|
سودانيز أون لاين ذنوب وحسنات !!
|
سودانيز أون لاين دنيا ساحرة ومدهشة لمن تتفرج عليها من برة تتمنى تدخلها وتكون جزء منها ولمن ربنا يسهلها عليك وتبقى عضو وجزء أصيل من المنبر بحصل شنو؟!
|
|
|
|
|
|
|
|
Re: سودانيز أون لاين ذنوب وحسنات !! (Re: نادية عثمان)
|
هنا إتعلمت كتير من فنون الحياة والتعامل مع الناس وتمارين النفس الطويل وسعة الصدر قدر المستطاع وتقبل الرأي والرأي الآخر والمناقشة الموضوعية والصبر على المغالطات وتحمل الأذى والتسامح والتجاوز والإعتذار!
| |
|
|
|
|
|
|
Re: سودانيز أون لاين ذنوب وحسنات !! (Re: نادية عثمان)
|
Quote:
سودانيز أون لاين
جنة ونار، محنة وقسوة، صدق وكذب،وضوح وخداع ، شفافية وزيف، جمال وقبح ، رقة وعنف ، نور وعتمة ، تواضع وغرور، غدر ووفاء ، صداقة وعداء ومحبة وبغضاء وألف وياء !!
|
الأستاذة نادية
سلام
ربما من هذا وذاك... الإنسان العادي في اعتقادي دائما يتخير الخير.. الجانب الحسن..
واحيانا يجد الواحد نفسه وسط الهبباي دون أن يسعى اليها.. ورد الفعل محسوب علينا في الحالتين..
تحياتي
| |
|
|
|
|
|
|
Re: سودانيز أون لاين ذنوب وحسنات !! (Re: Abdlaziz Eisa)
|
الأخ الأكرم عبد العزيز عيسى
حبابك
Quote: ربما من هذا وذاك... الإنسان العادي في اعتقادي دائما يتخير الخير.. الجانب الحسن.. |
إذن ياريت كل الناس الفي الدنيا ( عاديين) والله !!
Quote: واحيانا يجد الواحد نفسه وسط الهبباي دون أن يسعى اليها.. ورد الفعل محسوب علينا في الحالتين.. |
قلبي رهيف ومابقدر على الهبباي في عز الصيف !!!
هكذا قال المغني ولكن الوضع في سودانيز أون لاين مختلف جداً !!
| |
|
|
|
|
|
|
Re: سودانيز أون لاين ذنوب وحسنات !! (Re: PLAYER)
|
بلير الحكيم
حبابك
Quote: مهما حصل (خيرآ ام شرآ).......يستحيل فراق هذا المكان او أهلها |
صدقت .. فهذا المكان ينطبق عليه قول الشاعر :
( لا بعدك بفرحني .. لا قربك بريحني .. وفي الحالتين أنا الضائع) !
| |
|
|
|
|
|
|
Re: سودانيز أون لاين ذنوب وحسنات !! (Re: محمد المرتضى حامد)
|
صديقي وأستاذي الرجل (الكنز) مولانا محمد المرتضى حامد
Quote: ندويه، لو عرفنا أن المكان الذي نتواجد فيه يجب أن يظل نظيفا ستنتفي السيئات.. النظافه من الإيمان ، |
هنا لا نحتاج لأكثر من نظافة ( الكيبورد) من سوء طقطقة حروف تجرح وتؤلم حتى لو لم تكن موجهة للمرء منا مباشرة فوجودها بيننا مؤذ جداً! ويحملنا ذنوب ليس لنا يد فيها سوى وجودنا في هذا المكان وحبنا له !!
إيمان بتقول ليك مشتاقين ياخالو وخلي بالك منك شديد
| |
|
|
|
|
|
|
Re: سودانيز أون لاين ذنوب وحسنات !! (Re: munswor almophtah)
|
العزيز الرجل الإنسان الفنان منصور
بركة الجابك البوست عليمي الله مفتقدة كتابتك والدوبيت والأيام السمحة يا حليلها !
Quote: ياخ إنتى من حسناتها وصدقها ووفائها وصبرها وجلدها وهيبتها ورونقها وألقها وعلقها.
