|
|
 تعليق حول تصريحات البشير في لقائه بالمكاشفية أمس.
|
في لقائه أمس ببحري مع المكاشفية ، ومن خلال تصريحاته الحماسية قال الرئيس عمر البشير أن الجنوب لم ينفصل بسبب الشريعة الاسلامية وأن الحركة الشعبية وافقت على تطبيق الشريعة الاسلامية في الشمال حسب أتفاقية نيفاشا.
تعليق.
1- نعم أن موضوع الشريعة الاسلامية لم يكن السبب الاساسي في أندلاع ثورة الحركة الشعبية لتحرير السودان. وذلك بكل بساطة لأن الشريعة لم يتم تطبيقها عندما أندلعت الثورة المسلحة في الجنوب. ولكن موضوع الشريعة الاسلامية نفسه كان أحد الهواجس بالنسبة لأهل الجنوب ولقد تم نقاشه في مؤتمر جوبا عام 1947م وحذر خلاله أهل الجنوب ساسة الشمال بعدم تطبيق الشريعو الاسلامية أو فرض الثقافة العربية عليهم، حيث كان في ذلك الزمان وجود غير فعال لحركة الاخوان المسلمين التي كانت تدفع في ذلك الاتجاه.
2- نعم أتفاقية نيفاشا أعطت للحكومة بأن يحكم الشمال بالشريعة الاسلامية، ولكن البشير نسى أهم أمرين. الاول هو أن الحركة الشعبية كانت دائما تطالب بأن يكون للخرطوم العاصمة وضع خاص ويجب أن لا يحكم الخرطوم بالشريعة الاسلامية لأن العاصمة هي عاصمة جميع السودانين وليس عاصمة خاصة بالمسلمين فقط؟ والاهم من كل ذلك أن أتفاقية نيفاشا نفسها هي أتفاقية مؤقتة وأنتقالية كان الغرض منها أن توقف الحرب ونزيف الدم بين السودانين، وأعطائهم فرصة للتفكير مع بعضهم البعض، والعمل بين جميع الاطراف الى قيام سودان جديد يحفظ لجميع السودانين حقوقهم وأن يحدث تحول ديمقراطي حقيقي في السودان. كل ذلك لم يحدث وتمسك حزب المؤتمر الوطني بسلوكه الأحادي الدكتاتوري القديم وكان يريد أن يخدع الجنوبين ولكنهم تفاجؤا ووجدو أنفسهم أمام الامر الواقع وهو تنفيذ بنود الاتفاقية المتمثلة في البند الاخير، وهو تقرير المصير.
|
|
  
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: Deng)
|
الاخ الفاضل دينق
لك التحية و التقدير
كلامك فى المليان و صحيح 100% .
| Quote: الاول هو أن الحركة الشعبية كانت دائما تطالب بأن يكون للخرطوم العاصمة وضع خاص ويجب أن لا يحكم الخرطوم بالشريعة الاسلامية لأن العاصمة هي عاصمة جميع السودانين وليس عاصمة خاصة بالمسلمين فقط؟ والاهم من كل ذلك أن أتفاقية نيفاشا نفسها هي أتفاقية مؤقتة وأنتقالية كان الغرض منها أن توقف الحرب ونزيف الدم بين السودانين، وأعطائهم فرصة للتفكير مع بعضهم البعض، والعمل بين جميع الاطراف الى قيام سودان جديد يحفظ لجميع السودانين حقوقهم وأن يحدث تحول ديمقراطي حقيقي في السودان. |
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: الطيب رحمه قريمان)
|
دينق سلامات
يا أخي بالجد مبسوط أنك لسه موجود وقاعد
| Quote: نعم أتفاقية نيفاشا أعطت للحكومة بأن يحكم الشمال بالشريعة الاسلامية، ولكن البشير نسى أهم أمرين. الاول هو أن الحركة الشعبية كانت دائما تطالب بأن يكون للخرطوم العاصمة وضع خاص ويجب أن لا يحكم الخرطوم بالشريعة الاسلامية لأن العاصمة هي عاصمة جميع السودانين وليس عاصمة خاصة بالمسلمين فقط؟ والاهم من كل ذلك أن أتفاقية نيفاشا نفسها هي أتفاقية مؤقتة وأنتقالية كان الغرض منها أن توقف الحرب ونزيف الدم بين السودانين، وأعطائهم فرصة للتفكير مع بعضهم البعض، والعمل بين جميع الاطراف الى قيام سودان جديد يحفظ لجميع السودانين حقوقهم وأن يحدث تحول ديمقراطي حقيقي في السودان. كل ذلك لم يحدث وتمسك حزب المؤتمر الوطني بسلوكه الأحادي الدكتاتوري القديم وكان يريد أن يخدع الجنوبين ولكنهم تفاجؤا ووجدو أنفسهم أمام الامر الواقع وهو تنفيذ بنود الاتفاقية المتمثلة في البند الاخير، وهو تقرير المصير. |
