وجع وجع وجع!

يا زول صفّق صفّق
نحن أهلنا أصلاً
ما بتصدّق
إننا كيف بيأسرنا الصدق
لي زمراوي ولي محمد زين صفّق
صفّق صفّق زي ما عايز
مافيش حد يقول لك جايز
ديل حصدوها كم كم جوايز
من دون حتى يكون الفايز
أصلاً هي معروفة قصة
محاباة بتجيبا غرائز
وبهيمة بتدي عجايز
حق الحسم الماليه فايز
ود زمراوي من ناسا زينة
عرفوا القصة ماهي بزينة
طبقوا العمّة علّّوها رتينة
مهما بعدوا فهم وا زينا
دي الأخلاق الـ جات مزيونة
ود الزين حدّاي لفنونا
وود زمراوي الله يعينا
مرق الذمة من عنده تجينا
لكن ناس فعلاً مسكينة
بعد الردة شن تاني بصينا
سيبك من ومن وزينا
نحن برانا بندوس بنزينا
وإن شا الله في جايزة جد أكيد تأتينا
لي رواية نابعة من وسط البلد الساكنة في جوانا وفينا
مش تقليد وصناعة متينة
نبعت من جوّانا وفينا
عشنا فصولا كما الوزينة
كان بتعوم أو راجية تجينا
صبرك يا إدريس يا زينة
طيبتك حتعطّر وادينا
بس قول ليهم موتوا وموتوا مغتاظين
نحن ولدنا برانا نَعِينا