ياخ من قولة تيت لغتك واحده ونفسك واحد وطريقك واحد دوبتى وأشعرتى وأنثرتى.
ياخ سلام عليك ويا سلام عليك |
دي عين الرضاء يا غالي لكن كلام بحملني مسئولية يارب أكون قدرها ياخ !!
منصور ما إشتقت تدوبي عليك الله ؟!!
| |
|
|
|
|
|
|
Re: سودانيز أون لاين ذنوب وحسنات !! (Re: عاطف عمر)
|
عاطف عمر العزيز
حبابك أخوي
Quote: سودانيزأونلاين هى تجسيد مصغر للحياة السودانية بكل تفاصيلها وبكل تناقضاتها كما نتخير أصدقاءنا ومعارفنا في الحياة ، نتخيرهم أيضاً هنا ربما يكون الفرق أنه في الحياة العامة إن من يأتيك في دارك يأتيك بكامل رضاك ، أما في سودانيزأونلاين ( أو المواقع التفاعلية بشكل عام ) فإن مجرد فتح الإنسان لبوست هو بمثابة دعوة للجميع للولوج لداره
ومع كل ذلك
فلا ننكر أنه أضاف لحياتنا الكثير |
كلام موزون وزي الدهب وما محتاج زيادة كلمة ولا ناقص حرف !
تسلم يا زول يا نيل !
| |
|
|
|
|
|
|
Re: سودانيز أون لاين ذنوب وحسنات !! (Re: محمد الامين محمد)
|
تحية اختي نادية
انا جديدة في المنبر
والحمد لله لحدي هسه لاقيت حسنات اكتر من سيئات ( وإن شاء الله ما تلاقيني)
واجمل ميزة اني إتواصلت مع ناس راقين وحلوين شديد امثالك وغيرك كثيرين
وبالمناسبة نحن إتلاقينا في الحفلة العملوها ليك بورداب الرياض قبل ما اكون عضوة في المنبر
ومن الناس الاتواصلت معاهم ناس من اهلي لحمي ودمي وناس معارف اخبارهم كانت مقطوعة عني وسنين ما سمعت عنهم حاجة لاقيتهم هنا
الشيء السيء في سودانيز انوالحاصل في البورد عكس المقولة السائدة إختلاف الرأي لا يفسد للود قضية
لانو اي اتنين إختلفوا في اي شيء ولو بسيط تقوم قيامة البوردو ما بتقعد إلا بحذف البوست وفي حالات نادرة باعتذار المختلفين لي بعضهم
وزي ما قلتي كل مكان فيهو الصالح والطالح فعلينا ان نفعل ما يرضيه ضميرنا زي ما قلتي في البوست السابق
تقبلي تحياتي واحترامي لك فانت نموزج مشرف لنساء بلادي ودمتي بخير
| |
|
|
|
|
|
|
Re: سودانيز أون لاين ذنوب وحسنات !! (Re: ساميه حامد)
|
كل يوم أصابح فيهو سودانيزاون لاين هو يوم طبيعي ..
اليوم الغير كدا بكون بالنسبه لي يوم غير طبيعي وناقص كتير ...
إنتمائي له كان لأنه منبر يحوي كل الناس ..
أمشي فيه بحذر وأكتب فيه رأي عسى ان يجد من يسمعه او يؤيده او يخّطئه كما الجميع
سعياً وراء مستقبل مشرق لوطن كان يتسع لنا جميعاً،، وأصبح اليوم وطن يسع ناس معينين..
وأشاركـ فيه إجتماعياً مع ناس كثير منهم من لم تراهم عيني ، احببتهم من خلال حروفهم حتى البروفايلات حببتنا في بعضهم ..
سودانيز اون لاين وطن تعشقه واهـله ...
كلنا يا نادية بنغزف لحن واحد مهما إختلفنا ( حب الوطن والناس ) .. فهذه طبيعتنا ...
اعيب عليه احياناً كثيره أن لُغته تتدحرج الى مكان سحيق لا يشبهنا ولا يشبهه ...