طيب يا دينق ما مفترض يكون أصرار الحكومة على تطبيق الشريعة سبب للجنوبيين أنو الجنوبيين يتخلو عن الخرطوم
يا دينق الحكومة بتتغير ويمكن تجي حكومة وتلغي الحكومة المطبقة الشريعة دي
ثم أصلا يا دينق الشريعة في الشمال ما كانت مطبقة على الجنوبيين عادي الجنوبي كان بجي ماري لط وواقف ككو قدام قسم النظام العام مافي زول بسألو وكان مسموح ليهم يصنعو الخمرة في المعسكرات بتاعتهم دا طبعا شرح لفهمك الصغير عن الشريعة
يا دينق أنت عارف الشريعة دي كبيرة خالص ومشكلة الناس قايلنها هي الحدود والجلد وقطعين الرجلين بعدين ودي ما بخاف منها زول شريف ولا نزيه إلا مجرم بخاف من الحاجات دي
يادينق الشريعة فيها حاجات حلوه وحاجات كريمة ولو فهموها الجنوبيين كانو حا يقعنوا بيها لانها حاجة كويسة بس المشكلة في ناس مشوهنها وبخوفوا بيها الناس ساي كانها حاجة كعبة
يادينق شفت الشريعة تحكم تعاملي معاك وسلامي وطريقة وكيف طريقة مخاطبتك وكلها بتوجه الناس للطريق الصحيح وبتحفظ حقوق الغير مسلمين وبتديهم حقهم كامل
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: رؤوف جميل)
|
أوكي يا رؤف
| Quote: الحقوق يجب ان تكون مدنية غض النظر عن الدين |
وهل الشريعة ظالمة وحا تظلمهم
هم حا ياخدو حقوقهم كاملة في الجنوب مدنية معمار مساحة
ويكافحوا عشان تطبق عليهم القوانين البتناسبهم في الخرطوم
لكن يقولو نحنا انفصلنا عشان الحكومة عاوز تطبق الشريعة دا ما كلام دا وهسع الشريعة ما مطبقة وهم انفصلوا بي 99 في الميه
براهم اتخلو عن الخرطوم وخلوها
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: Deng)
|
Quote: طيب يا دينق ما مفترض يكون أصرار الحكومة على تطبيق الشريعة سبب للجنوبيين أنو الجنوبيين يتخلو عن الخرطوم
يا دينق الحكومة بتتغير ويمكن تجي حكومة وتلغي الحكومة المطبقة الشريعة دي
ثم أصلا يا دينق الشريعة في الشمال ما كانت مطبقة على الجنوبيين عادي الجنوبي كان بجي ماري لط وواقف ككو قدام قسم النظام العام مافي زول بسألو وكان مسموح ليهم يصنعو الخمرة في المعسكرات بتاعتهم دا طبعا شرح لفهمك الصغير عن الشريعة
يا دينق أنت عارف الشريعة دي كبيرة خالص ومشكلة الناس قايلنها هي الحدود والجلد وقطعين الرجلين بعدين ودي ما بخاف منها زول شريف ولا نزيه إلا مجرم بخاف من الحاجات دي
يادينق الشريعة فيها حاجات حلوه وحاجات كريمة ولو فهموها الجنوبيين كانو حا يقعنوا بيها لانها حاجة كويسة بس المشكلة في ناس مشوهنها وبخوفوا بيها الناس ساي كانها حاجة كعبة
يادينق شفت الشريعة تحكم تعاملي معاك وسلامي وطريقة وكيف طريقة مخاطبتك وكلها بتوجه الناس للطريق الصحيح وبتحفظ حقوق الغير مسلمين وبتديهم حقهم كامل |
عبد العزيز حسين عبد الرحيم.
