|
لـمـــا بـاكر تـمـرق الـنـاس للـشــوارع
|
لما باكر تمرق الناس في الشوارع وتضحك الشمس المغتغتة من سنين ينكشف حجم السواد يضرب الزيف بالصواقع وتنفتح كل المجاري ينهدم باب المنافذ ويتنفس العيش في المزارع لما باكر ينهزم ليل الملالي وتنكشف عورات دقون غاتسة في ترف العلالي وبرة ناسن عايشة في قمقم ضنك لا لاقية كسرة ولا ... جفت العين من مدامع لما باكر القروش تمرق براها من خزاين لا ذمم قرت قبيل ولا حليفة اصلو مبدا الحلفان مقسم للرواعي الفي الضهاري وللعقول السافرت شان تاكل نضيف حلفوهم بالمصاحف رغم انو في جبينهم ديمة باين انهم ناسن بتاكل من عرق نديان وصافي ولما باكر يمرق الناس في المداين في قلوبهم كم سنين مليانة بي كل الحزاين من حواري ومن مصانع لما باكر يختفي اللون الرمادي ويظهر اللون الروائع للجموع الهادرة في جوف الشوارع ويبقى تاريخ الحقيقة انو ما كل البيدخلو للجوامع جوة في جوفهم ضمير وانو ما كل البخطبوا في الجوامع بعرفو الزول الفقير وانو ما كل البيلزمو للجوامع بعرفو الدين العدالة النورو ساطع ولما باكر تنفتح كل الملفات ويظهر العفن المغلف بالضلال وتزكم الريحة الانوف يطرق الصوت المسامع نلقى ناسن كانو اطهر من نبي صارو اتفه من توافه وتبدا تتفتح مواجع يا بلد ما نحن هيلك لا بتغرينا المناصب لا بتخوفنا المدافع
|
|
|
|
|
|
|
|
Re: لـمـــا بـاكر تـمـرق الـنـاس للـشــوارع (Re: بشرى محمد حامد الفكي)
|
Quote: ولما باكر يمرق الناس في المداين في قلوبهم كم سنين مليانة بي كل الحزاين من حواري ومن مصانع لما باكر يختفي اللون الرمادي ويظهر اللون الروائع للجموع الهادرة في جوف الشوارع ويبقى تاريخ الحقيقة انو ما كل البيدخلو للجوامع جوة في جوفهم ضمير وانو ما كل البخطبوا في الجوامع بعرفو الزول الفقير وانو ما كل البيلزمو للجوامع بعرفو الدين العدالة النورو ساطع ولما باكر تنفتح كل الملفات ويظهر العفن المغلف بالضلال وتزكم الريحة الانوف يطرق الصوت المسامع نلقى ناسن كانو اطهر من نبي صارو اتفه من توافه وتبدا تتفتح مواجع يا بلد ما نحن هيلك لا بتغرينا المناصب لا بتخوفنا المدافع |
يا دكتور محمد الحسن يا زول سلامات
بكرة من شارع المدارس بفج غُبار السِكة مارس والخريف الشاشو لين من غيمو بَين جاي بي سرب النوارس لما يهطل ما بتقيف قدام سيولو لا عساكر لا متاريس لما بكرة الشعب يحلق للبزين ويقطعوا الراس الدراويش وبي دمو يعرض الف فارس بكرة في شارع المداس ويسطروا الشعرا الكراريس لا صباح تصبح مَكتف يا بلد لا ضلام ليلك مجرتق بالكوابيس تنوم وتصحي علي الوعد متكول عليك جسر العشم وعلقنا في الجسر الفوانيس في الصحوة حِلمك ما اتهدم الحلم جاثم في التضاريس
محمد الفاتح خالد
| |
|
|
|
|
|
|
Re: لـمـــا بـاكر تـمـرق الـنـاس للـشــوارع (Re: walid shingrai)
|
Quote: ولما باكر تنفتح كل الملفات ويظهر العفن المغلف بالضلال وتزكم الريحة الانوف يطرق الصوت المسامع نلقى ناسن كانو اطهر من نبي صارو اتفه من توافه وتبدا تتفتح مواجع يا بلد ما نحن هيلك لا بتغرينا المناصب لا بتخوفنا المدافع |
يسلم قلمك الأخ د. محمد حسن .. باكر سندق الصخور ونعبد للحرية طريق وجسور ودمت بالف خير ..
| |
|
|
|
|
|
|
Re: لـمـــا بـاكر تـمـرق الـنـاس للـشــوارع (Re: د.محمد حسن)
|
أخي الشاعر محمد حسن العمدة القصيدة جميلة، وأوزانك سليمة. فكرة القصيدة هي ما يضمره الغالبية الصامتة من أهل السودان، أي: ماذا يفعل لصوص النظام الحالي حين تكتظ الشوارع قريبا بالملايين بحثاعن غدأجمل؟ فهي إذن تأكيد لمواجع الملايين. من جانب آخر فإنني أرى ارتجالا في بعض مقاطع بالقصيدة أدى إلى تشابه الصور وتكرارها. بل إن بعض الأبيات شابها وضوح جردهامن الاندياح الشعري الجميل الذي بدأت به قصيدتك..أعطي مثالا: Quote: ويبقى تاريخ الحقيقة انو ما كل البيدخلو للجوامع جوة في جوفهم ضمير وانو ما كل البخطبوا في الجوامع بعرفو الزول الفقير وانو ما كل البيلزمو للجوامع بعرفو الدين العدالة النورو ساطع |
هذا وضوح أقرب إلى الخطابة. ولو أنه قيل بأسلوب أقرب إلى غموض الشعر وتماهيه لأضاف هذا المقطع صلابة إلى بنيان القصيدة. أعتقد أن القصيدة بحاجة لبعض التنقيح حتى تبدو أكثر جمالا مما هي عليه الآن! أكرر ..أن موسيقاك الشعرية جزلة، وفي القصيدة لمحات تجعل منها بقليل من التنقيح خريدة غاية في الجمال.
| |
|
|
|
|
|
|
Re: لـمـــا بـاكر تـمـرق الـنـاس للـشــوارع (Re: فضيلي جماع)
|
Quote: أخي الشاعر محمد حسن العمدة B] |
اخي الكريم فضيلي
انا لست محمد حسن العمدة انا محمد حسن محمد وشكرا لتشابه الاسماء الذي جعلك تشرف هذا المكان اتفق معك غي الاتي
Quote: هذا وضوح أقرب إلى الخطابة. ولو أنه قيل بأسلوب أقرب إلى غموض الشعر وتماهيه لأضاف هذا المقطع صلابة إلى بنيان القصيدة] |
ولكن وقصدت به المباشرة في الخطابة لكي يتسق مع الشعور الحماسي العام
Quote: أعتقد أن القصيدة بحاجة لبعض التنقيح B] |
اتفق معك
الف شكر ليك وصديقي من يهدي الي عيوبي
| |
|
|
|
|
|
|
|