أرفع رأسك فوووق..أنا سوداني، حول التطوع وتجربة الترجمة لمحادثات تيد(فيديو+ صور)

Quote: يا انور انت احسن زول بتستفيد من غياب المعلومة لدى الناس و بتجي تحاول تقشر بيها .. و بتحاول كل مرة تعمل ليك حركة بهلوانية للفت نظر الجمهور .. انا ما بفهم يا انور ليه انت بتهدر طاقتك دايما في قضايا خسرانة ( و ما بتكلم هنا عن سياسة ) .. لكن عن الامور الفارغة الانت ساكيها .. صدقني لو كانت علي الصعيد الشخصي ما كان عندنا شغلة معاك .. لكن يا انور انت مدخلنا في دوامة معاك ودايرنا نحتفى بالامور الفارغة بتاعتك دي و ألا اصبحنا نحن ناس حاقدين علي سيادتك الحاجة البتعمل فيها دي يا انور عندنا دستة بتاعت ناس بتعمل فيها .. ما تستغل يا انور حكاية كوريا و كم مؤتمر في برندات سيول تجي تفلق بيها راس الناس هنا .. نحن شباب و في مجال واحد و بنعرف الحاجات دي بتجي كيف .. و كيف الناس بتسافر بره عشان تجي راجعة تقول انا مثلت السودان و الحركات بتاعت الجمعيات الثقافية دي .. ياخي انت بتحب الحاجات دي ما مشكلة .. بس ما تجي تفرضها علينا .. لانه في النهاية انت عارف ذي جوع بطنك انها حاجات فارغة .. و خليك من المطبلاتية هنا ديل الما ناقشين ابو النوم .. و ما تضلل الناس دي بسبب غياب المعلومة لديهم .. و تستغل جهلهم يا اوباما السودان القادم .. اغلب الشباب الهنا بينهم عهد كدا ما مكتوب و لا متفق عليه .. انه كل واحد يدي التاني راحته .. لكن انت بقيت تضغط علي الناس زيادة عن اللزوم و فكتك دي بقت من الصعب انها الزول يتجاوزا .. عملت ليك كم فيديو كدا و قلت فيها و الله و الله و الله يا انور كلام غنماية بت عم جيرانا بتقول احسن منه و داير الناس تصفق ليك كل دقيقة و تقول ليك يا مناضل و تعمل زيك .. شابكنا حلايب سودانية و عامل ليك قروب في الفيس بوك و متشنج .. و الغاية الناس تجي تصفق لانور دفع الله حامي حمى حلايب .. مشيت موقع تيد .. جننت الترجمة و كل يوم قادينا باللنكات و انا ترجمت و انا اتمعطت .. وانا يا انا .. ياخي اذا ما بتخجل اخجل ليك انا .. موقع تيد دا انت عرفته متين .. و من منو ..؟!!! كونه ياخي عندك فراغ لانك طالب لسع .. و عندك وكت تعمل حاجة كويسة .. راعي انه الناس التانية ما عندها وكت تصفق ليك .. Re: دعوة لطرد الكيزان وأذنابهم من هذا المنبر الديموقراطي فوراً

Quote: In the end, we will remember not the words of our enemies, but the silence of our friends. Martin Luther King Jr.

ولهذا دافعت عن بروفيسر معز عمر بخيت في ذلك الوقت...لأن الأمر كان واضحاً جداً...ويجب أن ندافع عن علماؤنا وحقوق أي شخص في أن يكون
ما يريد...لا ما يريد القطيع له أن يكون!

وأدافع عن أي شخص يتعرض لمحاولة تهديم أو تحقير أو تبخيس...على كل الأصعدة...هذا واجب وفرض عين على الجميع...وإلا فكيف ندّعي أننا نحب العلم
والعلماء والناجحين\ات من أبناء الوطن؟!!!

لكن في نفس الوقت، يجب أن نكون دقيقين للغاية في تفنيد الصح والخطأ...حتى لا ننحو تجاه تقديس الأشخاص وتضخيمهم
وجعل النقد محرماً لأنهم فقط ناجحون في أشياء محددة...فالكمال لله وحده...وقد أكون أنا شخصياً جيد جداً في بعض الامور...وسيئ جداً
في أمور أخرى...وبارك الله في من أهدى إليّ عيوبي ...

لا أعتقد أن الأخ طلحة من بغاث الطير... وحسن ظني كبير بدوافعه للنصح والتداخل من الأساس...وأعتقد أننا جميعاً بحاجة لبعضنا البعض
من أجل الوطن...
فالنجاحات الفردية التي نعرضها ونستعرضها عبر هذا الموقع وغيره...هي فردية... ولكن ما نصبو إليه هو النجاح بصورة جماعية في عموم الوطن

أو كما يقول المثل الأفريقي الرائع:

Quote: ‎ "If you want to go fast, go alone. If you want to go far, go together" African Proverb.

صورة مع بقية المتحدثين\ات في مؤتمر تيدأكس سيول



مودتي ومحبتي
أنور