،،،،،،،،،،،،،،،،،،،،،،،،،،،
دي حبه شوية من كتير
| |
|
|
|
|
|
|
Re: سودانيز أون لاين ذنوب وحسنات !! (Re: Hisham Ibrahim)
|
Quote: حبابك
Quote: ربما من هذا وذاك... الإنسان العادي في اعتقادي دائما يتخير الخير.. الجانب الحسن..
إذن ياريت كل الناس الفي الدنيا ( عاديين) والله !!
Quote: واحيانا يجد الواحد نفسه وسط الهبباي دون أن يسعى اليها.. ورد الفعل محسوب علينا في الحالتين..
قلبي رهيف ومابقدر على الهبباي في عز الصيف !!!
هكذا قال المغني ولكن الوضع في سودانيز أون لاين مختلف جداً !! |
الأخت الأستاذة/ نادية
سلام
قصدت بعاديين.. أي بالفطرة.. الخير في قلب كل انسان بالفطرة.. لكن الإنسان هو الذي يغير الموازين ويقلبها لعوامل متعددة.. هبباي سودانيس دي هي الفوق عادية.. فأحيانا كثيرة بغض النظر عن الموضوع وعنوان البوست.. تهب رياح الخماسين ومن خلفها الهبباي وتنقل تضاريس الأرض جميعها بهول لا أول له ولا أخر.. لك العتبى في الحصل وأنت بحصافتك لا تعجزك النوازل .. فقلمك شامخ..
تحياتي
| |
|
|
|
|
|
|
Re: سودانيز أون لاين ذنوب وحسنات !! (Re: Abdlaziz Eisa)
|
نادية الحبيبة أفضل شيء مع سودانيز أن نتعامل مع هذا المكان كجزء مقدر من حياتنا ولكن ليس كل حياتنا مكان للتثاقف وتبادل الرؤى والمعلومات وقد يفضي لعلاقات إنسانية غاية في الرقي .. وأن نجعل توقعاتنا من المكان وناسه معقولة.. لا أحزن البتة لو تصرف معي إنسان هنا بسوء فقط أذكر نفسي أننا في عالم (إفتراضي) لو قابلت مواجهي بالسوء (ذات جماعة) لما عرفته.. وهنا أضحك من فكرة الغضب من إنسان تجمعني به (نقرة كيبورد) لا أكثر.. ومحبتي وتقديري لك.. لنا
| |
|
|
|
|
|
|
Re: سودانيز أون لاين ذنوب وحسنات !! (Re: ابو جهينة)
|
سلام بت الرجال سودانيزاونلاين زي الحلة فيها المجنون والعاقل المصيبة في ناس عايزة تفرض وصاية علي الغير علي المستوي الشخصي افتخر واسرتي الصغيرة بمعرفتك لما لمسناهو من نبل في تعاملك مع الاخرين وبدون فرز تسلمي
| |
|
|
|
|
|
|
Re: سودانيز أون لاين ذنوب وحسنات !! (Re: السمؤال بدرالدين)
|
السمؤال بدر الدين يا أخوي الحنين
سلام ود الرجال
Quote: سودانيزاونلاين زي الحلة فيها المجنون والعاقل المصيبة في ناس عايزة تفرض وصاية علي الغير |
المجنون والعاقل هينة ومقبولة بس قصة زول يفرض وصايته على زول كبير زيو دي الما فهمتها !!
Quote: علي المستوي الشخصي افتخر واسرتي الصغيرة بمعرفتك لما لمسناهو من نبل في تعاملك مع الاخرين وبدون فرز |
ويشهد الله أنا فخورة بيك وأنت واحد من النبلاء البفخر أن جمعني بهم هذا المكان والله !
تسلم أبو البنيات أخوي العزيز
| |
|
|
|
|
|
|
Re: سودانيز أون لاين ذنوب وحسنات !! (Re: ابو جهينة)
|
أستاذنا الفاضل جلال ( أبو جهينة)
حبابك ملايين والله
Quote: تماما كحال البلاد و العباد لا فرق بين الدنيا خارج الإسفير و داخله ، عالم يعج بالأضداد و لكن العزاء هو وجود ما هو بالأحمر أعلاه |
نعم كلام سليم لكن زي ماقلت فوق أنا كنت بظن وليس كل الظن إثم !
