الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: وليد عبد اللطيف)
|
امير فتحي ... كل سنه وانت طيب
Quote: والصحيح تمبس ودكتوره داليا
مودتي ياولي وياااابختكم
جداوي سابق |
عايز تعمل لينا مشاكل مالك اها كدي كيف
Quote: يزورنا الايام القادمة في جدة العرسان تمبس ودكتورة داليا الكباشي |
ياخي ماتكون حساس زيادة عن اللزوم يعني في الحلة عادي ممكن الناس تناديك بأسم والدتك ( أمك)
حافظ كنجال... سلام
Quote: عموما مرحب بيهم في جدة غير
رغم اني انا ماجاي اللمة لكن مرحب بيكم |
معقول انت من بورداب جدة ياخي مالك طيب ماظاهر مع الناس يازول مافي طريقة حضورك ضروري ولازم تشرح لينا سبب عدم جيتك في التلفون 0557456728 كن بخير
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: طارق الكوتش)
|
سلامات يا شبـاب جده غير .. البوست لفتت انتباهي ليهو زميلة البورد .. لانو الليلة يوم السبت تسميع وتفتيش في الطابور ..
... اشكركم شديد يا شباب وربنا يقدرنا على جزاكم .. والحق يقال بورداب جدة ما مقصرين معاي .. وقبل كدا اتلمينا لمة حلوة جدا في المطار القديم آخر زيارة لي جدة بعد العملية الجراحية .. ودي أول مرقه رسمية لي مع زميلة البورد خارج الرياض انا عاجز عن الشكر والله .. والما عندو أخوان يشوف ليهو أخوان .. شكرا يا ود القاضي يا صديق .. شكرا يا كابتن وليد عبد اللطيف يا صديق .. اشكركم جميعا بدون فرز كل من سيكون معانا وكل الح يكون معانا حتى ولو على البعد .. مواعيدنا إن شاء الله الخميس القادم .. ومردودة ليكم في السمح إن شاء الله ..
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: tmbis)
|
Quote:
Quote: المفروض تجو تعملوا ليهم الاحتفال دا هنا في الرياض!! |
الصائم... صباح الخير...شينة منكم ناس الرياض... مفروض انتم من يبادر |
سلامات يا دكتـور الصادق ... ليك وحشـة ومقطوع مننا مالك ..؟ في الحقيقة يا دكتور .. بورداب الرياض اصحاب واجب ونص وخمسة .. ما قاعدين يقصرو وربنا ما يجيب تقصير .. كنت ضمن الأخوان العرسان المحتفى بهم وقتها .. وحصلت ظروف حالت دون إني أكون هناك .. والآن بمجي زميلة البورد .. بادر الأخوان من فترة طويلة جدا للاحتفال على شرف زميلتهم داليا لكن تعاقب ظروف كثيرة خارج عن الارادة منعت ذلك .. وما عايز افشي سر الاجتماع الأخير يا دكتور بمنزل الرئيس أبوجهينة في الأسبوع الفات .. لمناقشة بعض المواضيع المتعلقة بشأن البورداب والذي تم فيه طرح موضوع الاحتفال .. وتحديد المواعيد .. لكن وبناء على رغبة مني ولظروف سيتم تحديد مواعيد الاحتفال خلال الايام القادمة .. وآسف يا لجنة لتفشي الخبـر .. وشكرا مقدمـا .. وبتمنى يا دكتور الصادق تكون مشارك معانا في اليوم المحدد .. وأرجو أيضا أن اتوجه بالشكـر للأخوان في الشرقية واقدم ليهم اعتذاري مرة أخرى .. ومفروض كان نكون معاهم في عطلة عيد الأضحى ونكون معيدين بي هناك .. لكن زي ما كنا متابعين ظروف الرحول .. والترتيبات الجديدة حالت دون ذلك .. شكرا يا حيدر الزين .. ويا حمد فتح الرحمـن وكل الأخوان .. وإن شاء الله معاكم في اقرب فرصة .. .. الف شكر للجميع .. عاجز عن الشكر والله ..
