|
|
 مريخ عادي..
|
شاهدت الشوط الأول كامل ولقطات من الشوط التاني لمباراة المريخ وإنتركلوب الأنغولي وبعيداً عن مهزلة التحكيم في الشوط الأول (خصوصا رجل الخط) كان الفريق الأنغولي هو الأفضل من حيث التنظيم والإنتشار والتمرير والإستلام..إستفاد المريخ من هيجة بداية الشوط والدفعة الجماهيرية ودي ثقافة سودانية معروفة ولكنها كانت هيجة وفورة بدون أي تركيز وإن كان المريخ حصل على هدف مبكر وركنيات كتييرة جداً بس ده ما مؤشر لي إنو المريخ كان كويس !!! الفريق الأنغولي كان الأخطر في الوصول لي مرمى المريخ وكان الحضري هو نجم الشوط الأول تماااماً مما يعني إنو المريخ عندو مشاكل في خط الدفاع والوسط ..كل ده والفريق الأنغولي لاعب منقوص بعد طرد المدافع والتسللات الوهمية البيحتسبوها الحكام ..حقيقي كان المريخ في الشوط ده سئ جداً وفريق عادي ما قدم أي شي يشفع ليهو ..حولت القناة وانا على يقين إنو جمهور المريخ على الفريق اللي كان غير مقنع بالمرة ..في الشوط التاني وللامانة ما تابعت المباراة لكن كنت بشقر عليها كل فترة عشان اشوف النتيجة ..ولحدي الدقيقة كم وعشرين الكورة في ال 1-صفر لحدي ما في اخر الدقايق لقيت الكورة بقت 2-صفر والغريبة لمن رجعت للكورة كان في الشاشة مكتوب الدقيقة كم 51 ولا 52 ما عارف لحدي ما شكيت إنو دي يادوب بداية الشوط التاني !!!
أها أقوم اجي أتفاجأ ليك بي المنبر مقلوووب بعد نهاية الكورة والمريخاب فرحانين بي صورة هيستيرية لي نتيجة غير مريحة واداء غير مقنع في شوط كامل(ما شوفت التاني ومهما حصل فهو لا يشفع للهيستريا دي) وصدقوني نتيجة المريخ ملغومة ومخيفة ومالم يتمكن المريخ من تسجيل هدف هناك فإتذكروا كلامي ده المريخ طاااير طاااير لأنو الفريق الأنغولي بتاع الشوط الأول داك بيقدر يجيب 3 أقوان وبكل بساطة وحتى في وجود الحضري..
فرحة المريخاب أحس إنها فرحة مصطنعة ومضللة في نفس الوقت وهي كيدية للهلالاب أكتر من إنها حقيقية..مكنكشين في العجب من أجل العودة وكالعادة في بالهم هيثم مصطفى ..نعم العجب جاب قون جميييل لكن صدقوني تلميع العجب بي الصورة دي تلميع برضو مصطنع عشان يعود للأضواء بعد إختفاء القيادة المريخية من الساحة ولينا فترة ما سمعنا بي لاعب قائد في المريخ ودي حاجة مجهجة إعلام وجمهور المريخ جداً جداً..
خليكم زي ناس الهلال يا مريخاب وبطلوا تغشو روحكم بي النتائج فمريخ السنة دي لحدي أسة ما مقنع فلا في الدوري قدم الاداء ولا في البداية الإفريقية كان مقنع..نعم حقق النتائج في المحلي لكنها نتائج صعبة وباداء غير مقنع (2-1 هلال بورتسودان) و (1-صفر) الهلال) و (3-صصفر) أهلي شندي) وكانت نتائج متأخرة وفوز صعب وباداء غير مقنع خصوصا في هلال مريخ..
الغريبة الهلال الفايز 3-صفر و 4-1 إعلام الهلال شني عليه هجوم عنيف ويقولوا ليك نتائجه المتعثرة في الدوري الممتاز وده كلو بي سبب خسارة وحيدة !!
فوقو يا ناس المريخ التخدير ما كويس والبنج لما يفك الس######ة ح تدوور والنعمة ح تبقا نغمة وساكواها ح يبقا شكواها والبدري حا يبقا متأخر وباسكال ح يبقا كوبول
تخريمة :
الكورة إنتهت ولا لسة شغالة ؟
|
|
  
|
|
|
|
|
| العنوان |
الكاتب |
Date |
| مريخ عادي.. | عمر الفاروق | 03-20-11, 07:40 AM |
| Re: مريخ عادي.. | omer osman | 03-20-11, 07:47 AM |
| Re: مريخ عادي.. | صديق الموج | 03-20-11, 07:48 AM |
| Re: مريخ عادي.. | ارصد محمد جلال | 03-20-11, 07:55 AM |
| Re: مريخ عادي.. | ناصر احمد الامين | 03-20-11, 07:53 AM |
| Re: مريخ عادي.. | طلحة عبدالله | 03-20-11, 08:21 AM |
| Re: مريخ عادي.. | عمر الفاروق | 03-20-11, 08:52 AM |
| Re: مريخ عادي.. | عمر الفاروق | 03-20-11, 08:53 AM |
| Re: مريخ عادي.. | عمر الفاروق | 03-20-11, 08:58 AM |
| Re: مريخ عادي.. | عمر الفاروق | 03-20-11, 09:01 AM |
| Re: مريخ عادي.. | حمزاوي | 03-20-11, 08:59 AM |
| Re: مريخ عادي.. | أيمن دياب | 03-20-11, 09:09 AM |
| Re: مريخ عادي.. | طلحة عبدالله | 03-20-11, 09:15 AM |
| Re: مريخ عادي.. | abuguta | 03-20-11, 09:23 AM |
| Re: مريخ عادي.. | سامى عبد الوهاب مكى | 03-20-11, 11:45 AM |
| Re: مريخ عادي.. | عمر الفاروق | 03-20-11, 11:50 AM |
 Re: مريخ عادي.. | فيصل نوبي | 03-20-11, 11:53 AM |
| Re: مريخ عادي.. | طلحة عبدالله | 03-20-11, 11:58 AM |
| Re: مريخ عادي.. | عمر الفاروق | 03-20-11, 12:03 PM |
| Re: مريخ عادي.. | طلحة عبدالله | 03-20-11, 12:09 PM |
| Re: مريخ عادي.. | عمر الفاروق | 03-20-11, 12:15 PM |
| Re: مريخ عادي.. | طلحة عبدالله | 03-20-11, 12:21 PM |
| Re: مريخ عادي.. | فيصل نوبي | 03-20-11, 12:25 PM |
| Re: مريخ عادي.. | معاوية محمد الحسن | 03-20-11, 12:23 PM |
| Re: مريخ عادي.. | طلحة عبدالله | 03-20-11, 12:33 PM |
|
| |
عمر الفاروق
فيس بوك
تويتر
انستقرام
يوتيوب
بنتيريست