إنو هنا في العالم الإفتراضي ده لو بنقدر نحاول نخرج الخير الجوانا ونلجم شيطان الشرور !!
ويبقى من أهم ميزات هذا المكان أن جمعتني بأديب أريب ورجل مبدع مثلك يا أستاذ جلال
وتسلم يارب وخليك قريب فوجودك مفرح بحق
| |
|
|
|
|
|
|
Re: سودانيز أون لاين ذنوب وحسنات !! (Re: lana mahdi)
|
الحبية جداً لنا أم الحبيب الوليد
حبابك ملايين
Quote: أفضل شيء مع سودانيز أن نتعامل مع هذا المكان كجزء مقدر من حياتنا ولكن ليس كل حياتنا |
شخصياً بتعامل معاه كجزء من الجزء لكنه جزء عزيز بغيب وأرجع ليهو بشوق وما بستغنى منه !!
Quote: مكان للتثاقف وتبادل الرؤى والمعلومات وقد يفضي لعلاقات إنسانية غاية في الرقي .. وأن نجعل توقعاتنا من المكان وناسه معقولة.. لا أحزن البتة لو تصرف معي إنسان هنا بسوء فقط أذكر نفسي أننا في عالم (إفتراضي) لو قابلت مواجهي بالسوء (ذات جماعة) لما عرفته.. وهنا أضحك من فكرة الغضب من إنسان تجمعني به (نقرة كيبورد) لا أكثر.. ومحبتي وتقديري لك.. |
كلام عين العقل يا لنا ودوماً أذكر نفسي بما تذكرينه بها من أن هذا العالم محض ( إفتراض) !!
لا أغضب ممن لا أعرفهم فيه !! ولكنه به أناس عرفتهم داخل وخارج هذا المكان يمكن أن الوم أياً منهم بعشم لا يتعدى حدود هذا المكان ولا أحمل لاحدهم أي بغض أو ضغينة في داخلي أبدا !!
تسلمي وخليك قريبة
| |
|
|
|
|
|
|
Re: سودانيز أون لاين ذنوب وحسنات !! (Re: Abdlaziz Eisa)
|
الأخ الأكرم عبد العزيز
Quote: قصدت بعاديين.. أي بالفطرة.. الخير في قلب كل انسان بالفطرة.. لكن الإنسان هو الذي يغير الموازين ويقلبها لعوامل متعددة.. هبباي سودانيس دي هي الفوق عادية.. فأحيانا كثيرة بغض النظر عن الموضوع وعنوان البوست.. تهب رياح الخماسين ومن خلفها الهبباي وتنقل تضاريس الأرض جميعها بهول لا أول له ولا أخر.. |
أي أنا فهمتك ولكن كنت بتمنى لو يستطيع البوردابي الزميل تغليب نزعة الخير على الشر الجواه عشان المكان ده يبقى حلو .. مثالية حد ( الإفراط) موش ؟!!
Quote: لك العتبى في الحصل وأنت بحصافتك لا تعجزك النوازل .. فقلمك شامخ.. |
الحصل لي بحصل ليك ولغيرك وهو شيء عادي لكن الأمنية تظل في مسألة حوار (نظيف) بدون أحكام مسبقة وإتهامات مجانية .. تفتكر ليه الحوار هنا ما بوصل لشيء في الغالب يا أستاذ عبد العزيز ؟
سؤال محيرني والله !
| |
|
|
|
|
|
|
Re: سودانيز أون لاين ذنوب وحسنات !! (Re: Hisham Ibrahim)
|
الأكرم هشام إبراهيم
Quote: سودانيز اون لاين وطن تعشقه واهـله ...
كلنا يا نادية بنغزف لحن واحد مهما إختلفنا ( حب الوطن والناس ) .. فهذه طبيعتنا ...
اعيب عليه احياناً كثيره أن لُغته تتدحرج الى مكان سحيق لا يشبهنا ولا يشبهه ...
،،،،،،،،،،،،،،،،،،،،،،،،،،،
دي حبه شوية من كتير |
ياسلام عليك والله ! إنت لخصت الشغلة كلها في السطور الفوق دي !