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: علاء الدين صالح)
|
Quote: تلفوني طرف تمبس يا وليد |
بالنسبة للأخ اساسي .. طبعا مسحته تلفونك من فترة طويلة جدا .. وذلك لاسباب موضوعية أهمها .. ما قاعد استفيد منك في دنيتي دي .. وما قاعد تضيف لي حاجة . إنما خصما على مسيرتي في الحياة .. الزيك ديل خليناهم في السودان نجي نلقاهم في الغربة ..العجيبة دي .. فشوف قاعد تدي تلفوناتك لي منو .. بعدين تعال .. أنا صاحبك ..؟ حجم العلاقة بتاعت الكم كيلو بايت دي ما بتسمح ليك تفترض إنو تلفونك ممكن يكون معاي لاي سبب من الاسباب
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: بشير أحمد)
|
السلام عليكون يا اخوانا ,, انا بصراحه البوستات الزي دي ما بعرف اكتب فيها والله ,, يعني بكون خجلانه جدا وفي نص هدومي .. فااا شكرا كتير والله بالجد اخجلتم تواظوعنـا وأي حاجـه ,,
وكلام زميل البورض الفوق دا بررضو انا شرحـوو .. (ماعدا النقطه المتعلقه بي اساسي ومحمد البشري الخضر ..أما ود الصايم دا كرور ساي) (^_^) بالجد شكرا كتير على الدعوه , وشكرا بورداب الرياض ما قصرو برضوو .. وشكرا لي ناس الدمام وناس هولندا وامريكا واي زول دعانا لحدي الان .. وزي ما بقول طوالي ,, سودانيز اون لاين جزء لا يتجزأ من نفوسنا وقلوبنا .. بالجد شكرا جزيلا فايز ود القاضي ووليد وكلكم..
اشوفكم قريب انشالله .. وعن اذنكم عشان الحله ماتحرق وزميل البورض يتغدى لبن المراعي (^_^)
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: صلاح عثمان)
|
Quote: نرحب بالاخ تمبس والدكتورة داليا ياوليد ياريت نحظى يشرف الاستضافة مع تحياتى |
استضافة غايتو ياناس جدة اليوم داك تعالو ممسحين بالزيت كويس حجزنا ليكم استراحة في ( السلمي ) حيث النسيم العليل ... والهجيج للصباح قيقراوي ... ياجماعه ماكتبنا قيقراوي اتذكرت البدله الجديدة ... يازول خليك جاهز اها الناس البتعرض السيوف مامعانا احدي العكاكيز ممكن . . ودا القاضي شكرا كتير ياملك امس ساهرنا بيك بالله ارسم خريطة الموقع كويس ماعايزين زول يقول لينا انا رايح . . ياجماعة ادعوا (حبيب نورة ) مايمر بي هنا ....
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: وليد عبد اللطيف)
|
Quote: ياجماعة ادعوا (حبيب نورة ) مايمر بي هنا .... |
هاهاهاهاهاهاها يا وليد إنشاء الله في ميزان حسناتك أول مرة أشوف لي عُمرة بعملوا ليها دعوة في البورد أها يا خوي زي ناس تمبس وداليا ديل يحرِمُوا من وين ؟ أوعي تقول لي ساسكو لوووول شكلهم كده ح يعملوها رحلة وزوغة أها سين سؤال يوجد مُصلّي واللا أيي زول يجيب معاه مصلايتو ؟ لوووولز والله يا عمك أيي رحلة بقولو عليها رحلة سعيدة لكن أول مرة أسمع لي بي رحلة مقبولة غايتو طالما البِقت بِقت أنا بإعتباري بوردابي جدّاوي تايب الشيرنغ بتاعي عندي مادِح مجاوِر في الحرم برسلوا ليكم عشان يمدح ليكم يا راحلين إلي منيً يفؤادي هيجتمو يوم الرحيل فؤادي
كااااااااااااااااااااااااااااااك
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: وليد عبد اللطيف)
|
أخي العزيز وليد
تحياتي لك و لكل الزملاء الأفاضل بجدة و المنطقة الغربية عموما
يستاهلوا العرسان ديل الإحتفاء .. أنتم أوفياء و هم يستاهلون و بالمناسبة ، إحتفالية بورداب الرياض بالعريسين هو يوم 3 فبراير حسب قرار اللجنة في إجتماعها الأخير و كما تعلم فقد قصدنا هذا التأخير نظرا لمناسبات حزينة مر بها الأعضاء معتصم و محمد زين و أخيرا طارق نقد ، فقد تم هذا التأخير الذي إقتضته الضرورات ، و نحن نثمن لكم هذا الأحتفاء و الذي نعتبره تكريما من قبلكم و يشملنا أيضا بالمشاركة الوجدانية.
