|
|
 Re: "بان دور"؛ إدمانُ العيش! (Re: قيقراوي)
|
سلام يا عمران ومشكور على التِبش المفيد. ما كُنتَ قايل حكاية عنونة كلّ مداخلة دي بتشكّل لخبطة وضرر لكن قيقراوي وقّعها لي، مشكوراً. ومع إنّو عنونة المداخلات تمثّل، عندي، جزءاً لا يتجزّأ مما أبذله من جهد في هذه الرياضة الذهنيّة، لكن "نرعوي" يا زول ومن هنا وجاي نوهّط عنوان المداخلة في بطُن بيتها.
آآآآي دا كلّو في الرياض ويضاف لكسرة السطوح التي أنا من مدمنيها أيضاً لاسيّما الحمراء منها كما ويضاف إلى جمال الرياض فالرياض جميلة ولا كتّر خيركم، أو كما قال، بَسْ "يبغالك" تتأمّل جمالها بعيداً عن زحمتها...جرّب السواقة بهدف أو بلا هدف في شوارعها صباح الجمعة فيما يصدح النظام الصوتي لسيّارتك بغناءٍ عذب. بعدين ياخي أنا ظنّيتني طالبك زيارة قبل كِدا خرجت منها ولم تعد! يا زول مواعيد الزيارتين مفتوحة لك ما شاء بكري (رايك شنو في الشمشرة دي آقيقراوي!). قول يا زول باب الزيارتين مفتوح متى ما "حصّلتَ" تساهيل.
يا ودّ الصايم ياخي "الطرّادة الألفية"، وقيل "الطوربيد الألفي" دا رقم سعدي عديل كِدا اليومين ديل فأنا أستهدفه في شأن عيش من جنسٍ آخر فشكراً لك أن بريتني (الراء مشدّدة ترى) بالمداخلة الطرّادية فتلك بُشرى مافي اتنين تلاتة.
بعدين ياخي برج المملكة دا الناس بِتخاف مِنّو ساكت مع إنّو التسكّع فيهو ساي مفيد. أمسك عندك تبشة مفيدة: اليومين ديل ناس ديبينهامز عاملين تخفيضات 50% على كثير جداً من بضائعهم...قمصان راقية وبلايز أرقى (إن كنت محظوظاً لحقت بلايز ماركة ليز كليبّورن) بخمسين ريال وأقل. ورغماً عن ذلك فأنا أنصح بالانتظار إلى أن تُرفع نسبة التخفيض إلى 75% أو يتم الوصول إلى مرحلة الهوبلّي حيث يمكنك أن تأخذ القطعة المخفّضة ومعاها واحدة (قطعة، يا أخوي، قطعة) مجّاناً. عرّضتني حملة تخفيضات زي دي السنة الفاتت لشمشرة حامضة من صاحبي قال فيها: الشافك قريشات البرادو دي سوّيت بيها مدفع دلاقين ما كضّب. يا قيقا ديبينهامز عندك في جدّة في شارع التحلية؛ أها...ألحقوا حلّوا.
يا قيقا عندي ليك قصّة تصلح لمدح أريحيتك في محو أميّتنا (وقيل بداوتنا) التكنلوجية كما وتصلح لقدح تفانيك في الصاق ألقاب القوميّة العَـرّوبية بنا. هسّع في ذمّتك رد الطيب خالي على مكاواة ناس رفاعة بالقول "بانت مدينة ولا كتّر خيركم" ما دقش أضانك في البوست دا! وألاّ دايرني أقوم عليك هسّع أرشّك بالشمشرة بتاعت فوق...فوق!
يا زول صافية لبن: الدكتور البِعالج بِتّي هنا دكتور سعودي لطيف جدّاً فهو من النوع الممكن تتّصل عليهو الساعة ستّة صباحاً (حصلت مني مرّة، بالمناسبة) تستشيره فلا يجلّي اتّصالك أوّلاً (ودي في حدّ ذاتها معجزة طبعاً) ويوجّهك التوجيه الصحيح تالياً مع إنّو لو لمّ فيك لمّة الزميل (الأوّل) الجابو ودّ البُشرى داك وشبّعك منابيز لامِن قلتّ بَسْ لما لامه أحد.
