|
بـاقـى مـن الـعُـمُـر كـم وجـْعـة ؟ شـان نـقـدر نـعـيـش بى هـدوء؟
|
معادلات إنسانية .. ( مزيداً من الملح على جُرح الأسئلة )
بـاقـى مـن الـعُـمُـر كـم وجـْعـة ؟ شـان نـقـدر نـعـيـش بى هـدوء؟ بـاقـى عـلى الخـدود كـم صفعـة؟ كـم حـِلـْمـاً مـزيـّف و خـدعـة؟ كـم خـطـو ف طريـق مـوبـُوء؟! بـاقى عـلى الـسكـك كـم فـوضى؟ شـان نـتـعـلــّم الـتـرتـيـب؟ و شـان يـصبـح طـريـق الـعـودة مـن هـذا الـتـردّى .. قـريـب ! بـاقـى عـلى الـضمـيـر كم سـقطـة؟ شـان نـضمـن شـريـفـنـا .. شـريـف! و نـاقـص الإبـتـذال كـم لـقـطـة؟ أو مـانـشـيـت رخـيـص كـم خـبـطة ؟ يـبـقى الـظـن معـافى .. عـفـيـف.. بـاقـى عـلى الأمـان كـم غـفـلة؟ شـان والِـد يـنـوم مـرتـاح؟ كـم طـفـلاً يـضـيع .. كـم طفلـة؟ شـان تـلـقـى الـبـراءة .. بـَراح بـاقى عـلى الـبـيـوت كـم فـُرقـة؟ شـان نـتـلـمّ فـى أهــداف كـم أزمـة ثـقـة؟ و كـم حـُرقـة؟ شـان صِدق الـصديـق يـنـشـاف بـاقـى مـن الـكـُـوَر كـم لــَعـبـة؟ شـان تـتـهـذ ّب الأعـصـاب و لى الـوطـن الـجـريـح كـم غـُربـة؟ كـم دمـّـاً يـسـيـل .. كـم نـكـبـة؟ شـان تـتـوحّـد الأحــزاب بـاقـى عـلى غـُنـاك كـم عـَدوى؟ شـان تـصبـح مُـغـنـّّـى نـبـيـل .. و شـان لى الـغـنـوة تـصبـح جـدوى تـبـنـِى الإحـتـرام لـى جـيـل بـاقـى عـلـى الـصفـوف كـم ذِلــّة؟ شـان يـتـغـيـّر الـشُّـبـاك يـمـوت آخـر مـوظـف (عـلــّة) مـا كـان بـلـقـى لـذ ّتــو إلا .. يـشـنـِق حـِلـْم فـى الأسـلاك .. بـاقـى عـلـى الـمـديـر كـم صفـقـة ؟ شـان يـهـجــر بـِطانـة الـسُّـوء و بـاقـى عـلى الأجـيـر كـم دفــقـة؟ مـن عـَـرَقــُو الـنـزف .. و يـدّوا؟ بـاقـى عـلى الـزعـيـم كـم كـِذبـة؟ بـعـدهـا يـنـصـِف الـبـُسـطـاء و بـاقـى مـن الـعـنـاد كـم حِـسـبـة؟ شــان نـتـدارك الأخـطـاء بـاقـى مـن الـجـدال كـم هـوجـة؟ شان الـمـركـبـات مـا تـقـيــف و لى سـيـل الحـسـد كـم مـوجـة؟ شـان تـبـقى الـقـنـاعـة رصيـف بـاقـى عـلى الـزفـاف كـم ورطة؟ شـان يـبـقى الـشـبـاب مـسـتـور .. و باقى مـن الـصَرِف كـم (رُبـطـة) شـان نـلـقـى الـجـمـيـع مـبـهـور .. بـاقـى عـلى العــزاء كـم وجـبة شان الـسُـتـرة فـى الـصيـوان؟ كـم شـوال و كـيـس ؟ كـم عِـلبـة؟ شان يـنـفـردوا بـى الأحـزان بـاقـى عـلى الـمـريـض كـم زحمـة؟ شـان يـقـدر يـغـمـّض عـيـن .. و لى قـلـب الطـبـيـب كـم لخـمـة؟ شـان لـى الـرحـمـة يـدفـع ديـن .. بـاقى عـلى العـيـون كـم دمعـة؟ لى الـروح كـم حـِلـِم مكـسـور .. و فـى اللـيل إنهـيـار كـم شـمعـة؟ مـن جــُمـلـة هـزايـم الــنــّور .. بـاقى عـلى الـفـؤاد كـم طعـنـة؟ بعـدهـا مـا يـخـاف مـن إيـد .. و بـاقى عـلى الـنـزيه كـم لـعـنـة؟ و يـطـلع مـن زمـن عــربـيـد؟ بـاقـى مـن الـفـُـرَص كـم واسـطـة؟ شـان نـدّى الـوظـيـفـة جـديـر .. و ( جـايـيـك مـن فـلان ) فـى اليافـطـة نـعـلـن رفـضهـا بـتـحـذيـر .. و تـصبـح لـى الـكـفـاءة فـى رابـطـة عـنـوانـا: " الـطمـوح بى خـيـر".. بـاقـى على الـبـطـون كـم لـبـْعـة؟ شـان تـدّى الـعـفـيـف حـقــّـو ... و لـى ورق الـضلال كـم طبـْعـة؟ و يـرجـع لـى الـقـلـم صِدقــو .. بـاقى مـن الـصباح كـم بـُكـرة؟ شـان تـعـرف شـمِـسْـنا طـلـوع .. و لى سـجـن الـدرج كـم فـكـرة؟ و يـدّى الإمـضاءْ لى مـشـروع شـان نـقـدر نـحـرّر بـذرة تـهـزم عـنـفـوان الجـوع .. بـاقـى عـلى الـبـنـود كـم غـلطـة؟ والـقـانـون يـصيـر مـيـزان؟ و مـا نـسـمـح لـروح مـنـحـطـّة تـهـدر قـيـمـة الإنـسـان و تـسـتـخـدم ذراع الـسـُـلـطـة فـى إذلال نـفـوس .. و أبـدان بـاقـى مـن ال .. خلاااااااااص يا حـسـرة! لـو أصبـح خـلاصنا بعـيـد و لـى الأسـف الـشـديـد.. الـحـُـفـرة لـسـّع كـل يـوم بـتـزيـد و الحـل بـبـدا مـن الـبـذرة.. ويـن الـبـذرة ؟ مـن غـيـر إيـد؟ هـِـنـا الإيـد .. إتـجـاه الـنـاس .. هـــِىْ فـكـرة و قـيـمـة .. هـِـىْ الإحـسـاس.. عـشـان كـده حـقــّو نـبـنـى مـسـار .... بـدون مـا نـلـبـس الأسـوار عـشـان نـقـدر نـشـوف مـشـوار .. نـسِـد فـى سكـتـو الـفجـوة.. و لـو سـألـونـا بـاقـى شـنـو؟ نـقـول بى كـل شـوق و إصرار: بـاقـى مـن الـحِـلـِم زى خـطـوة ْ شـان عـارفـيـن أنـحـنـا مـنـو ؟ و بـاقـى عـلى الـتـكـاتــُف .. سـطـوة ْ شـان فـاهـميـن هـدفـنا شـنـو ؟
محمد حسن السيّد ديسمبر 2010
|
|
|
|
|
|
|
|
|