أهم شيء ما تنسوا ( ال منيو Menue ) بتاع فطور تمبس و خصوصا المكدوس و على جنبة كدة المطوة
دمتم
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: ابو جهينة)
|
الاخ الفاضل ... ابو جهينه احزانكم احزاننا افراحكم افراحنا
Quote: و بالمناسبة ، إحتفالية بورداب الرياض بالعريسين هو يوم 3 فبراير حسب قرار اللجنة في إجتماعها الأخير و كما تعلم فقد قصدنا هذا التأخير نظرا لمناسبات حزينة مر بها الأعضاء معتصم و محمد زين و أخيرا طارق نقد ، فقد تم هذا التأخير الذي إقتضته الضرورات |
احتمال كبير نجيكم سيره في هذا اليوم . . تحياتي اوبجهينه لك ولك البورداب الحلوين بالرياض . . بالنسبو للمنيو حسب كلام تمبس قال المارتديلا عندنا باسطة ( بالله شوف ) ياخي لعيبة نادي الهلال السعودي لما يأتو الى جده وهم راجيعين الطياره كلها شايلين ( البيك ) بي اكياس احتمال كبير نستعين بالوجبات السودانية ( التركين والقدو قدو والنعيميه وملاح الروب )
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: هاشم محمد الحسن عبدالله)
|
Quote: اساسي دا كان كلما يجي الرياض هنا .. بجيب ليهو جردل من باسكن روبنز بحب الايسكريم حب شديد |
عشان كدا لما جيت الرياض باسرتي والوالدة العيد الفات وضربت ليك شخت لي حنان حناني وانا كل يوم اتحري فيك , اتاريك قلت الاسكريم لاساسي براهو مقدور عليهو بقي اسكريم ليهو ولي عياله كمان النجيضة الاسكريم دا تخصص بناديها ثم عمر الفاروغ اما المشويات بتاعتك انت وحميضة في مطعم ماجد عبد الله فكانت ما شديدة زاتو وعوضناها ليك بيك و كنتاكي في جياتك السبعة المتوالية لجدة قال اسكريم باسكن ما معاهو حلاوة كوجاك بالله !
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: وليد عبد اللطيف)
|
Quote: اشوفكم قريب انشالله .. وعن اذنكم عشان الحله ماتحرق وزميل البورض يتغدى لبن المراعي (^_^)
|
كدي ... كدي !!؟ سمحة المقدرة بس
كامل تضامني مع زميل البورض و امعاناً في التضامن دا جاي ببدلتي الزفرة ذاتو ...
اها قصرت معاك يا تامبا ؟ يقصر الملح من حلة زميلة البورض المحروقة دييييييك و تضامني تانين مع المراعي و الصافي ذاتو
----------
شينة منك يا وليد و الله السويتا رقدت دريش
لو ما كان فيها زملان البورد ديل كان ذاتو ما جيت تتذكرني بعديييييييييييييينك !!؟ و بالبدلة ابو متر دي ؟ يا زول الموضوع دا نجي نحسمو بالدرب دا كلام كبييييييييير !!
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: اساسي)
|
Quote: والله يا وليد قصرت تب مع محمد علي يس وحافظ العشا , زيارات تمبس السابقة والمتكررة ( العزوبية) كان علي كفالة الاخوة محمد علي يس وحافظ العشا , وهم من البورداب المخضرمين , محمد علي يس دا قامت علي اك######## لقاءات بورداب جدة من سنة 2008 لحدي اللقاء القبل اللجنة الجديدة من غير الجيد سقوط اسمائهم سهؤا في اللستة المرفقة |
اساسي ... حبيبي يازول يقصر الملح طال ما انتم موجودين مافي عوجه تب ناس زي دي مفروض تمشي ليهم عديل بالباب موش تسجل أسمهم او تتصل عليهم اساسي ياخ انا وانت وود القاضي روح واحدة في 3 اجساد سِد الفرقه ...