اتّصلت على دكتورنا اللطيف دا قبل أيّام استعجله في أن يرسل لي اسم دواء كان قد وعدني بارساله برسالة نصّية وتأخّر، على غير عادته. كان اتّصالي أثناء الدوام وممكن يكون خلال عيادتو وربّما كان معاهو مريض ولا ضير فالرجل كريم ولطيف وأخوك "بيئة". ردّ الرجل، على عادته، فبادرت إلى الاعتذار قائلاً: "أنا عارف إنّي بزعجك يا دكتور" فقال بلطفه المعهود: "والله إنّك فعلاً تزعجني يا عادل" فخرّمت قائلاً: "بَسْ نحنا عندنا مثل في السودان، يا دكتور، يقول سيد الرايحة يفتّش خشم البقرة" فحسمني ضاحكاً: "أنا عندي لك مثل أفضل منه يقول لا تورّي بِدِوي باب بيتك؛ ها، آمر."...لكنّ اسم الدواء كان عندي بعد دقائق معدودة من انتهاء هذه المكالمة. دحين آقيقراوي؛ لا إنتَ تورّي بِدِوي رقم تلفونك ولا أنا بورّي قيقراوي باب بوستاً لي، باقي لي كدي أخير بدل ما نتعوّق ساكت.
مشكورين والله آجماعة.
|
|
 
|
|
|
|
|
| العنوان |
الكاتب |
Date |
 "بان دور"؛ إدمانُ العيش! | Adil Al Badawi | 10-22-10, 06:59 AM |
| Re: "بان دور"؛ إدمانُ العيش! | عبدالمحمود محمد عبدالرحمن | 10-22-10, 09:48 AM |
| حامض حلو (وقيل حلومر) | Adil Al Badawi | 10-23-10, 07:13 PM |
| من الطاحونة للطابونة – حكاوي العيش (1): الهارلي في القرّاش | Adil Al Badawi | 10-25-10, 07:45 PM |
| من الطاحونة للطابونة – حكاوي العيش (2): تشييط العالم | Adil Al Badawi | 10-26-10, 10:00 PM |
| Re: "بان دور"؛ إدمانُ العيش! | عزاز شامي | 10-27-10, 10:39 AM |
| كرامة بليلة "حمراء" وآخرين | Adil Al Badawi | 10-27-10, 10:16 PM |
| من الطاحونة للطابونة – حكاوي العيش (3): حار من نارو يسكّت جهالو | Adil Al Badawi | 10-28-10, 06:18 PM |
| من الطاحونة للطابونة – حكاوي العيش (4 - أ): طلّقْ زِفتة أم تكشو أم تكشو | Adil Al Badawi | 10-29-10, 12:24 PM |
| من الطاحونة للطابونة – حكاوي العيش (4 - ب): طلّقْ زِفتة أم تكشو أم تكشو | Adil Al Badawi | 10-29-10, 06:20 PM |
| من الطاحونة للطابونة – حكاوي العيش (5): شهوات العمير وشهوات الغير والمنفعة الحجيّة | Adil Al Badawi | 11-04-10, 05:38 PM |
| من الطاحونة للطابونة – حكاوي العيش (6): قرمشة في "كوبر" | Adil Al Badawi | 11-06-10, 09:37 PM |
 Re: من الطاحونة للطابونة – حكاوي العيش (6): قرمشة في "كوبر" | عبدالمحمود محمد عبدالرحمن | 11-07-10, 08:34 AM |
 Re: من الطاحونة للطابونة – حكاوي العيش (6): قرمشة في "كوبر" | الجندرية | 11-07-10, 09:12 AM |
| Re: "بان دور"؛ إدمانُ العيش! | نهال كرار | 11-07-10, 02:07 PM |
| Re: "بان دور"؛ إدمانُ العيش! | Adil Al Badawi | 11-07-10, 09:55 PM |
| Re: "بان دور"؛ إدمانُ العيش! | Shinteer | 11-08-10, 00:36 AM |
 Re: "بان دور"؛ إدمانُ العيش! | الجندرية | 11-08-10, 08:20 PM |
| Re: "بان دور"؛ إدمانُ العيش! | محسن خالد | 11-09-10, 10:37 PM |
| Re: "بان دور"؛ إدمانُ العيش! | Rihab Khalifa | 11-09-10, 10:38 PM |
| التذمّر حيال العيش والتشرّط المشاتر | Adil Al Badawi | 11-09-10, 10:43 PM |
| يا محسن ويا رحاب...ظنّيتنا اتعاقبنا. | Adil Al Badawi | 11-09-10, 11:55 PM |
