|
|
 القذافي يتفوق على اخوانه في عصابة القمعيين العرب !!.
|
غايتو الحكام العرب ديل أصبحوا مسخرة ..لدرجة لما تسمع الواحد منهم بيخطب في وقت الزنقة تسأل نفسك : دا شنو دا ؟؟!!!
الناس بتتذكر لما البشير اتزنق وحاصرته الجنائية الدولية كيف كان بيرقص صباح مساء على ظهور اللواري بطريقة هستيرية,,
وأسوأ وأخزى مستويات الهسترة والجقلبة كانت تتمثل بصورة مؤسية ومخزية في شتائمه السوقية الهستيرية
و (...تحت الجزمة) الكانت تسبق أسماء رؤساء دول وممثلي منظمات أممية
لدرجة ما تعرف الأخ قاعد بيتكلم وين !!
والآن الأخ القائد القذافي يشتم شعبه ..مرة يصفهم بالحاشاشين ..ومرة بالجرذان ومرة بالقطط ..
(مع اني ما قدرت أعرف كيف ممكن الواحد يكون الشيء ونقيضه ..فار وكديس في الوقت نفسه !!)
وانهم مأجورين وخونه ..
بس القذافي اتفوق على اخوانو في عصابة الحكام العرب بضربو لشعبه الأعزل بالطائرات والدبابات والمدافع الثقيلة
والخوف اخوانه الواقفين قدام مشانق ثورات شعوبهم يبدعوا أكثر من كدا
بس لحسن الحظ ما في دولة عربية عندها أسلحة نووية ..
كانت الكارثة تكون أكبر!!.
|
|
  
|
|
|
|
|
| |
فيس بوك
تويتر
انستقرام
يوتيوب
بنتيريست