سوف أتغاضى في ردي عليك على بعض الاستفزازت التي كتبتها هنا، وذلك من أجل الحفاظ على الحوار المفيد في البوست.
الجنوبين لم يتخلوا عن الخرطوم فقط بل تخلوا عن كل الشمال، وهذا كله يعود الى التفكير الاحادي لحكومات الشمال المتعاقبة التي لم تراعي التنوع الديني في السودان. الشريعة الاسلامية تم تطبيقها منذ عام 1983م. أتت الحكومة الانتقالية بعد الانتفاضة الشعبية عام 1984م بقيادة كل من عبد الرحمن سوار الذهب في المجلس العسكري الانتقالي والجزولي دفع الله كرئيس للوزراء ومن بعدهما الحكومة المنتخبة ديمقراطيا بقيادة السيد الصادق المهدي وأخيرا حكومة الانقاذ فلم يتغير الوضع ولم يتم ألغاء قوانين الشريعة. وطبعا كان كل حكومة لها طريقة معينة تطبق بها قوانين الشريعة الاسلامية بداية بقوانين شريعة الطوارئ والعدالة الناجزة، مرورا بنهج الصحوة والجمهورية الاسلامية وأخيرا بحملات الجهاد التطهيرية. ولقد دفع أبناء وبنات الجنوب أغلى ثمن لذلك، ولقد كانت قوانين الحدود موجهة ضدهم بطريقة متعمدة. وطبعا ذلك خلاف التفرقة على أساس ديني بين المواطنين و في فرص العمل أيضا. الشريعة كانت تطبق على أبناء الجنوب في الشمال وإذا أنت لا تعلم ذلك فهذه مشكلة كبيرة ترجع اليك أنت. وإذا سألت أي مسيحي أو جنوبي سوف يقول لك نفس رأي أنا. بعدين الناس كانت بتموت في الجنوب بالملايين بسبب الشريعة أنت تقول" ويمكن تجي حكومة" يعني عاوزنا نعتمد على الحظ ونستحمل؟ ده كلام لا يدخل العقل أبدا. أما موضوع الشريعة نفسها فهي لا تصلح لأن تكون مطبقة في بلد مثل ذلك السودان لأنه بلد متعدد الديانات. والشريعة الاسلامية لا تعدل لغير المسلمين وتظلمهم. بعدين أنت منوا القال لك الجنوبين لا يفهمون الشريعة؟ لماذا الاستخفاف بعقول الناس هنا؟ أنا شخصيا أفهم الشريعة الاسلامية أفضل من بعض المسلمين أنفسهم. وللمرة الثانية الشريعة الاسلامية لا تحفظ حقوق غير المسلمين في دولة المواطنة الواحدة.
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: Deng)
|
لماذا تراجعت الحركة عن ترشيح عرمان اذا كانت جادة فى احداث تغيير لأن هذا سؤال كبير جداً فقطنه يكشف تماماً ان الحركة الشعبية لم تكن يوماص مبدئية فى القضايا التى طرحتها بما فيها مفهوم السودان الجديد بالطبع القواعد الثورية الحقيقية ودكتور جون قرنق كان لديهم القدرة على ملامسة الأفق الفكرى والسياسى لهذه الأطروحة لكن بشكل عام أو التيار الغالب كان يسعى للوصول لأقامة دولة جنوبية مستقلة..
قصة الحكومات المتعاقبة دى على صحة بعض الكلام عنها وواقعيته لكنها أصبحت اسطوانة مشروخة لأن الشعب السودانى فى أنتفاضة مارس ابريل قدم للحركةة فرصة ذهبية لأن تتقدم وتصبح سنداً للشعب السودانى فاثرت البقاء فى الغابة ليس بفعل القراء الخاطئة فحسب ولكن لأسباب واجندة خارجية صارت الحركة معلقة بحبالها..