لكن برضو تعال كمل كلامك وخلي الحبة تبقى كتير سمح؟
تسلم يارب
| |
|
|
|
|
|
|
Re: سودانيز أون لاين ذنوب وحسنات !! (Re: ساميه حامد)
|
العزيزة سامية حمد
حبابك وتسلمي يارب
Quote: انا جديدة في المنبر
والحمد لله لحدي هسه لاقيت حسنات اكتر من سيئات ( وإن شاء الله ما تلاقيني) |
حبابك ملايين ويارب مايلاقيك سوء كلو كلو يارب !
Quote: واجمل ميزة اني إتواصلت مع ناس راقين وحلوين شديد امثالك وغيرك كثيرين
وبالمناسبة نحن إتلاقينا في الحفلة العملوها ليك بورداب الرياض قبل ما اكون عضوة في المنبر
ومن الناس الاتواصلت معاهم ناس من اهلي لحمي ودمي وناس معارف اخبارهم كانت مقطوعة عني وسنين ما سمعت عنهم حاجة لاقيتهم هنا |
تسلمي ياغالية وفعلاً سودانيز بتلم الزول في ناس ما كان بقدر يلاقيهم إلا هنا !
Quote: الشيء السيء في سودانيز انوالحاصل في البورد عكس المقولة السائدة إختلاف الرأي لا يفسد للود قضية
لانو اي اتنين إختلفوا في اي شيء ولو بسيط تقوم قيامة البوردو ما بتقعد إلا بحذف البوست وفي حالات نادرة باعتذار المختلفين لي بعضهم
وزي ما قلتي كل مكان فيهو الصالح والطالح فعلينا ان نفعل ما يرضيه ضميرنا زي ما قلتي في البوست السابق
تقبلي تحياتي واحترامي لك فانت نموزج مشرف لنساء بلادي ودمتي بخير |
كلام سمح زي ستو وأنا سعيدة بيك أخت وصديقة وزميلة يا سامية وكمان إسمك زي اسم أختي الكبيرة
وبيك وبأمثالك المكان أحلى . خليك قريبة وجودك مفرح بالجد يا سمسمة !
| |
|
|
|
|
|
|
Re: سودانيز أون لاين ذنوب وحسنات !! (Re: محمد الامين محمد)
|
محمد الأمين أخوي
حبابك مليون
Quote: احسن هنا ولا هارموني |
هههههههه بالغت فوكا !!
غايتو في هارموني ماف زول بشاكل ولا بجوط ولا بكورك !!
كل زول بصور برنامجه بكل أدب وإحترام ويمشي بيتهم ! في هارموني البرنامج بقروش هنا البوستات ببلااااااش ( وش بضحك) !!
Quote: مذكرة البوست الزماااان داك |
ياتو فيهم تقصد ؟!!
Quote: بس اوع تقولي انا بتاع مشاكل |
أنت حاشاك المشاكل أخوي .. أنت بتاع شبك بس .. ههههه بهظر معاك سمح؟
حبابك في أي وكت أخ كريم ابن أخ كريم
| |
|
|
|
|
|
|
Re: سودانيز أون لاين ذنوب وحسنات !! (Re: خلف الله عبود)
|
الفنان الإنسان الجميل خلف الله عبود
حبابك مليون
Quote: زي ماقال عاطف ، سودانيزأون لاين صورة مصغرة للدنيا ... للمجتمع الخارجي الحسي ... فيه الصالح والطالح ، .... |
ده كلام سليم لكن تفتكر صعب شديد لو حاولنا نتخلى عن ( طالحنا) برة وجينا بي ( صالحنا) بس هنا ؟!!
Quote: و مشكلة الناس الجميلين زيك يا نادية ، الناس البيحبوا يشيعو الخير والجمال في الناس ، أنهم بيلقو شئ كتير من سوء الفهم أو سوء النية .... ودا سببو أنه في ناس داخلين المنبر لقضاء الوقت أوالمهاترة أو غير ذلك من أنشطة الفراغ .... |
سبحان الله يا فنان ربنا بذاتو وجلالو بيقول إنو جزاء الإحسان هو الإحسان لكن هنا في الغالب خيراً تعمل شراً تلقى !!
