحوا ويبرروها
أصل الحكاوي اللي بتتصدق نصدقا لكن غيرا خللوها
يمكن تنفع في يوم نحصد الخير من علوها
ربّي قادر ينول كل زول عقاب حلوها
شيل ونقص زي ما عايز من حسن والذنوب زود علوها
أصل سِنّة فوق العالي عالي لاما يتطنبج علوها
إنت يا المقدد للعلام ما تفرهد وتدي جيهة
يللا أدينا الدروس اللي دايماً نستفيدها
كنا أصلاً حتى من وليداتنا نليها
يا حمادة مالك بتستغرب جمايل حملوها لي مهندس عشان خلاله يوصلوها
أحسن الظن يا وليدي لامن براه يطبق السافل علوها
اصبر عليه وباري لدربه يمكن في يوم ما يوصلوها
الله عاد يرحم أناساً فاضيين يراقبو ناساً مشوها
وماشرط يوصلوها لكن خطاهم كتبت عليهم فمشى منهم من مشوها
والخطى المكتوبة ديمة بيفرضا الرب الحكيم
لكن هم أيضاً قد مشوها
ما في زول جبروه يمشي بس براهم هم مشوها