مثل هذا النقاش حاليا يمكن ان ندرجه فى مادة التاريخ وأنا شخصياً مرتاح جداً لأنفصال الجنوب وسعيد لأهل الجنوب بانهم اقاموا دولتهم واعتقد بان الحركة الشعبية كانت عبء على حركة التغيير فى شمال السودان أكثر من كونها ساهمت فى رفده وتقويته قد يختلف الأمر فى الجنوب بالطبع...لكن الأهم من ذلك أن محاولات أختبار مدى الأسى الشمالى والندم لأنفصال الجنوب قد لاتجد نجاحاً منك أخى العزيز دينق بمثل هذه البوستات لأن عقلنا هذه الأيام ممسر فى ميدان التحرير...
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: حاتم الياس)
|
Quote: لماذا تراجعت الحركة عن ترشيح عرمان اذا كانت جادة فى احداث تغيير لأن هذا سؤال كبير جداً فقطنه يكشف تماماً ان الحركة الشعبية لم تكن يوماص مبدئية فى القضايا التى طرحتها بما فيها مفهوم السودان الجديد بالطبع القواعد الثورية الحقيقية ودكتور جون قرنق كان لديهم القدرة على ملامسة الأفق الفكرى والسياسى لهذه الأطروحة لكن بشكل عام أو التيار الغالب كان يسعى للوصول لأقامة دولة جنوبية مستقلة..
قصة الحكومات المتعاقبة دى على صحة بعض الكلام عنها وواقعيته لكنها أصبحت اسطوانة مشروخة لأن الشعب السودانى فى أنتفاضة مارس ابريل قدم للحركةة فرصة ذهبية لأن تتقدم وتصبح سنداً للشعب السودانى فاثرت البقاء فى الغابة ليس بفعل القراء الخاطئة فحسب ولكن لأسباب واجندة خارجية صارت الحركة معلقة بحبالها..
مثل هذا النقاش حاليا يمكن ان ندرجه فى مادة التاريخ وأنا شخصياً مرتاح جداً لأنفصال الجنوب وسعيد لأهل الجنوب بانهم اقاموا دولتهم واعتقد بان الحركة الشعبية كانت عبء على حركة التغيير فى شمال السودان أكثر من كونها ساهمت فى رفده وتقويته قد يختلف الأمر فى الجنوب بالطبع...لكن الأهم من ذلك أن محاولات أختبار مدى الأسى الشمالى والندم لأنفصال الجنوب قد لاتجد نجاحاً منك أخى العزيز دينق بمثل هذه البوستات لأن عقلنا هذه الأيام ممسر فى ميدان التحرير... |
الأخ حاتم الياس.
نعم تراجع الحركة الشعبية عن ترشيح ياسر عرمان لم يكن موفقا، وأنا شخصيا كنت أعتقد أن ترشيح رئيس الحركة الشعبية سلفا كير كان هو الأفضل بالنسبة لمشروع السودان الجديد. ولكي تختبر الحركة الشعبية رد فعل المواطن الشمالي في هذا الترشيح. نعم في وجود القائد الأسطورة جون قرن لكان الوضع أختلف كثيرا. التيار الأنفصالي موجود داخل الحركة منذ تأسيسها وهو دائما تهبط وترتفع أسهمه مع مجريات ومعطيات السياسة في السودان خصوصا السياسة الشمالية المتبعة لحكم السودان. ويجب أن لا تنسى حرص الجنوبين على شراء صحيفة الطيب مصطفى خال الرئيس البشير لمعرفة رأي الخال وأبن أخته فيهم. أما موضوع الحكومات المتعاقبة هذا هو مهم جدا، لأننا عندما نتحدث عن السياسات التي أتبعت بواسطة تلك الحكومات، نجدها هي التي أوصلتنا الى ما نحن فيه اليوم. وعندما رفضت الحركة الشعبية الحضور الى الخرطوم بعد أنتفاضة مارس أبريل عام 1984 ووصفتها بأنها مايو 2، كانت الحركة حكيمة جدا في قرار عدم حضورها أنذاك. لأن الشعب السوداني أكتشف لاحقاأن الحكومة الانتقالية كانت أسواء من حكومة مايو. بعد أن فصلت قانون أنتخابي غير عادل. وطبعا بعد أن فاز الكيزان ببواحد وخمسين مقعدا في الجمعية التأسيسية تمت مكافئة الجزولي دفع الله وسوار الدهب بمناصب رفيعة في منظمة الدعوة الاسلامية العالمية. أما حكومة الضادق المهدي التي كانت في حالة إئتلاف مح الحزب الاتحادي الديمقراطي فهي لم تفعل أي شئ حيال قوانين الشريعة الاسلامية التي سميت أنذاك بقوانين سبتمبر. بل كان هنالك من يدافع عليها داخل الحزبين(عبد الله محمد أحمد والدكتور حسين أبوصالح).