Quote: الناس الجادين بيحاورو بأدب الحوار، ودا نحن مفتقدينو في البعض ، إلا قليلا ... والقليل دا هو أس الخير ... وعلى أي حال تحربة الحوار في بلدنا مرت بتجارب كتيرة ، وسودانيز أون لاين تجربة جديدة نسبيا ، ولازم تمر بمخاض ينتهي قطعا بأن يتعلم الجميع أدب الحوار ... والعميد بكري يوم شكره مابيجي ، وهو أكتر الناس البيحملو رسالة الحوار النظيف ... وفي النهاية لا سبيل لنظافة الحوار ، غير الحوار وإستمرار الحوار ... زي ما قال المرحوم المحجوب ، وزيز خارجية السودان ، في الزمن الجميل : ( إن علاج الديمقراطية هو المزيد من الديمقراطية ) ... |
ده كلام كويس لكن مهم نفهم الديمقراطية صاح في الأول موش ؟!
Quote: وإنتي يانادية إتحملت الكتير ، ودا الخلاك صاحبة قدرة على الحوار الخلاق ... وصاحبة قدرة على نشر أريج الحب والحرية ، للكل ... تسلمي يا نادية . |
تسلم أنت يارب .. ده كلام كتير وكبير علي أنا زولة بسيطة بتحب الناس وبتتعلم من الدنيا والمنبر !
| |
|
|
|
|
|
|
Re: سودانيز أون لاين ذنوب وحسنات !! (Re: نادية عثمان)
|
مرحبآ بالزينة......لك التحية.
Quote: سودانيز أون لاين جنة ونار، محنة وقسوة، صدق وكذب،وضوح وخداع ، شفافية وزيف، جمال وقبح ، رقة وعنف ، نور وعتمة ، تواضع وغرور، غدر ووفاء ، صداقة وعداء ومحبة وبغضاء وألف وياء !! |
الدنيا كلها مبنية على المتاقضات الجنة والنار. الليل والنهار والبوح وألأسرار..والحصيف يفهم سر ألأشياء..سودانيزأون لاين بعض من هذه ألأشياء.
سعيد بطلتك ...تقديرى وأحترامى.
| |
|
|
|
|
|
|
Re: سودانيز أون لاين ذنوب وحسنات !! (Re: PLAYER)
|
سودانيز اون لاين في السابق جمع كل ألوان الطيف ومختلف الضروب فن - سياسة - ادب - خير - جمال ... الخ الان .. سياسة ثم سياسة ثم بعض من هذا وذاك بنسبة أقل من القليل الي اين يسير ؟
..................
سلامات نادية
| |
|
|
|
|
|
|
Re: سودانيز أون لاين ذنوب وحسنات !! (Re: عبدالله كع)
|
أخوي عبد الله كع
حبابك ملاييييين والله
Quote: تقعد تعاين سااااااااااااكت - وفي النهايه تعيش الحاله !! |
ومرات تضحك !!
ومرات تبكي !!
ومرات تتمحن !!
ومرات تستغفر !!
ومرات تدمدم تنووووم والمنبر فااااتح وأنت مسجل حضور .. صاح ؟!!
| |
|
|
|
|
|
|
Re: سودانيز أون لاين ذنوب وحسنات !! (Re: سناء عبد السيد)
|
سنوية بت عمو عبد السيد ياعسلنا الرائق ومصفى
Quote: سودانيز اونلاين عاملة زي الدنيا مرة معاك ومرة عليك
ومن اجمل الحاجات القدمتا لي اني اتعرفت عليك |
تسلمي لي وما أعدمك وإنتي والله زولة ماساهلة ويعلم الله كم فرحت لمن قابلتك في القاهرة ياغالية !
Quote: ندوية الشوق بحر و فياضانات سونامي عديل .. والله بتبالغي مالك يختي قاطعة قدر ده |
أنا هنا .. وإنتي هنا ولا هناك ولا هنووووك ؟!
| |
|
|
|
|
|
|
Re: سودانيز أون لاين ذنوب وحسنات !! (Re: نوفل عبد الرحيم حسن)
|
نوفل
حبابك أخوي
Quote: سودانيز اون لاين في السابق جمع كل ألوان الطيف ومختلف الضروب فن - سياسة - ادب - خير - جمال ... الخ الان .. سياسة ثم سياسة ثم بعض من هذا وذاك بنسبة أقل من القليل الي اين يسير ؟ |
والله العظيم انا ذاتي بقول لنفسي كلامك وسؤالك ده !!
