|
Re: عاطف انيس بصحبة اوتار النيل .. يغني للحب و الثورة و السلام ١٩ فبراير. (Re: Salwa Seyam)
|
الصديق تاج السر
تحياتى و تحياتى عبرك لى عاطف أنيس
عندى طلب ياخ لوعندك فرصة تلاقى عاطف أنيس
دايرك ياخ تسألوا لى لو بقدر يدندن القصيدة الملحقة بالعود أو بأى آلة أخرى و يرسلها لى على ال Email
[email protected]
الطلب غريب، لكن القصيدة لها خصوصية بالغة بالنسبة لى و داير أهديها لشخص خاص و ممكن أدفع لأجل هذا الغرض و ما مهم اللحن يكون مطابق للحن المصاحب للعمل. و كما ستسمع
صوتى ما عندو علاقة بالغناء..
حقيقة حاولت ألقى طريقة توصلنى بى عاطف و فشلته، رغم وجودى هنا USA
شكراً كثير
علامة على الطريق
خليت علامة على الطريق و ثبته رسمك فى القلب زاهى و مرح..
رحلت بى حلمى الجريح و عارف هواك جواى كبير ما بنجرح
مسكون بى عِشقك متيمن مشيت و لوحت ليك مبهورة العيون بحرير السفر و أنا بالى فيك شهّّدته النيل و التراب وصلاتى ليك وعداً على أمشى و أجيك..
ما تحزنى بكرة ابتسامتك تعود تملأ المشارق بالبريق
ما بخاف عليك و أنا فى الغياب التراب الفيكِ من معدن صمود ما بفنى، بس بفنى الحريق و تفضل علامة على الطريق تضوى الغربة لى خطوات ساهيات بعيد، شان يرجعن و مسارات الصبر تفرهد طرب و تضج بالرحيق..
و ينزل من مسامك بلسماً يروى الأرض و يطيب الجرح العميق
مكتوب نعود نبنيك ذى ما بتحلمى تمضى الدموع و يرفرف الفرح الرشيق..
أصلوا العلامة على الطريق وطن عزيز ساقيهو نيل
و تبقى العلامة على الطريق عزة و شرف و أصل نبيل
و تبقى العلامة على الطريق جنة بى أطفال سمر راجيهم مستقبل جميل..
ُ
| |
|
|
|
|
|
|
|