كما ترى في هذا النقاش أنا لا أتحدث عن التاريخ ولكني أزكر الرئيس السوداني الذي كان يخطب في الناس أمس، أريد تزكيره بالحقائق. لأننا يا حاتم تعودنا على أن يتم تزوير وتحريف التاريخ حسب هوى الحكام. لا أعتقد أن الحركة الشعبية كانت "عبئ" على أحد. ولكن أحزاب الشمال كما تعرفها أنت ضعيفة ومترهلة وضربها شيخوخة حقيقية وهي غير قادرة على فعل أي شئ.
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: Deng)
|
شكرا دينق
على الذكر ...زفان الذكرى تنفع المؤمنين...فعلها تنفهم.
تعجبني قرأتك الحيصفه للحدث...وحرصك ان توضح لهم مدى صحيان الجنوبين
وقرأتهم ما بين السطور.
وانه حتى لو تم الانفصال ما حيثمح لهم يكتبوا التاريخ بمزاجهم فالجميع مصحصحين!
يا عبد العزيز
اتقي الله ...الشريعه ليست حدود الخمر كما اعترفت
عدم عدلاتها لا تسمح للمسيحي برئاسة الدوله وهذا من حقه.
بقية تطاولك على محجوب عبد الله جقوي تتقي الله فيمن لا تعرف
يغيظك طبعا جدا ان دارفوري مسلم يتقدم ليشهد بان الشريعه لا تعطي
حقوق لغير المسلمين.....فانتم مبسطوين كنتو لتروجيات دارفور الداويه و المحايه!
وفات عليكم انه دارفورين كثر لا زالوا يتمسون بدينهم لكنهم واعين جدا
للاستغلال السياسي للدين ويرفضونه!
محجوب هذا الذي تطاولت ووصفته بالسكير انت لا تعرف تقواهوا الحقه؟؟!!
ويحمد ربه انه لا يتاجر بتدينه!
فتهذب وين من ربك لو انت مؤمن حقا وانت توزع الاتهامات بهذه البساطه
على بشر لا تعرفهم؟؟!!