المشكلة إنك لمن تكتب عن أي موضوع غير السياسة لو في الفن أو الأدب مثلا يا يقع بوستك في الصفحة الخرطومية !
يا كمان يجيك واحد يقول ليك ( الناس في شنو وأنت في شنو) ويحبطك إحباط السنين مثلاً ..!!
الحل شنو ؟!
| |
|
|
|
|
|
|
Re: سودانيز أون لاين ذنوب وحسنات !! (Re: ismeil abbas)
|
أخوي فارس الأخلاق النبيلة إسماعيل عباس
حبابك ملايين
Quote: الدنيا كلها مبنية على المتاقضات الجنة والنار. الليل والنهار والبوح وألأسرار..والحصيف يفهم سر ألأشياء..سودانيزأون لاين بعض من هذه ألأشياء. |
سودانيز أون لاين فعلاً سر الأشياء وجنونها وغموضها !!
تسلم ووينك مختفي كدا ؟!!
| |
|
|
|
|
|
|
Re: سودانيز أون لاين ذنوب وحسنات !! (Re: نادية عثمان)
|
Quote: أي أنا فهمتك ولكن كنت بتمنى لو يستطيع البوردابي الزميل تغليب نزعة الخير على الشر الجواه عشان المكان ده يبقى حلو .. مثالية حد ( الإفراط) موش ؟!!
Quote: لك العتبى في الحصل وأنت بحصافتك لا تعجزك النوازل .. فقلمك شامخ..
الحصل لي بحصل ليك ولغيرك وهو شيء عادي لكن الأمنية تظل في مسألة حوار (نظيف) بدون أحكام مسبقة وإتهامات مجانية .. تفتكر ليه الحوار هنا ما بوصل لشيء في الغالب يا أستاذ عبد العزيز ؟
سؤال محيرني والله ! |
العزيزة الأستاذة/ نــادية
سلام (((بدون أحكام مسبقة وإتهامات مجانية)))
في سودانيس اونلاين يوجد القليل من الحوارات وسط الغث من الشحن المشاتر.. كثير من الناس لا تقرأ.. ولا تأتي للحوار.. الناس تبدأ بالدوران حول الكاتب وليس ما يكتب.. ويكون الدخول في البوشت من أجل كتابة الأحكام وفق ما يتحصل عليه من معرفة عن ماهية الكاتب..
مع سؤالك حملتي الي الإجابة.... في كلماتك باللون الأحمر أعلاه..
نتمنى أن تسود روح الخير والمحبة بين الناس وتوفر حسن النية عند القراءة وعند الرد..
تحياتي
| |
|
|
|
|
|
|
Re: سودانيز أون لاين ذنوب وحسنات !! (Re: محمد المرتضى حامد)
|
تحياتي وسلامات ناديةبت عثمان مساء الخير سودانيز أون لاين لم أجد له وصف الا هذا الوصف. كتب عمر بن الخطاب رضي الله عنه إلى عمرو بن العاص رضي الله عنه صف لي البحر وراكبه ، فكتب إليه عمرو بن العاص :
( إني رأيت خلقاً كبيراً يركبه خلق صغير ، ليس فيه إلا السماء والماء ، إن ركد فرّق القلوب ، وإن تحرك أراع العقول ، يزيد فيه ا ليقين قلة ، والشك كثرة ، هم فيه دود على عود ، إن مال غرق ، وإن نجا سرق ) . مودتي شـــــــــــــــطة
| |
|
|
|
|
|
|
Re: سودانيز أون لاين ذنوب وحسنات !! (Re: خالد أحمد شطة)
|
خالد شطة
حبابك أخوي
Quote: إني رأيت خلقاً كبيراً يركبه خلق صغير ، ليس فيه إلا السماء والماء ، إن ركد فرّق القلوب ، وإن تحرك أراع العقول ، يزيد فيه ا ليقين قلة ، والشك كثرة ، هم فيه دود على عود ، إن مال غرق ، وإن نجا سرق ) . مودتي |
غايتو عجبني شديد الكلام الفوق ده والله الله يديك ألف عافية يارب !
