|
مجموعة ما مارقين الرمادية
|
ايمانا منا بالظروف الوطنية الدقيقة التي ما فتى يمر بها الوطن كل يومين تلاتة , واملا منا في اسماع صوتنا للعالم , وحرصنا منا علي ان يكون موقفنا هذه المرة واضحا وجليا للجميع فقد توافقنا نحن الرماديون , والبيجيين , الماسكين ضنب الككو , وكلاب السرة ان ننضوى جميعا تحت راية "مجموعة شباب مامارقين الرمادية" , وذلك بمناسبة اختيار يوم الواحد وعشرون من مارس من العام الحادي عشر بعد الالفين وذلك للتظاهر ضد الحكومة وذلك بسبب ان ذلك اليوم يوافق عيد الام , وكما هو معلوم للجميع ان (الأم مدرسة إذا أعددتها أعددت شعباً طيب الأعراق) لذا وجدنا نحن مجموعة ما مارقين الرمادية ان الاحتفال بمدرسة الام فيه من الوطنية واعداد الشعوب الطيبة الاعراق ما هو اكثر من التظاهر بلبسة مموهة وقزازة مشروب غازي اتقاء شر البونبان مع ارتداء لشبط كاوتش لسهولة الجري مع الاخذ في الاعتبار ان المرقات الفاتت كلها ما جابت حق ما اريق في بوست واحد لي سالم احمد سالم وكمية الانفعال الكباهو فيهو ؟
|
|
|
|
|
|
|
|
Re: مجموعة ما مارقين الرمادية (Re: اساسي)
|
Quote: ايمانا منا بالظروف الوطنية الدقيقة التي ما فتى يمر بها الوطن كل يومين تلاتة , واملا منا في اسماع صوتنا للعالم , وحرصنا منا علي ان يكون موقفنا هذه المرة واضحا وجليا للجميع فقد توافقنا نحن الرماديون , والبيجيين , الماسكين ضنب الككو , وكلاب السرة ان ننضوى جميعا تحت راية "مجموعة شباب مامارقين الرمادية" |
أخونا أساسي الاساسي...
علم وسينفذ فورا...أي توجيهات/تعليمات/ توقيع؟
| |
|
|
|
|
|
|
Re: مجموعة ما مارقين الرمادية (Re: ابوبكر قسومة)
|
مجموعة شباب "الفورة مليون" اللديح ... تعلن دعمها وتأييدها للخط العام للتحالف الذى يجمعنا مع مجموعة "مامارقين" الرمادية ... (وانتو يا شباب مندوبكم بتاع يوم الخميس دا شارب شنو؟) ... ونهيب بالمواطنين "الشرفاء" فقط .... الحرص على إشعال الشموع اثناء مشاهدة المسلسل التركى المدبلج ...
(أبوبكر قسّومة ... عملتوا لينا شنو فى المناشير الما رسلناها ليكم؟)
... المهم ....
| |
|
|
|
|
|
|
Re: مجموعة ما مارقين الرمادية (Re: تبارك شيخ الدين جبريل)
|
تبارك (المتحالف مع مجموعة أساسي المعاهم أنا).
Quote: (وانتو يا شباب مندوبكم بتاع يوم الخميس دا شارب شنو؟) .. |
والله يا تبارك ما عارفين ..مشي يجيب (زيدان ابراهيم) جانا بالحالة دي. .
Quote: (أبوبكر قسّومة ... عملتوا لينا شنو فى المناشير الما رسلناها ليكم؟)
|
تم توزيع المناشير علي من لا يجب.
| |
|
|
|
|
|
|
Re: مجموعة ما مارقين الرمادية (Re: محمد البشرى الخضر)
|
امرق امشي معاهم , قلت ليك انحنا ما مارقين وما بتقعد معانا بنقك الكتيرة دي , هنا يا يا تمرق وديك بوستاط المرقة ولا ما تمرق تقعد هنا وتمجد في عدم المرقة .
ــــــ
يا قسومة ابشعيرات دا ما يمسكك ضنب الككو الانت اصلا ماسكو , ابشعيرات دا ما مضمون يا عمك غالاااات وتحالفاته ما مضمونه !! في زول بخت ليهو صورة بت عريانة صر ويتحالف مع انصار سنة ويدعم خطه العام !!!
| |
|
|
|
|
|
|
Re: مجموعة ما مارقين الرمادية (Re: اساسي)
|
بصفتي مناضل كيبوردي محترف أمرق أمشي وين؟ وأخلي الضل البارد دا لمنو؟
نحن ح ندعم خط "شباب لا للتغيير" و"شباب ما مارقين" و"شباب قرفنا من قرفنا" وكل المجموعات المنضوية تحت النظرية الرمادية حسب الفصل 15 الففقرة سبعة
| |
|
|
|
|
|
|
|