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: اساسي)
|
Quote: زيارات تمبس السابقة والمتكررة ( العزوبية) كان علي كفالة الاخوة محمد علي يس وحافظ العشا , وهم من البورداب المخضرمين |
شكرا يا اساسي أول مرة في حياتك تعمل حاجة كويسة .. التحية لي محمد علي وود العشا .. حالات زي دي يا اساسي بتسقط فيها الاسماء من غير اي ترتيب مسبق .. بتحصل لينا كتير .. واكيد حافظ ود العشا ومحمد علي ح يكونو معانا قبال يكلموهم ..
اشكركم تاني يا شباب وربنا يقويكم ..
حضر البيك يا اساسي حقك هناك وحق الرجعـة .. موضوع الاسكريم دا شايفك عملته منو مجنون وشبكتني امي جات وما جيتني وإلخ من الحنك العاضي دا .. اسمع كلام الريس يوسف .. دا كويس قاليك الزول دا لسانو طويل ..
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: فايزودالقاضي)
|
ود القاضي
Quote: ياوليد مع تقديري ومحبتي ليكم ...انتو اصغر واحد فيكم عمره 45 وانا 28 سنة فهل تعتقد انا بجازف بعمرى واخش معاكم في روح واحدة طلعوها قرب ؟!!!!! ولو كنتوا جكس الواحد كان خش معاكم في اقل من الروح ...
|
انت في دا وللا اساسي بحكي ليهو عن ذكرياتنا زمان مع الزين بري ود حلتهم المعروف بـ ( الزينكو ) لعبت معهم سنة 1985م في نادي الاتحاد البحروي تخيل قال شنو : انا سنة 1985م عمري كان خمسة سنه انا للان مندهش بس ماحبيت الغلاط الزول دا لازم نوديهو دكتور يشوف ليهو عظام ركبو ويحدد لينا عمرو بالظبط كدا
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: معتصم محمد صالح)
|
Quote: يستاهلوا كل خير
ياود الصائم الكشف بتاع بورداب جدة ده مافيهو ولا بوردابية واحده ياكافي البلاء لووولز
تحياتي للعرسان
زاتوووو |
يازول دا كلام زعل ما بنستحملو معقول الزول زاتو في السعودية هنا يمين اول مره ادخل بروفايلك معقول انت من ناس السعودية كمان لو من جدة تكون بالغت عديل وين كل المناسبات السابقة ما ظاهر ياريت لو قريب تشرفنا لان الكشف المكتوب بعالية هي قائمة بأسماء الحضور في اخر حفل لبورداب جدة
معتصم محمد صالح .... سلامات ياخي سلم علينا بس دايما الناس العندهم قروش صعبين اها سعر الدهب اليوم كم ...
| |
|
|
|
|
|
|
Re: دكتورة داليا وتمبس حضوركم سوف يبهج ويفرح بودراب جدة ... نحن في انتظاركم ... (Re: جعفر محي الدين)
|
Quote: الموقع قاعة نجمة الهدى .. الخط السريع ... محطة السلمى ... خلف قاعة الامراء بعد قاعة فرح ...
والكروكي الصباح ...دي تصبيرة ... |
الكروكي حسب وصف فائز من مخرج السلمي ، تأخذ أول لفة شمال من الكبري بتاع المخرج ، بعد حوالي 500 متر على يدكـ اليمين حا تلقى قاعة الامراء ، تخلي قاعة الأمراء يمينكـ وتلف يمين (يعني شرقاً) ، تمشي تفوت الشارع الاول ، وفي نهاية الشارع على يدكـ اليمين حا تلقى قاعة نجمة الهدى (والطريق قدامكـ مقفول) لو صاح قول يا فائز لو غلط كلنا عشان نصلح الكروكي
التصحيح لتقليل حجم الصورة
(عدل بواسطة Sidig Rahama Elnour on 01-11-2011, 03:24 PM)
| |
|
|
|
|
|
|
|