ماهو موقفك/ي من الفتاة إذا ثبت أنها فعلاً مدانة بالجرائم المنسوبة إليها ؟

Quote: اذا اتبنينا فكرة انو والله شرع الله ما بتغير ونص القران لا يخضع للاجتهاد بما يناسب العصور و برضو اشحنا بوجوهنا عن قصص سيدنا عمر بن الخطاب مع الحدود وبس ختينا لينا الحاجة الذى الجام دك البختوها للحصين والله ما عارفة اسمها شنو المهم ختيناها لعيونا عديل كده عشان نشوف فى اتجاة واحد اقول ليك فى الزنا تحديدا نص القران واضح جدا لا يقام حد الجلد الا اذا ثبتت الجريمة والقران فى دى تحديدا كان واضح اكتر واكتر عن الكيفية اربعة شهود رأو راى العين غير كده لو واحد ساى نطة وقال والله ما متاكد التلاته الباقين يقام عليهم حد القذف شوفت كيف!!!! يعنى فى قصة الزنا دى بالذات الله من حرصو على شرف الناس جعلها من الصعوبه بمكان نجى نشوف قانونا المقتبس ده كيف؟ وهل عندو علاقة بالدين؟؟؟ الحديث المعروف عنه صلى الله علية واسلم وصانا ان ندرأ الجدود بالشبهات هسه شوف القانون الفوق ده مفارق كيف لشرع الله وسنة نبية عليه لسه بنتكلم بلسان شرع الله الواضح فى قضية الزنا ونقول نحن مع دولة الشريعة يبقى موقفى كالاتى من البنت اذا ثبت عليه الزنا وجو اربعة شهود وقالو شافو شوف العين واقسمو على المصحف ومافى زول منهم نط يلا نقيم عليها الحد بالشرع نجلدها طوالى وبما اننا سلفيين نقوم نمشى البوست بتاع اخونا المكاشفى ونشوف الفقهاء قالو الجلد بيتم كيف ونجى ننفذو بى ضبانتو اها وزيادة ياخ انا مع الشريعة وينفذوها بس على اى زول مهما كان وتفعل القوانين الاسلامية الواضحة منها(يعنى الفيها نص ما عاوزين فيهو اجتهاد بس كده نص وخلاس) وعاوزين نبدأ بى قضية البنت دى زاتها نفتح ملف القضية من جديد وتثبت القضية عليها ويجو الاربعه شهود يحلفو القسم وبعدين زاتو نسوان شهود ما دايرين اليشهدو رجال عدول ( وما بفوت عليك التفسير الدينى لعدول) اذا ما جو واقسمو وشهدو طوالى اى شخص مهما كان وضعو ومنصبو تناول قصة البت دى يقام عليه حد القذف بعدين حتى ندور ونشوف الباقى و نجى ننظر و ندق طار ليه الحدود تقام على الضعفاء فقط