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: علي جلاس)
|
| Quote: [ا دينق أنت عارف الشريعة دي كبيرة خالص ومشكلة الناس قايلنها هي الحدود والجلد وقطعين الرجلين بعدين ودي ما بخاف منها زول شريف ولا نزيه إلا مجرم بخاف من الحاجات دي] |
و الشعب السوداني شاف شنو من الشريعة غير الكلام ده
بالاضافة لكدة, الشريعة مطبقة من ثلاثين عام و ما قدرت توقف الفساد
و في ظلها صار السودان من أفسد الدول في العالم
و الشريعة ما منعت القائمين على أمرها من النهب و هبر أموال المساكين بالجملة و القطاعي
في ظل الشريعة تم تعذيب الآلاف في بيوت الأشباح و باشراف قادة التنظيم الاسلامي
و في ظل الشريعة ظلم السودانيين و نكل بهم أبشع تنكيل
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: محمد النيل)
|
| Quote: انظر كلامه عن شرب المريسة صبحا والتى اراد بها الاساءة الى اهلنا فى غرب السودان |
يا جلاس
انظر كلامه عن شرب المريسة صبحا كفطور والتى اراد بها الاساءة الى اهلنا فى غرب السودان
لو اخترت ان تغلق عينيك عن ما كتب
لا جناح عليك
اما الاساءة فلا داعى لها
فانت لا تعرف اعمالى يا رجل
حليك فى اطار ادب الحوار
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: Deng)
|
الأخ دينق سلامات
Quote: و الشريعة ما منعت القائمين على أمرها من النهب و هبر أموال المساكين بالجملة و القطاعي
في ظل الشريعة تم تعذيب الآلاف في بيوت الأشباح و باشراف قادة التنظيم الاسلامي
و في ظل الشريعة ظلم السودانيين و نكل بهم أبشع تنكيل |
كلام الأخ عبدالعزيز فيه تجنى واضح وعدم دراية بما يكتب وتعميم وتنميط وعنصرية بائنة
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: حسن حماد محمد)
|
هييي
يا سيد مجمر
أسمع هنا ما عندك شغلة بي الكلام البنقوله هنا
هسع عاين سيد البوست الفاضل المحترم دينق ما قال حاجة وما علق
يعني أنت حا تكون أحسن من دينق .. ما اظن دينق دا أحسن زول وحلو كمان
ما عندك شغلة محجوب دا بعرف أنا قاصد شنو وما بخرخر ولا بزعل وهو بعرف يدافع عن نفسه كويس ويوقفنا متين وينتقدنا متين
أطلع منها وكت ما فاهم الكلام
وبعدين وكت منصب نفسك راصد عنصرية وكلام فارغ ياريت نجي نلقاك لمن المنتبة خالتو فرنصا دي تتجلي عقدها العنصرية وتنبذنا وتنبذ اجدادنا وتطعن في أصولنا
خليك قريب بجيب ليك هسع كوم عنصرية وعاوزين نشوف فلاحتك يا الفالح
نسخة للشاطر حسن حماد
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: عبدالعزيز حسين عبدالرحيم)
|
الخالة العزيزة تراجي
Quote: شكرا دينق
على الذكر ...زفان الذكرى تنفع المؤمنين...فعلها تنفهم.
تعجبني قرأتك الحيصفه للحدث...وحرصك ان توضح لهم مدى صحيان الجنوبين
وقرأتهم ما بين السطور.
وانه حتى لو تم الانفصال ما حيثمح لهم يكتبوا التاريخ بمزاجهم فالجميع مصحصحين!
|
شن عرفك زي ما قال خالد كودي
بعدين أتقي الله القرأن ما بكتبوه كدا
{وَذَكِّرْ فَإِنَّ الذِّكْرَى تَنفَعُ الْمُؤْمِنِينَ }الذاريات55
انتي زاتك ما عارفه أنها آيه في القران وجايه تتفاصحي ساي
بعدين أطلعي من الدور بتاع الوصي علي الجنوبيين دا الموضوع انتهي الناس ديل خلاص انفصلوا وما عندنا معاهم
إلا الجيرة الطيبة
طبعاً تراجي في فهمها الصغير أنو الجنوبيين ديل ما بفهموا وناس ناقصين عقل وزي الاطفال ويمكن استغلالهم كمطايا وهي
معينه نفسها وصية عليهم ومفتكره أنها قاعدة تدقسهم ولمن تديهم كلمة طيبة وتتظارف معاهم ويردوا عليه بي كلام
كويس انها خلاص بقت زعيمة فوقي يا خالة
Quote: يا عبد العزيز
اتقي الله ...الشريعه ليست حدود الخمر كما اعترفت
عدم عدلاتها لا تسمح للمسيحي برئاسة الدوله وهذا من حقه.
