|
السُّلْطات السُّودانِيّة تحْتجِز أجْهِزة بعثة التِّلفزيون المِصْري بسبب حلايب
|
Quote: احتجزت سلطات مطار الخرطوم، أجهزة ومعدات وتجهيزات بث تخص التلفزيون المصري، كانت فى طريقها الى الدخول لتغطية أحداث الإستفتاء. وقالت مصادر مطلعة حسب (أس. أم. سي) أمس، إن السبب الحقيقي وراء توقيف المعدات ومنعها من الدخول، ان المحطة اعدت استديو به خلفية تحمل خريطة للسودان لا تتضمن منطقة حلايب فيها، وأضافت المصادر، ان الملحق الاعلامي المصري بالسودان أجرى اتصالات بالمسؤولين لتجاوز الامر، الا ان الاتصالات لم تثمر وباءت بالفشل.
|
|
|
|
|
|
|
|
|
Re: السُّلْطات السُّودانِيّة تحْتجِز أجْهِزة بعثة التِّلفزيون المِصْري بسبب حلايب (Re: othman mohmmadien)
|
موقف أتمنى أن نراه دوماً مع المصريين لأنهم ما بيستاهلو إلا العين الحمراء وإن شاء الله السلطات السودانية تستمر على موقفها حتى ولو في الاجهزة المدخل عبر المطار دي فقط ،،، فإلى متى هذا الهوان وهذا الذل الذي نلقاه من شعب لا ينفع فيه المعروف ولا يؤمن جانبه ،، فما زلت أتذكر ما وصفنا به المصريين وكل تلفزيونات مصر في ما جرى حول احداث مباراتهم مع الجزائر بل وإتهمونا بالتواطأ مع الجزائريين ######رو من مطارنا وشوارعنافهل ننسى كل هذا وإلى متى يكون السوداني دائماً يعفوا عن الذي يستحق والذي لا يستحق العفو ،، أما حلايب فاتمنى أن يساوم عليها البشير مبارك مقابل مياه النيل ولو فوت الفرصة دي تاني ما أظنها ترجع لحظيرة الوطن للأبد ،،،
ياسر العيلفون
| |
|
|
|
|
|
|
Re: السُّلْطات السُّودانِيّة تحْتجِز أجْهِزة بعثة التِّلفزيون المِصْري بسبب حلايب (Re: ياسر السر)
|
يعنى الأخت الكريمة ميادة و زملاءها سافروا لكورس فى الدولة المحتلة لحلايب و قالعاها حمرة عين بنفس مفتوحة وزعلوا لانو حلايب ما موجودة فى الخريطة ..! ناس المطار ماعندهم مشكلة فى انو بتاعين تلفزيون المحتل لحلايب يدخل السودان ! سبب الزعل و الجوطة إختفاء حبيبتنا حلايب من الخريطة .. ! طيب وين أخونا فى الله ( شرف ) ... و ين أخواتنا الكريمات ( عزة ) ... و (كرامة ) ؟! و ليه الطائرات الحربية البتقلع من داخل القيادة العامة ما اتجهت شمالاً ... وين ( الحسنيين ) النصر و الشهادة ؟! زمان أول ما جات الإنقاذ ... إستلمت بلد حدادى مدادى كان إسمه أرض المليون ميل مربع ( حليلو) عزيز ... مكرم ... قوى ... و شامخ . للأسف رجعوه من قولت تيت لطفل و لبسوه الدايبر ..! شبكوهو ليك : بكرة يا سودانا تكبر ، تبقى أزهى و تبقى أنضر . للأسف الشديد لا شاف فى عهدكم نضارة و لا كبر و لا حتى قعد فى حالتو ! دا إتكمش .. حلايب .. الفشقة ... شلاتين و بكرة الجنوب و بعدو ... ( النقر ماشى ) يمين البسمع أناشيدكم يا علاء فى بدايات الانقاذ الاولى يقول تحرروا حلايب و ماجاورها ، وترفعوا علم السودان فى السد العالى و تلبسوا حنان ترك و صاحباتها تياب سودانية مشجرة عديل . يا إخوانا فى الإنسانية و فى وطن يتمزق بسبب سياسات حكومتكم الرعناء تذكروا : لاينفع البكاء على اللبن المسكوب .
_________________________ ألف حمدلله على سلامة الوالدة الكريمة متعها الله بالصحة و العافية .
.
| |
|
|
|
|
|
|
Re: السُّلْطات السُّودانِيّة تحْتجِز أجْهِزة بعثة التِّلفزيون المِصْري بسبب حلايب (Re: عبدالرحمن عزّاز)
|
الاخ علاء يوسف
تحياتى للوالده
الى متى نكون شعب مشرد
ومهمش من كل الدول
و حلايب متى تكون سودانيه
والله العظيم جانى احباط شديد من يومين
انا بحكى لى احد الاصدقاء و فى مكان العمل وللاسف افريقى من سيراليون
بقول ليه السودان دشن طائره استكشافيه بدون طيار
الاخ من الضحك ماقادر يتكلم قال لى انتم ماقادرين توحدوا دوله
نيجيريا احسن منكم حسيت باكتئاب و نفسيات
حتى الافارقه بقوا يضحكوا فينا
سبحان الله
الله يرحم الزعيم اسماعيل الازهرى
| |
|
|
|
|
|
|
|