| |
|
|
|
|
|
|
Re: سودانيز أون لاين ذنوب وحسنات !! (Re: محمد المرتضى حامد)
|
مولانا ، صديقي الخلوق ود المرتضى
Quote: غايتو يا ناديه أنا لا أقنط من رحمة الله في ما يليني من ذنوب. |
والله وأنا كمان لا أقنط أبداً من رحمة المولى فيما نركتبه من ذنوب في هذا المكان !!
عارف الذنوب البتقع علينا زي شنو مثلاً ؟
مثلاً تكون بتقرأ ليك في بوست وفجأة تلاقيك مداخلة فيها والعياذ بالله خوض في عرض زول ولا بهتان ليهو ولا إفتراء عليهو !!
أها إنت ما عملت غير إنو عينك وقعت على الكلام ده وقريتو ولو من باب الفضول أو لتعرف ما الذي يحدث فتقع في المحظور وترتكب ذنب لا إيدك لا كراعك .. شفت كيف ؟!!
| |
|
|
|
|
|
|
Re: سودانيز أون لاين ذنوب وحسنات !! (Re: Abdlaziz Eisa)
|
العزيز الاستاذ والأخ عبد العزيز
حبابك
Quote: كثير من الناس لا تقرأ.. ولا تأتي للحوار.. الناس تبدأ بالدوران حول الكاتب وليس ما يكتب.. ويكون الدخول في البوشت من أجل كتابة الأحكام وفق ما يتحصل عليه من معرفة عن ماهية الكاتب.. |
لكن ليه تفتكر وما هي أهمية شخص الكاتب في حد ذاته بمعزل عن ما يكتب ؟!!
يعني البحث عن الشخصي في حياة الكاتب هو الهدف لعملية إغتيال للشخصية لو البكتبه ما عجب البقرأ ليهو مثلا ً ؟!!
| |
|
|
|
|
|
|
Re: سودانيز أون لاين ذنوب وحسنات !! (Re: نادية عثمان)
|
Quote: مثلاً تكون بتقرأ ليك في بوست وفجأة تلاقيك مداخلة فيها والعياذ بالله خوض في عرض زول ولا بهتان ليهو ولا إفتراء عليهو !! |
العزيزة / نادية
تحياتي :
في مثل هذه الحالة ينبغي على صاحب البوست – أي كاتبه – ان يتصدى لمثل لهؤلاء الذين يتصيدون الأسماء للاساءة اليهم عبر بوستات غيرهم .. لانني – وبكل صراحة وتجرد – أعتقد جازما أنها مسؤولية صاحب البوست / كاتبه للحفاظ على شيئين هماغاية في الأهمية :
أولا : مسار البوست حتى لا ينحرف لما لا يرغب فيه صاحبه ويجد نفسه منجرا وراء ما لايفيد مادة البوست أو يضيف اليه .
ثانيا : الحرص على احترام ومراعاة صاحب البوست / كاتبه لضيوفه الذين تكرموا وجاءوا بمحض ارادتهم لتشريفه هناك .. هنا تبرز الضرورة الكبرى في ان يردع صاحب البوست كل مراهق مثلا أو مريض نفسي .. أو .... أو.. الخ أساء الى أحد ضيوفه دون مبرر لا سيما أولئك الذين اعتادوا أن يخوضوا اما في أعراض الآخرين – كما تفضلت – أو النيل منهم أو من سمعتهم أو مكانتهم .
فلا اعتقد ان انسانا سويا ومحترما يمكن أن يقبل اهانة لضيف من ضيوفه حتى لو كان على خلاف معه .. أليس كذلك ؟؟.
كما أظن بان العبرة في ماذا كتب فلان وماذا طرح من افكار او رؤية وليس من هو هذا الفلان !!!.
ختاما : شكري لك بلا حدود على افتراعك هذا البوست المهم بنظري .. و يحمل معنى جديرا بالتوقف عنده دون شك .
خضر
| |
|
|
|
|
|
|
|