|
شن عرفك برضه
وبتعرفي الشريعة من وين أنتي يعني عشان كضبتي قلتي قارية قانون في النيلين صدقتي كضبتك دي
طيب يا الفالحة ما ياهو دا سيلفاكير كان نائب الرئيس ومافي زول قال حاجة وكان ممكن يترشح لي منصب الرئيس ولو
كان زول كويس واجتهد كان بقى الرئيس بس يقنع الناس
هسع الواحد يقول ليك جيبي دليل على عدم سماح الدولة برئاسة الدولة تجي تقوقلي وتجقلبي لانك ما عارفه حاجة
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: عبدالعزيز حسين عبدالرحيم)
|
Quote: ما عندك شغلة محجوب دا بعرف أنا قاصد شنو وما بخرخر ولا بزعل وهو بعرف يدافع عن نفسه كويس ويوقفنا متين وينتقدنا متين
أطلع منها وكت ما فاهم الكلام
وبعدين وكت منصب نفسك راصد عنصرية وكلام فارغ ياريت نجي نلقاك لمن المنتبة خالتو فرنصا دي تتجلي عقدها العنصرية وتنبذنا وتنبذ اجدادنا وتطعن في أصولنا
خليك قريب بجيب ليك هسع كوم عنصرية وعاوزين نشوف فلاحتك يا الفالح |
اولا يا عبد العزيز انا وجهت ليك اتهام مباشر ولكن بطريقة مهذبة وواضحة وليست فيها فالح و ما الى ذلك من الفاظ
الاوصاف العنصرية لا تصلح للهظار ولا بالتندر فيها هنا فى مكان عام على الملأ
بعدين تعال ما هذا الكلام المهين بحق البشر و من هى خالتو فرنصا؟
مثل هذه الاوصاف لا تصلح هنا يا عبد العزيز و تطويل اللسان على البشر لن يحل لك قضية
احسن شئ لو غلط الانسان أن يراجع نفسه و يعتذر لها اولا قبل الآخرين و صدقنى لا ينفع تبريرك هنا ان الآخرين تعدوا عليك
الاحترام للناس واجب يا عبد العزيز
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: هشام المجمر)
|
الأخ دينق،
تحياتي.
أسمح لي أن أختلف معك. فانا أري أن موضوع الشريعة سبب اساسي ليس لاندلاع موجة التمرد الثالثة فحسب، بل هو سبب أساسي لتقسيم السودان وانفصال الجنوب.
فقد ظلت حركات التمرد المسلح في الجنوب وبإستمرار، تستبق تغيرا سياسيا كبيرا وشيك التحقق في السودان. إذ لا يفوت على الدارس للحركة السياسية السودانية إن يلاحظ بأن موجة التمرد الأولى عام 1955 قد استبقت، موعد تقرير المصير وقرار الإستقلال عام 1956. وهذا يعنى إن الجنوب يرفض إن يقرر الشمال مصيره وفى غيابه الكامل. فقد أصمت الأحزاب الشمالية آذانها عن سماع رأي الجنوبيين حول تقرير المصير والإستقلال. كما سوفت وراوغت بشأن مطالبة الجنوب بالنظام الفدرالي.
أما موجة التمرد المسلح الثانية عام 1963، فقد استبقت سقوط الحكم العسكري الشمولي الأول عام 1964، حتى تكون مستعدة للمشاركة في تقرير نظام الحكم بعد سقوط الدكتاتورية ومن موقف قوة. وهذا يدل على إن السياسي الجنوبي أقدر على القراءة الصحيحة للوضع السياسي في السودان من رصيفه الشمالي. فعندما بات سقوط السلطة العسكرية وشيكا، إستبق التمرد الحدث الكبير القادم.
وكذا جاءت موجة التمرد الثالثة عام 1983، مستبقة التحول الكبير تجاه أسلمة الدولة في السودان على يد جعفر محمد النميرى، بإعلانه تطبيق الشريعة الإسلامية عام 1984.
