اثبت او اعتذر .. اتحداك يا كذاب ..الخ الخ لاب لاب

Quote: حدثني من لا اشك في صدق حديثه ، انو معاهم واحد ( يمني ) كان يعمل على جهاز الكمبيوتر، و كل ما يعصلج معاهو يديهو ليك عدد واحد ( فلتذهب الى الجحيم ) بالانقليزي لكن - النسخة الانقليزية الاصلية - - و عندما سأله هل يفهم ما يتفوه به؟ اكد ( معرفته التامة ) - واخد بال سعادتك - اكد معرفته للمعنى العربي المقابل للـF ويرد متبوعة بضمير المخاطب !؟ و هو ( فلتذهب الى الجحيم )

أنا حصلت لي قصة زي دي قبل سنتين بمنتدي عطبرة نت فتح فيها واحد فوقي بلاغ - استغفر الله بوست - كنت ما مسجل بالمنتدي وبقرأ
جيت يوم 30/06 فتحت المنتدي لقيت ليك واحد بيهنئ الناس بمناسبة - ما دعاه - عيد ثورة النقاذ..
التسجيل مفتوح قمت طواالي سجلت وكتبت بوست ... تباً لكم يا ناس عطبرة دي تهنئة والا اهانة وووووو الكلام بتاع عطبرة والعمال واللذي منو لاي زول عشان يعمل حشد يعني كولن عديييل

المهم واحد يفتح ليك فيني نار ..
ما هذه البذاءة يا رجل يا منحط ... لماذا تتكلم بمثل هذه الالفاظ .. نحن عندنا عوائل بتشاهد المنتدي تجي تقرأ كلامك المسئ والبذي دا
احترم نفسك واكتب كلام محترم بدل اللغة الشوارعية دي

قام واحد من الاعضاء سالوا: يا اخينا الكلام دا البذاءة والشوارعية الفيهو شنو كدي ورينا عشان ندين معاك الزول دا ؟؟

كتب ليهو:
نت الظاهر عليك ماا بتعرف انجليزي ومافاهم الكلمة دي معناها شنو
الكلمة دي يا بلدينا معناها ( f*****) وتم ليك الباقي نجوم كدة
وقال انا لولا احترامي للاخوات المتابعات كنت تميتها ليك ووريتك بالعربي بتعني شنو

صاحبنا السال اتوكل علي الله وقال ليهو ... كان كدة ختيتك يا الاتعلمت الانجليزي من افلام ارنولد شوارزنجر


لك التحية والبيت بيتكـ



ـــــ

(عدل بواسطة HAIDER ALZAIN on 01-06-2011, 01:13 PM)