| من الطاحونة للطابونة – حكاوي العيش (7 - I): قرمشة في "الانقاذ" | Adil Al Badawi | 11-11-10, 02:22 PM |
| من الطاحونة للطابونة – حكاوي العيش (7 - II): قرمشة في "الانقاذ" | Adil Al Badawi | 11-12-10, 08:49 AM |
| من الطاحونة للطابونة – حكاوي العيش (7 - III): قرمشة في "الانقاذ" | Adil Al Badawi | 11-12-10, 09:46 PM |
| Re: من الطاحونة للطابونة – حكاوي العيش (7 - III): قرمشة في "الانقاذ" | علي الكرار هاشم | 11-13-10, 09:54 AM |
| Re: من الطاحونة للطابونة – حكاوي العيش (7 - III): قرمشة في "الانقاذ" | Adil Al Badawi | 11-27-10, 07:03 PM |
| ملحقٌ Potluck : قوتُ الأفكارِ وأفكارُ القوت | Adil Al Badawi | 12-06-10, 06:15 PM |
| Re: ملحقٌ Potluck : قوتُ الأفكارِ وأفكارُ القوت | Adil Al Badawi | 12-09-10, 05:23 PM |
| إلى حين عودة، دعوا الفكرة تتزيّن عند مرآتها | Adil Al Badawi | 12-19-10, 06:51 PM |
| Re: إلى حين عودة: ظَالَمَة نَفْسَ اللَبَاهِنْ، منذ دغدغة تلك الجمعة البعيدة! | Adil Al Badawi | 12-24-10, 09:15 AM |
 قيقراوي! مين قيقراوي دا! | Adil Al Badawi | 01-03-11, 03:13 PM |
 Re: قيقراوي! مين قيقراوي دا! | محمد عبد الماجد الصايم | 01-04-11, 07:48 AM |
| Re: قيقراوي! مين قيقراوي دا! | قيقراوي | 01-06-11, 01:40 PM |
| العجين الخمّر | Adil Al Badawi | 01-07-11, 07:08 PM |
| Re: العجين الخمّر | قيقراوي | 01-08-11, 02:07 PM |
| Re: العجين الخمّر | قيقراوي | 01-12-11, 09:31 AM |
| Re: العجين الخمّر | عمران حسن صالح | 01-12-11, 09:54 AM |
| Re: العجين الخمّر | عمران حسن صالح | 01-12-11, 10:13 AM |
 Re: العجين الخمّر | محمد عبد الماجد الصايم | 01-12-11, 11:05 AM |
| "بان دور"؛ إدمانُ العيش! | قيقراوي | 01-12-11, 11:41 AM |
| Re: "بان دور"؛ إدمانُ العيش! | عمران حسن صالح | 01-12-11, 11:49 AM |
| Re: "بان دور"؛ إدمانُ العيش! | قيقراوي | 01-12-11, 12:04 PM |
| Re: "بان دور"؛ إدمانُ العيش! | Adil Al Badawi | 01-13-11, 06:16 PM |
| Re: "بان دور"؛ إدمانُ العيش! | عمران حسن صالح | 01-14-11, 01:07 PM |
| Re: "بان دور"؛ إدمانُ العيش! | محسن خالد | 01-15-11, 01:20 AM |
| Re: "بان دور"؛ إدمانُ العيش! | قيقراوي | 01-15-11, 12:03 PM |
| Re: "بان دور"؛ إدمانُ العيش! | Adil Al Badawi | 01-15-11, 10:18 PM |
| Re: "بان دور"؛ إدمانُ العيش! | قيقراوي | 01-16-11, 10:48 AM |
| Re: "بان دور"؛ إدمانُ العيش! | Adil Al Badawi | 01-19-11, 11:10 AM |
| Re: "بان دور"؛ إدمانُ العيش! | هواري نمر | 01-19-11, 11:43 AM |
| Re: "بان دور"؛ إدمانُ العيش! | ممدوح أبارو | 01-19-11, 11:57 AM |
| Re: "بان دور"؛ إدمانُ العيش! | هواري نمر | 01-20-11, 04:09 AM |
| Re: "بان دور"؛ إدمانُ العيش! | Adil Al Badawi | 01-21-11, 08:17 AM |
| Re: "بان دور"؛ إدمانُ العيش! | محمد عبد الماجد الصايم | 01-22-11, 08:21 AM |
 Re: "بان دور"؛ إدمانُ العيش! | Adil Al Badawi | 01-27-11, 10:06 AM |
| Re: "بان دور"؛ إدمانُ العيش! | هواري نمر | 01-27-11, 10:21 AM |
|
| |
فيس بوك
تويتر
انستقرام
يوتيوب
بنتيريست