ويتضح ألآن أن المشاريع السياسية الكبرى في السودان، ومن خلال نظرتها ذات الإتجاه الواحد قد أوجدت ظاهرة السلطة الشمولية والإنقلاب العسكري كما أوجدت ظاهرة الحرب الأهلية والتمرد المسلح. فالعقل السياسي الجنوبي، قد بات متيقنا بإن الجنوب والمواطن الجنوبي لا مكان له ضمن المشروعين السياسيين الأقرب للتحقق والأقدر على التجلى في السلطة، وإنه لابد له من الإعلان عن رفضه للمصير الذي يقرره له، وفى غيابه، كلا المشروعين. لإن هذا المصير لا يهدف إلا لتغيير هوية الإنسان الجنوبي بإتجاه الأسلمة والتعريب. لهذا ندرك ألإن جزع الفعآليات السياسية الجنوبية كلما اقترب موعد تحول كبير في مسيرة الحركة السياسية السودانية. فلا يوجد إنسان على ظهر الأرض مستعد للتنازل عن هويته العرقية والثقافية عن طيب خاطر. إذ أن كل إنسان يرى أنه لا يوجد في الكون هوية عرقية افضل من هويته ولا ديإنة أعظم من ديإنته ولا ثقافة أفضل من ثقافته. هكذا خلق الله البشر مختلفين ولو شاء لجعلهم أمة واحدة.
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: حامد بدوي بشير)
|
شوف يا سيد هشام
خليني أخد من كلامك اهم حته
Quote: احسن شئ لو غلط الانسان أن يراجع نفسه و يعتذر لها اولا قبل الآخرين و صدقنى لا ينفع تبريرك هنا ان الآخرين تعدوا عليك
|
الأعتذار بنعرفه كويس وما بنخت راسنا في المخدة قبل ما نراجع نحنا غلطنا وين ونمشي نصلح غلطنا
المشكلة في امثالك البجي يعمل لينا في الناظر والناصح الامين ويفكها فينا
يا سيد مجمر كلامك لو عندك فهم زايد ومدفق ووجهة نظر نبيلة زي دي عليك الله اكتبها في مقاله طويلة وتعال نزلها في موضوع موجه للسيدة خالتو فرنصا الهي تراجي مصطفى لأنو المره دي ما بتعرف الاعتذار وما عندها غير الكضب والعنصرية والافتراء على خلق الله وخصوصا النساوين لانو هي أولى بي الكلام دا مني أوكي وبرضه بالمره نحنا حا نقرى ونستفيد كمان
كدي تابع خالتو فرنصا دي شوية كدا وبص شوف فرنصا بتعمل إيه ولو عاوز مساعدة ممكن نمدك بي اقتبساسات فنانه
----------------
الفاضل دينق
تقبل اعتذار واسفي وندمي على اللخبطة الحصلت في البوست دا وبختك طل عليك مفكر جهبز السيد حامد بدوي وتستاهل كل الخير
| |
|
|
|
|
|
|
|
|
|
Re: تعليق حول تصريحات البشير في لقائه بالمكاشفية أمس. (Re: Deng)
|
| Quote: الجنوبين لم يتخلوا عن الخرطوم فقط بل تخلوا عن كل الشمال، |
انا شايف الموضوع دة الان ما عنده اي فائدة والدولة الان بقت دولتين ونقاش الموضوع باعتباره اثر علي الجنوبيين في خياراتهم ما مفيد
الجنوبيون اختاروا خلاص
والشريعة معظم المسلمين الباقيين في الشمال دايرنها
وبي اخوي واخوك كدي ما شايف ليها الغاء تاني
شوفوا حاجة تانية
بعدين الان الخطاب مع مواطني الدولة الجديدة باعتبارهم شئ مختلف ما فيه عنصرية ابدا لان التقسيم الان مبني على الدول لا على العرق
وانا شايف النتيجة دي مريحة لكل الاطراف ومافي بعد ده زول بيشعر انه حقوقه مهضومة او بيعامل معاملة غير لائقة لانه الان كل جهة بي كامل حقوقها في دولتها والسلام
مبرووووووووووووك علي الجنوبيين دولتهم
ومبارك علي الشماليين فك الترلة من ضهرم وانا شايف النتيجة صفر - صفر ولا في غالب ولا مغلوب
| |
|
|
|
|
|
|
| |
Deng
الطيب رحمه قريمان
Mahjob Abdalla
حاتم الياس
معتز القريش
Tragie Mustafa
هشام المجمر
علي جلاس
Mustafa Muckhtar
jini
محمد النيل
حسن حماد محمد
حامد بدوي بشير
توفيق عبد المجيد
ebrahim_ali
فيس بوك
تويتر
انستقرام
يوتيوب
بنتيريست